„Бендот на браќата Нуне“ и Мими Јовановска за прв пат заминуваат на турнеја низ Австралија, а со нив заминува и Дарко Билбиловски. Прво искуство и за нив, но и за нашинците кои ќе ја имаат привилегијата да ги слушнат во живо.  А според најавите и според она што досега го имаат сработено има и што да се слушне.

„Македонци, подгответе се за една поинаква забава, за нешто што многу ќе ви се допадне и што ќе го барате повторно“, се ветувањата на музчките ѕвезди,кои досега многу пати ја покажале нивната големина.

„Бендот на браќата Нуне“, Мими и Дарко заминуваат на покана на друштвото „Никола Карев“ од Мелбурн, друштво кое има традиција од половина век.  Турнејата ќе трае месец и половна, а планирани се  девет концерти.

Првиот концерт е закажан за 23 фебруари во Волонгог, следниот ден се во Сиднеј, на први март се во Квинбиен, за осми март во Мелбурн и на девети март во Џилонг. Во Мебурн, како град во кој им најмногу Македонци планирани се уште два концерти и тоа на 15 март, а последниот концерт ќе се случи во Перт на 23 март.

Како за прво патување во Австралија и прва соработка со „Никола Карев“ нашинците во Австралија треба да очекуваат нешто сосема ново и поразлично од она што се навикнати да го гледаат од другите гостувања.

Тие имаат сосема поразличен концепт на концерти, нивните настапи се во боја и подготвуваат музичко шоу кое ќе се памети. Ќе се пее и свири исклучиво македонски песни и ора, секако забавни и народни. Песни од нашата богата ризница што одамнане ги слушнале.

-Ова е прва средба мегу нас и нашинците во Австралија. Затоа ќе биде забава за публика од 7 до 77. Од од танго до чочеци.  Сите жанрови на едно место, стари хитови, евергрини, но и модерна македонска музика. Затоа  обединете се Македонци, дојдете во што поголем број на забава каква што немаат видено до сега, порачуваат музичарите.

На настапот секако ќе има нивни авторски песни, инструментали,  песни Васка до Есма.

Дека по многу нешта публиката во Австралија им значи покажува и фактот што  Мими нејзината најнова песна „Мајко“ за прв пат на жив настап ќе ја промовира токму пред австралиската публика.

„Мајко“ е песна посветена за сите нашинци кои се далеку од дома, за сите кои морале да ги напуштат родителите и да заминат во светот, што е приказна во која ќе се пронајдат тие, кои ја доживеале истата судбина.

https://www.youtube.com/watch?v=QmMgFDMt6iI

The post Новата песна „Мајко“, Мими ќе ја промовира во Австралија на прва турнеја со „Бендот на браќата Нуне“ и Дарко Билбиловски appeared first on Република.

25 ФЕВРУАРИ (САБОТА), 20:00 ч.

МИМИ

(Mimi)

Игран филм, Македонија / Хрватска / Црна Гора

2002, 100 мин., колор, ДЦП

Режијa: Даријан Пејовски (Darijan Pejovski)

Сценарио: Даријан Пејовски (Darijan Pejovski)

Улоги: Наталија Теодосиева, Тамара Ристоска, Оливер Митковски, Петар Мирчевски, Владимир Петровиќ (Natalija Teodosieva, Tamara Ristoska, Oliver Mitkovski, Petar Mirchevski, Sashko Kocev, Vladimir Petrovikj)

МИМИ е психолошка драма за девојка која, потисната од родовите предрасуди во родниот крај, доаѓа да живее во Скопје. Работи во трафиката кај својот вујко и повремено ќе се заинтересира за некој од муштериите.

Се запознава со екстровертната  Сара и меѓу нив се раѓа пријателство што набрзо преминува во многу повеќе од искрено дружење без обврски. Минатото, болно и таинствено, заради кое побегнала во метрополата, пополека ѝ се враќа на Мими, ја мачи и опседнува.

