Утрово во центарот на Минхен, во близина на Нацистичкиот центар за документација и Генералниот конзулат на Израел, дошло до пукање, при што едно лице било убиено.

„Во областа Каролиненплац, полициските сили пукаа кон сомнително лице и лицето беше погодено“, извести полицијата на социјалната мрежа Икс.

Не е познат идентитетот на убиениот. Полицијата соопшти дека полицајците на терен забележале лице кое изгледало дека носи оружје. Имало пукање во кое едно лице е убиено. Полицајците не се повредени.

Засега нема информации за можни други осомничени. Полицијата ги повика граѓаните да ја избегнуваат областа. Сообраќајот е блокиран на местото на настанот.

На социјалните мрежи е објавено видео на кое се слушаат бројни истрели.

Schüsse vor dem israelischen Generalkonsulat in München. Das NS-Dokuzentrum ist direkt nebenan. pic.twitter.com/k1r819o9Rj

— Ronen Steinke (@RonenSteinke) September 5, 2024

The post Пукање пред израелската амбасада во Минхен, напаѓачот е убиен appeared first on Република.

Германската полиција привела осум климатски активисти кои упаднале на аеродромот во Минхен. Аеродромот по два часа повторно почнал со работа, но можни се доцнења на некои летови.

Шест климатски активисти се залепија на две места на пистата на аеродромот во Минхен. На еден од транспарентите пишуваше „Проблемот е владата, а не нашиот празник“.

Протестот беше организиран од климатската група „Лас џенерејшн“ (Last Generation), која и претходно имаше вакви акции.

Поради протестот на климатските активисти од аеродромот во Минхен беа откажани 60 летови.

The post Се залепиле на пистата: На аеродромот во Минхен приведени осум климатски активисти appeared first on Република.

Расштимана делегација во Минхен.Со овие зборови пратеникот од ВМРО-ДПМНЕ, Антонио Милошоски го коментира на Фејсбук настанот на кој присуствуваше и македонска делегација на безбедносната конференција во Минхен на која главни теми беа руската агресија врз Украина и ситуацијата на Блискиот Исток.

„Сериозни теми, сериозен протокол со присуство на делегации од многу држави. Но, само една делегација личи на расштиман оркестар – за жал, тоа е македонската делегација. Имено, според дипломатските правила, една држава на меѓународна конференција не може истовремено да ја претставуваат претседателот на државата и премиерот, бидејќи и двајцата го имаат највисокиот ранг – шеф на држава и шеф на влада. Како шеф на делегацијата оди или претседателот, или оди премиерот, но никако двајцата заедно. Во случајот со Македонија, на конференцијата во Минхен, присутен е и Претседателот Пендаровски, а истовремено таму е и техничкиот премиер Талат Џафери. Двајцата имаат по неколку соработници во нивна придружба. Згора на тоа, со група свои соработници таму е и министерот за надворешни Османи, оној кој би требало да му укаже на премиерот дека двоглави делегации на една иста конференција не праќаат ниту државите кои служат за потсмев на меѓународата сцена“, напиша Милошоски на социјалните мрежи.

Тој додава дека оваа дипломатска грешка го открива непознавањето на протоколот од страна на техничкиот премиер, но истовремено е и недомаќинското триплирање на буџетските трошоци.

„Двоглавото претставување ќе биде за потсмев кај другите делегации кои лесно ќе забележат дека во Македонија не постои координација меѓу трите кабинети (Претседател, Премиер, МНР) кои се задолжени за надворешната политика. Замислете колку бил зачуден британецот Сер Стјуарт Пич, специјен пратеник за Западниот Балкан, кого и претседателот Пендаровски и техничкиот премиер Џафери го сретнаа на две одвоени средби, како патувањето до Минхен да им е последното патување во кариерата. Или можеби Сер Стјуарт Пич веќе знае дека во Македонија кавгата за казината на ДУИ со “европско знаменце” е побитна од координацијата меѓу претседателот, премиерот и министерот за надворешни за нормално меѓународно претставување на државата?!“, стои во статусот на Милошоски на ФБ.

