Грчкиот премиер, Киријакос Митотакис, најави дека Грција ќе воведе данок од 20 евра за посетителите од туристичките бродови кои пловат кон островите Санторини и Миконос за време на летната сезона, во обид да го спречи прекумерниот туризам.

Грција во голема мера се потпира на туризмот, главниот двигател на економијата на земјата, која сè уште се опоравува од децениската длабока економска криза која збриша четвртина од нејзиниот бруто домашен производ.

Сепак, некои од нејзините најпопуларни дестинации, како што е Санторини, идиличен остров кој поседува шармантни села и плажи со 20.000 постојани жители, се изложени на ризик да бидат уништени од масовниот туризам.

На прес-конференцијата, при претставувањето на неговите главни економски политики за 2025 година, Микотакис објасни дека преголемиот туризам е проблем само за неколку дестинации.

Грција нема структурен проблем со прекумерниот туризам. Некои од нејзините дестинации имаат голем проблем во одредени седмици или месеци од годината, со кои треба да се справиме. Крузерите ги оптоварија Санторини и Миконос и затоа интервенираме“, додаде Мицотакис објавувајќи го воведувањето на таксата.

Во Санторини, демонстранти повикаа на ограничување на туризмот, како што е случај во другите популарни дестинации за одмор во Европа, вклучувајќи ги Венеција и Барселона.

Владата, исто така, планира да го регулира бројот на бродовите за крстосување кои пристигнуваат на одредени дестинации во исто време, додека на островите мора да се воведат правила кои ќе ја заштитат животната средина и ќе го решат проблемот со недостигот на вода, посочи Мицотакис.

Грција сака да го зголеми и данокот за краткорочни изнајмувања и да забрани нови лиценци за такви изнајмувања во центарот на Атина за да го зголеми бројот станбени единици кои ќе бидат пристапни за постојаните жители, како што тоа го најавија градските власти на каталонската престолнина Барселона.

The post Грција воведува нова такса: Туристите од крузерите на Миконос и Санторини ќе плаќаат по 20 евра appeared first on Република.

Полека се збогуваме со шармот на летото и ја дочекуваме есенската сезона, а актерката Деми Мур (60) реши да ги искористи последните „трзаи“ за ова лето.

 

View this post on Instagram

 

A post shared by Greek Reporter (@greekreporter)

Отпатувала во Грција, а за едно ноќно излегување ја снимале на островот Миконос.

Деми танцуваше на клупа со другарките, облечена во долг зелен фустан. Повод за забавата бил роденденот на нејзината пријателка Вероника Пастра.

The post Деми Мур се журка на Миконос: Качена на клупа танцува со другарките appeared first on Република.

Во рамките на контролите за борба со дивоградбите, грчката полиција во периодот од 29 април до 1 мај уапсила вкупно 22 лица на островите Миконос, Родос, Милос и Фолегандрос, јави дописничката на МИА од Атина.

Како што соопштија од полицијата, против сторителите биле поднесени одвоени кривични пријави за незаконски градежни работи и вработување на нелегални странски државјани.

На островот Миконос биле уапсени лица кои бојадисувале дивоградби во рамките на хотелски бизнис, на Родос уапсените пренесувале градежен материјал во крајбрежен простор, а на Милос и Фолегандрос уапсените лица без дозвола вршеле градежни работи во објект во изградба.

The post Уапсени 22 лица за дивоградби на четири грчки острови appeared first on Република.

Сопствениците на „бич баровите“ на островот Миконос плаќаат огромни суми пари за изнајмување на плажите кои ги враќаат за само еден добро посетен ден.

Тие инвестираат илјадници евра во висококвалитетни лежалки и чадори за да им овозможат на посетителите висококвалитетна услуга.

При последното реновирање, компанијата „Наммос“ со истоимениот елитниот ресторан и бар кој за лежалки во прв ред наплаќа од 300 до 500 евра, инвестираше неверојатни 1,5 милиони евра во лежалки и чадори за сонце од врвен махагони и челик. .

Колку плаќаат сопствениците на ресторани и барови за изнајмување плажи на Миконос?

Плажата Псару е една од најпопуларните и најпознатите плажи на островот каде што се наоѓа светски познатата плажа Намос, која сè уште ја носи титулата најскапа плажа на Миконос.

Според официјалните податоци, секој квадратен метар песок за користење на плажата Псару чини 80 евра за сезона и дополнителни 6.000 евра за поставување лежалки, минус 20% попуст од вкупната цена. Тоа значи дека фирмата „Наммос“ секоја сезона и плаќа на општината по 86.000 евра за околу 1.000 м2 површина на плажа.

The post Градот со милионски приходи: Изнајмувањето лежалки на Миконос годишно чини 86.000 евра appeared first on Република.

Еден пар од Канада кој дошол на меден месец на Миконос вечно ќе ја памети вечерата на

плажа.
Лекс и Линдзи Брин нарачале едно пиво, коктел и десетина остриги и платиле повеќе од 400 евра. Тие ја споделија својата приказна за да ги предупредат другите за ваквите изненадувања.