Оваа копродукција е втор игран филм на режисерот Пејовски, а својата премиера ја имаше на филмскиот фестивал „Синедејс“ во Скопје, а досега е прикажуван на филмските фестивали во Пула, Братислава и Херцег Нови.

Возрасна категорија: 16 години

Влезница: 100 денари

25 ФЕВРУАРИ (САБОТА), 17:00 ч.  

НЕВЕРОЈАТНИОТ МОРИС

(The Amazing Maurice)

Анимиран филм, Германија / В. Британија / САД

2022, 93 мин., колор, ДЦП

Режија: Тоби Генкел, Флоријан Вестерман (Toby Genkel, Florian Westermann)

Сценарио: Тери Росио, Тери Пречет Тоби Генкел (Terry Rossio, Terry Pratchett, Toby Genkel)

Гласови: Хју Лори, Емилија Кларк, Дејвид Тјулис, Гема Артертон (Hugh Laurie, Emilia Clarke, David Thewlis, Gemma Arterton)

Филмот ја раскажува приказната за Морис, голема мачка која зборува и патува од град во град, нудејќи им се на жителите да ги реши нивните ненадејни проблеми со стаорци.

Морис го запознава Кит, младо момче кое знае многу добро да свири на флаута и има орда послушни стаорци. Морис се здружува со него, и кога Кит ќе засвири, стаорците маршираат надвор од градот, на олеснување на граѓаните. Морис и парите добиени од благодарниот град одеднаш исчезнуваат: тој се појавува на пристојно растојание да ги преброи парите со Кит и стаорците!

Стаорците на Кит не се обични големи глувци – тие зборуваат и носат облека и сонуваат за рајски остров каде стаорците и луѓето живеат заедно во мир. Сè оди добро со нивната измана со „страшните стаорци“ додека не дојдат до градот Бед Блинц. Таму ја сретнуваат девојка опседната со книги, Малиција, која ги води во авантура да ја решат мистеријата на нејзиниот град…

Тоби Генкел е автор и на анимираниот филм ЈАКАРИ И ВЕЛИЧЕСТВЕНОТО ПЕРО: СПЕКТАКУЛАРНОТО ПАТУВАЊЕ (Yakari, le film / Yakari, a Spectacular Journey), во продукција на Белгија / Франција / Германија (2020), кој го имавме на кинотечната програма во 2021 година.

Возрасна категорија: 8 години

Влезница: 150 денари

The post „Мими“ на Даријан Пејовски вечерва во Кинотека appeared first on Република.

Македонскиот долгометражен игран филм „Мими“ на режисерот Даријан Пејовски, во продукција на „Скопје Филм Студио“, од 13. октомври ќе се почне да се прикажува во киното “Синеплекс“ во трговскиот центар “Скопје Сити Мол“, во кино „Милениум“ во ГТЦ Скопје и во дел од градовите низ Македонија.

“Мими“ е психолошка драма за девојка која, потисната од родовите предрасуди од родниот крај, доаѓа да живее во Скопје. Се запознава со eкстровертната Сара и меѓу нив се раѓа пријателство што набрзо преминува во опсесија.

Улогите ги толкуваат: Наталија Теодосиева, Тамара Ристоска, Оливер Митковски, Петар Мирчевски, Сашко Коцев, Владимир Петровиќ, Стефан Спасов и други.

“Мими“ е втор долгометражен филм на Даријан Пејовски, кој во својата филмска биографија како режисер ги запиша “Три дена во септември“ (2015), неколку краткометражни филмови, а работеше и на ТВ-сериите “Фамилија Марковски“, “Инсајдер“ и “Преспав“. Филмот е копродукција на Скопје Филм Студио со “Maxima Film“ од Хрватска и “Giggling Goat Production“ од Црна Гора.

Направен е со поддршка од Агенцијата за филм на Македонија, ХАВЦ - Хрватскиот аудиовизуелен центар и Филмскиот центар на Црна Гора.

