Косовскиот премиер Албин Курти побара од Србија предавање на поранешниот потпретседател на најголемата партија на косовските Срби, Милан Радоичиќ, кој ја презеде одговорноста за терористичкиот напад од минатата година во Бањска во северно Косово, како услов за негово враќање на дијалогот со Белград, јави дописникот на МИА од Приштина.

Курти во интервју за медиумот БНН Блумберг (bnnbloomberg.ca), што го пренесуваат косовските медиуми, исто така, побара од ЕУ да изврши поголем притисок врз Белград за да помогне во намалувањето на тензиите со договор за нормализирање на односите.

„Тоа требаше да се случи вчера. Верувам дека е можно“, изјави Курти.

Косовскиот премиер вели дека меѓународните критики за односот на неговата влада кон српското малцинство во земјата се претерани.

„Тие се премногу загрижени. Секогаш кога преземаме дејствија, има алармантни гласови за можна ескалација, но еве сме – Косово е подобро од кога било досега“, вели Курти

Потезите на Приштина да ги затвори институциите поддржани од Србија и да ја забрани употребата на српскиот динар во обласите во северно Косово населени со мнозинско српско население поттикнаа предупредувања од Соединетите Американски Држави и Европската унија дека акциите може да претставуваат закана за кревкиот мир на Балканот.

Дејствијата на Приштина, која вклучува затворање на филијали на српски банки во областа, уследија по престрелката од минатата година во близина на православниот манастир (Бањска) на северот, во која загинаа еден косовски полицаец и тројца српски милитанти. Тоа беше најкрвавиот судир во регионот во речиси две децении, пишува БНН Блумберг.

Курти, според меѓународниот медиум, ги бранеше своите постапки како неопходни за да се врати законот и редот на долго поделениот север. Тој, исто така, инсистираше на тоа дека чекорите се неопходни кон воспоставување контрола врз областите со српско мнозинство и нивна целосна интеграција во правните и финансиските системи на Косово.

„Мојот впечаток е дека токму поради тоа што ние сме успешни, Белград е се понервозен и, следствено, поагресивен“, изјави Курти.

МИА

The post Курти бара предавање на Радоичиќ како услов за продолжување на дијалогот со Србија appeared first on Република.

Косовскиот премиер Албин Курти побара од Србија предавање на поранешниот потпретседател на најголемата партија на косовските Срби, Милан Радоичиќ, кој ја презеде одговорноста за терористичкиот напад од минатата година во Бањска во северно Косово, како услов за негово враќање на дијалогот со Белград, јави дописникот на МИА од Приштина.

Курти во интервју за медиумот БНН Блумберг (bnnbloomberg.ca), што го пренесуваат косовските медиуми, исто така, побара од ЕУ да изврши поголем притисок врз Белград за да помогне во намалувањето на тензиите со договор за нормализирање на односите.

Тоа требаше да се случи вчера. Верувам дека е можно, изјави Курти.

Косовскиот премиер вели дека меѓународните критики за односот на неговата влада кон српското малцинство во земјата се претерани.

Тие се премногу загрижени. Секогаш кога преземаме дејствија, има алармантни гласови за можна ескалација, но еве сме - Косово е подобро од кога било досега, вели Курти.

Потезите на Приштина да ги затвори институциите поддржани од Србија и да ја забрани употребата на српскиот динар во обласите во северно Косово населени со мнозинско српско население поттикнаа предупредувања од Соединетите Американски Држави и Европската унија дека акциите може да претставуваат закана за кревкиот мир на Балканот.

Дејствијата на Приштина, која вклучува затворање на филијали на српски банки во областа, уследија по престрелката од минатата година во близина на православниот манастир (Бањска) на северот, во која загинаа еден косовски полицаец и тројца српски милитанти. Тоа беше најкрвавиот судир во регионот во речиси две децении, пишува БНН Блумберг.

Курти, според меѓународниот медиум, ги бранеше своите постапки како неопходни за да се врати законот и редот на долго поделениот север. Тој, исто така, инсистираше на тоа дека чекорите се неопходни кон воспоставување контрола врз областите со српско мнозинство и нивна целосна интеграција во правните и финансиските системи на Косово.

Мојот впечаток е дека токму поради тоа што ние сме успешни, Белград е се понервозен и, следствено, поагресивен, изјави Курти

The post Курти бара предавање на Радоичиќ како услов за продолжување на дијалогот со Србија appeared first on Република.

Поранешниот потпретседател на Српска листа Милан Радоjчиќ планира нови напади на Косово, тврди косовскиот премиер Аљбин Курти. Според него целта на овие планови е да се дестабилизира состојбата, а за таа цел, наводно, Радојчиќ имал редовни средби со српските разузнавачи, а членовите на неговата група добиваат плата од 2.000 евра месечно.

