Кога размислуваме за најбогатите луѓе во светот, често се фокусираме на нивниот деловен успех, иновативност и способност да ги препознаваме можностите. Сепак, постои и интересна врска помеѓу богатството и хороскопските знаци. Некои астролози веруваат дека одредени знаци од Зодијакот имаат поголема предиспозиција за успех и богатство. Во продолжение прочитајте во кои хороскопски знаци често се раѓаат милијардери и милионери.

Јарец

Јарците се познати по својата амбиција, трудољубивост и дисциплина. Нивната способност да планираат и организираат често ги води до врвот на корпоративната скала. Еден од најпознатите милијардери Јарец е Џеф Безос. Јарците имаат неверојатна издржливост и трпение, што им овозможува доследно да работат кон своите цели, без оглед на пречките.

Бик

Биковите се познати по својата упорност, сигурност и практичност. Тие имаат природен талент за финансии и инвестиции, што ги прави одлични деловни лидери. Примери за богати Бикови се Марк Цукерберг, основачот на Фејсбук и Џорџ Клуни, кој покрај актерството, постигна значителен финансиски успех во претприемништвото. Биковите често се претпазливи и внимателни, што им помага да донесат мудри финансиски одлуки.

Лав

Лавовите се родени лидери со природна харизма и храброст. Нивната желба за признание и успех често ги води до истакнати позиции. Примери за богати Лавови се Лери Елисон, основачот на Oracle и Кајли Џенер, која успеа да изгради козметичка империја. Лавовите се самоуверени и не се плашат да ризикуваат, што често резултира со големи финансиски награди.

Вага

Вагите се познати по својата дипломатска природа, шарм и сталоженост. Нивните социјални вештини и способност да создаваат врски често им помагаат во деловниот свет. Примери за богати Ваги се Ралф Лорен, модниот дизајнер и Ким Кардашијан, која изгради империја во индустријата за забава и убавина. Вагите се вешти во преговорите и често ги привлекуваат луѓето со својот шарм, што им го олеснува патот до богатството.

Близнаци

Близнаците се познати по нивната приспособливост, разноврсност и комуникациски вештини. Нивната способност да размислуваат брзо и да се движат во различни ситуации често им помага во деловниот свет. Примери за богати Близнаци се Доналд Трамп, поранешен американски претседател и бизнис магнат и новинарот Андерсон Купер. Близнаците се одлични во вмрежувањето и создавањето нови деловни врски, што им овозможува да создадат бројни можности за финансиски успех.

The post Богати луѓе се раѓаат во Јарец, Бик и во уште три знаци – проверете дали сте предодредени appeared first on Република.

Францускиот бизнисмен, Бернар Арно, кој има контролен пакет акции во холдингот „LVMH“, водечки светски производител на луксузна облека, е на првото место на ранг листата на најбогати луѓе во светот.

Според објавената листа на милијардери на „Блумберг“, богатството на Арно изнесува 215 милијарди долари и од почетокот на годината е зголемено за седум милијарди долари.

На второ место е основачот и поранешен извршен директор на „Амазон“, Џеф Безос, чие богатство се проценува на 198 милијарди долари.

Основачот на „Тесла“ и „Спејс Икс“, Илон Маск е на трето место со 194 милијарди долари.

Меѓу десетте најбогати луѓе во светот се и основачот на „Мета“ платформата Марк Цукерберг (153 милијарди долари), основачот на „Мајкрософт“, Бил Гејтс (149 милијарди долари), коосновачите на „Гугл“ и „Алфабет“, Лери Пејџ (146 милијарди долари) и Сергеј Брин (138 милијарди долари).

По нив следат директорот на „Мајкрософт“, Стив Балмер (130 милијарди долари), американскиот инвеститор и филантроп Ворен Бафет (132 милијарди долари) и основачот и претседател на корпорацијата „Оракл“, Лери Елисон (129 милијарди долари).

The post Само годинава богатството му се зголемило за седум милијарди долари: Овој Французин останува најбогат човек во светот appeared first on Република.

Марк Цукерберг го престигна Илон Маск на листата на „Блумберг“ за најбогати луѓе во светот. Сега, основачот на Фејсбук за прв пат е пред Маск од 2020 година и се наоѓа на третото место на листата.

