Три женски лица на возраст од 15, 37 и 62 години загинаа во тешката сообраќајната несреќа на автопатот Штип-Миладиновци на околу половина километар од патарината кај Кадрифаково. Според првични информации жртвите се во роднинска врска и се превезувале во возило шевролет „калос“ со скопски регистерски таблички, во кое имало уште две лица.

Според СВР-Штип, во несреќата повредени се четири лица. Како дошло до судир меѓу возилата тојата „ланд крузер“ со кочански регистерски таблички и шеворлет „калос“ со скопски регистерски таблички се уште се утврдува од страна на полицијата и јавен обвинител.

Портпаролот на СВР-Штип, Гордана Панајотова вели дека учесници во несреќата се возилата тојата „ланд крузер“ со кочански регистерски таблички управувано од возач на 29-годишна возраст, во кое имало и сопатник на возраст од 34 години, при што и двајцата се повредени.

Возилото шеворлет „калос“ со скопски регистерски таблички е управувно од возач на возраст од 45 години, во кое се превезувало 12-годишно момче, кои се повредени, а во ова возило биле и трите жртви на возраст од 15, 37 и 62 години.

МИА претходно информираше дека 15-годишното девојче и 62-годишната жена починале на самото место, а 37-годишната жена на пат кон штипската Клиничка болница. Лекарите се обидувале да ја реанимираат, но безуспешно, пред вратата на болницата им подлегнала на повредите.

Во штипската Клиничка болница во моментов се двајца пациенти на кои им се прават лекарски прегледи, а третото лице кое е пренесено во болницата и е со тешки телесни повреди, по направените компјутерски снимања е транспортирано во Клиничкиот центар во Скопје.

Полицијата и обвинител вршат увид на местото на несреќата, а сообраќајот се одвива по стариот регионален пат.

The post Едно лице од повредените во сообраќајката на автопатот Штип – Миладиновци е пренесено во Скопје appeared first on Република.

Одделот за внатрешна контрола, криминалистички истраги и професионални стандарди при Министерството за внатрешни работи поднесе кривична пријава против полицискиот службеник С.С. од Скопје, вработен во полициска станица при СВР Скопје, поради основано сомение дека сторил кривично дело „примање поткуп“.

Како што информира денеска Министерството за внатрешни работи, на 26 јули годинава при контрола на патничко возило на автопатот Скопје-Миладиновци побарал и зел 2.000 денари за да не изготви записник и прекршочен платен налог за сторен и констатиран сообраќаен прекршок.

-Оштетеното лице потоа го пријавило случајот во полициска станица, а по преземени мерки било утврдено дека пријавениот го сторил делото и му е поднесена кривична пријава, се вели во соопштението од МВР.

Од Одделот за внатрешна контрола поднесена е иницијатива за поведување постапка за утврдување дисциплинска одговорност и предлог за отстранување од работното место до завршување на дисциплинската постапка.

The post Кривична за полицаец: Земал поткуп 2000 денари да не пише казна на автопатот Скопје – Миладиновци appeared first on Република.

Од понеделник во седум часот ќе бидат ставени во функција наплатните рампи Преод и Кадрифаково на автопатот Миладиновци - Свети Николе - Штип и обратно.

На наплатните станици целосно функционира Електронскиот систем за наплата на патарина.

Посочуваме дека првите две ленти од десно се за возилата кои користат М-таг електронски уред со кој се поминува со намалување и успорување на брзината на движење на возилото и без запирање, додека на останатите ленти покрај наплата во готово, може да се употреби и М-смарт картичката како електронски уред за наплата на патарина - информира Јавното претпријатие за државни патишта.

Наплатните станици Преод и Кадрифаково имаат по седум наплатни кабини.

The post Од понеделник добиваме уште две патарини: Почнуваат со работа Преод и Кадрифаково на Миладиновци – Штип appeared first on Република.

На 19.03.2022 во 08,30 часот на автопат Куманово-Скопје во близина на село Миладиновци, се случила сообраќајна несреќа во која А.Д.Л.(21) од Холандија, управувајќи патничко моторно возило „мерцедес“ со холандски национални ознаки излетал од коловозот.

А.Д.Л и неговиот сопатник К.П.С. (27) од Холандија биле пренесени во Градска општа болница „8-ми Септември“ каде од доктор кај К.П.С. била констатирана повреда, додека кај А.Д.Л. констатирана е тешка телесна повреда.

Увид на местото на настанот извршила увидна екипа на СВР-Скопје.

The post Холанѓани со „Мерцедес“ излетале кај Миладиновци appeared first on Република.