Еден од двајцата калифорниски лекари меѓу петте обвинети за смртта од предозирање на ѕвездата на „Пријатели“, Метју Пери, во средата се изјасни за виновен за незаконско дистрибуирање на кетамин.

Марк Чавез ја призна вината пред Окружниот суд на САД во Лос Анџелес. При изрекувањето на пресудата, тој може да добие и до 10 години затвор.

Друг лекар обвинет во случајот, Салвадор Пласенсија, се изјасни за невин, како и кообвинетата Јасвен Санга, позната како „Кралицата на кетаминот“.

Личниот асистент на Пери, Кенет Ивамаса, кој призна дека му ја вбризгал дрогата на Пери, и наводниот посредник кој рекол дека набавил кетамин од Санга, веќе се изјаснија за виновни за обвиненијата со кои се соочуваат.

Властите велат дека Пласенсија во СМС пораките до Чавез за тоа колку да му наплатат на Пери за лекот, напишал: „Се прашувам колку ќе плати овој морон“. Според судските документи, Пласенсија му препишала кетамин на Пери и обезбедила асистент кој му го инјектирал лекот.

Пери почина на 54-годишна возраст во октомври 2023 година од акутните ефекти на кетамин и другите фактори поради кои ја изгуби свеста и се удави во џакузи, според обдукцијата во декември 2023 година.

Актерот јавно призна децениска злоупотреба на супстанции, вклучително и во годините додека го играл Чендлер Бинг во хит серијата од 1990-тите „Пријатели“.

The post Докторот обвинет за смртта на Метју Пери се изјасни за виновен за нелегална дистрибуција на кетамин appeared first on Република.

Марк Чавез, еден од двајцата лекари обвинети дека се одговорни за смртта на актерот Метју Пери од предозирање со кетамин минатата година, се изјасни за виновен за незаконско дистрибуирање на лекот.

Чавез пред Окружниот суд на САД во Лос Анџелес се изјасни за виновен, пренесува Ројтерс.

Тој може да се соочи со казна затвор до 10 години по пресудата. Другиот лекар обвинет во овој случај, Салвадор Пласенсија, се изјасни за невин, како и Јасвин Санга, за која властите рекоа дека е позната како „кралица на кетаминот“ поради нелегално снабдување со лекот, наведува агенцијата.

Тие треба да одат на судење во март. Личниот асистент на Пери, Кенет Ивамаса, кој призна дека му вбризгал дрога на актерот и наводниот посредник Ерик Флеминг, кој рече дека набавил кетамин од Санга, веќе се изјаснија за виновни за обвиненијата.

Канцеларијата на американското правобранителство објави во август дека пет лица се обвинети во врска со смртта на актерот Метју Пери од предозирање со кетамин минатата година, вклучително и неговиот помошник и двајца лекари.

Обвинителот Мартин Естрада ги објави обвиненијата, велејќи дека лекарите му дале на Пери голема количина кетамин, а во пораките се прашувале „колку овој глупак е спремен да плати“.

„Овие обвинети ги искористија проблемите со зависноста на Метју Пери за да се збогатат. Тие знаеја дека тоа што го прават е погрешно“, рече обвинителот.

Обвинителот рече дека обвинетите размениле пораки кратко време по смртта на Пери, наведувајќи го кетаминот како причина за смртта и се обиделе да ја прикријат нивната вмешаност во снабдувањето на Пери со кетамин, анестетик кој понекогаш се користи за лекување на хронична болка и депресија.

Како што стои во обвинението, Пери набавувал наркотици од улични дилери, а преку Ивамаса стапил во контакт со обвинетиот Ерик Флеминг. Тој признал во полиција дека го набавил анестетикот од дилерот Џасвин Санга и дека му дал на Ивамаса 50 ампули, од кои половина четири дена пред смртта на Пери. Полицискиот оддел во Лос Анџелес во мај објави дека соработува со федералните власти во истрагата за изворот на кетаминот што Пери го консумирал.

Пери (54) беше пронајден со лицето надолу во загреаниот крај од неговиот базен во неговиот дом кон крајот на октомври 2023 година. Канцеларијата на медицинскиот преглед во округот Лос Анџелес ја припиша неговата смрт на акутните ефекти на кетаминот по обдукцијата во декември.

