По речиси 18 години од почетокот на изградбата, метрото во Солун од денеска е во функција, а беше пуштено во употреба, откако грчкиот премиер Кирјакос Мицотакис, во присуство на претседателката Катерина Сакеларопулу и надлежните министри, симболично го притисна копчето за почеток со што тргна и првото метро, јави дописничката на МИА од Атина.

Претходно се одржа свечена церемонија со присуство на државниот врв, додека пак пред дел од метро станиците беа насобрани граѓани кои и покрај дождот, чекаа да се отворат станиците за да го видат метрото и да се повозат.

Главната линија на метрото е во должина од 9,6 километри со два независни тунели со една насока, има 13 модерни станици, ќе сообраќаат 18 најсовремени автоматски метроа без возач, но со придружник, максималниот капацитет е 18.000 патници на час во еден правец.

Процените се дека дневниот патнички сообраќај ќе биде околу 240.000 патници, но и дека на солунските улици секојдневно ќе сообраќајот 57.000 возила помалку.

Со метрото, за 17 минути ќе се стигнува од едниот на другиот крај на градот, билетот ќе чини 60 центи и ќе важи 70 минути.

Дополнително, на станиците ќе бидат вклучени и археолошките откритија пронајдени за време на изградбата, а на станицата „Венизелос“ се на површина од 1.260 метри квадратн, со што, како што информираа од грчката Влада е меѓународно најголемиот археолошки локалитет вклучен во голем технички проект.

На свеченото отворање меѓу другите, говореа и новиот грчки еврокомесар за транспорт и туризам, како и грчкиот премиер.

Мицотакис откри дека во ноември следната година ќе заврши продолжувањето на метрото до Каламарија, сп што на мрежата ќе додадат уште 4,8 километри железничка пруга и пет нови станици и истакна дека метрото во Солун е „најсовременото метро во Европа“.

-Ова е опиплив проект, за кој сигурен сум дека многумина во градов до последен момент не веруваа дека ќе се случи. И еве, сепак се случи. Со други зборови, рековме дека ќе го сториме тоа и го сторивте. И е симбол на напредокот на Македонија и на цела Грција, посочи Мицотакис.

По свеченото отворање и пуштањето во употреба, Сакеларопулу, Мицотакис и членови на грчката Влада влегоа во метрото и се возеа неколку станици

The post Пуштено во употреба метрото во Солун appeared first on Република.

Солунското метро ќе биде пуштено во употреба за три месеци, односно на 30 ноември годинава, како што од Солун соопшти грчкиот премиер Кирјакос Мицотакис, јави дописничката на МИА од Атина.

Мицотакис говореше на презентацијата на Националната стратегија за регионален развој, рече дека Солун се менува и со менува многу брзо темпо, а „ниту една Влада нема реализирано повеќе проекти за Солун од оваа Влада“ и паралелно го најави датумот кога ќе почне со работа метрото.

По многу свечени отворања, кои во реалноста не беа свечени отворања, по церади, презентации, оспорувања, со задоволство можам да ви соопштам дека солунското метро ќе биде пуштено во употреба, не свечено отворено, туку испорачано за граѓаните на 30 ноември 2024 година. За 95 дена од сега. Што значи дека часовникот одбројува, рече Мицотакис.

Во однос на изградбата на обиколницата во Солун односно Flyover, Мицотакис истакна дека целта е да се заврши на пролет во 2027 година, односно непосредно пред парламентарните избори.

The post За 95 дена почнува да работи метрото во Солун appeared first on Република.

Синоќа жена родила девојче на станицата на подземната железница Нагатинскаja во Москва, јавува сообраќајниот оддел на главниот град.

Имаме многу добри и неочекувани вести. Во метро станицата Нагатинскаja вечерва се роди девојче. На патникот му помогнал дежурниот Сергеј Баранов. Тој дејствуваше според упатствата: повика брза помош, ја опфати областа на влезот во станицата и беше во близина сè додека не пристигнат лекарите“, е наведено во објавата.

Забележано е дека бебето се родило пред да пристигне брзата помош, а со детето и мајката сè е во ред.

The post Жена се породи на метро станица во Москва appeared first on Република.

Најмалку 102 лица се повредени во судир на вагони во метрото во Пекинг, јавија денеска кинеските државни медиуми.

До околу 23 часот, „вкупно 515 лица се испратени во болница на преглед, од кои 102 се здобиле со скршеници“, јави денеска државната телевизија Си-Си-ТВ (CCTV).

До 6 часот утрово, 423 лица беа пуштени од болница,а 67 други се уште добиваат третман, додека 25 лица се под опсервација. Не се регистрирани смртни случаи, објавија државните медиуми.

Несреќата се случила синоќа, за време на шпицот, во дел од метрото што не е под земја.