По терористичкиот напад, Милан Радојчиќ беше ослободен од српскиот суд во рекордно време. Тој сега заедно со некои членови на терористичката организација „Цивилна одбрана“ ги продолжува подготовките за други напади на Косово. Радоичиќ одржува редовни средби со високи претставници на БИА. Просториите на фирмата Јаблановица во Рашка, како и оние во Нови Пазар, се користат за сместување и складирање возила и експлозивни направи за идни напади на Радоичиќ и неговата група. Паравојските на Радоичиќ се засолнуваат во објектите што ги поседува овој туристички парк, а освен сместување, на членовите на терористичката група им се плаќа и по околу 2000 евра месечно, вели Курти.

Официјален Белград негира вмешаност во овој настан. Радојчиќ, пак, ја презеде одговорноста за нападот во Бањска, каде што беа убиени еден косовски полицаец и тројца напаѓачи.

The post Курти: Радојчиќ подготвува нови напади на Косово appeared first on Република.

Српскиот претседател Александар Вучиќ денеска изјави дека Милан Радоичиќ, кого Обвинителството го товари за тешки кривични дела кои самиот ги признал, да ќе биде испитан од сите аспекти, вклучително и од каде се парите за оружје на црниот пазар, наведувајќи дека тој е не обвинител за да зборува за тоа, јави дописникот на МИА од Белград.

Не би сакал да го бранам Радоичиќ бидејќи тој одговара пред нашите судски органи и допрва му престои обвинение, кога ќе се спроведе истрагата, а дали истрагата ќе се прошири или не, зависи од надлежните државни органи. Тие ќе ги утврдат сите овие факти, рече Вучиќ.

На новинарско прашање од каде ги добил Радоичиќ парите за куќата на езерото Газиводе и оружјето што беше конфискувано по конфликтот на северот на Косово, Вучиќ одговори:

Нема да ви се допадне мојот одговор, многу повеќе пари имаат Драган Ѓилас и Мирослав Алексиќ, а Радоичиќ ги вложил парите во својата куќа на Косово и Метохија и не изнесуваше пари од Србија, како што тоа го прават многу лидери на поранешниот режим и опозицијата, кажа Вучиќ и додаде дека се води истрага, да тој не е обвинител и не е судија да донесува каква било пресуда, што би било незаконски.

Вучиќ кажа дека обвинителот го гони Радоичиќ за многу тешки кривични дела кои тој самиот ги признал.

Самиот се призна, немаше потреба да слушнете некој друг, дојде човекот и рече „јас тоа го направив“ и се понуди себе си, рече Вучиќ и додаде дека истрагата ќе продолжи, а обвинението ќе биде поднесено.

The post Вучиќ: Се ќе биде испитано и ќе се покрене обвинение против Милан Радоичиќ appeared first on Република.

Милан Радоичиќ, осомничениот за вооружениот конфликт во Бањска, е пуштен од притвор.

Судијата за претходна постапка на Вишиот суд во Белград, откако го сослуша обвинетиот М.Р. за причините за определување притвор, го одби предлогот на Вишото јавно обвинителство во Белград да определи притвор од правни причини пропишани со член 211 став 1 точка 1 од Законот за кривична постапка, односно поради опасност од бегство, Вишиот суд соопштија во Белград.

Воедно, како што се наведува, за обвинетиот М.Р. одредена му е мерка забрана за напуштање на местото на живеење со која му е забрането да ја напушти територијата на Р.Србија без одобрение на суд и му е забрането да оди на територијата на Косово и му е наредено да се јави во надлежна полициска станица на 1 и 15 секој месец.

Исто така, од обвинетиот М.Р. патната исправа, поточно пасошот на Република Србија, привремено е одземена, а пријавениот бил предупреден дека може да биде приведен доколку ги прекрши забраните и обврските. Обвинетиот М.Р. се товари за сторено кривично дело Неовластено изработување, држење, носење и тргување со оружје и распрскувачки материи од член 348 став 4 и 3 во врска со ст.1 од Кривичниот законик во врска со кривичното дело учество во група која врши кривично дело. Против наведеното решение, дозволена е жалба до кривичниот совет на Вишиот суд во Белград, во рок од три дена од приемот на решението, се заклучува во соопштението доставено до медиумите.

The post Вчера го уапсија, денеска го ослободија: Милан Радоичиќ пуштен од притвор appeared first on Република.

Милан Радоичиќ, поранешниот потпретседател на Српската листа, на сослушувањето во Вишото јавно обвинителство (ВЈТ) во Белград, го негирал извршувањето на кривичните дела за кои е обвинет.

Радоичиќ денеска беше сослушан во ВЈТ поради сомнение дека со, засега повеќе непознати лица, извршил кривични дела здружување заради извршување кривични дела, недозволено производство, држење, носење и тргување со огнено оружје и експлозивни материи и тешки прекршоци против општата безбедност.

ВЈТ соопшти дека на распитот осомничениот го негирал извршувањето на кривичните дела кои му се ставаат на товар, пренесува Н1.

