Вчерашната прослава на албанското знаме која беше проследена со низа инциденти има ракопис на обид за дестабилизација. На прв поглед тоа беше воочливо сценарио бидејќи беше координирано во исто време на повеќе места, но со ист перфоманс, коментира анализира воено-безбедносниот аналитичар Милан Стефановски за „Република“.

https://republika.mk/vesti/makedonija/stefanovski-dobro-e-shto-makedonija-e-chlenka-na-nato-svetot-ima-globalni-zakani-koi-baraat-globalni-reshenija/

Тој случувањата ги коментира како демонстрирање на сила и еуфорија и праќање на некој вид на порака за контрола и обележување на територии.

Не изостанаа провокациите на етничка и врска основа и обид да се испровоцираат органите на прогонот. Но, тоа траеше 24 часа, денес епилогот е 8 притворени и секако нарушена меѓуетничка доверба. Координираноста во наративот и инцидентите говори дека сепак зад таа организација стои некој посериозен политички субјект. Нема атмосфера за спонтани изливи на фрустрации. Ова се пубертетски изливи на несериозни поединци и групи кои преку симболите покажуваат некоја супериорност. Голема е веројатноста дека одредена политичка партија во недостаток на креативни идеи применува веќе видени сценарија. Доволно долго се во пубертет. Сценаристите треба да пораснат. Денес светот говори за вештачка интелигенција. Мислам дека знаменоносците беа видливи во 19 век. Жално е толку млади луѓе да ја истурат својата енергија во политичка фрустрација, наместо во спорт, култура и знаење. Ако било кој од нив посетил повеќе време во читање, прво нема да дозволи да биде манипулиран, и како второ ќе знае дека непочит кон државата и знамето каде што живее и твори е и сопствена непочит. Ефтин обид за дестабилизација. Институциите ќе си ја завршат работата.

The post Стефановски: Oва е демонстрација на сила и праќање на порака за контрола и обележување на територии appeared first on Република.

Победата на Доналд Трамп е добра вест за Македонија и регионот. САД и Македонија се стратешки партнери и сојузници. Кој и да беше на власт соработката ќе продолжеше , но Републиканците имаат поголемо разбирање за нашата земја.

Кога на Македонија и беше најтешко, а тоа е после самитот во Букурешт и грчкото вето Републиканците на чело со тогашниот претседател Џорџ Буш застана зад нас. Набрзо потоа беше потпишан и Договорот за стратешко партнерство. Вакви или слични договори САД има само со неколку земји меѓу кои и Македонија.

Она што е уште повано за Македонија е што најверојатен нов Државен секретар ќе биде Ричард Гренел. Тој беше неодамна во Скопје и важи за наш голем подрувач. „Њујорк Тајмс тврди дека ќе биде нов Државен секретар.

Тој фрли „шпагети на ѕидот“ за Трамп. Сега тој е во врвна работа. Доколку Доналд Трамп победи на претседателската функција, Ричард Гренел се надева дека ќе биде државен секретар.-  анализира Њујорк Тајмс.

Воено-безбедносниот аналитичар Милан Стефановски за „Република“ ги анализира изборите во САД. Тој вели дека  граѓаните на САД покажале и докажаа дека вербата во слободата и демократијата ќе ја направат Америка повторно голема.

Феноменот Трамп се врати на голема врата и покрај сите афери и обиди за атентати.
Гласот на народот е најважен. Наративите во кампањата на Трамп за мир и просперитет, зајкната миграциска политика, силна економија и безбедност ќе рефлектира кон нашиот немирен регион атмосфера на стабилност и развој-смета Стафановски.

Според него  главните очекувања од Трамп се дека војната во Украина ќе запре а Европа повторно економски и политички ќе заздравува.

Ако Европа се стабилизира економски, политички и безбедносно, индирекно и ние како држава ќе се стабилизираме.Очекувањата се дека во времето на администрацијата на Трамп ќе се затворат сите отворени прашања на Балканот и регионот.Трамп е изборот за силна личност во немирен свет-додава Стефановски.

The post Враќањето на Трамп во Белата куќа добра вест за Македонија и регионот appeared first on Република.

Самитот на НАТО покажа во кој правец ќе се движи Алијансата во следниот период. Украина и натаму ќе биде главна тема. За Македонија е важно што во ваков период е дел од НАТО светот кој има глобални закани кои бараат глобални решенија и одговори, анализира воено-безбедносниот аналитичар Милан Стефановски во интервјуто за „Република“.

Што донесе самитот на НАТО за светот, регионот и за нашата држава?

Во завршното комунике односно декларацијата преточена во стратешки патокази НАТО ги реафирмираше и дефинираше старо-новите предизвици по интересите на алијансата, во обемниот концепт она што може да се извади како концезни и главани поенти и заклучоци се следниве,Мобилизирање на постојани и контиунирани матријални, организациски и логистички ресурси на оперативно, тактичко и стратешко ниво во контекст на помошта на Украина.
- Формирање на најмалки два командни центри за обука, распределба на донации за вооружување на украинските сили и постајан синѓир на снабдување.
Зголемување на набљудувањето и мобилност на НАТО на Блискиот исток и инди-пацифичкиот регион.За регионот, Западен Балкан и Црноморскиот регион за стратешка зона на интерес на НАТО.А, за нас се клучни поентите за владеењето на правото, реформи, добрососедски односи и постојан инвестициски циклус во АРМ.За поздравување е потпишувањето на документот за воената транспортна мобилност на териториите на Албанија, Македонија и Бугарија. Збирниот заклучок е успешна воено дипломатска мисија на Владата на самитот во Вашингтон.