Според првичните информации, снегот на шините ја нарушил железничката сигнализација и довел до нагло кочење.

Во Пекинг во изминативе денови падна големо количество снег и сообраќајот се одвива отежнато.

The post Најмалку 102 лица повредени во судир на вагони во метрото во Пекинг appeared first on Република.

Полицијата во Барселона соопшти дека наредила евакуација на централната метростаница во градот, Плаза Каталонија, поради сомнителен предмет.

Претставник на полицијата на шпанската автономна област Каталонија, соопшти дека чувар слушнал звук на отчукување од канта за ѓубре и кабли, поради што е затворена метростаницата и распоредени се деминери.

Работиме на метро-станицата Плаза Каталонија откако добивме пријава за сомнителен предмет. Нашите специјалисти ги вршат потребните проверки за да се гарантира безбедност на местото, објави полицијата на Твитер.

The post Се слушало отчукување од канта за ѓубре: Евакуирана централната метростаница во Барселона appeared first on Република.

Солун ќе го има не само најмодерното, туку и најубавото метро во Европа, порача грчкиот премиер Кирјакос Мицотакис откако беше дел од првото, пробно возење на солунското метро, јави дописничката на МИА од Атина.

Метрото во Солун се очекува да биде пуштено во употреба на почетокот од 2024 година, а според информациите од грчката Влада, главната линија што е во должина од 9,6 километри и има 13 станици се очекува да ја користат околу 250.000 патници дневно.

Мицотакис истакна дека метрото веќе почнува со пробната работа и лично тој имаше можност да ја помине целата главна линија, паралелно истакнувајќи дека Владата го исполни ветувањето.

Се обврзав дека Солун ќе добие метро и истовремено ќе го истакне своето исклучително богато археолошко богатство, кое излезе на виделина со ископувањата при изградбата на овој важен инфраструктурен проект, истакна грчкиот премиер.

Процените се дека до јули 2024 година, метрото ќе се прошири до Каламариа, со пет нови станици и речиси 4,8 километри, а планирано е проширување и до северозападните делови на Солун.

The post Солун доби метро, Мицотакис на првото пробно возење appeared first on Република.

Со отворањето на новите три станици од една од линиите на атинското метр, од аеродромот во Атина ќе се стигнува до пристаништето Пиреас За 55 минути со што најголемиот грчки аеродром директно ќе се поврзе со најголемото грчко пристаниште.

Според информациите од грчката Влада, со трите нови станици 132.000 граѓани секојдневно ќе можат да го користат метрото со што ќе се користат 23.000 возила помалку.

На специјална манифестација, во присуство на грчкиот премиер Кирјакос Мицотакис, беа пуштени во употреба трите нови станици преку кои метрото ќе стигне до Пиерас.

Главното пристаниште во земјата ја добива позицијата што ја заслужува, позиција достојна за нејзината богата историја, а Владата уште еднаш го спроведува во пракса централниот слоган: Доследност, континуитет, стабилност и во реализација на големи инфраструктурни проекти - порача Мицотакис.

Тој се осврна и на изградбата на метрото во Солун, велејќи дека за 15-16 месеци, односно на крајот од 2023 година или најдоцна до почетокот на 2024 година ќе биде свечено пуштено во употреба и солунското метро со пет станици.

The post Ќе пренесува 132.000 патници секој ден: Аеродромот во Атина и пристаништето Пиреас поврзани со директна метро линија appeared first on Република.

Претседателот на Србија, Александар Вучиќ денеска при обиколката на работите на изградбата на белградското метро на Макишко поле изјави дека првата линија ќе биде завршена во 2028 година, а втората до 2030 година.

„Белград во 2028 година ќе има метро и ќе биде меѓу најмодерните градови. Важно е да ја завршиме обиколницата околу Белград, бидејќи во градот не само што има зголемен број на луѓе, туку и автомобили и мора да бараме алтернативни решенија во транспортот“, рече Вучиќ.

Тој нагласи дека се гордее со кинеските и француските компании кои се главни изведувачи за изградба на метрото, како и домашните кои масовно учествуваат како подизведувачи.

Тој напомена дека работите мора да се забрзаат, како и да се поврзе метрото со железничката станица Белград Центар во Прокоп.

Мали рече дека работите на Макишко поле напредуваат побрзо од планираното и дека секојдневно на градилиштето има по 140 работници.

Тој додаде дека во септември, а најдоцна во октомври се очекува да се потпише договор за изградба на депо во подземната железница и дека вредноста на работите е 57 милиони евра плус ДДВ.

Изградбата на белградското метро започна на крајот на ноември минатата година на Макишко поле, каде кинеската компанија Пауер Чајна ќе работи на инфраструктура и полнење на платото за идното метро депо.

Изградбата на првите две линии е планирано да чини 4,4 милијарди евра.

