Српскиот напаѓач Лука Јовиќ ќе остане во редовите на италијанскиот фудбалски прволигаш Милан, објави шпанскиот новинар Матео Морето.

Дваесетишестгодишниот Јовиќ се договорил за продолжување на соработката и за претстојната сезоната 2024/25.

Јовиќ беше меѓу играчите на Милан чија иднина во тимот беше нејасна.

Српскиот репрезентативец дојде во Милан минатото лето без обесштетување од Фиорентина.

The post Српскиот репрезентативец останува во Милан appeared first on Република.

Трката за шампионската титула во италијанското фудбалско првенство може да заврши оваа вечер доколку лидерот Интер го совлада Милан во големото миланско дерби – „Derby della Madonnina“.

Интер води на табелата со 14 бодови повеќе од градскиот ривал Милан на второто место на шест кола до крајот на сезоната и со евентуална победа и математички ќе ја обезбеди титулата.

Во тој случај ќе уследи големо славје на навивачите на Интер, кои се очекува да го преплават најпознатиот милански плоштад „Пјаца дел Дуомо“, а според италијанските медиуми, нема опасност од судири меѓу навивачите на двата градски ривали.

Според угледниот весникот „Газета дело Спорт“, таквото сценариот е исклучено и води до настан од 1981 година

Таа година беше одржан турнирот „Мундијалито“ со учество на Милан, Интер, уругвајскиот Пењарол, бразилскиот Сантос и холандски Феенорд. За време на дуелот меѓу двата градски ривали дојде пресметката меѓу навивачките групи при што тешко беше повреден 21-годишниот Виторе Палмиери, кој три месеци подоцна им подлегна на повредите.

Тогашните челници на навивачките групи на Милан и Интер кратко време по смртта на Палмиери се ракуваа пред стадионот „Сан Сиро“, и склучија „пакт за невојување“ (Patto di non belligeranza).

Овој договор е еден од најстарите навивачки договори во Италија, кој трае до денес, а во меѓувреме се случија само помали конфликти и неизбежни вербални провокации, но без поголеми судири меѓу навивачите на Милан и Интер.

The post Интер вечерва ја заверува титулата на меч со вечниот ривал appeared first on Република.

Тренерот на Милан, Стефано Пиоли, ги искажа своите очекувања за вечерашниот натпревар со Рома.

Во првиот натпревар од четвртфиналето на Лига Европа, Милан загуби на домашен терен од Римјаните со резултат 0:1.

- Одам на овој натпревар со самодоверба бидејќи знам за што се способни моите играчи. Сигурен сум дека знаат што да прават на вакви важни натпревари. Мора да подобриме некои ситници во однос на првиот натпревар. Ова е одлучувачки момент за нашите европски амбиции. Мора да ги покажеме нашите најдобри квалитети на теренот и да ја исцедиме секоја последна капка пот, изјави тренерот на Милан.

Натпреварот на „Олимпико“ во Рим ќе почне во 21 часот.

The post Вечерва играат Милан-Рома во битка за полуфиналето на ЛЕ appeared first on Република.

Тренерот на Милан, Стефано Пиоли е задоволен од изданието на неговите избраници по победата на гости синоќа кај Фиорентина (2:1) во Серија А.

- Игравме добро, создадовме многу шанси и мислам дека ја заслуживме победата на теренот на противникот, со кого секогаш имавме проблеми на гости. Не е лесно по репрезентативната пауза, па затоа сум особено среќен поради оваа победа. Во добра форма сме веќе два до три месеци. Тимот станува посигурен, а сите се подготвени да помогнат во одбраната. Кога добро се браниме, тогаш нормално, благодарение на нашата напаѓачка вештина, можеме да му правиме проблеми на секој противник, изјави главниот тренер на Милан.

Според најавите од Италија, Пиоли и следната сезона ќе остане шеф на стручниот штаб на Милан.

По 30 кола „Росонерите“ имаат 65 бодови и се наоѓаат на втората позиција во поредокот во Серија А.

The post Велигденска победа на Милан во Фиренца appeared first on Република.

Сопствениците на седумкратниот европски првак Милан најавија изградба на нов стадион со цел „Росонерите“ да можат рамноправно да се натпреваруваат со елитните клубови на континентот.

Говорејќи на лондонскиот „Financial Times Business of Football Summit“, извршниот директор на Милан, Гери Кардинале, најави дека клубот ќе добие „нов дом со 70.000 седишта“.

„Тоа би требало да биде добро не само за Милан, тоа би требало да биде добро за Италија и за Серија А“, рече Кардинале.

Милан и градскиот ривал Интер веќе подолго време размислуваат за преселба од култниот стадион „Сан Сиро“, кој е во сопственост на локалните власти, и изградба на сопствени одвоени стадиони на периферијата на Милано.

