Екипа на српски „Блиц“ во Скопје разговараше со таткото на Боки 13, Миле Јовановски, кој пред камерите откри што се случува со неговиот син во затвор и дека му недостига.

Неговото здравје не е добро, му останаа само речиси десет проценти од желудникот, а има и други здравствени проблеми. Владата го третира како да е најголемиот терорист во историјата. Катастрофа, тоа е страшна тортура. Тој нема услови во затвор. Треба да јаде по малку 8, 9 пати на ден. Бара да му се прекине казната, но тоа не го добива ни за да се опорави барем малку. Бојан е инвалид на кој му треба помош, вели Јовановски.

Според српскиот медиум, таткото на Боки 13 се расплакал на крајот од интервјуто и им порачал на луѓето кои се уште го сакаат и поддржуваат неговиот син, дека Бојан ќе се врати од затвор како нов човек.

-Тој сè уште ја сака музиката до ден-денес. Уште како дете почна да се занимава со водителство. Се гледаше дека беше шоумен, имаше 10, 11 години. На 13 години ја донесе Руслана. Соседите го поздравуваа, сите го фалат, го охрабруваат да издржи. На луѓето кои го сакаат би им рекол да „очекуваат нов Бојан“, порачал Миле Јовановски.

The post Mиле Јовановски: На Боки му останаа 10 проценти од желудникот, трпи тортура appeared first on Република.

Мајката на Бојан Јовановски - Боки 13 преку писмо до јавноста алармира дека животот на нејзиниот син е донесен во ризик. Јасминка Јовановска, во писмото потпишано од неа и нејзиниот сопруг Миле Јовановски, посочува дека Боки е во лоша здравствена состојба поради тоа што е мета на изживување, малтретирање и тортура. Најавува дека за ваквите последици по неговото здравје, одговорност ќе бара од инволвирни лица.

Нивното соопштение го пренесуваме во целост:

Првично изразуваме сериозна загриженост како родители за актуелната здравствена состојба во која се наоѓа Бојан, а како граѓани на оваа држава во најблага форма кажано се чувствуваме згрозени и огорчени од организираната тортура и линч кои му се случуваат на Бојан целиот овој период, на него лично, а и на целото наше семејство како рефлексија од омразата, нечовечноста и антагонизмот кон Бојан. Ве информирам дека за целиот овој период од почетокот на кривично-правните процеси против Бојан па се до денес се немам огласено ниту еднаш во јавност, не од причина дека немам што да кажам, напротив и како негова мајка и како професионалец во областа на правото, како истакнат правник со повеќе од 30 годишно работно искуство имам многу да зборувам за здруженото НЕПРАВО кон Бојан, за максимата на човечкото лицемерие, за сите атакувања, етикитирање и ниски удари кои што сме ги добиле во целиот овој период. Сум била воздржана, но повеќе самата актуелна состојба со животот и здравјето на Бојан тоа не ми го дозволуваат, бидејќи врз него ќе биде извршена операција тотална гастректомија, односно целосно отстранување на витален орган желудник, со што ќе настапи траен инвалидитет на мојот син Бојан. Од тие причини со целиот мој морален и професионален дигнитет и се обраќам на јавноста преку ова јавно соопштение и немам за цел да предизвикам чувство на сожалување, туку единствено да порачам дека од овој момент преку сите законски инструменти предвидени со домашното и меѓународното законодавство ќе се борам заедно со мојот сопруг преку нашите правни полномошници против злото и неправдата која му е сторена на Бојан и на тој начин директно му е загрозен неговиот живот.

Животот на мојот син Бојан е донесен до крајна црвена линија и согласно последните медицински наоди и извештаи, операцијата која ќе се изврши е неизбежна и е со висок ризик по неговиот живот, се работи за операција со неизвесен исход после која операција повторувам дека Бојан ќе има траен инвалидитет. Па оттука, заради сето ова сите инволвирани лица кои системски, свесно со сторување и несторување здружено и со намера му го сторија ова неправо на Бојан ќе мораат да понесат кривична одговорност и да бидат најстрого санкционирани. За ова изживување, малтретирање и тортура кон Бојан одговорност мора да има! Како мајка и родител, на ниедна мајка и родител не им го посакувам ова пеколно и злосторничко однесување кон било чие дете, затоа упатувам апел до јавноста, за човечноност и разумност во овие чувствителни моменти од причини што Бојан е мета на најголемиот јавен говор на омраза сите овие години, а никој не понел одговорност за таквиот отворен и директен говор на омраза, каде со најпогрдни зборови, навреди и пцовки се опишувало името на Бојан, а за воља на вистината ниту еднаш досега ниедна организација за борба на човековите права не изнела јасен став, не ги осудиле ваквите појави и не застанале во одбрана на правата на Бојан, ниту барем декларативно, а Бојан е флагрантен пример за повреда на човековите права!