Актерот се лекуваше со кетамин за депресија и анксиозност, но неговата последна сесија беше повеќе од една недела пред неговата смрт, а патолог рече дека кетаминот во системот на Пери „не може да биде од таа инфузија“.

-Нивоата на кетамин во неговото тело беа високи, еднакво на количината што се користеше за општа анестезија за време на операцијата, рече патологот.

Пери, најпознат по улогата на Чендлер Бинг во „Пријатели“, јавно зборуваше за неговата долготрајна борба со зависноста од опијати и алкохо

The post Докторот обвинет за смртта на Метју Пери се изјасни за виновен appeared first on Република.

Неодамна пет лица беа уапсени во врска со смртта на познатиот глумец Метју Пери. Меѓу нив е и докторот Салвадор Пласенсија (42), обвинет дека на Пери му дал скоро 20 ампули „Кетамин“, неколку недели пред неговата смрт, пишува „Јунилад“ (Unilad).

Д-р Пласенсија се изјасни невин по една точка, за непрописно снабдување со лекот. Кауцијата потоа беше одредена на 100.000 долари. Адвокатот на докторот, Стефан Сакс потврди дека лекарот, всушност, планира и да ја продолжи својата медицинска дејност во клиниката за итна нега. Правниот застапник не откри повеќе подробности за тоа кога Пласенсија ќе се врати, објави „Ен-би-си њуз“ (NBC News).

Обвинителството тврди оти д-р Пласенсија ги снабдувал Пери и неговиот помошник Кенет Ивамаса со „Кетамин“. Се тврди и дека им зел 55.000 долари за тоа од 20 септември 2023 година до 28 октомври 2023 година - денот кога глумецот од ТВ-серијата „Пријатели“ почина.

Судијата рече дека д-р Пласенсија ќе мора, на влезната врата на неговата клиника, да постави табла со известување за судскиот случај што е во тек, за пациентите да бидат запознаени со случајот. Покрај тоа, неговите пациенти при секоја посета ќе мора да потпишат формулар во којшто ќе се наведе дека ги разбираат обвиненијата против лекарот и се согласуваат на лекување.

The post Лекарот обвинет за смртта на Метју Пери, продолжува со медицинската дејност appeared first on Република.

Пет лица, вклучувајќи личен асистент и двајца доктори, се обвинети во врска со смртта на Метју Пери во како што обвинителите опишаа, „широка подземна криминална мрежа“ да ја обезбедуваат ѕвездата од популарниот ТВ серијал „Пријатели“ да прима силен хируршки анестетик, што е причината за неговата смрт.

Докторите ја искористиле историјата на зависност на Пери во последните месеци од неговиот живот минатата година за да му обезбедат кетамин во количини кои знаеле дека се опасни и за нивна лична парична корист. Знаеле дека она што го прават е погрешно. Знаеле дека она што го прават е голем ризик за господинот Пери. Но, сепак го направиле тоа, изјави синоќа американскиот обвинител Мартин Естрада објавувајќи ги тужбите.

Еден доктор дури напишал во порака, „Се прашувам колку ќе плати овој морон“ и „Да видиме,“ се дознава од обвинителниот акт откриен во четвртокот.

Кога актерот починал, еден од лекарите напишал „избриши ги сите пораки“. Иако избришани, експертизата успеала да ги најде овие пораки на серверите на провајдерите.

Пери почина лани во октомври поради предозирање со кетамин и обвинителите рекоа дека неговиот личен асистент му донел неколку инјекции на денот кога починал.

Асистентот Кенет Ивамаса, кој го пронашол Пери мртов подоцна тој ден, е првиот што разговарал со истражителите. Останатите обвинети се докторите Салвадор Пласенција и Марк Чавез, како и познаникот на Пери, Ерик Флеминг и Џасвин Санга, позната во Холивид како „кралица на кетаминот“.

The post „Се прашувам колку ќе плати овој морон“ напишал еден од двајцата лекари обвинети за смртта на Метју Пери appeared first on Република.