“Мими“ го отвори овогодинешниот Фестивал на европски филм “Синедејс“ и беше прикажан во земјите копродуценти во рамките на Пулскиот филмски фестивал и фестивалот во Херцег Нови.

...

[Message clipped] View entire message
9
Attachments
• Scanned by Gmail

The post Од 13. октомври во кината во Македонија ќе се прикажува македонскиот филм „Мими“ на Даријан Пејовски appeared first on Република.

Работите се случуваат ненадејно, но важно е културата да опстои, рече режисерот Даријан Пејовски синоќа на премиерата на филмот „Мими“ во рамки на отворањето на Фестивалот на европски филм „Синедејс“.

„Мими“ е втор долгометражен филм на Пејовски, за кој тој го напиша и сценариото.

Пред седум години токму на „Синедејс“ премиерно беше прикажан дебитантскиот филм на Пејовски, „Три дена во септември“, кој го отвори фестивалот и тогаш доби награда за најдобро сценарио на „Синедејс“. Вториот филм на Пејовски, „Мими“ повторно е во натпреварувачка програма.

„Мими“ е сниман во 2020 години, во ек на пандемијата на ковид. И покрај тешките услови во кои работела екипата, следејќи ги сите ковид-мерки, Пејовски кажа дека ковидот добро му дошол, бидејќи благодарение на мерките и карантините, тој и директорот на фотографија, Дејан Димески и Игор Тошевски, кој е автор на сценографијата, практично сами шетајќи по празните скопски улици ги одбрале локациите за снимање на филмот.

Темите кои ги обработува филмот се универзални. Филмот раскажува за Мими која ги напушта своите родители и болното минато од родното место, за да студира во Скопје. Ја запознава Сара – млада мајка со богат но насилен сопруг. Работејќи во киоскот на вујко ѝ, и како бебиситерка за Сара, Мими копнее по единственото што не може да го има – мајчинството.

Главните улоги ги толкуваат Наталија Теодосиева и Тамара Ристоска, аво филмот уште играат и Оливер Митковски, Петар Мирчевски, Сашко Коцев, Владимир Петровиќ, Стефан Спасов.

Продуцент на филмот е Томи Салковски, а копродуценти се Дамир Терешак и Марко Јакимовиќ.

Режисерот Пејовски е и автор на сценариото, кинематограф е Дејан Димески, сценографијата е на Игор Тошевски, костимограф е Емилија И. Атанасовска, Ива Куробаса работи на шминка и фризура, Александар Пејовски е автор на оригиналната музика, монтажата е на Владимир Павловски и дизајнот на звукот на Игор Поповски.

Филмот е копродукција на Скопје Филм Студио со Maxima film од Хрватска и Giggling goat production од Црна Гора, и е направен со поддршка од Агенцијата за филм, ХАВЦ – Хрватскиот аудиовизуелен центар и Филмскиот центар на Црна Гора.

По скопската премиера, „Мими“ ќе има светска премиера на Пулскиот филмски фестивал, чие 69. издание ќе се одржи од 16 до 24 јули.

The post Работите се случуваат ненадејно, но важно е културата да опстои, рече режисерот Даријан Пејовски на премиерата на филмот „Мими“ appeared first on Република.

Патријархатот е насекаде околу нас. Ние жените сè уште сме во секојдневна борба за еднаквост и права и не само во парламентите и владите туку и во школо, на факултет, на улица, па дури и онаму каде треба најбезбедно да се чувствуваме - дома. „Машкиот свет” и ден денес создава правилници за тоа што е најдобро за нас жените, вели во интервју за „Република“ актерката Наталија Теодосиева, која го толкува главниот лик во филмот „Мими“, чија македонска премиера е закажана за 7 јули, на отворањето на 21. издание на Фестивалот на европски филм „Синедејс“.

„Мими“ е втор долгометражен филм на режисерот Даријан Пејовски, кој го напиша и сценариото за филмот. Премиерата ќе се одржи на отворено, на кровот на ГТЦ, во рамки на „Синедејс“  кој оваа се одржува под мотото „Од високо подобро се гледа“.