Поради сето погоренаведено, поради организирано и здружено делување и соизвршување од безобѕирна одмазда, користољубие и по нарачка, под сомнение за сторени повеќе кривични дела ќе бидат поднесени кривични пријави за лица од правосудството, органи на извршната власт и здравствени работници кои заеднички, здружено, свесно и со намера, секое од пријавените лица со одделни и поврзани дејствија на сторување, ги сториле делата за кои ќе биде иницирана кривична постапка од нас, како подносители, родителите на Бојан Јовановски, Јасминка и Миле Јовановски пред надлежното јавно обвинителство. Пред надлежен јавен обвинител ќе бидат образложени сите наводи и кривичните пријави ќе бидат поткрепени со цврсти докази.

Одговорност за целото нанесено зло и за сите инволвирани лица кои се директно одговорни за оваа ситуација, ќе има, без исклучок! Нашата борба ќе биде до крај, се до конечна правда, за која правда сум се борела и работела цел работен век во областа на правото, без ниедна морална и професионална дамка со целиот мој изграден морален и професионален интегритет. Во прилог на ова соопштение ви го испраќаме последниот специјалистички извештај со кој Бојан се упатува на оперативен зафат тотална гастректомија, односно целосно отстранување на витален орган желудник.

The post Синот ни останува со траен инвалидитет, велат родителите на Јовановски најавувајќи кривични пријави appeared first on Република.

Родителите на Боки 13 биле на посета во затворот „Идризово“, каде што нивниот син пред два дена беше претепан од три лица.

Во изјава за „А1он“ Миле Јовановски ја опишува состојбата на својот син.

Бојан има видливи повреди, хематоми по главата, рани по лицето и околу устата, повредена му е левата рака и чувствува константни болки во стомакот, бидејќи тој веќе и има хронично абдоменално заболување, а домската лекарка буквално се изживува и не му пружа никаква медицинска помош и нега, не ја дава задолжителната терапија. Но и покрај сите повреди, линч и тортура, Бојан е психички во одлична кондиција, вели во изјавата Миле Јовановски.

Повеќе ТУКА

The post Помодрен е во главата, има болки во стомакот, но психички е во одлична кондиција, вели Миле Јовановски за Боки 13 appeared first on Република.

За само неколку дена Бојан Јовановски и неговиот татко изглегоа со сведоштва за директна вклученост на Зоран Заев во случајот „Рекет“. Двајцата Јовановски, едниот о затвор а другиот од тв интервју проговорија за тортурата што ја преживеале.

Боки тврди дека емисари на Зоран и Вице Заев му се заканувале дека ќе го ликвидираат и оти нема жив да излезе од затвор и оти не се точни тврдењата дека власта финансиски ја помагале 1ТВ.

Исто так Боки го праша Заев дали не се срами кога вели дека го познава само од телевизија кога пола СДСМ бил кај него дома.

За мене скоро па сите од СДСМ велевте дека не сте ме познавале, дека сте ме познавале само преку телевизија, па потоа дека сум ве злоупотребувал. Ма немојте ве молам, па нели се срамите, имате ли тронка човечко достоинство?

Боки опиша и како Заеви го рекетирале бизнисменот Мицевски.

Силјан Мицевски во една прилика ми вели, цитирам: “Овие се без усул, поиќе ми зедоа него што треба да наплатам”!!! Еее па Зоране и оваа изговорена реченица ја има во мојот телефон како материјален доказ-напиша Боки.

До каде одела монструозноста на Заев говори и тоаш што додека Боки бил во притвор го терал да пишува писмо во кое ќе го велича неговиот лик и дело.

Се сеќавате ли како присилно ме натеравте да напишам писмо додека бев во Шутка каде што ќе го величам вашето име и ќе напишам дека немате врска со случајот рекет??? Е тогаш ме натеравте присилно да пишувам писмо, ми го уништивте семејството, го инкриминиравте мојот татко во кривични процеси само поради притисок врз мене, ми ја уништивте телевизијата, ме оцрнивте и од мене направивте најголем злосторник и криминалец, но ете дојде ден кога своеволно ви го пишувам ова писмо полно со факти и аргументи!

Миле Јовановски пак наведе дека  Заев го контролирал во целост правосудниот систем одлучувал кој ќе оди во притвори и во затвор, посочувајќи дека ги имал рацете врз судството и обвинителството.

Таткото е загрижен дека раката на заеви е долга и оти е можно неговиот син да биде и убиен во затворот.

Се плашам за мојот син. Најмногу кога беше во истражниот затвор, затоа што имав дојава од близок човек во правосудните органи дека имало, ми цитираше пораки, дека нема да излезе жив од затворот, дека ќе го убијат.

The post Закани, рекет, нарачување убиства: Сведоштвата на Бојан Јовановски и татко му не се доволни Заев да биде повикан на распит во Обвинителство appeared first on Република.