Маск, кој беше на врвот на листата на милијардери на „Блумберг“ на почетокот на март, падна на четвртото место откако „Ројтерс“ објави дека неговата компанија „Тесла“ ги откажала плановите за производство на поевтини автомобили, со што акциите паднаа, иако Маск го негираше извештајот на новинската агенција.

Богатството на Маск паднало за 48,4 милијарди долари оваа година, додека Цукерберг додаде 58,9 милијарди долари, а неговата компанија „Мета“ достигна ново рекордно ниво.

Ова е прв пат Цукерберг да влезе во првите три на листата на „Блумберг“ за најбогати луѓе во светот од 16 ноември. Тогаш тој имаше 104,8 милијарди долари, а богатството на Маск беше проценето на 102,2 милијарди.

Моментално имотот на Маск се проценува на 180,6 милијарди, а на Цукерберг на 186,9 милијарди.

Францускиот бизнисмен Бернар Арно е на првото место на листата на „Блумберг“, додека вториот на листата, сопственикот на „Амазон“, Американецот Џеф Безос е на второто место.

The post Цукерберг го престигна Маск на листата на милијардери appeared first on Република.

Богатството на 38 од 50-те и 385 од 500-те најбогати луѓе во светот, годинава се зголемило, во еден случај дури за седум пати.

Како што пишува „Гардијан“, растот на трошоците за живот значеше дека многумина мораа да се помачат да имаат пристоен оброк за Божиќ и Нова Година, за разлика од американските технолошки милијардери и руските олигарси, на кои празничниот период им е прилично лесен.

Од Илон Маск и Марк Закерберг на врвот на пирамидата до релативно малите риби, како што се Џејмс Дајсон и Џим Ретклиф, најбогатите главно станале уште побогати во 2023 година.

Дури и група руски олигарси успеале да продолжат да го зголемуваат своето богатство, барем на хартија, и покрај економските санкции наметнати врз нив во повеќе области како одговор на војната во Украина.

Од 50-те најбогати, 12 биле во загуба, а меѓу првите 500, дури 77 отсто го зголемиле своето богатство, некои за незамисливи суми.

На врвот е Илон Маск, со проценето богатство од 235 милијарди долари, според листата на 500 најбогати луѓе во светот на „Блумберг“.

The post На врвот е Илон Маск: Поголемиот дел од богаташите во светот во 2023 година станале уште побогати appeared first on Република.

Основачот и главен извршен директор на компанијата LVMH, Бернард Арно, го загуби второто место на листата на милијардери на Блумберг, откако беше претекнат од претседателот на Амазон Џеф Безос. Прв на листата и натаму е американскиот милијардер Илон Маск.

Во моментов Безос е на второто место со 156 милијарди долари, додека Бернард Арно е трет на листата на милијардери на Блумберг со богатство од 155 милијарди долари, пренесува Блумберг.

Вредноста на имотот на Бернард Арно падна за 6,8 милијарди долари од средата кога LVMH соопшти дека нејзината продажба годинава се зголемувала побавно од очекуваното.

Падот на извршниот директор на LVMH на листата на милијардери на Блумберг ја одразува продажбата на луксузни стоки која е послаба во 2023 година поради падот на побарувачката во САД и тешкото економско закрепнување во Кина.

Спротивно на тоа, богатството на Џеф Безос порасна за 49,3 милијарди долари оваа година, бидејќи вредноста на акциите на Amazon се зголеми за 58 отсто во истиот период.

На чело на листата и натаму е американскиот милијардер и претприемач Илон Маск со имот вреден 234 милијарди долари. Акциите на Тесла пораснаа за 106 отсто оваа година, а Маск стана побогат за 96,8 милијарди долари.

The post Маск и натаму прв на листата на милијардери на Блумберг, Арно го загуби второто место appeared first on Република.

Гизел Азута (39) која веќе неколку години работи на луксузната јахта на еден милијардер, ги откри пикантните детали од својата работа.

Многумина би рекле дека ова е работа од соништата од патување на егзотични дестинации до „дружење“ со богатите, но не е баш така. Како што објасни Гизел, нејзината работа е добро платена, но често се наоѓа во многу деликатни ситуации.

Гизел признава дека ја прифатила работата бидејќи е љубител на морето и патувањата, па мислела дека ќе ја спои страста за едрење со добро платена работа. Сепак, не очекувала дека милијардерите се толку ексцентрични и дека многу често добива бизарни барања кои мора да ги исполни.