The post Раштимана двоглава делегација во Минхен: Отидоа и премиерот и претседателот, а таму беше и Османи appeared first on Република.

Генералниот секретар на НАТО, Јенс Столтенберг денеска изјави дека НАТО е воено посилен од Русија, како и дека Алијансата станала посилна од порано.

„НАТО е најсилната воена сила во светот денес. Ние претставуваме, грубо кажано, околу 50 отсто од вкупната светска воена сила. И ние сме воено посилни од Русија. Во исто време, верувам дека војната во Украина покажа дека има некои сериозни недостатоци. На пример, кога станува збор за одржување, едно е што секој има напредни системи за оружје, но им требаат и резервни делови и одржување. Најблаго кажано, потребна е муниција“, рече Столтенберг на Конференцијата за безбедност во Минхен.

Тој истакна дека целта на НАТО е да „спречи војни“ и да не дозволи Москва погрешно да ја процени подготвеноста на НАТО да ги брани своите членки и повтори дека нападот врз една членка на Алијансата ќе значи одговор од целата алијанса.

„Се додека таа порака и е јасна на Москва, ниту еден член нема да биде нападнат. Значи, нашето одвраќање е веродостојно и не гледаме никаква воена закана против сојузниците во НАТО. „Нашиот фокус не треба да се префрли од помагање на Украина, бидејќи не мора да зборуваме исклучиво за државата НАТО“, рече Столтенберг.

Тој посочи дека по руската анексија на Крим во 2014 година, НАТО ги зголеми трошоците за одбрана.

„Оваа година очекуваме 18 земји-членки да ја исполнат квотата од два отсто од БДП трошоците за одбраната. Тоа е зголемување од 2014 година, значителен пораст, бидејќи европските сојузници и Канада додадоа 600 милијарди долари во трошоците за одбрана. Дури и членовите кои се уште не се подготвени да издвојат два отсто од БДП ќе го сторат тоа наскоро“, рече Столтенберг.

Тој истакна дека на почетокот на војната во Украина, Алијансата ги исцрпила своите резерви, кои сега се на ниско ниво, но дека се фокусира на тоа како да го зголеми производството.

„Имаме добри вести. Се градат нови фабрики, зголемено е производството, но итно треба да се направи повеќе. Така, мислам дека научивме сериозни лекции од војната во Украина. САД направија многу за да и помогнат на Украина, особено на војската, но сега проблемот е законот за помош на Украина во американскиот Конгрес, кој мора да биде донесен за да му се помогне на Киев. Ова има директно влијание на линијата на фронтот во Украина“, истакна Столтенберг.

Генералниот секретар на НАТО рече дека секоја недела чекање значи дека повеќе луѓе ќе бидат убиени на фронтот во Украина.

„Сепак, не е мое да давам совети како да се донесе закон во американскиот Конгрес, но она што можам да го кажам е дека од витално значење е САД да одлучат за пакетот помош за Украина, бидејќи таа помош ни е потребна, додаде Столтенберг.

The post Столтенберг: НАТО е посилен од Русија appeared first on Република.

Српскиот претседател Александар Вучиќ денеска, на маргините на Минхенската безбедносна конференција, се сретна со делегација американски сенатори со кои, како што напиша на својот Инстаграм профил, имал „долг, отворен и содржаен разговор“ и на кои им ја повтори својата загриженост за безбедноста и правата на српскиот народ на Косово.

Во делегацијата предводена од сенаторот Џин Шахин, член на Комитетот за надворешни односи на Сенатот и претседавач на поткомитетот за Европа, се и сенаторите Пит Рикетс и Крис Марфи.

Нагласив дека честата комуникација меѓу Србија и САД, како исклучително важен партнер на нашата земја, е од клучно значење за зајакнување на врските меѓу нашите земји и решавање на клучните прашања од заеднички интерес, напиша Вучиќ на Инстаграм.

Тој рече дека ја повторил „големата загриженост за безбедноста и правата на српскиот народ на Косово и Метохија, нагласувајќи ја важноста од заштита на нивните интереси и услови за нормален живот, особено имајќи го предвид последниот потег на Приштина, со кој се укина динарот како легитимно средство за плаќање со што на непромислен начин е загрозена егзистенцијата на српското население“.