Познатиот актер Метју Пери, познат по улогата на Чендлер Бинг во хит-серијата „Пријатели“, почина како последица на консумирање кетамин.

Но, кетаминот не бил препишан од лекар, а се води истрага кој го снабдувал Метју со кетамин во фатални дози.

Оние кои на актерот му го продале фаталниот кетамин може да добијат затвор до четири години, изјави адвокатот Тре Ловел за „Сан“.

Кога Метју го пронашле во кадата, тој веќе бил мртов, а според обдукцијата смртта била предизвикана од лекот кетамин и давење. Во моментот на смртта, тој имал исто ниво на кетамин во телото како пациент под анестезија.

Актерот отворено проговорил за својата зависност, а споменатиот кетамин го добил и за медицински цели. Одел на терапии кои му помогнале да се избори со депресијата, а лекот го добил легално од лекар.

Последен пат бил на овие терапии повеќе од седум дена пред неговата смрт, а овој вид на лек го напушта организмот неколку часа по консумирањето. Полициската управа во Лос Анџелес истражува од кого актерот ја добил дрогата која на крајот го чинела живот. Иако се верува дека неговата смрт е предизвикана од комбинација на несреќни околности, обвиненијата сепак ќе бидат покренати.

Извори од полицијата навеле дека истрагата е при крај, и дека може да бидат обвинети повеќе лица, пренесува магазинот „Пипл“.

The post Истрагата привршува: Повеќе луѓе ќе бидат обвинети за смртта на Метју Пери appeared first on Република.

Истрагата за смртта на американскиот глумец Метју Пери е при крај и полицијата верува дека треба да бидат обвинети повеќе луѓе, изјави полициски извор за списанието „Пипл“ .

Ѕвездата на „Пријатели“ почина во октомври 2023 година. Првично се мислеше дека неговата смрт е случајна, но извештајот од обдукцијата покажа дека тој починал од акутни ефекти на „Кетамин“ и давење. Според цитираниот извор, американското Државно обвинителство периодов ќе ја донесе конечната одлука дали ќе поднесе, или не, обвинение. Правобранителството соопшти дека засега „нема коментар“ за написите за случајот.

Во декември, судскиот вештак во Округот Лос Анџелес ја затвори истрагата за смртта на Пери, но во мај оваа година, полицијата повторно ја отвори истрагата за да утврди кој му дал „Кетамин“ на глумецот. Минатата недела истрагата доби нов тек, кога е пребарана куќата на позната јавна личност – жена, а одземени ѝ се мобилен телефон и лаптоп.

Со засега неименуваната жена извршени се повеќе полициски разговори откако Полицискиот оддел на Лос Анџелес постигнал „значаен напредок во нивната истрага што почна во мај“, изјави неименуван извор за „Ин тач“.

Неименуваната жена „целосно соработувала“ со органите на законот. Изворот навел дека жената и ѕвездата на „Пријатели“ претходно се запознале на рехабилитација, каде што започнало „неочекувано пријателство“.

The post Полицијата истражува кој му дал кетамин на Метју Пери appeared first on Република.

Полициската управа во Лос Анџелес неодамна откри нови детали за смртта на Метју Пери.

Како што дознава порталот „Ин тач“, полицијата го конфискувала мобилниот телефон и лаптопот на славна личност која била поврзана со смртта на Метју Пери.

Според нивните информации, станува збор за женско лице кое исто така било приведено на разговори, откако полицијата на Лос Анџелес (ЛАПД) заедно со Администрацијата за борба против дрогата (ДЕА) покренала истрага за причините за смртта на Пери.

Кога полицијата пристигнала со налог за претрес во нејзиниот дом во Лос Анџелес, таа не била присутна. Но, кога се вратила соработувала со полицијата и не и ставиле лисици.

Додека полицајците ја пребаруваа нејзината соба, зеле ајфонот и лаптоп. Таа ангажирала адвокати и имала повеќе состаноци со полицијата откако пристигнале во нејзиниот дом. Таа не открила премногу за ситуацијата, но инспекторите морале да знаеш нешто за да добиеш налог и така да се појавиш, рекол изворот.