По скопската премиера, „Мими“ ќе има светска премиера на Пулскиот филмски фестивал, чие 69. издание ќе се одржи од 16 до 24 јули.

Главните улоги во филмот ги толкуваат Наталија Теодосиева и Тамара Ристоска, а во филмот уште играат и Оливер Митковски, Петар Мирчевски, Сашко Коцев, Владимир Петровиќ, Стефан Спасов. Продуцент е Томи Салковски, а копродуценти се Дамир Терешак и Марко Јакимовиќ.

Кинематограф е Дејан Димески, сценографијата е на Игор Тошевски, костимограф е Емилија И. Атанасовска, Ива Куробаса работи на шминка и фризура, Александар Пејовски е автор на оригиналната музика, монтажата е на Владимир Павловски и дизајнот на звукот на Игор Поповски.

Филмот е копродукција на Скопје Филм Студио со Maxima film од Хрватска и Giggling goat production од Црна Гора, и е направен со поддршка од Агенцијата за филм, ХАВЦ – Хрватскиот аудиовизуелен центар и Филмскиот центар на Црна Гора.

Теодосиева (31) е театарска и филмска актерка која јавноста ја запозна преку ликот на Родна, во филмот „Врба“ на Милчо Манчевски, а претходно играше и во „Втора шанса“, „Исцелител“, „Љубовникот“, „Преспав“...За улогата во театарската претстава „Мојот маж“ на Драмски театар таа доби награда за најдобра актерка на Фестивалот „Војдан Чернодрински“, а играше и во „Крал Иби“ и „Магбет“ во МНТ и Драмски. Од неодамна е вработена во театар Комедија.

Наталија, со Тамара Ристоска ги толкувате главните улоги во „Мими“, вториот долгометражен филм на Дарјан Пејовски, чија премиера е закажана за отворањето на Синедејс. Секогаш е радост кога македонски филм отвора филмски фестивал кај нас. Какви се вашите очекувања?

ТЕОДОСИЕВА: Многу трпеливо ја чекавме премиерата на овој филм и мислам дека сите сме и возбудени, но и смирени во одност на очекувањата, бидејќи уште на снимањето знаевме дека сме завршиле добра работа. Целата екипа, на чело со Тамара и Даријан многу умешно си ја завршија задачата. Верувам и очекувам дека „Мими” ќе биде успешен филм и позитивно прифатен од публиката.

[caption id="attachment_523618" align="alignnone" width="1600"] Портретирањето на Мими за мене беше радост и предизвик[/caption]

Може ли да ни кажете нешто повеќе за улогата која ја толкувате во филмот?

ТЕОДОСИЕВА: Мими е девојка која несомнено бега од стегите и притисоците кои и се наметнуваат во нејзината околина. Тоа е пред сè така затоа што е жена од која се очекува да ги исполини должностите како таква, и покрај тоа што преживува тежок абортус поради кој има трајни последици, таа започува нов живот, се запишува на факултет во поголемиот град, се угледува на девојка која е растена во сосема поинакви околности и го променува својот изглед. Сакајќи да избега од тоа што била претходно, нејзините нерационални потези ќе ја направат негативец во сопственото креирање на нова и подобра верзија од себе. За мене портретирањето на ваков карактер беше радост и предизвик.

Во најавата за „Мими“ се вели дека фокусот во филмот е на два женски лика и дека „Мими“ претставува повик за освестување на одредени аспекти од личноста на секој еден од нас. Што кај вас смени Мими?

ТЕОДОСИЕВА: Па не мислам дека баш нешто особено промени, можеби повеќе ме наведе да ги разбирам намерите на оние во кои општеството покажува со прст, им се смее, ги навредува или ги суди и покрај тоа што не ги познава нивните моментални емотивни и психички состојби. Ние навистина не знаеме кои болки, борби и трауми ги носи во себе секоја индивидуа што нè разминува на улица, па дури, понекогаш и оној кој е блиску до нас или седи во соседната соба.