The post „Сан Сиро“ оди во историја, Милан ќе гради нов стадион appeared first on Република.

Тренерот на Милан, Стефано Пиоли е задоволен од играта на младите играчи на Милан на осминафиналниот натпревар од Купот на Италија со Каљари (4:1).

- Не би рекол дека играта и резултатот ги надминаа очекувањата. Кога се подготвувате со добар состав, секогаш се надевате на најдоброто. Да, некои од момците беа малку нервозни на почетокот на натпреварот, но штом го отворивме резултатот стана многу полесно. Овие фудбалери имаат знаење, талент, но најважно од се, висока посветеност, која секогаш мора да ја покажуваат. Нивниот однос покажува дека академијата на Милан работи многу добро. Младите играчи докажуваат дека се способни да дадат свој придонес, дека треба да бидат сфатени не само како замени во непредвидени случаи, туку и како полноправни фудбалери. Ова е успех за клубот, рече Пиоли.

Во четвртфиналето од Копа Италија, тимот на Милан ќе се соочи со поуспешниот од дуелот Аталанта – Сасуоло.

The post Милан победува со некои нови момци appeared first on Република.

Златан Ибрахимовиќ потврди дека се враќа во Милан, шест месеци по завршувањето на активната кариера.

Шведскиот напаѓач, со Милан освои две титули, одигра вкупно 163 натпревари, постигна 93 голови и забележа 35 асистенции. Тој, сепак нема да биде тренер, како што објави италијанскиот печат, туку како „десна рака“ на првиот човек на клубот, Гери Кардинале.

„Извршен соработник“ и „виш советник на сопственикот“ се приближно „титулите“ што ќе ги има Ибра на „Сан Сиро“.

Американскиот бизнисмен со италијанско потекло Кардинале со тоа стави крај на шпекулациите дека Ибрахимовиќ, всушност, ќе се врати кај Росонерите како наследник на тренерот Стефано Пиоли.

Како „извршен соработник“ на компанијата „РедБрд“, Ибра ќе работи со тимот кој се занимава со глобални инвестиции и помага да се подобри спортското портфолио на целата организација“, ја објасни Кардинале новата улога на Ибрахимовиќ во компанијата и во самиот клуб.

The post Ибрахимовиќ се враќа во Милан appeared first on Република.

Тренерот на Милан, Стефано Пиоли го сподели своето мислење за поддршката од навивачите на натпреварот од 5. коло од групната фаза на Лигата на шампионите со Борусија Дортмунд.

- Ќе кажам само едно, Во Дортмунд, Борусија го имаше „Жолтиот ѕид“, но тие не знаат што ги чека на „Сан Сиро“. Сигурен сум дека нашите навивачи ќе ни помогнат да дојдеме до целта. Што се однесува до Милан, сакам да видам тим кој ја покажува својата уникатност и се што може да направи. Секогаш играме на победа и мислам дека тимот го докажа тоа, изјави Пиоли на прес-конференција.

Натпреварот помеѓу Милан и Борусија Дортмунд ќе се одигра во Милано вечер со почеток во 21 часот.

The post Не пропуштајте: Каков меч вечерва во Милано appeared first on Република.

Напаѓачот на Милан, Златан Ибрахимовиќ ќе го напушти клубот на крајот на сезоната.

Во недела навечер, по последниот натпревар од сезоната, Милан ќе се прости од Ибрахимовиќ на кратка церемонија. Клубот сака да му се заблагодари на Златан за одличните години што ги поминавме заедно, се вели во клупското соопштение.

Ибрахимовиќ играше за Милан од 2010 до 2012 година. Во 2020 година се врати во клубот. Како дел од „Росонерите“, 41-годишниот Швеѓанец двапати го освои италијанското првенство, а стана и сопственик на Суперкупот на земјата.

Вкупно, Ибрахимовиќ за Милан одигра 163 натпревари, на кои постигна 93 гола и направи 35 асистенции. Оваа сезона напаѓачот одигра четири натпревари и постигна еден гол.

Претходно беше објавено дека Монца сака да го ангажира Ибрахимовиќ како слободен играч.

Во натпреварот од последното, 38. коло од Серија А, Милан ќе игра со Верона. Средбата ќе се одигра вечерва со почеток од 21 часот.

The post Ибрахимовиќ вечерва последен пат ќе го носи дресот на Милан appeared first on Република.

Интер со 0-2 го доби првиот натпревар против Милан во полуфиналето во Лигата на шампиони, „нероаѕурите“ за прв пат во својата историја три пати победуваат против лутиот градски ривал во три различни натпреварувања во иста година.

Интер направи значаен чекор кон ново финале во Лигата на шампиони откако вечерва со 0-2 славеше против Милан како гостин во првиот натпревар од полуфиналето.