Вучиќ рече дека ја нагласил потребата од продолжување на дијалогот „за да се решат сè поголемите притисоци со кои секојдневно се соочува српскиот народ на Косово и Метохија и дека им се заблагодари на САД за поддршката во изнаоѓањето мирно и одржливо решение. на ова прашање“.

Како што додаде Вучиќ, разговарале и за билатералните односи, прашањата за регионалната стабилност и актуелната геополитичка ситуација, како и за зајакнувањето на економската соработка и инвестициите во големите проекти што Србија ги започнува во рамки на „Егзо2027“.

Вучиќ им се заблагодари на САД за поддршката што и ја даваат на Србија на патот кон ЕУ, како и за определбата на Србија да продолжи со сеопфатниот развој на земјата во сите области.

The post Вучиќ се сретна со американски сенатори во Минхен appeared first on Република.

Министерот за надворешни работи, Бујар Османи, заедно со премиерот Талат Џафери, денес, во Минхен, ја посети базната станица во Генералниот конзулат на Македонија, каде што се врши фотографирање и земање биометриски податоци за издавање пасоши за нашите државјани.

Османи изјави дека пред него има речиси 300 пасоши на македонски државјани, кои се стигнати од Скопје и за кои фотографирањето било пред неколку недели.

„Пасошите на граѓани што се фотографирале на 26 јануари веќе се стигнати преку МНР и имавме можност да ги издадиме. Рокот за чекање се скратува значително“, рече Османи.

Посочи дека базните станици работат постојано, воведено е двосменско работење и се надева дека им се излегува во пресрет на граѓаните во однос на патувањата.

„Некои држави не прават проблем за доаѓање во Скопје, но сепак најбезбедно е да земат патен лист или да се фотографираат за нов пасош. Граѓаните што се враќаат со патен лист треба да се сигурни дека во Скопје имаат термин или ќе го добијат пасошот во рокот колку што може да останат оти враќањето ќе биде тешко ако немаат пасош. Сепак, најсигиурно е да се фотографираат во конзуларните претставнишва и да го добијат пасошот“, рече Османи.

Додаде дека не е совршено, постојат предизвици со оглед на тоа што голем број граѓани бараат нов пасош, но се обидуваат со сите ресурси да им излезат во пресрет.

The post Oсмани од Минхен: Граѓаните да се фотографираат во конзулатот, ако дојдат во Скопје само со патен лист, тешко ќе се вратат без пасош appeared first on Република.

Претседателот на Владата на Република Македонија, Талат Џафери, во Минхен се сретна со вицепремиерката на Украина за европска и евроатлантска интеграција, Олга Стефанишина.

На состанокот заеднички се оцени дека безбедносното прашање на Украина е безбедносен предизвик за цела Европа и за меѓународната демократска заедница во глобални рамки. Од тие причини се изразија очекувања европската и светската демократска јавност да стојат заедно и едни до други како клучен предуслов за одбраната на глобалниот мир.

Премиерот Џафери истакна дека „Република Македонија веднаш и недвосмислено ја осуди агресијата на Руската Федерација врз Украина, поддржувајќи го украинскиот територијален интегритет. Исто така, застанавме стопроцентно на линија на политиките на Европската Унија во однос на надворешната и безбедносна политика. И како совесна членка на НАТО, ја пружаме потребната помош на Украина.“

Премиерот Џафери ја поздрави и одлуката на Европскиот совет да отвори пристапни преговори за членство на Украина во Европската Унија и отвори можност за споделување искуства во однос на евроинтеграцискиот процес и реформите потребни за приближување кон Унијата.

Премиерот Џафери напомена дека како земја-членка на НАТО остануваме посветени на политиката на отворени врати на НАТО и ја поддржуваме апликацијата на Украина за членство во НАТО. Украина беше, исто така, врвен приоритет и клучно безбедносно прашање при претседавањето на Македонија со ОБСЕ. Македонија работеше и се уште работи на обезбедувањето суштинска поддршка за Украина и нејзиниот народ, истакна премиерот Џафери.