[caption id="attachment_523609" align="alignnone" width="1600"] „Машкиот свет” и ден денес создава правилници за тоа што е најдобро за нас жените[/caption]

Дали „Мими“ е филм за површноста и лажните фасади што ги покажуваме пред другите?

ТЕОДОСИЕВА: Па да, меѓу другото и е филм за лажните фасади, за механизмите со кои се служиме за да придобиеме некого, маските кои ги ставаме за да се допаднеме некому и за лажните лица кои ги креираме за да не нè открие околината и блиските додека ги реализираме плановите кои не секогаш се добронамерни.

Колку и да не ги сакаме оние поделби на „машки“ и „женски“ филм или литература, како Вие би го оцениле „Мими“?

ТЕОДОСИЕВА: Со оглед на тоа дека сценаристот, а во овој случај и режисерот, раскажува приказна преку призма на женски лик, кој е во постојана врска со друг женски карактер, меѓудругото и проблемите со кои двете жени во филмот живеат и се борат, дефинитивно го прават женски филм, филм кој многу јасно зборува дека жената сè уште живее под крилото на патријархатот и мизогинијата.

Ја живееме третата деценија на 22. век, но дали уште владее машкиот свет и патријархат?

ТЕОДОСИЕВА: Да, владее, патријархатот е насекаде околу нас. Еве го најновото случување од светот, одземањето право на абортус во САД како што и вие кажавте во третата деценија на 21.век. Ние жените сè уште сме во секојдневна борба за еднаквост и права, и не само во парламентите и владите туку и во школо, на факултет, на улица, па дури и онаму каде треба најбезбедно да се чувствуваме - дома. „Машкиот свет” и ден денес создава правилници за тоа што е најдобро за нас жените.

[caption id="attachment_523514" align="alignnone" width="960"] Теодосиева: Ние жените сè уште сме во секојдневна борба за еднаквост и права[/caption]

Оваа година заедно со Марија Апчевска и Ханис Багашов бевте дел од програмата „Берлинаре таленти“. Какво искуство понесовте и што имаше ново да се научи?

ТЕОДОСИЕВА: Присуствувањето на ваков тип програми или работилници, каде интензивно се пренесуваат различни искуста и знаења од колеги речиси од целиот свет, можат да бидат прилика за понатамошни интернациоални соработки, но сепак она што е неминовно дека го добивам од таму е чувството на зрелост во однос на тоа каде и која сум јас како актерка, кои се моите граници и како можам да ги поминам. „Берлинале талентс“ дефинитивно ме научи дека никогаш нема да отстапам од моите идеали и желби, ми покажа колку е важна присутноста и ангажманот кој го даваш во процесот.

Досега сте соработувале со едни од најзначајните филмскии режисери, како Милчо Манчевски, Ѓорче Ставревски, Пејовски, Марија Џиџева, Игор Иванов Изи...Задоволни сте како се развива вашата кариера?

ТЕОДОСИЕВА: Работа на филм е малку повеќе среќа и по тоа би рекла дека сум имала к’смет да работам со овие режисери и се радувам поради тоа. Особено со тоa што дел од овие филмови се дебитантски, доживеале голем успех, па сум имала прилика да бидам дел и од нивиот почеток како што и тие ми дале повод за мој почеток. И одговорот на Вашето прашање е дека сум многу задоволна и би сакала постојано да е вака.

[caption id="attachment_523613" align="alignnone" width="1600"] Работа на филм е малку повеќе среќа, а јас имав к’смет да работам со одлични режисери[/caption]

Кои се вашите следни проекти и планови?