Веднаш прашаа „сакате ли остриги? Беа многу дрски. Нарачавме 12, како што беше предложено, мислејќи дека тоа е вообичаено. Алекс нарача пиво, а јас побарав мени за коктел.Конечно, ми донесе пластифицирано парче хартија со наведените видови алкохол, но без цените и вистинските имиња на пијалоците. Затоа нарачав Aperol spricz“, раскажува таа.

Кога дошло време за плаќање, парот тврди дека персоналот не им ја донел сметката, туку го повикал Алекс во „задната соба“ да плати. На екранот на компјутерот му ја покажале сметката која била на грчки јазик и изнесувала над 400 евра.

Иако бил шокиран, Алекс ја платил сметката за да избегне конфликт, тврди Линдзи.

„Тој се чувствуваше заплашено. Тој е најдобриот човек, па дури и ако сметката беше двојно поголема, веројатно ќе ја платеше за да ја избегне расправии. Беше прилично лудо. Мило ми е што не се скаравме бидејќи можеше да заврши полошо за нас“-заклучи невестата.

The post Миконос прескап дури и за Канаѓани: Пар дојден на меден месец за едно пиво, аперол и 12 остриги платиле 400 евра appeared first on Република.

Џек Фентон (22) од Велика Британија загина во трагична несреќа кога го удри пропелер на хеликоптер и се здоби со тешки повреди на главата.

Тој со неговите пријатели се враќале од Миконос каде биле на одмор. Неговите пријатели и пилотот биле шокирани кога виделе како сечилото што замавнува го убива на лице место.

Луѓето кои во тој момент биле околу него го предупредиле да се оддалечи од хеликоптерот кој бил блиску до младиот човек, но тој не обрнал внимание. Во текот на истрагата, грчката полиција отворила можност Џек дека сакал да направи селфи со хеликоптерот и дека во тој момент бил погоден од грб.

The post Го удри пропелер од хеликоптер во главата додека правел селфи: Британец загина во Грција appeared first on Република.

Српската естрадна ѕвезда, Дара Бубамара, предизвикува внимание каде и да се појави, а овојпат тоа го направи со провокативни фотографии на социјалните мрежи.

Пејачката често оди на луксузни патувања од каде што објавува снимки и фотографии. Најново, Дара на својот профил на Инстаграм објави снимки од одморот на Миконос кои предизвикуваат нејзините фанови да останат без здив од нејзиниот изглед.

 

View this post on Instagram

 

A post shared by Dara Bubamara (@darabubamara_official)

Пејачката се појавува во црвенкасти бикини, при што нејзините гради се истакнати во прв план.

 

View this post on Instagram

 

A post shared by Dara Bubamara (@darabubamara_official)

The post Дара Бубамара „гори“ на Миконос: Црвеникавото бикини само што не пукнало на нејзините гради appeared first on Република.

Позната инфлуeнсерка од Македонија и ќерка на политичар е едно од трите уапсени лица на Миконос за учество во злосторничка организација која продавала кокаин и екстази на грчкиот остров Миконос, пишува грчкиот весник „Прототема“.

Тројца државјани на Македонија, двајца мажи на возраст од 34 и 35 години и 21-годишна девојка, во средата биле уапсени на грчкиот остров Миконос, под обвинение за трговија со дрога.

Девојката која уште е опишана и како русокоса со многу следбеници на Инстаграм и чија мајка е правник/адвокат, оперирала заедно со уште двајца македонски државјани и еден познат либански ди-џеј. Лидер на групата бил 34 годишен скопјанец, десна рака му бил 35 годишен сонародник а четвртиот уапсен во групата либанскиот државјанин за кој само се вели дека потекнува од ситуирано семејство.

Според грчкиот весник, секој член на групата имал свои задачи а полицијата ги следела веќе подолго време. Полицијта на Миконос решила да дејствува кога групата одлучила да го напушти хотелот во кој била сместена. При апсењата и претресите се одземени 220 грама кокаин, 270 грама метаамфетамини, 437 таблети екстази и околу 160 грама канабис. Истрагата за идентификување на нивните контакти продолжува.

Либанскиот ди-џеј кој е уапсен како дел од групата се претставил како клиент на групата од Скопје. Пред полицијата, според Прототема, дал исказ дека тој само купувал дрога од криминалната група. Кај него полицијата нашла 3,7 грама кокаин.

The post Ќерка на македонски политичар и инфлуенсерка уапсена за шверц со дрога на Миконос appeared first on Република.

Стапката на позитивност, односно процентот на позитивни резултати од направените тестови и оваа седмица е висока на голем дел од грчките острови, над 40 отсто на Миконос, Парос, Санторини и Милос, јави дописничката на МИА од Атина.

Според официјалните податоци од Националната организација за јавно здравје на Грција за стапката на позитивност во периодот од 27 јуни до 3 јули 2022 година, на Миконос позитивни се 64,21 отсто од тестираните, на Милос 47,47 проценти, на Парос 46,44 отсто, на Санторини 41,39 отсто и 37,54 проценти во западниот дел на областа Атика, поширокиот регион на Атина.