The post Џафери – Стефанишина: Македонија е партнер на Украина и важен фактор во европската стабилност appeared first on Република.

Денеска, претседателот на Владата на Република Македонија, Талат Џафери ја започна својата агенда на годинешната Минхенска безбедносна конференција. Пред првите билатерални средби премиерот Џафери изјави:

„Од денес до недела се наоѓаме во Минхен заради следење на работите на Минхенската конференција за безбедност. Секако дека значењето на оваа конференција е во доменот на актуелните случувања во гео-стратешките и геополитичките случувања во светот. Фокусот главно се претпоставува дека ќе биде состојбата во Украина и секако проследена со состојбите во Блискиот Исток. Пропратно, тема ќе биде безбедноста и одбраната во Европа и улогата на Европа во тој контекст.

Секако значењето на конференцијата и како проследување на темата ќе биде и фактот дека во повеќе од 65 земји во светот, преку 2 милијарди граѓани ќе имаат можност на избори да ја искажат својата волја и секако дека тоа е од посебен интерес за да се обезбедат соодветни демократски предуслови за слободни, фер избори од кои ќе произлегуваат новите институции во соодветните држави.

Во оваа ситуација ќе ја имам можноста соодветно да имам и билатерални средби со повеќе колеги од другите земји кои учествуваат на конференцијата.

Оттука, пораката за соодветна соработка со сите нив и по однос на нашата состојба со документите ќе биде една од темите за која што ќе се разменуваат мислења со колегите со кои ќе ја имам можноста да поразговараме билатерално.“

The post Џафери од Минхенската безбедносна конференција: Глобалниот мир и обезбедувањето фер и демократски избори за над 2 милијарди граѓани е приоритет на Владите од светот appeared first on Република.

Адел најави дека ќе настапи во Европа првпат од 2016 година, со серија од четири концерти во Минхен, Германија, ова лето.

Пред неколку месеци добив покана за летни концерти. Бев среќна со моите настапи во лондонскиот Хајд Парк и престојот во Вегас, па немав други планови“, се вели во објавата.

Пејачката во продолжение наведе голем број причини за одржување на концертите, кои се закажани за 2, 3, 9 и 10 август, вклучувајќи го и фактот дека УЕФА Европското фудбалско првенство во 2024 година ќе се одржи во Германија.

Не сум настапувала во Европа од 2016 година! Не можев да замислам поубав начин да го поминам летото и да ја завршам оваа прекрасна фаза од мојот живот и кариера со концерти поблиску до дома за време на едно толку возбудливо лето, додаде таа.

The post По пауза од осум години Адел ќе настапи во Европа appeared first on Република.

Поради замрзнат дожд кој ја зафати областа, аеродромот во Минхен денеска повторно суспендира летови.

Портпаролот на аеродромот потврди за ДПА дека сите писти се замрзнати поради замрзнат дожд. Нема да има полетувања или слетувања најмалку до пладне.

На онлајн распоредот на пристигнувања и полетувања на летовите на аеродромoт, сите наведени летови се откажани или одложени.

- Аеродромските писти и паркингот ќе бидат одмрзнати во првата половина на денот. Планот е да се овозможи воздушниот сообраќај да продолжи од пладне, соопшти аеродромот на својата веб-страница.

Сепак, се претпоставува дека повеќето летови во остатокот од денот исто така ќе мора да бидат откажани поради безбедносни причини.

Новиот прекин доаѓа само 48 часа откако аеродромот продолжи со работа по дводневното затворање поради обилните снежни врнежи.

The post Кој е во Минхен тешко ќе се врати со авион appeared first on Република.

Поради замрзнат дожд кој ја зафати областа, аеродромот во Минхен денеска повторно суспендира летови.

Портпаролот на аеродромот потврди за ДПА дека сите писти се замрзнати поради замрзнат дожд. Нема да има полетувања или слетувања најмалку до пладне.

На онлајн распоредот на пристигнувања и полетувања на летовите на аеродромoт, сите наведени летови се откажани или одложени.