Вработените на суперјахти никогаш не смеат да го користат зборот „не“, се додека барањето не е сексуално или го загрозува здравјето или животот на екипажот. Наша должност е да го исполниме секое барање, без разлика колку е чудно или лудо – објасни таа.

Таа откри и некои од најбизарните барања од нејзините работодавци кои ги добила или лично била присутна во некои неверојатни сцени.

Во една прилика, мултимилионер гостин му предложи на член на екипажот да изврши нужда врз стаклена маса додека тој лежи под неа, а за тоа ќе му плати 10.000 долари – рекла таа.

Друг богаташ имал нешто помалку бизарно барање.

Друг гостин посака една од хостесите постојано да стои во аголот и да го гледа додека вечера. Стоеше во аголот повеќе од два часа додека тој јадеше полека, не ѝ беше дозволено да каже ништо - додала Гизел.

При вработувањето, работниците на суперлуксузните јахти исто така мора да исполнуваат одредени услови.

Се е многу површно и сопствениците на јахти најчесто бараат млади и убави луѓе како услов за работа. Сопствениците на суперјахти бараат екипажот да одговара на нивната јахта, работниците да бидат убави како нивната јахта - изјави Гизел.

Таа моментално има важна улога на суперјахтата на која работи и е задолжена за планирање и организирање на разни настани и забави, грижа за администрацијата и сметките. Според неа, овој вид на работа има свои предности.

Ова е исклучително добро платена работа. Ако исклучам понекогаш многу бизарни барања кои не сакам ни да ги спомнам, предноста е што гледате и посетувате некои неверојатни места. Глетката од палубата или зајдисонцето на отворено море е бесценета. Патувате низ светот и запознавате навистина различни луѓе и култури, престојувате на луксузни места на кои инаку се недостижни. Членовите на екипажот имаат строго дефиниран начин на однесување и справување со шефот, секое зближување е строго забрането, така што се зближувате со другите членови на екипажот кои се во иста ситуација како вас. Практично, екипажот станува ваше семејство – заклучи Гизел.

The post Вработена на јахта ги откри бизарните барања на милијардерите: Само во една ситуација смеат да кажат не appeared first on Република.

Руските богаташи го зголемиле своето богатство за 152 милијарди долари во текот на минатата година благодарение, меѓу другото, и на високите цени на природните ресурси, се наведува во изданието на магазинот „Форбс“ за Русија.

Според последните официјални податоци, Русија има 110 милијардери, што е за 22 повеќе од една година порано. Нивното вкупно богатство се зголемило од 353 милијарди долари на 505 милијарди долари.

Списокот на милијардери би бил уште подолг доколку неколку богаташи не се откажале од руското државјанство.

Од „Форбс“ наведуваат на рејтингот на богатите влијаеле и апокалиптичните прогнози поврзани со руската економија, додавајќи дека во 2021 година, пред почетокот на војната во Украина, вкупното богатство на милијардерите во Русија изнесувало 606 милијарди долари.

Руската економија се намали за 2,1 отсто под притисок на западните санкции, но таа е во можност да продава нафта, метали и други природни ресурси на глобалните пазари, особено во Кина, Индија и на Блискиот Исток.

Новите имиња на руските богаташи на листата на „Форбс“ вклучуваат милијардери кои своето богатство го стекнале преку производство на хемикалии, фармацевтски производи, грицки, како и градежната индустрија, што покажува дека побарувачката на рускиот пазар останува силна и покрај санкциите.

The post Лани зголемен бројот на милијардери во Русија, нивното богатсво пораснало за 152 милијарди долари appeared first on Република.

Регионот со внимание ја следи листата на најбогатите што ја објавува српскиот „Недељник“, на која досега се најдоа тројца Македонци, а ја предводи Хрват.

Досега се објавени имињата на првите 70 луѓе кои според стручните лица кои ги ангажирал весникот заземаа свое место.

Најбогат на просторите на поранешна Југославија е Хрвататот Дубравко Гргиќ, Аграм групa. Него уште го нарекуваат и „Крал на осигурувањето“, а вредноста на неговата компанија се проценува на 2,8 милијарди долари.