Овој медиум јавува дека го знаат идентитетот на лицето, но нема да соопштуваат детали бидејќи истрагата е во тек. Но, откриле дека таа и Пери се запознале на рехабилитација, а потоа неочекувано станале пријатели. Како што понатаму наведува изворот, приведената жена тврди дека никогаш не направила ништо за да му наштети на Пери.

Инаку, два месеци по неговата смрт, лекарите констатирале дека славниот актер починал од акутните ефекти на кетаминот.

За потсетување, Пери беше пронајден мртов на 28 октомври минатата година во џакузито на неговиот дом во Лос Анџелес. Според истражителот, во неговиот стомак биле пронајдени траги од кетамин, кој се користи во некои лекови за депресија. Сепак, токсиколошките извештаи покажаа дека количината на кетамин пронајдена во телото на Пери е слична на нивоата што се користат за анестезија на пациентите во болницата.

The post Позната личност под истрага околу смртта на Метју Пери appeared first on Република.

Кејти Едвардс сака нова истрага за смртта на нејзиното поранешно момче, актерот Метју Пери.

Таа бара полицијата повторно да ја отвори истрагата за смртта на актерот бидејќи смета дека медицинскиот персонал му дал лекови.

Ѕвездата на „Пријатели“ беше пронајдена во топла када во неговиот дом во Лос Анџелес, а обдукцијата подоцна потврди дека починал од акутни ефекти на кетамин и давење.

Таа сака медицинскиот персонал да биде под истрага.

Кејти, која беше со Пери во 2006 година и работеше како негова помошничка во 2011 година, е убедена дека истрагата за неговата смрт, која е затворена, треба повторно да се отвори. Вели дека во екот на својата зависност, актерот имал медицинска сестра на повик која му носела лекови.

Кејти верува дека околностите за смртта на Пери треба да се преиспитаат и дека полицајците треба да го испитаат медицинскиот персонал „да видат дали имал договор со некој од нив да му даде малку кетамин на страна“.

Вели дека не верува оти Метју „купувал кетамин од улица“.

-Треба повторно да се испита. Знам дека кога Метју земаше 40 до 50 Викодин дневно, ги добиваше од медицинска сестра која ќе му го донесе дома. Знаеше како да ги натера луѓето да прават работи за него. Ќе им кажеше „Ќе ти дадам многу пари ако молчиш и ми го дадеш ова“, изјави таа за Mirror.

The post Поранешната девојка на Метју Пери бара нова истрага за неговата смрт appeared first on Република.

Здружението на актерите на екранот на Америка (SAG) ја исправи грешката направена од нивните британски колеги.

Организаторите на наградите БАФТА неодамна не се сетија и не му оддадоа почит на Метју Пери – во сегмент кој го опфати сеќавањето на починатиот актер меѓу двете доделувања на награди.

Пери беше постхумно одликувана синоќа во Лос Анџелес.

Исто како и Хари Белафонте.

Наоми Вотс во најавата ги пофали покојните актери за нивниот придонес во професијата и белегот што го оставија.

Изгубивме толку многу извонредни актери во изминатата година, но додека тие го допреа светот со својот талент, сите ја споделуваме нивната загуба, рече таа.

Пери ненадејно почина во октомври минатата година. Имаше 54 години.

Белафонте пак, почина во април минатата година. Почина на 96-годишна возраст.

The post Постхумно наградени Метју Пери и Хари Белафонте appeared first on Република.

Канадскиот актер познат по серијата „Пријатели“, Метју Пери, починал од дејство на кетамин, објавено е во извештајот по направената обдукција.

Овој извештај доаѓа откако речиси два месеци се чекаа анализите и причината за смртта на познатиот актер.

Давење, болест на коронарната артерија и ефекти на бупренофин, се наведени како фактрои за смртта на актерот. Во извештајот се наведува дека Пери бил на терапија со кетамин, а неговиот последен третман бил 10 дена пред смртта.

Смртта настапила по земање на наркотици, на непознат начин, но пронајден е во куќниот базен.