Избраниците на Инзаги одлично го отворија натпреварот, Џеко по еден корнер погоди за 0-1 во 8. минута а во 11. минута веќе беше 0-2, Мхитарјан искористи еден празен простор и реализираше за нова радост.

Неколку минути подоцна Интер можеше да води и со 0-3, Чалханоглу со удар од далечина ја погоди стативата, а во продолжението од акцијата, Мањан го одбрани обидот на Мхитарјан.

ВАР потоа го спаси Милан откако судијата покажа на белата точка, но пеналот беше поништен, контатктот врз Лаутаро Мартинез не беше доволен за најстрога казна.

Милан прикажа премалку во првото полувреме, заигра нешто подобро во продолжението и најблиску до гол беше кога по еден час игра Тонали ја погоди стативата со еден удар од врвот на шеснаесетникот.

Првиот и единствениот удар во рамките на голот „росонерите“ го упатија во финишот од мечот, кога Побега биеше по средината и воопшто не го стави на мака Онана.

Со оваа победа, Интер испиша историја во пресметките против Милан и за прв пат триумфира над лутиот градски ривал во три различни натпреварувања во иста година.

Извор: 24 фудбал

The post Интер со победата против Милан и направи значаен чекор кон финале во ЛШ! appeared first on Република.

Тренерот на Милан, Стефано Пиоли наскоро би можел да биде разрешен од функцијата.

Според италијанските медиуми, челниците на клубот од Сан Сиро се уште веруваат во тренерот, но би можеле да се предомислат доколку наскоро не се промени ситуацијата во тимот, а со тоа и во поредокот на табелата.

Росонерите се во серија од три порази во првенството, односно на последните пет натпревари освоија само два бода, со што во моментов се на петтото место со 38 бода.

Во случај актуелниот шампион да продолжи со слаби резултати и да се доведе во прашање пласманот во Топ 4, цехот би можел да го плати токму Пиоли, кој на клубот му ја донесе првата титула од 2011 година.

Педесет и седумгодишниот тренер на клупата на Милан е од октомври 2019 година.

The post Тренерот на Милан се соочува со отказ appeared first on Република.

Тренерот на Милан, Стефано Пиоли призна дека неговиот тим последните 20-ина дена се наоѓа во криза. Милан синоќа загуби од Лацио со 4:0 во натпревар од 19. коло во Серија А.

– Многу аспекти не функционираат: ментално, тактички… Тука сум и разговарам со вас затоа што морам да го сторам тоа. Во спротивно, ќе молчевме и, се разбира, ќе работевме подобро. Во последните две и пол недели немаме никаков резултат или добра игра и јасно е дека сите мораме да се преиспитаме. Работите не ни одат добро. Проблемот е што ни треба појасна комуникација меѓу играчите кога ја имаме топката. Знам само еден начин да се подобриме, да работиме, рече Пиоли.

https://www.youtube.com/watch?v=6QJ0Ilclg94

Точно на половина во Италијанското фудбалско првенство, Милан кој ја брани шампионската титула е втор на табелата со 38 бода, 12 помалку од лидерот Наполи.

Лацио е трет со 37 бодови, колку што имаат Интер и Рома

The post Милан е распад систем appeared first on Република.

Фудбалскиот клуб Милан објави дека го продолжил договорот со играчот од средниот ред Сандро Тонали. Двете страни се обвразале на соработка до 2027 година.

Според новиот договор, платата на 22-годишниот Тонали ќе порасне од 1,2 милиони евра на три милиони евра по сезона.

Играчот од средниот ред одигра пет натпревари за Милан оваа сезона и има една асистенција.

Специјализираниот портал „Трансфермаркт“ ја проценува вредноста на фудбалерот на 50 милиони евра.

The post Милан го продолжи договорот со Тонали, кој добива повеќе од двојно поголема плата appeared first on Република.

Oдлично дерби одиграа Милан и Интер во петтото коло од Серија А. Милан, славеше со резултат 3:2, а најзаслужен за триумфот беше Португалецот, Рафаел Леао.

Интер подобро го отвори натпреварот. Нероаѕурите поведоа во 21. минута кога хрватскиот репрезентативец Брозовиќ погоди на додавање на Кореја.

Сепак, одговорот дојде брзо. Рафаел Леао ја искористи асистенцијата на Тонали и го израмни резултатот. Со овој резултат отидовме на полувреме.

За само шест минути во вториот дел Милан го разби ривалот. Најпрвин во 54. минута прецизното додавање на Жиру од Леао, а во 60. истиот тандем, но во обратни улоги ги донесе Росонерите на 3:1.

До крајот на натпреварот Интер напаѓаше, успеа да постигне гол преку Един Џеко, а во финишот голманот мењан со неколку спектакуларни одбрани ја сочува победата на Милан.