ТЕОДИСИЕВА: Летово ќе биде посветено на „Мими”. После премиерата на „Синедејс“ следува премиера во Пула на филмскиот фестивал каде што заедно со Тамара Ристоска и Даријан Пејовски ќе имаме прилика неколку дена да бидеме таму и да го искористиме времето за фестивал до максимум. И се разбира никаде без театарот, па така, се надевам веќе при крајот на летото ќе почнеме со подготовки на мојата прва претстава како ново вработена во Театар Комедија.

разговараше: Александра М. Бундалевска

фото: Александар Ивановски

The post „Мими“ е филм кој јасно зборува дека жената сè уште живее под крилото на патријархатот и мизогинијата appeared first on Република.

„Мими“, вториот долгометражен филм на Даријан Пејовски, на седми јули, на кровот на ГТЦ ќе го отвори 21. издание на Фестивалот на европски филм, „Синедејс“ кој го организира Младинскиот културен центар (МКЦ). Оваа година Фестивалот се одржува под мотото „Од високо подобро се гледа“, ќе трае до 14 јули, а ќе бидат прикажани педесетина филма.

Фестивалот се затвора со премиерата на „Нема да си сама“ во режија на Горан Столевски, кој што го сврте вниманието на светската филмска јавност по премиерата на „Санденс“, најголемиот фестивал на независен филм во САД.

Пред седум години токму на „Синедејс“ премиерно беше прикажан дебитантскиот филм на Пејовски, „Три дена во септември“, кој го отвори фестивалот и тогаш доби награда за најдобро сценарио на „Синедејс“. Вториот филм на Пејовски, „Мими“ повторно е во натпреварувачка програма.

По скопската премиера, „Мими“ ќе има светска премиера на Пулскиот филмски фестивал, чие 69. издание ќе се одржи од 16 до 24 јули.

Освен што станува збор за главни женски ликови и во „Три дена во септември“ и во „Мими“, се работи за многу различни филмови. Во „Мими“ ликовите се многу поамбивалентни, многу повеќе се вкоренети во ова секојдневние кое го живееме, оттаму не сте секогаш сигурни дали навивите за вистинската страна секогаш. Многу лесно оваа приказна може да се претвори во источноевропска социјална драма, меѓутоа јас се обидов да ја раскажам малку поинаку. Скопје е претставен како се чувстувам јас кога е во прашање нашиот град. Се работи за ликови кои играат улоги коишто не си ги одбрале самите. Затоа се и жени главните ликови и како навидум нормализирани ситуации доведуваат до трагичен крај, вели режисерот Пејовски.

„Мими“ е сниман во 2020 години, во ек на пандемијата на ковид. И покрај тешките услови во кои работела екипата, следејќи ги сите ковид-мерки, Пејовски кажа дека ковидот добро му дошол, бидејќи благодарение на мерките и карантините, тој и директорот на фотографија, Дејан Димески и Игор Тошевски, кој е автор на сценографијата, практично сами шетајќи по празните скопски улици ги одбрале локациите за снимање на филмот.

Сакавме да го доловиме самиот филм и ликовното обликување на филмот и нашиот град, Скопје, во некое друго светло, кое не е својствено за него, рече директорот на фотографија, Димески.

Тошевски признава дека работеле во специфични услови, а околносите биле предизвикувачки.

Имав среќа да го видам филмот и мислам дека може да се гордееме со она што сме го постигнале, рече Тошевски.

Темите кои ги обработува филмот се универзални, велат од екипата.

Филмот раскажува за Мими која ги напушта своите родители и болното минато од родното место, за да студира во Скопје. Ја запознава Сара – млада мајка со богат но насилен сопруг. Работејќи во киоскот на вујко ѝ, и како бебиситерка за Сара, Мими копнее по единственото што не може да го има – мајчинството.

Признавам дека лагодно течеше градењето на ликот на Мими во филмот. Кога го запознав Пејовски на кастигнот, видов дека точно знае што сака. Му верував и меѓу нас имаше голема доверба. Мими е девојка која доаѓа од помал град, со надеж дека ќе се оттргне од стегите и притисоците што ги прави околината. Ликот има многу трансформации. Тамара Ристоска, која го глуми ликот на Сара многу ми помогна, бидејќи таа веќе беше во поделата на улогите. Таа отвори нови врати за мене, како да го градам ликот и како заедно ние двете ги градевме ликовите во филмот, изјави актерката Наталија Теодосиева, која го глуми ликот на Мими во филмот.