Во куќата биле и лекови кои се издаваат на рецепт, но обдукцијата покажала дека ништо од тоа не е најдено во неговото тело. Во извештајот се констатира дека нема знаци на траума ниту сомнеж за насилна смрт.

The post Објавена причината за смртта на актерот Метју Пери appeared first on Република.

Американскиот актер Мет Лебланк денеска зборуваше за неодамнешната смрт на неговиот колега од „Пријатели“ Метју Пери, велејќи дека му е чест да го нарече Пери свој пријател.

„Метју, со тешко срце се збогувам. Времето што го поминавме заедно е меѓу моите омилени моменти во мојот живот. Ми беше чест да ја споделам сцената со тебе и да те наречам мој пријател“, напиша Лебланк на Инстаграм.

Тој му порача на Пери дека никогаш нема да го заборави и дека секогаш ќе се насмевнува кога ќе помисли на него. “Никогаш нема да те заборавам. Никогаш. Рашири ги крилјата и летај, брате мој. Конечно си слобенни. Многу љубов. И претпоставувам дека ги задржуваш 20-те долари што ми ги должиш“, напиша Лебланк.

Метју Пери почина на 28 октомври на 55-годишна возраст. Тој е пронајден мртов во својот дом во Лос Анџелес, а причината за смртта останува непозната. На почетокот на ноември, тој беше погребан на гробиштата Форест Лон во близина на Лос Анџелес, каде почиваат многу филмски ѕвезди, а кои се наоѓаат во близина на студиото на Ворнер Брос, каде што се снимаше „Пријатели“. Покрај семејството и најблиските пријатели, на погребот присуствуваа и колешките од „Пријатели“ на Метју, Џенифер Анистон, Лиза Кудроу, Кортни Кокс, Дејвид Швимер и Мет Лебланк.

The post Мет Лебланк се прости од Пери: Метју, со тешко срце се збогувам, времето што го поминавме заедно е меѓу моите омилени моменти во животот appeared first on Република.

Дел од парите од емитувањето на култната серија „Пријатели“ ќе продолжат да се уплаќаат на сметката на славниот Метју Пери, односно кој и да ги наследи тие пари по неговата смрт.

Адвокатите ги објаснија наследните обврзници кои се во оптек. Метју Пери, кој почина на 28 октомври во Лос Анџелес, поседуваше големо богатство, во кое беше вклучена и заработката од улогата на Чендлер Бинг во серијата „Пријатели“.

Тоа што го остави зад себе вклучува инвестиции, готовина и хартии од вредност, како и авторски права на неговиот имиџ и дело. Според адвокатите за имот во Калифорнија, Дејвид Ескибијас, Лора Цвикер и Џонатан Фостер, постојат повеќе сценарија за наследување.

Кој ќе ги наследи парите од улогата во серијата „Пријатели“?

Здруженијата и синдикатите ви дозволуваат да наведете корисник. Тоа не е најчестиот начин, но секако е еден од начините – рече Форстер и додаде:

Значи, тој можеше да именува конкретни корисници на неговото наследство, заедно со синдикалната индустрија и здружението на актери, тоа е една опција.

Меѓутоа, ако Метју Пери не ги назначи корисниците на неговото наследство, тогаш веројатно назначил одредена организација во која ќе одат преостанатите заработки.

Ако има волја, во сè е вклучен судот, кому му се предава таа хартија, станува збор за јавна евиденција.

Метју Пери имаше брат и пет сестри. Неговите родители можат да се обидат да го избегнат двојниот данок кој би им бил наметнат доколку го наследат имотот на синот и затоа наследството им го оставаат на другите деца, пишува People.

The post Метју Пери и по смртта ќе заработува од „Пријатели“ appeared first on Република.

Метју Пери, познатиот актер од серијата „Пријатели“, почина на 28 октомври  а неговото последно почивалиште се наоѓа на приватните гробишта Forest Lawn во Лос Анџелес. Иако обожавателите се обидоа да го посетат неговиот гроб, цвеќињата и името беа отстранети од неговиот гроб за да се избегне јавен собир на местото.

ТМЗ објави дека гробното место сè уште е необележано, а надгробните споменици ќе бидат поставени неколку месеци по погребот.