ВМРО-ДОМНЕ го прозива јавното обвинителство зошто досега не се повикани на распит Зоран Заев и Вилма Рускоска, со оглед на тоа што таткото на Бојан Јовановски Миле Јовановски самиот изјави дека на врвот на рекетарската мрежа седел Зоран Заев.

Тој посочи дека Заев наредувал и управувал со обвинителството и судството. Јовановски кажа дека Заев праќал пораки со наредби кому да се  вратат пасошите. Воедно тој посведочи како Заев му кажал и го предупредил Бојан Јовановски дека против него е пријавен случај за рекет. Доколку ова е вистина, тоа значи дека ниту рекет бил можен без Заев, ниту пак е правда возможно со Вилма Русковска. Главното прашање, по сведоштвата на Миле Јовановски во Рекет, зошто обвинителството не ги повика Русковска и Зоран Заев на распит, реагира денеска ВМРО-ДПМНЕ во партиско соопштение.

Премиерот Зоран Заев бил на чело на рекетарската шема во Македонија тврди таткото на Бојан Јовановски, Миле Јовановски во своето гостување во порталот А1 ОН, главната причина за нападот врз семејството Јовановски била за да се сокријат вистински виновници за рекетот во Македонија.

Јас мислам дека сето ова што ни се случува е поради Бојан. Тие си ги најдоа кривците за да се оправдаат себе си. Прв секако е тој што најмногу не сакаше да се дојде до негова близина, а тоа е Зоран Заев, вели Миле Јовановски.

https://republika.mk/vesti/makedonija/tatkoto-na-boki-otkriva-3aev-beshe-shef-na-peketapckata-grupacija-toj-odluchuvashe-koj-kje-odi-vo-zatvop-a-koj-ne/

The post По сведоштвата на Миле Јовановски зошто обвинителството не ги повика Русковска и Зоран Заев на распит? appeared first on Република.

Премиерот Зоран Заев бил на чело на рекетарската шема во Македонија тврди таткото на Бојан Јовановски, Миле Јовановски во своето гостување во порталот А1 ОН, главната причина за нападот врз семејството Јовановски била за да се сокријат вистински виновници за рекетот во Македонија.

Јас мислам дека сето ова што ни се случува е поради Бојан. Тие си ги најдоа кривците за да се оправдаат себе си. Прв секако е тој што најмногу не сакаше да се дојде до негова близина, а тоа е Зоран Заев, вели Миле Јовановски.

Други рекетираа истакна Јовановски посочувајќи го екс премиерот „прави се за да ни ја накалеми на нас вината, тој и таа злосторничка групација околу него“.

-Една порака препратена од госпоѓа Јанева имам прочитано, односно Бојани ми ја прочита. Порака према Јанева од Заев беше „зошто уште не си му го дала пасошот“ се мисли на Орце Камчев. Повратно Јанева му пиша дека не поднел се уште барање. Како може Бојан Јовановски газда на 1ТВ да има влијание врз Катица Јанева или врз претседател на суд, премиер или министер, вели Миле Јовановски.

Таткото на Боки 13 открива дека Зоран Заев го контролирал во целост правосудниот систем одлучувал кој ќе оди во притвори и во затвор, посочувајќи дека ги имал рацете врз судството и обвинителството и дека тоа го гарантира со главата.

-Јас сум бил дел од СДСМ и нивен симпатизер. Но сега можам да кажам дека сум бил излажан и таа шарена револуција била лага и била само револуција за мафијашката фамилија на власт изминативе четири и пол години, вели Јовановски

„Се плашам за мојот син. Најмногу кога беше во истражниот затвор, затоа што имав дојава од близок човек во правосудните органи дека имало, ми цитираше пораки, дека нема да излезе жив од затворот, дека ќе го убијат итн“, вели Јовановски за „А1он

The post Таткото на Боки открива: 3aeв бeше шеф на peкетapcката групација, тој одлучуваше кој ќе оди во затвop, а кој нe appeared first on Република.

Миле Јовановски, таткото на Боки 13 во интерву за А1он“ вели оти е убеден дека поранешниот премиер Зоран Заев го контролира судството и обвинителството и дека тој стои зад случајот „Рекет“.

Јовановски постариот вели дека не знае каде завршила фамозната „Луј Витон“ торба и оти тој таа торба воопшто ја нема видено. Тој додава дека не е точно дека торбата завршила во неговиот дом.

Двапати имаш претрес со мојот дом, земени се и снимките од камерите. Кај мене немаше ништо. Јас прв ќе кажев ако имаше торба. Ќе ја цитирам Русковска која рече „Јас претпоставувам дека торбата завршила во домот на неговите родители“. Тоа е нонсенс. Срамота е тоа да го изјави еден обвинител-вели Јовановски.

https://www.youtube.com/watch?v=HpgdIgz-0B8

The post Таткото на Боки 13: Заев го контролира судството и обвинителството, тој стои зад рекетот appeared first on Република.