- Аеродромските писти и паркингот ќе бидат одмрзнати во првата половина на денот. Планот е да се овозможи воздушниот сообраќај да продолжи од пладне, соопшти аеродромот на својата веб-страница.

Сепак, се претпоставува дека повеќето летови во остатокот од денот исто така ќе мора да бидат откажани поради безбедносни причини.

Новиот прекин доаѓа само 48 часа откако аеродромот продолжи со работа по дводневното затворање поради обилните снежни врнежи.

The post Аеродромот во Минхен откажа летови поради замрзнат дожд appeared first on Република.

Јужна Германија и натаму е делумно парлаизирана од големиот снежен бран што ја зафати викендов. Аеродромот во Минхен кој вчера беше во застој, денеска е отворен иако со одредени ограничувања, а железничкиот оператор Дојче Бан успеа да активира неколку клучни рути надвор од минхенската централна станица, пренесува ДПА.

Аеродромот во Минхен продолжи со работа откако беше затворен поради обилните снежни врнежи. Сепак, ќе има ограничувања во воздушниот сообраќај, соопштија аеродромските власти. Од патниците се бара да го проверат статусот на нивниот лет пред да дојдат на аеродромот.

Приврмениот прекин на авиосообраќајот во Минхен влијаеше на полетувањата и пристигнувањата на други аеродроми. Дел од летовите беа преземени од аеродромите во Франкфурт и Нирнберг.

Обилните снежни врнежи во Баварија го парализираа и железничкиот сообраќај. Дојче Бан ги предупреди патниците да очекуваат огромни ограничувања на железничкиот сообраќај во јужна Германија до понеделник. На патниците им се советува, утре да ги одложат сите патувања, освен неопходните, бидејќи состојбата предизвикана од снежниот бран, се уште не е нормализирана.

Се прават напори за оспособување на пругата на линиите Минхен-Нирнберг и Минхен-Штутгарт.

Поради обилните снежни врнежи, возовите покриени со снег не можеа да тргнат, а дел од пругите беа блокирани од дрвјата кои се урнаа под тежината на снегот.

Од неверемот не беше погодена само Баварија. Снегот и мразот предизвикаа проблеми и во некои области во северна Германија.

Синоптичарите соопштија дека не се очекува нов снег во Баварија, но ќе го има во источните ниски планински масиви и на Алпите. Во понеделник и вторниќ ќе се задржат и ниските температури кои ќе се спуштат до -15 степени.

The post Аеродромот во Минхен ги обновува летовите, железничкиот сообраќај во Баварија се уште во прекин поради снегот appeared first on Република.

Обилните снежни врнежи и ниските температури на аеродромот во Минхен предизвикале долготрајни одложувања и откажувања на над 100 летови, јави ДПА.

Околу 130 авиони во моментов не можат да полетаат или слетаат, изјавил портпаролот на аеродромот.

Според него, барем една од пистите на аеродромот мора да биде постојано чиста, а екипите да работат последователно на чистење на секоја писта од снег.

Патниците биле повикани да контактираат со нивните авиокомпании за да дознаат за тоа кои летови се откажани или одложени.

The post Хаос на аеродромот во Минхен: Поради обилниот снег откажани околу 130 летови appeared first on Република.

Пред окружниот суд вчера почна судењето на Милан Р.(53), државјанин на Босна и Херцеговина, за убиството на пензионерката Мира Костов (67), српска државјанка, во декември 2020 година во Минхен.

Како што пренесува Merkur.de, Милан Р. на почетокот на судењето изјавил дека по професија е машински инженер. Милан Р., беше обвинет дека ја убил пензионерката Мира Костов, ја ограбил и побегнал. На границата со Србија му ставиле лисици, а ДНК трагата под ноктите на жената го откри дека тој е сторителот.

-Половина од животот го поминав во затвор. Посакувам да можев да се вратам во времето - изјави во судот на вчерашното прво рочиште Милан Р., по што одби дополнително да ја изнесе својата одбрана.

Според обвинителството, за богатата пензионерка Милан Р. дознал од својот син, кој кратко време живеел со неа. По пристигнувањето во Босна и Херцеговина, неговиот син му раскажал за богата жена која поседува неколку имоти, и каде живеат градежни работници, чија кирија ја собира во готово.