The post Милан го доби дербито на Милано appeared first on Република.

Американската инвеститорска компанија РедБирд Капитал (RedBird Capital) се здружи со сопствениците на најтрофејниот бејзбол клуб во МБЛ лигата, Њујорк Јенкис за да го купи актуелниот италијански фудбалски првак Милан за 1,2 милијарди евра.

Меѓу инвеститорите е и фондот на НБА кошаркарот Леброн Џејмс и музичарот Дрејк.

РедБирд Капитал ќе биде мнозински сопственик, додека Јенки Глобал Ентерпрајз (Yankee Global Enterprises-YGE) ќе има малцински удел во Милан.

Новите сопственици објавија дека имаат за цел „да го задржат местото на Милан на врвот на европскиот и светскиот фудбал“.

Минатата сезона Милан ја освои својата 19. италијанска титула, прва по пауза од 11 години.

Клубот од Милано и досега имаше американски сопственици во компанијата Елиот (Elliott).

The post Дрејк и Леброн меѓу новите сопственици на Милан appeared first on Република.

Тимот на Милан потврди дека десниот бек Давид Калабрија е новиот капитен на италијанскиот шампион. Ова е направено со видео објавено од клубот на Инстаграм, а во кое се истакнува капитенската лента.

„Изгледаш гордо, Давиде Калабрија“, гласи коментарот на видеото.

Калбрија и минатата сезона беше во слична улога, односно беше заменик капитен зад Ромањоли. Тој летово си замина од Милано и следствено беше дека Калабрија е новиот лидер

 

View this post on Instagram

 

A post shared by AC Milan (@acmilan)

The post Милан го објави својот нов капитен appeared first on Република.

Шведскиот фудбалер, Златан Ибрахимовиќ, се согласи да го продолжи договорот со италијанскиот шампион Милан до јуни 2023 година.

Според медиумските извештаи, Ибрахимовиќ ќе заработува меѓу еден и 1.5 милиони евра, но ќе има бонуси за одиграни натпревари и постигнати голови.

Шведскиот напаѓач во октомври ќе наполни 41 година, а во моментов се рехабилитира од операција на коленото поради што ќе биде надвор од теренот до крајот на годината.

Ибрахимовиќ изминатата сезона со Милан ја освои титулата во Серија А, придонесувајќи кон успехот со осум голови на 27 натпревари.

The post Шведската ѕвезда „ќе свети“ во Милано и во наредната сезона appeared first on Република.

Актуелниот италијански фудбалски шампион е заинтересиран за досегашниот напаѓач на Јувентус, Пауло Дибала објави „Газета дело спорт“.

Досега најголем кандидат за потпис на Аргентинецот беше Интер, но „неро-аѕурите“ се уште не може да потпишат со Дибала, иако пред извесно време со него се договорија за четиригодишна соработка со плата од 5 милиони евра по сезона, без бонуси.

Милан е подготвен да ја искористи оваа ситуација и сака да го „украде“ играчот од вечниот градски ривал. Но, максималната плата што може да ја понуди Милан е 4-4,5 милиони евра годишно.

Интерес за 28-годишниот играч покажуваат и Рома, Наполи, Атлетико Мадрид и Манчестер јунајтед.

Дибала минатата сезона постигна 15 гола и шест асистенции на 39 натпревари за Јувентус во сите натпреварувања. Тој го напушти клубот од Торино на 30 јуни 2022 година како слободен играч.

The post Милан му нуди на Дибала плата од 4,5 милиони евра appeared first on Република.

Завршното коло во Премиер лигата донесе вечерва драматична разврска во шампионската трка во која Манчестер сити на крајот ја одбрани титулата пред Ливерпул со триумф над Астон Вила од 3-2, иако до 76. минута беше во два гола негатива.

Составот на Пеп Гвардиола во последното коло влезе со бод предност пред Ливерпул и сам одлучуваше за својата судбина, но Вила на „Етихад“ водеше со 2-0 до завршните 15 минути, отворајќи можност за Ливерпул со победа над Вулверхемптон да ја освои титулата

Меѓутоа, Сити во самата завршница го сврте резултатот во своја корист и со три голови во периодот од 76 до 81 минута преку двојниот стрелец Гундоган (76, 81) и Родри (78) ја одбрани титулата во Англија. На Ливерпул не му помогна победата над домашен терен над Вулверхемптон од 3-1.

За Сити ова е осма титула во клупската историја, шеста во Премиер лигата и втора во низа.

Фудбалерите на Милан со победата од 3:0 на гостувањето кај Сасуоло во последното коло од Серија А, по пауза од 11 години ја освоија шампионската титула.

The post Maнчестер Сити и Милан шампиони appeared first on Република.