По Гргиќ следуваат Миодраг Костиќ од „МК Група“ и Мирослав Мишковиќ од „Делта Холдинг“ со 2,7 милијарди евра. Во Топ 10 се и:

-Силвио и Роберт Кутиќ и Изабел Јелениќ (Инфобип, 2,5 милијарди евра, Хрватска);
-Мате Римац (Римац Група, 2,2 милијарди евра, Хрватска);
-Емил Тедески (Атлантик, 1,6 милијарди евра, Хрватска);
-Петар Матијевиќ (МИ Матијевиќ, 1,5 милијарди евра, Србија);
-Дејан Чакајац и Јадранка Степановиќ (Моцарт, 1,3 милијарди евра, Србија);
-Драган Шолак ( „Јунајтед Груп“ , 1,3 милијарди евра, Србија);
-Миле Ќурковиќ (Плодине, 1,3 милијарди евра, Хрватска).

Во првите дваестмина најбогати во регионот, се најде и македонскиот милијардер, сопственикот на ИГМ Трејд од Кавадарци, Илија Гечев, со вкупно богатство од една милијарда и 54 милиони евра. Тој е осумнаесетти на листата на најбогатите луѓе во регионот.

Вториот Македонец на листата е Живко Мукаетов од Алкалоид кој е на 38 место и неговото богатство се проценува на 651.330.000 евра. Веднаш по него е и третиот Македонец, Андреја Јосифовски, челникот на нафтената компанија „Макпетрол“ чие богатство е проценето на 565.501.055 милиони евра и се најде на 45 место.

На листата на 61. место се најде и Новак Ѓоковиќ, познатиот српски тенисер, чие богатсво се проценува на 430 милиони евра.

Листата на 100-те најбогати во регионот ја составиле експерти од две реномирани консултантски фирми кои работат на Њујоршката берза, во текот на истражувањето користеле поавторитетни мултипликатори од „Stern School of Business New York University“, а студијата ги опфатила и резултатите од пазарните трансакции во регионот и светот.

Од „Недељник.рс“ посочуваат дека листата на 100-те најбогати во регионот е реализирана во соработка со водечките медиуми во регионот: словенечкиот дневен весник Finance (и порталот Finance Manager), хрватскиот економски неделник Лидер, босанскиот неделник Дани (Ослобоѓење) и реномирана медиумска куќа од Македонија, која сакала да остане анонимна.

The post Ѓоковиќ на 61. место на листата најбогати во регионот, на која има и тројца Македонци appeared first on Република.

Милијардерот сер Ричард Бренсон изјави дека кралицата го редефинирала лидерството – живеејќи „живот на служење, залагајќи се за најдоброто од британските вредности, обезбедувајќи благодат и доследност во светот кој постојано се менува“.

https://twitter.com/richardbranson/status/1567935785550102529?ref_src=twsrc%5Etfw%7Ctwcamp%5Etweetembed%7Ctwterm%5E1567935785550102529%7Ctwgr%5E9ea4e3a0d5ec9e693667d422f537cb6c7c2a9f88%7Ctwcon%5Es1_&ref_url=https%3A%2F%2Fwww.foxbusiness.com%2Fbusiness-leaders%2Fqueen-elizabeth-dies-business-world-reacts

Извршниот директор на Епл, Тим Кук, порача дека нема „ништо поблагородно од тоа да го посветиш својот живот на служење на другите“.

https://twitter.com/tim_cook/status/1567943571583696902?ref_src=twsrc%5Etfw%7Ctwcamp%5Etweetembed%7Ctwterm%5E1567943571583696902%7Ctwgr%5E9ea4e3a0d5ec9e693667d422f537cb6c7c2a9f88%7Ctwcon%5Es1_&ref_url=https%3A%2F%2Fwww.foxbusiness.com%2Fbusiness-leaders%2Fqueen-elizabeth-dies-business-world-reacts

Основачот на Амазон, Џеф Безос, изјави дека „не може да помисли на никој кој подобро ја персонифицира должноста“.

https://twitter.com/JeffBezos/status/1567943098029981696?ref_src=twsrc%5Etfw%7Ctwcamp%5Etweetembed%7Ctwterm%5E1567943098029981696%7Ctwgr%5E9ea4e3a0d5ec9e693667d422f537cb6c7c2a9f88%7Ctwcon%5Es1_&ref_url=https%3A%2F%2Fwww.foxbusiness.com%2Fbusiness-leaders%2Fqueen-elizabeth-dies-business-world-reacts