-Стигнал во Минхен и отишол кај Мира Костов. Се качил преку оградата, ги отворил прозорците на приземјето, но Костов кој ја слушнала вревата застанала пред него. Со остар предмет ја удрил најмалку осум пати, додека таа не паднала на земја во локва крв. Тоа не му било доволно, па ја удрил во глава – се наведува во обвинението.

Адвокатот Харалд Баумгартл рече дека неговиот клиент не сака да ги коментира наводите во обвинението дека ја убил Костов убивал од алчност и за да ја прикрие кражбата.

Мира е по потекло од Србија, но имала и германско државјанство. Полицијата верува дека таа била убиена помеѓу 24 и 27 декември.Живеела сама во куќата. Меѓутоа, одвреме-навреме изнајмувала неколку соби, главно на луѓе од поранешна Југославија кои доаѓале во Минхен. Меѓутоа, сегашните станари биле отсутни за божиќните празници, а ја пронашол еден од нив кога се вратил во нејзиниот дом во неделата.

- Мира била пронајдена во кујната. Трупот бил во локва крв - пишуваат германските медиуми.

The post Почна судењето за убиството на „газдарицата од пеколот“ во Минхен: Убиецот со остар предмет ја удрил најмалку осум пати, додека таа не паднала на земја во локва крв appeared first on Република.

Германија и семејствата на израелските спортисти убиени во 1972 година на Олимписките игри во Минхен се договорија за отштета од 28 милиони евра, објави портпаролот на германското министерство за внатрешни работи.

Семејствата минатиот месец кажаа дека не се задоволни од последната германска понуда и најавија дека во знак на протест ќе ја бојкотираат комеморацијата во понеделник по повод 50-годишнината од терористичкиот напад.

Сојузната влада ќе даде 22,5 милиони евра, покраината Баварија уште пет милиони, а градот Минхен 500.000 евра, кажа портпаролот.

Вооружени Палестинци од радикалната група Црн септември грабнаа на 5 септември 1972 година членови на израелскиот тим во слабо чуваното олимписко село.

За време на заложничката криза која траеше 24 часа беа убиени 11 Израелци, пет Палестинци и германски полицаец.

The post Германија со 28 милиони евра ќе ги обештети семејствата на Израелците убиени на ОИ во Минхен appeared first on Република.

Неколку илјади луѓе учествуваа на денешниот собир во Минхен пред одржувањето на Самитот на Групата седум индустриски најразвиени земји во светот (Г-7) и побараа повеќе да се направи во борбата против климатските промени.

Собирот е одржан на повик на околу 15 невладини организации за заштита на животната средина и борба против нееднаквоста.

Организаторите на собирот очекуваа учество на околу 20.000 луѓе, додека според минхенската полиција учествувале од 3.500 до 4.000 лица.

Активистите носеа транспаренти на кои пишуваше „Имаме само една планета“ или „Нема повеќе обновливи извори на енергија“.

Самитот на Г-7 почнува утре во Елмау, Баварија и ќе трае до 28 јуни.

Земји-членки на Г-7 се САД, Канада, Јапонија, Германија, Велика Британија, Франција и Италија.

The post Во Минхен марш против Г-7 appeared first on Република.

Осум полициски возила изгореа во Минхен, неколку дена пред самитот на Г7 во Баварија.

Истрагата претпоставува дека пожарот е подметнат.

Интервентните полициски возила утрото биле паркирани пред хотелот во Минхен, каде што се сместени полицајците задолжени за обезбедување на врвот, изјавил за ДПА портпаролот на минхенската полиција.

Полицијата, набрзо откако се дознало за подметнувањето пожар, со хеликоптери тргнала во потрага по можните сторители, но засега безуспешно, изјави портпаролот. Се истражуваат и остатоците од целосно изгорените возила. Надлежните ја процениле штетата на шестцифрена бројка во евра. Во инцидентот нема повредени.

