Адвокатот на Никола Груевски Горан Каркински на денешните завршни зборови истакна дека нема ништо незаконски во изградбата на партиската зграда на ВМРО-ДПМНЕ и хотелот кои започнал да го гради АД Бетон. Уште помалку, вели адвокатот, поранешниот премиер имал некаква улога во тоа или пак правел притисок. Според Каркински, сите одлуки биле донесени од партиските органи.

„Обвинителството не презентираше било каков доказ и сведок за било каква комуникација, било какво договарање помеѓу Никола Груевски, претставници на БЕТОН АД Скопје, кое би донело корист на партијата, на штета на фирмата или на државниот буџет, или некакви предвидувања за идна помош, како што не видовме ниту доказ и сведок за тоа дека и Кирил Божиновски го сторил тоа во комуникација со фирмата БЕТОН АД Скопје“, истакна Каркински.

Според адвокатот, најголем доказ за тоа дека во овој случај нема ништо незаконски е изјавата на сопственикот на АД Бетон Минчо Јорданов дека не се чуствува измамен и оштететен и оти верувал дека изградбата на хотелот ќе има профит за неговата компанија.

Јорданов немал никаква блискост со партијата, па затоа нема причина да нешто прикрива. Сопственикот на Бетон АД Скопје Минчо Јорданов беше сведок на овој процес и ако имало било што незаконско во овој процес или било каква злоупотреба тој би требало да е оштетен. Но, тој изјави дека не е оштетен и дека немало нешто нерегуларно и дека работел исклучиво на договор за кој имал проценка дека е во корист на неговата компанија, нагласи застапникот и укажа дека ако имало нешто незаконско тогаш Минчо Јорданов би требало да е обвинет, а не сведок.

The post Нема дело: Сопственикот на Бетон, Минчо Јорданов, не се чувствува измамено ниту оштетено appeared first on Република.

Три дена по објавата на документарниот филм „Швајцарски тајни“ којшто се објави на ИРЛ и МРТ1, Јавното обвинителство за гонење на организиран криминал и корупција ќе отвори предистражна постапка за сметките на Јорданов, Механџиски и Клинг, пишува ИРЛ.

По објавениот документарен филм како и истражувачките текстови во кои се содржани детали според кои двајца македонски бизнисмени поседувале приватни сметки во Швајцарија, а на кои сметки наводно се извршувале повеќемилионски трансакции, Oсновното јавно обвинителство за гонење на организиран криминал и корупција ќе ги проучи наводите и согласно своите надлежности отвора предистражна постапка по допрен глас , велат од обвинителството.

Случајот привлече внимание. Го гледавме филмот и очекуваме со нас ИРЛ да ги сподели своите информации, а во моментов обвинители веќе имаат отворено предистражна постапка и ги разгледуваат досега расположливите наоди , вели Русковска за ИРЛ.

The post Русковска: Отворена е предистражна постапка за сметките на Јорданов, Механџиски и Клинг appeared first on Република.