Основачот на Мајкрософт, Бил Гејтс, изјави дека е почестен што ја запознал кралицата. Тој изрази тага поради нејзината смрт и упати сочувство до кралското семејство и британскиот народ.

https://twitter.com/BillGates/status/1567940415848071168?ref_src=twsrc%5Etfw%7Ctwcamp%5Etweetembed%7Ctwterm%5E1567940415848071168%7Ctwgr%5E9ea4e3a0d5ec9e693667d422f537cb6c7c2a9f88%7Ctwcon%5Es1_&ref_url=https%3A%2F%2Fwww.foxbusiness.com%2Fbusiness-leaders%2Fqueen-elizabeth-dies-business-world-reacts

The post Светски милијардери и одадоа почит на кралицата Елизабета Втора appeared first on Република.

Кога во раните денови на пандемијата пазарите потонаа и 22 милиони Американци ги загубија своите работни места, Конгресот и Федералните резерви тргнаа во акција за да ја стабилизираат разнишаната економија. По милијардите долари готовина издвоени за помош на погодените од пандемијата и евтините заеми спонзорирани од федералната влада, американските домаќинства имаат рекордни заштеди. Сепак, најмногу корист имаа оние на кои најмалку им треба помош - ултрабогатите, пишува Блумберг Адрија.

Мошне различниот состав на нето-средствата меѓу американските граѓани е одговорен за овие „искривени добивки“. Акциите и заедничките фондови сочинуваа повеќе од една третина од средствата на најбогатите Американци во почетокот на пандемијата. Ова значеше дека првиот еден процент од најбогатите уживал значителна заработка бидејќи акциите растеа поради стимулацијата и ентузијазмот на инвеститорите. Тие што немаа акции не заработија ништо.

Манијата на акции ја зголеми и вредноста на приватните компании. Ова генерираше неочекуван приход, кој повторно главно отиде кај богатите, пишува Блумберг Адрија. Оние од другата половина од имотниот спектар, чиј најголем имот обично е нивниот дом, ја немаа истата можност да ги зајакнат своите финансии, а сега веројатно ќе бидат дополнително осиромашени поради мошне извесната рецесија.

Добрата вест е дека од финансиската криза во 2008 година, сите економски групи во Америка станаа побогати. Степенот на тие придобивки варираше драстично дури и пред пандемијата. Сепак, одговорот на владата на пандемијата ја зголеми стапката на акумулација на богатство за најбогатите, при што нето-вредноста на едниот процент најбогати се зголеми за една третина во две години по почетокот на пандемијата, според платформата Риалтајм инеквалити, создадена од економисти на Универзитетот во Калифорнија, Беркли. Богатството на најбогатите 0,01 отсто и 0,001 отсто пораснало уште повеќе, за повеќе од 36 отсто.

Податоците на Фед покажауваат дека минатата година, за прв пат во најмалку три децении, американската средна класа поседува помал дел од богатството од најбогатиот еден процент во светот.

За речиси осум години во кои индексот на милијардери на Блумберг ги следи 100-те најбогати луѓе во Америка, нивните заеднички средства пораснале за повеќе од една милијарда долари. Повеќе од половина од таа вредност е во сопственост на десетте најбогати: Џеф Безос, Илон Маск и осум други чии примарни извори на богатство експлодираа за време на пандемијата, пишува Блумберг адриа.

Сега, технолошките акции паѓаат и со себе ги носат богатствата на мегамилијардерите.

Од ноември минатата година, 100-те најбогати Американци изгубиле дури 622 милијарди долари, што е најголема загуба во историјата на овој индекс на Блумберг. Најмногу загубиле Џеф Безос (46,2 милијарди долари) и Илон Маск (22 милијарди долари).

The post Стоте најбогати Американци за девет месеци изгубиле вкупно повеќе од 660 милијарди долари appeared first on Република.

Кина сега има дури три града со најголем број милијардери во светот, покажуваат податоците од годишното издание „Глобална листа на богатите“, објавено од шангајската истражувачка компанија „Hurun Report“.

Најголемиот број милијардери (144) живеат во Пекинг, а потоа следи Шангај, кој моментално е дом на 121 најбогат човек на планетата.

Поранешното рибарско село Шенжен, кое стана кинеска Силициумска долина, ја потисна американската метропола Њујорк со 113 милијардери, која некогаш беше на третото место на рангирањето на „Hurun“ со 100 милијардери.