На самитот на НАТО доминираа темите поврзани со војната во Украина која има глобална рефлексија, а начесто прашање е кога и како ќе заврши?

Очекувано е да доминираат темите, прашањата и одговорите за можеби најголемиот судир на европско тло после втората светска војна. И, како што спомнавте овој судир рефлектира глобални предизвици и секако проблеми на целиот свет. Постпандемијата од Ковид и плус оваа рефлекссите на оваа војна ги погодија синџирите на снабдување, ја нарушија кревката енергетска стабилност, храната станува прескапа, светот станува небезбеден во скоро секој дел. Светот стана глобално село, секој конфликт има сезметичка активност на секаде. Да заклучам, конфликтот ќе трае до истоштување на страната која се очекува да попушти од своите цели, а ќе заврши како и секој конфликт со мировни преговори на преговарачка маса со микс од болни компромиси.

Што треба Македонија да прави овој период, на пример вложување во армијата како еден од гарантот за мир?

Најпрво е добро што Македонија е  членка на НАТО. Постојано велам дека светот има глобални закани кои бараат глобални решенија и одговори. За тоа ви требаат глобални институции организации кои имаат ресурси за спротиставување на гобалните предизвици. Македонија е мала земја со ограничени ресурси.
Најдобарата глобална алијанса е НАТО. Пример е членот 5 на НАТО, еден за сите, сите за еден. Следно, што е најважно, продлабочување на односите со САД, нашиот најлојален сојузник, секако и со Британија, Германија, Франција и Израел.Јакнење на економијата, земјоделието и енергетките капацаитети,дефинирање, инвестирање и опремување на институции кои се борат со невоени закани, пожари, поплави и еколошка безбедност.Мислам дека сите ние граѓаните, партиите, НВО и сл разбраа дека постојаното и зголеменото инвестирање во Армијата со опрема, обука и мотивирана војска со солидни примања е темел за придонес во мирот дома и во светот.

The post Стефановски: Добро е што Македонија е членка на НАТО, светот има глобални закани кои бараат глобални решенија appeared first on Република.

Косово денеска е примено за придружна членка на НАТО. Ваква одлука донесе Парламентарното совбрание на Алијансата и го унапреди статусот од набљудувач до придружна членка.

На гласањето, 14 членки на НАТО беа воздржани, а само Унгарија беше против.Придружна членка покрај Косово стана и Малта.

Што значи ова за Македонија и за регионот го прашавме политикологот Милан Стефановски, еден од најдобрите познавачи на прашањата поврзани со одбраната.

Toj е убеден дека пристапувањето на Косово кон институциите на НАТО е во контекст на  геополитичко позициционирање на САД и НАТО на Балканот како неминовна точка на рускиот интерес.

Според него, јужното крило на НАТО е пред сериозен предизвик во светло на руско- украинскиот конфликт или поточно на конфликтот помеѓу Западот и Русија.

Во Јужното крило на НАТО гравитираат и земји како Бугарија и Турција кои се блиску до црноморскиот базен каде се одвиваат конфликти со силен интезитет. Но, и гравитираат и земји кои немаат поширок прифатен меѓународен државен статус како што е Косово и проблемите во БиХ. За Косово да биде придружна членка во НАТО е прашање и на меѓународното право и принципи бидејќи сеуште не е призната како држава во институционални рамки. Но, тоа пак преставува силен сигнал  кон Русија за затворање на Јужното крили на НАТО и елиминирање на можни потенцијални конфликти, секако и дејуре и  дефакто еден ден Косово да биде полноправна членка на НАТО. Тоа за Косово е градење на уште една силна врска со западните сојузници-изјави Стефановски за „Република“.

Стефановски објаснува што значи ова за Македонија.

За нас е важно што ќе имаме уште еден сосед кој ќе биде извор на стабилност. Јасно е дека не постои повеќе меѓународно право туку сила на меѓународната заедница. Така беше и со Украина која сред војна доби статус во ЕУ заради  " потребата од кафе на Орбан и Шолц". Се надевам дека и за нас може да се направи елегантен исклучок виза ви ветото на Софија и поскорешна ЕУ интеграција.

Маќедонци: Косово е на само еден чекор од полноправно членство во НАТО

Министерот за одбрана на Косово, Ејуп Маќедонци нагласува  дека неговата земја отсега  ќе има право да предлага и коментира за кој било процес или документ со кој работи Собранието на НАТО.

Со оваа одлука Косово е на само еден чекор од полноправно членство во НАТО, што секако ќе влијае на стабилизација на Балканот“, напиша Маќедонци.

The post Што значи за Македонија што Косово стана придружна членка на НАТО: Важно е да имаме уште еден сосед кој ќе биде извор на стабилност appeared first on Република.