Меѓу 20 и 30 отсто позитивни од направените тестови за Ковид-19 има на островите Родос, Лимнос, Наксос, Хиос, Карпатос, Крф, Закинтос и Кос, во градовите Ханиа, Ретимнос и Ираклио на Крит, во центарот на Атина и во источниот дел на областа Атика.

Во конкретниот период од седум дена стапката на позитивност во Грција е 14,6 проценти, од вкупно 852.361 лабораториски тестови (ПЦР и рапд), наспроти 12,07 отсто пред една седмица.

Во изминатите 24 часа во Грција се регистрирани 19.303 нови случаи на Ковид-19 и 4.061 веројатни реинфекции, починаа 20 лица, а 96 пациенти се приклучени на апарати на одделите за интензивна нега во грчките болници.

Од почетокот на пандемијата во земјата се потврдени 3.774.377 случаи на Ковид-19, се проценува дека има 191.263 реинфекции што е 4.8 отсто од вкупниот број на позитивни резултати, а почина вкупно 30.371 лице.

Од Националната организација за јавно здравје на Грција денеска соопштија дека од петок статистиката поврзана со Ковид-19 ќе се објавува еднаш седмично, а не секој ден како што беше пракса досега

The post Позитивни 64 отсто од тестираните: Ако одите на Миконос речиси сигурно ќе фатите корона appeared first on Република.

Стапката на позитивност на грчките острови Миконос и Милос во изминатата седмица надмина 50 отсто, а во цела Грција е над 12 проенти, јави дописничката на МИА од Атина.

Според официјалните податоци од Националната организација за јавно здравје на Грција, за стапката на позитивност во периодот од 20 до 26 јуни 2022 година, на Миконос 53,53 отсто од направените тестови биле позитивни, на Милос 52,45 проценти, а на Санторини 39,51 отсто.

Според стапката на позитивност, следат островите Итаки, Парос, Карпатос, Крф, Кос и источниот дел на областа Атика, поширокиот регион на Атина со над 20 отсто.

Во конкретниот период од седум дена стапката на позитивност во Грција е 12,7 проценти, од вкупно 715.666 лабораториски тестови (ПЦР и рапд).

Националната организација за јавно здравје на Грција секоја среда заедно со дневните податоци за новозаразени, починати и хоспитализирани, ја објавува и стапката на позитивност на седумдневно ниво.

Од почетокот на пандемијата во земјата се потврдени 3.661.004 случаи на Ковид-19, се проценува дека има 168.440 реинфекции што е 4.4 отсто од вкупниот број на позитивни резултати, а починаа вкупно 30.218 лица

The post На грчките острови Миконос и Милос позитивни над 50 отсто од направените тестови за Ковид-19 appeared first on Република.

На грчките острови Миконос и Санторини 36,98 отсто, односно 25,32 проценти од направените тестови за Ковид-19 се позитивни во изминатата седмица, согласно официјалните податоци од Националната организација за јавно здравје на Грција (ЕОДИ), за стапката на позитивност во периодот од 6 до 12 јуни 2022 година, јави дописничката на МИА од Атина.

За разлика од една седмица претходно, на Миконос има зголемување за 14 отсто на позитивните случаи (од 22,91 процент на 36,98 отсто), а на Санторини за два отсто.

Според стапката на позитивност, следи западниот дел на областа Атика, поширокиот регион на Атина со 16,33 отсто, островот Карпатос со 16,14 проценти, како и островот Милос со 15,7 проценти.

Со над десет проценти се и островите Парос, Андрос, Закинтос и Родос, како и центарот на Атина.

Во конкретниот период од седум дена стапката на позитивност во Грција е 6,18 проценти, од вкупно 556.948 лабораториски тестови (ПЦР и рапд), наспроти 4,88 отсто пред една седмица.

Националната организација за јавно здравје на Грција еднаш седмично, заедно со дневните податоци за новозаразени, починати и хоспитализирани, ја објавува и стапката на позитивност на седумдневно ниво.

Од почетокот на пандемијата во земјата се потврдени 3.517.898 случаи на Ковид-19, се проценува дека има 144.221 реинфекции што е 3.9 отсто од вкупниот број на позитивни резултати, а починаа вкупно 30.049 лица

The post На Миконос 37% од тестираните се позитивни на ковид appeared first on Република.

На грчкиот остров Миконос 37 отсто отсто од направените ковид тестови се позитивни изминатата седмица.

Ова го покажуваат официјалните податоци од националната организација за јавно здравје на Грција.

Тоа претставува зголемување за 14 отсто на позитивните случаи споредено со претходната седмица.

Информациите од Грција се дека стапката на позитивност загрижувачки податоци покажува во дел на областа Атика, поширокиот регион на Атина со 16,33 отсто, островот Карпатос со 16,14 отсто, како и островот Милос со 15,7 отсто.

The post На грчкиот остров Миконос 37 отсто од ковид-тестовите се позитивни appeared first on Република.