Концентрацијата на богатите во Шенжен континуирано расте, а од минатата година на листата на најбогати во светот се приклучија уште осум поединци од тој град.

https://www.youtube.com/watch?v=4GdJyQYJ6rw

Според Хенг Чен, вонреден професор по економија на Универзитетот во Хонг Конг, подемот на Шенжен е резултат на напорите на локалната власт да го направи градот атрактивен за бизнис, нудејќи, на пример, даночни олеснувања за високотехнолошките компании.

Структурата на населението во Шенжен е сè уште многу млада во споредба со другите престижни градови во Кина, па тоа е една од причините зошто е многу атрактивна деловна локација - вели Хенг, додавајќи дека локалните власти „вложуваат многу пари во привлекување врвни таленти од остатокот од светот“.

Забрзаниот развој на Шенжен почна во 1980 година, кога го доби статусот на првата кинеска специјална економска зона, што му овозможи на градот да привлече странски инвестиции. Како резултат на тоа, нејзиниот БДП порасна од помалку од 28 милиони долари на приближно 475 милијарди долари во последните четири децении.

https://www.youtube.com/watch?v=2EuDMD8Kbe4

Градот е дом на многу големи кинески технолошки компании, вклучувајќи ги „Хуавеј“ и „Тенсент“, кои според аналитичарите привлекуваат други познати брендови. Околу 2.500 нови високотехнолошки компании беа основани минатата година во Шенжен, со што нивниот вкупен број достигна околу 17.000, според податоците на локалната самоуправа. Според извештајот на „Hurun“, на почетокот на оваа година во светот имало 3.381 милијардери, 153 повеќе од 2020 година, од кои 1.133 живеат во Кина.

Најбогат Кинез е основачот на производителот на безалкохолни пијалоци „Нонгфу Спринг“, Џонг Шаншан, чиј имот се проценува на 72 милијарди долари, следен од Џанг Џиминг, основач на технолошката компанија „БајтДенс“ (сопственик на ТикТок), со нето вредност од 54 милијарди долари, а на трето место е Зенг Јукун, шеф на фабриката „КАТЛ“ за производство на батерии за електрични возила, кој има богатство од 53 милијарди долари.

https://www.youtube.com/watch?v=YS_RzfvzSw8

The post Поранешното рибарско село во Кина ја заокружува првата тројка на листата градови со најмногу милијардери во светот appeared first on Република.

Сопственикот на компанијата „Тесла“, Илон Маск, со своето богатсво претендира да избие на првото место на светските милијардери. Светските финансиски аналитичари тврдат дека насскоро богатството на Маск нагло ќе скокне и тоа не само поради зголемувањето на продажбата на електрични возила „Тесла“, туку и поради неговата програма „Спејс Икс“. Аналитичарите не можат да ја одредат точната временска рамка кога ќе се случи неговиот скок, но се очекува дека клучна улога ќе имаат ракетите, возилата и помошната инфраструктура опфатени со неговата вселенска програма.

Друг кандидат за најбогат милијардер е индискиот индустријалец Гаутам Адани, кој е претседател и основач на „Адани груп“, мултинационален конгломерат со седиште во Ахмедабад, кој се занимава со трговија, недвижнини, производство на електрична енергија, градежништво. Неговото богатство се проценува на речиси 95 милијарди долари. Под негова контрола е најголемото индиско пристаниште Мундра, како и меѓународниот аеродром во Мумбаи.

Кинескиот софтверски инженер, Џанг Јиминг, е друго име ко може да избие на првото место на листата на светски милијардери. Неговата компанија „Byte Dance“ ја поседува мегапопуларната социјална апликација „ТикТок“. Личното богатство на Џанг во 2022 година се проценува на 44,5 милијарди долари.

Индискиот бизнисмен Мукеш Амбани поседува компанија која работи во бројни сектори - енергетика, медиуми, трговија на мало, телекомуникации, текстил итн. Неговото богатство моментално се проценува на 93 милијарди долари.

Најбогатиот човек од Европа е францускиот бизнисмен Бернар Арно, чие богатство моментално вреди околу 155 милијарди долари. Арно е извршен директор на конгломератот за луксузни стоки „ЛВМХ“ и поседува брендови како Луј Витон, Кристијан Диор и Живанши.

The post Пет милијардери во трка за најбогат меѓу најбогатите appeared first on Република.