Актерката Ристоска потенцираше дека е многу важно влијанието на режисерот.

Едно е како ќе те води, а друго е слободата што ти ја дава. Многу е важно за еден актер да му се дозволи да експериментира, импровизира со својот лик, рече Ристоска.

Покрај Теодосиева и Ристоска, во филмот уште играат и Оливер Митковски, Петар Мирчевски, Сашко Коцев, Владимир Петровиќ, Стефан Спасов.

Продуцент на филмот е Томи Салковски, а копродуценти се Дамир Терешак и Марко Јакимовиќ.

Режисерот Пејовски е и автор на сценариото, кинематограф е Дејан Димески, сценографијата е на Игор Тошевски, костимограф е Емилија И. Атанасовска, Ива Куробаса работи на шминка и фризура, Александар Пејовски е автор на оригиналната музика, монтажата е на Владимир Павловски и дизајнот на звукот на Игор Поповски.

Филмот е копродукција на Скопје Филм Студио со Maxima film од Хрватска и Giggling goat production од Црна Гора, и е направен со поддршка од Агенцијата за филм, ХАВЦ – Хрватскиот аудиовизуелен центар и Филмскиот центар на Црна Гора.

Овогодишниот филмски фестивал „Синедејс“ ќе се одржи на покривот на ГТЦ. Нуди домашна кинематографија во различни селекции, како што се SEE програмата, Гала програмата, МК Кратки. Организаторите најавија и богата ОФФ програма поврзана со македонската филмска индустрија.

The post По пауза од седум години филм на Даријан Пејовски повторно на отворање на „Синедејс“ appeared first on Република.

Со македонска премиера на новиот долгометражен филм „Мими“ на режисерот Даријан Пејовски, ќе се отвори 21. издание на фестивалот на европски филм Синедејс. Филмот ќе се прикаже на 7 јули на кровот на ГТЦ.

„Мими“ ќе има светска премиера на Пулскиот филмски фестивал, чие 69. издание ќе се одржи од 16 до 24 јули. Филмот е селектиран во Меѓународната програма на фестивалот, покрај десет други наслови.

Филмот е селектиран во SEE програмата на Синедејс и ќе се натпреварува за една од наградите.

Улогите во „Мими“ ги толкуваат: Наталија Теодосиевска како Мими, Тамара Ристоска, Оливер Митковски, Петар Мирчевски, Сашко Коцев, Владимир Петровиќ, Стефан Спасов и други.

Пејовски е автор на сценариото на филмот, Дејан Димески е кинематографер, сценографијата е на Игор Тошевски, Емилија И.Атанасовска – костимограф, Ива Куробаса - шминка и фризура, Александар Пејовски е автор на оригиналната музика, монтажата е на Владимир Павловски и дизајнот на звукот на Игор Поповски. Продуцент на филмот е Томи Салковски, а копродуценти се Дамир Терешак и Марко Јакимовиќ. Филмот е копродукција на Македонија, Хрватска и Црна Гора.

Мими ги напушта своите родители, и болното минато од родното место, за да студира во Скопје. Ја запознава Сара - млада мајка со богат но насилен сопруг. Работејќи во киоскот на вујко ѝ, и како бебиситерка за Сара, Мими копнее по единственото што не може да го има - мајчинството.

„Мими“ е втор филм на Пејовски, по „Три дена во септември“.

Годинашниот „Синедејс“ фестивал ќе се одржува до 14 јули под слоганот „Од високо подобро се гледа“ и ќе содржи повеќе од 50 филмови.

The post Македонска премиера на „Мими“ на Дарјан Пејовски за отворањето на 21. издание на „Синедејс“ appeared first on Република.