Сопственикот и претседател на лондонски Милвол, Џон Берилсон (70) загина во сообраќајна несреќа, објави денеска англискиот фудбалски клуб, кој настапува во Чемпионшип лигата, а изминатата сезона беше на чекор до плејофот за пласман во Премиер лигата.

Берилсон, кој е роден во Бостон, зад себе ги остави сопругата Ејми и децата Џенифер, Џејмс и Елизабет. Детали од несреќата не се познати, а англиските медиуми јавија дека станува збор за „трагична несреќа“.

Со колективно скршено срце и најдлабоко жалење ја објавуваме смртта на нашиот сакан сопственик и претседател, Џон Берилсон. Беше навистина голем човек, неверојатно посветен на своето семејство и личност со широка душа, топлина и добрина. Живееше исполнет живот, полн со бои и радост. Под негово водство Милвол постигна огромен успех и стабилност, соопшти клубот од Лондон.

Американскиот бизнисмен првпат се вклучи во клубот од Чемпионшип со седиште во југоисточен Лондон во 2006 година. Го презеде кога клубот испадна во третата лига, а изминатите години Милвол беше стабилен второлигаш.

The post Сопственикот на Милвол загина во сообраќајна несреќа appeared first on Република.

Загина сопственикот на Милвол, Џон Берилсон (70), потврди фудбалскиот клуб.

Засега не се познати деталите за несреќата, а клубот излезе со соопштение.

- Со големо неверување и тага ја информираме јавноста дека почина Џон Берилсон, сопственикот на клубот. Сите во клубот се со неговата сопруга Ејми и неговите три деца, како и со остатокот од неговото семејство. Ненадејната смрт на Џон ќе остави влијание врз сите оние кои имале среќа да го запознаат. Тој беше голем човек, неверојатно посветен на своето семејство и личност со голема дарежливост, топлина и добрина. Имаше исполнет живот, полн со бои и радост - се наведува во соопштението за медиумите на Милвол.

The post Загина газдата на Милвол appeared first on Република.