Обвинителството по сослушувањето му предложи на судијата за претходна постапка на Вишиот суд во Белград на осомничениот да му одреди притвор поради опасност од бегство.

Наредбата за спроведување на истрагата опфаќа неколку, засега непознати лица, кои се товарат за кривично дело тешки дела против општата безбедност.

Според наредбата за спроведување истрагата, Радоичиќ се терети дека од Тузла набавувал оружје, муниција и експлозивни направи со голема разорна моќ, кои му биле доставени на територијата на Белград, најчесто на релација Бубањ Поток – Врчин.

А кои потоа ги транспортирал и складирал на неутврдени локации на територијата на Косово, каде ги криел во напуштени згради и шуми, па како водач на група со неколку непознати лица, со заедничка акција и општо опасна акција на 24 септември, предизвикал опасност по животот на луѓето во местото Бањска“, се наведува во соопштението на ВЈТ.

Радоичиќ пред неколку дена одговори на поканата на српските државни органи.

Тогаш беше соопштено дека ВЈТ во Белград ќе биде известена во форма на извештај, која ќе преземе дополнителни мерки и дејствија во нејзина надлежност.

Радоичиќ ја презеде целосната одговорност за настаните во селото Бањска на северот на Косово.

На 24 септември во селото Бањска беше убиен косовски полицаец, по што следеше акција на специјалните единици на косовската полиција насочена кон вооружена група која се обиде да најде засолниште во манастирот Бањска.

Во акцијата загинаа тројца Срби, по потекло од северот на Косово.

The post Радоичиќ на сослушувањето ги негирал сите кривични дела appeared first on Република.

Уапсен е Милан Радоичиќ, кој призна дека го организирал вооружениот конфликт во Бањска на Косово.

На 03.10.2023 година, полициски службеници на Управата за криминалистичка полиција извршија претрес во станот и другите простории на Милан Радоичиќ, кому полицијата му одредила притвор до 48 часа. Со кривична пријава е изведен во Вишото јавно обвинителство во Белград, велат од полицијата.

Радоичиќ во петокот преку својот адвокат Горан Петронијевиќ ја презеде одговорноста за вооружениот конфликт во селото Бањска, а утредента како граѓанин беше сослушан во полиција. По неговото сослушување беше најавено дека случајот со конфликтот во Бањска ќе го преземе белградското Вишо јавно обвинителство во Белград.

The post Уапсен Милан Радоичиќ: Ова се деталите appeared first on Република.

Милан Радоичиќ денеска е приведен и му е одредена мерка притвор од 48 часа!
Полициски службеници на Управата за криминалистичка полиција извршиле претрес во станот и другите простории на Радоичиќ, кој е задржан до 48 часа.

Според негово признание, настаните во Бањска ги организирал Милан Радоичиќ, а за тоа зборуваше и претседателот на Србија, Александар Вучиќ.

- Милан Радоичиќ никогаш не се криел, не се срамел од својата улога. Тој секако ќе одговори на поканата на надлежните органи. Се наоѓа на територијата на Србија - изјави пред неколку дена претседателот Вучиќ.

The post Уапсен Србинот што го организираше нападот на Косово appeared first on Република.

Вилата на Милан Радоичиќ, која пред неколку дена ја претресе косовската полиција, го отвори прашањето за законитоста на имотот на поранешниот потпретседател на Српската листа. Како заштитникот на Србите на северот на Косово стекна толкаво богатство и дали е балкански борец Пабло Ескобар како што тврдат во Приштина?

Луксуз скриен во вила на брегот на езерото Газовде на северот на Косово. Сопственик на величествената зграда е Милан Радоичиќ, тврди косовската полиција, а никој од српска страна не негира.

Koсовските власти најавуваат дека ќе му ја конфискуваат вилата.Останува да се види дали планот ќе се реализира.

The post Koсовските власти најавуваат дека ќе му ја конфискуваат вилата на Србинот кој ги организираше нападите appeared first on Република.

Косовската полиција го претресe имотот на Милан Радоичиќ, поранешниот потпретседател на Српската листа, ко jaј организираше „акција“ во селото Бањска во која загинаа четири лица. Косовскиот министер за полиција Џељај Свечија објави фотографии од внатрешноста на вилата на Радоичиќ на брегот на езерото Газивода, нарекувајќи го Пабло Ескобар од регионот.

„Дури и од сликите што може да се видат, очигледно е дека не се работи за „борец за слобода“ туку за Пабло Ескобар од регионот. Под превезот на бранител на граѓаните, тој и неговите соработници станаа мултимилионери на сметка на законот, државата и другите граѓани. Затоа, неопходно е да се истражи местото на злосторството сите овие години на северот на земјата заедно со целиот имот на терористичката група“, заклучи Свечија.

The post На езеро, во стилот на Пабло Ескобар: Ова е хациендата на Србинот од Косово кој го организираше нападот appeared first on Република.