За електромеханиката на белградското метро ќе бидат задолжени француски компании, а главен изведувач е „Пауер Чајна“, со 70 отсто од вредноста на вкупните инвестиции во изградбата на метрото.

The post Вучиќ вети дека за шест години Белград ќе добие метро appeared first on Република.

Пекинг затвори околу 10 отсто од станиците во своето големо метро како дополнителна мерка против ширењето на коронавирусот, јавува „Асошиејтед прес“.

Управата на метрото во кратка порака само соопшти дека мерката за затворање на 40 станици, главно во центарот на градот, се презема во рамки на мерките за контрола на епидемијата.

Пекинг е во состојба на зголемена готовност поради ширењето на инфекцијата – со ресторани и барови ограничени на храна што може да се носи, затворени спортски сали и суспендирани часови на неодредено време.

Главните туристички места во градот, вклучувајќи ги Забранетиот град и Зоолошката градина во Пекинг, ги затворија своите изложбени салони и се само делумно оперативни.

Неколку заедници каде што се откриени случаи на коронавирус се изолирани, а на луѓето што живеат во „контролирани“ области им е кажано да останат во границите на градот, вклучително и 12 области кои се сметаат за високоризични и други 35 за среден ризик.

Од жителите на градот се бара да се тестираат три пати неделно, бидејќи властите се обидуваат да откријат и изолираат случаи без да наметнат тип на сеопфатен карантин што се гледа во Шангај и на други места.

Негативен резултат од тестот добиен во претходните 48 часа е неопходен за влез во повеќето јавни простори.

Пекинг во средата забележа само 51 нов случај, од кои пет беа асимптоматски.

Сите бизниси се затворени, освен супермаркетите и продавниците за овошје и зеленчук, пренесува Н1.

The post Пекинг затвори 10 отсто од градските станици на метрото поради короната appeared first on Република.

Виктор Брахински за украинските медиуми изјави дека метрото има капацитет да прими до 100.000 луѓе.

Тој додаде дека во метрото моментално има вода и бањи, како и храна и лекови.

Брахински ги повика луѓето да донесат топла облека, храна и поддршка за оние околу нив, особено жените со мали деца и постарите лица.

The post Околу 15.000 луѓе се во метрото во Киев appeared first on Република.

На 25 март во текот на целиот ден метрото, автобуските и РЕР линиите во Париз ќе бидат во прекин откако синдикатите се состануваат во петок за да одлучат за условите на движењето.

Главните синдикати попладнево објавија „неограничен“ штрајк на 25 март што ќе влијае врз сообраќајот на целата мрежа.

Протестот треба да биде обемен - наведуваат од синдикатот УНСА, според кој, на 25 март ќе бидат стопирани многу метро, автобуски и РЕР линии.

Од синдикатот додаваат и дека облиците на штрајк ќе бидат разновидни. Треба да се очекуваат веројатни реакции од Ил де Франс или институциите што ја претставуваат државата.

Нема да се двоумиме за да бидеме слушнати за време на кампањите на одредени кандидати - вели Ароле Ламас, генерален секретар на УНСА-РАТП.

Како и за време на последниот штрајк што се случи на 18 февруари, синдикатите бараат зголемување на платите за три отсто за „да се справат со инфлацијата и да ја одбранат куповната моќ во Ил-де-Франс“. Тие ги оспоруваат предложените 2,7 отсто од РАТП, тврдејќи дека тоа е навистина само реален раст од 0,4 отсто. Второ барање е отворање на конкуренцијата за автобуски мрежи, што ги турка организациите да се мобилизираат за да го потврдат своето несогласување.

РАТП, од своја страна, потврдува дека преговорите за зголемување на платите се завршени од 18 февруари и ќе доведат до предлог за зголемување на платите за 2,7 отсто. За повикот за штрајк од синдикатите немаат коментар.

The post Синдикатите на париското метро од 25 март повикуваат на „неограничен штрајк“ appeared first on Република.

На видеоснимката се гледа како жената за влакно избегнува смрт во бриселското метро.

Момче намерно турна жена на шините во метро во Брисел во момент кога возот влегол во станицата, покажуваат снимки од надзорна камера во метрото.
За среќа, машиновозачот бил присебен и во последен момент успеал да го запре возот, додека жената се уште лежела на шините.

Останатите патници и помогнале на жената, а младиот човек избегал, но набрзо бил фатен. Станува збор за 23-годишен Французин, но мотивот за овој инцидент засега не е познат.

Woman pushed under wheels of subway train in Brussels. Train driver managed to stop just in time.

Suspect – a 23yo French citizen – detained. Motives as yet unknown. pic.twitter.com/Zl3N4rMeRE

— RT (@RT_com) January 16, 2022

The post Маж намерно турна жена пред воз во метрото во Брисел appeared first on Република.