Израелските вооружени сили денеска соопштија дека убиле околу 90 милитанти и уапсиле 160 во операција во болницата Ал Шифа во Газа.

Ел Шифа беше најголемата болница во Појасот Газа пред војната и сега е една од ретките здравствени установи во северниот дел на енклавата која е барем делумно функционална. Во неа засолниште најдоа и раселените цивили.

„Во текот на изминатиот ден, војниците елиминираа терористи и пронајдоа оружје во болничката област, притоа избегнувајќи штета на цивили, пациенти, медицински тимови и медицинска опрема“, се вели во соопштението на вооружените сили.

Израелските сили упаднаа во болницата вчера, во раните утрински часови. Војската соопшти дека испратила специјални сили, поддржани од пешадија и тенкови, врз основа на разузнавачки информации дека болницата повторно била користена од милитанти.

The post Израелските вооружени сили соопштија дека убиле 90 милитанти во болницата Ал-Шифа appeared first on Република.

Девојка, чие безживотно, полуголо тело, снимено во камионет на припадниците на Хамас, додека милитантите седеле крај телото и славеле, идентификувано е како државјанка на Германија, Шани Лук, тату уметничка.

Оваа 30 годишна девојка, била на музичкиот фестивал кога ја заробиле терористите во Израел во моментот кога го извеле ненадејниот напад, во кој се убиени најмалку 480 и ранети повеќе од 3.000 луѓе.

Нејзиното безживотно тело фрлено е во приколка на камионет, а на снимките кои кружат по социјалните мрежи се гледа дека телото е унакажано, додека околу него група мажи, слават и плукаат на Шанин.

Хамас тврдел дека убиената девојка е израелски војник, но роднина на Шанин, Томасина Вејнтрауб Лук рекла за Дејли Мејл дека членовите на семејството ја препознале по тетоважите и фризурата.

The post Телото целосно унакажано, плукале по неа: Ова е Германката која е убиена во Израел appeared first on Република.