Ова не е прв инцидент поврзан со средбата во замокот Елмау, која започнува во недела и поради која веќе се воведени највисоките безбедносни мерки. Вчера се дозна дека некој се меша со кутиите за дистрибуција на електрична енергија во зоната на зголемена безбедност околу местото на самитот. Има и графити со натписи како „Одложете го Г7“ или „Не за Г7“. Полицијата се сомнева дека овие злосторства се политички мотивирани.

Самитот на Г7 е планиран од недела до вторник во веќе херметички затворениот замок Елмау во близина на Гармиш-Партенкирхен.

Таму ќе се сретнат шефовите на држави и влади на САД, Велика Британија, Германија, Франција, Италија, Јапонија и Канада, предводени од германскиот канцелар Олаф Шолц.

The post Опожарени полициски возила во Минхен пред самитот на Г7 appeared first on Република.

Премиерите на Македонија и Грција, Димитар Ковачевски и Кирјакос Мицотакис попладне ќе имаат средба во Минхен на маргините на Конференцијата за безбедност, што впрочем ќе биде и прва нивна средба, јави дописничката на МИА од Атина.

Од кабинетот на грчкиот премиер соопштија дека Мицотакис во текот на денешниот ден ќе оствари низа средби меѓу кои и со премиерите на Македонија и на Албанија, со претседателката на Косово, со вицепремиерот на Израел итн.

Владината делегација на Македонија на 58-та Минхенска конференција за безбедност што ја предводи премиерот Димитар Ковачевски, ја сочинуваат заменик-претседателот на Владата за европски прашања, Бојан Маричиќ, министерката за одбрана, Славјанка Петровска и министерот за надворешни работи, Бујар Османи. Од прес службата на Владата соопштија дека за време на тридневната работа на конференцијата ќе учествуваат на повеќе централни и придружни настани во рамките на конференциската агенда, како и на повеќе заеднички и одделни билатерални средби.

Ковачевски и Мицотакис, на 31 јануари имаа телефонскиот разговор, а според соопштенијата од нивните кабинети, двајцата премиери се согласиле дека односите меѓу двете земји се на одлично ниво и дека ќе продолжи да се гради и зајакнува партнерството, ја констатирале взаемната волја за зајакнување на билатерални односи и билатералната соработка, со акцент на економскиот и трговскиот сектор и се договориле да се сретнат на маргините на Делфи Форумот во Грција на почетокот на април.

Сепак, нивната прва билатерална средба, доаѓа речиси два месеца порано.

The post Денеска прва средба на Ковачевски со Мицотакис во Минхен appeared first on Република.

Едно лице загина, а најмалку 30 други се повредени во судир на два регионални воза во близина на Минхен, соопшти германската полиција.

Несреќата се случила во Шафтларн, југозападно од главниот град на Баварија. Германскиот весник „Билд“ на својата веб-страница објави дека неколку десетици луѓе се повредени.

The post Најмалку еден загинат, над 30 повредени во тешка железничка несреќа предмалку кај Минхен appeared first on Република.

Обвинителството во Минхен истражува 42 случаи на недолично однесување на првите луѓе на германската Католичка црква во врска со новиот извештај за злоупотреба во надбискупијата Минхен и Фрисинг.

Портпаролката на канцеларијата Ен Леидинг за ДПА потврди дека истрагата е во тек.

Леидинг изјави дека адвокатската канцеларија „Westpfahl Spilker Wastl“ (WSW), која го подготви извештајот во име на надбискупијата, доставила 41 случај до канцеларијата на јавното обвинителство во август 2021 година и уште еден во ноември 2021 година.

-Тие исклучиво се однесуваат на црковните службеници кои се уште се живи и се дадени во строго анонимен формат, рече таа.

Доколку по оваа основа „се појават сомнежи во врска со потенцијално криминално однесување на одговорните црковни водачи“, рече таа, релевантните документи ќе бидат побарани од адвокатската канцеларија и доколку е потребно ќе бидат доставени до релевантните јавни обвинителства.

-Кои норми се прекршени според кривичното право се уште се истражува, додаде таа, пренесе ДПА. с

The post Обвинителството во Минхен истражува 42 случаи по извештајот за злоупотреби на деца во Католичката црква appeared first on Република.