The post На гробот на Метју Пери нема име и презиме appeared first on Република.

Помалку од една недела по смртта на Метју Пери, во негова чест е најавено фомирање на Фондација Метју Пери која ќе им помага на луѓето кои се борат со зависноста, објави „НБЦ Њуз“.

Фондацијата „Метју Пери“ е реализација на трајната посветеност на Метју да им помага на другите кои се борат со болеста на зависност. Таа ќе го почитува неговото наследство и ќе биде водена од неговите сопствени зборови и искуства и водена од неговата страст да направи разлика за што е можно повеќе животи, се вели во соопштението.

Пери беше многу искрен за тоа како се бореше со зависноста во текот на неговиот живот.

Во своите мемоари, актерот не криел кога објаснувал колку време поминал на рехабилитација, дури и забележал дека живеел во установа додека ја снимал познатата епизода каде Чендлер и Моника се венчале.

The post Формирана фондацијата „Метју Пери“ која ќе им помага на зависници од дрога и алкохол appeared first on Република.

Најблиските пријатели и семејството на починатиот актер се собраа на интимна церемонија во Меморијалниот парк Forest Lawn во Лос Анџелес во близина на студиото Warner Bros.

Заедно со бројни пријатели и членови на семејството, на погребот беа и колегите од „Пријатели“, Џенифер Анистон, Кортни Кокс, Лиза Кудроу, Мет Лебланк и Дејвид Швимер.

Пери почина на 28 октомври на 54-годишна возраст во својот дом во Лос Анџелес. Тој бил пронајден мртов во неговото џакузи.

Неделава беа објавени првите резултати од извештајот за токсикологија, кој потврди дека Метју Пери не конзумирал фентанил или метамфетамин, а во неговото тело нема никакви траги од овие недозволени супстанци.

Првиот извештај, кој е помалку детален, засега исклучува предозирање со метамфетамин или фентанил како причина за смртта, пренесува TMZ.

Целосниот токсиколошки извештај за Пери можеби нема да биде достапен со месеци и ќе открие дали Пери имал штетни количини на лекови во неговиот систем во моментот на смртта.

Портпаролот на полициската управа во Лос Анџелес претходно потврди дека полицијата во неговиот дом не пронашла сомнителни супстанци, туку само лекови за кои имал лекарски рецепт.

Matthew Perry's family and friends have come together to farewell the actor.

The star's funeral was a small, private affair in Los Angeles with mourners told of a new foundation set up in his honour. @jekearsley #9News pic.twitter.com/9wFE2CtvUz

— 9News Australia (@9NewsAUS) November 4, 2023

The post Погребан е актерот Метју Пери, го испратија колегите од „Пријатели“ appeared first on Република.

Мет Ле Бланк кој го играше ликот на Џои во серијата „Пријатели“ првпат се појави во јавноста по смртта на Метју Пери.

Џои и Чендлер беа пријатели и во серијата и во приватниот живот. Метју за Мет велеше дека е негов помал брат.Мет изгледа истоштено и со темни наочари ја покрива тагата за губитокот на пријателот.

The post Беа како браќа: Џои прв пат се појави во јавноста по смртта на Чендлер, изгледа потиштено appeared first on Република.

Мемоарите на Метју Пери под наслов „Пријатели, љубовници и големата страшна работа“ (Friends, Lovers, and the Big Terrible Thing) ги надминаа „Жената во мене“ (The Woman in Me) на Бритни Спирс – само неколку дена по неговата смрт.

Мемоарите на глумецот, коишто беа објавени во ноември 2022 година, се искачија на првото место на листата најпродавани книги на „Амазон“. По Спирс, трета е книгата „Железен пламен“ (Iron Flame), а четврта – „Убијците на цветната месечина“ (Killers of the Flower Moon) по којашто е снимен истоимениот филм што почна да се прикажува во кино во октомври.

Во својата книга, Пери говори за својата битка со зависноста, како и дека потрошил милиони долари за лекување. Одел на рехабилитација 15 пати. Во една прилика, тој изјави дека не му било тешко да ги напише мемоарите.

Не е тешко да се напише книга. Потешко е да се прочита, бидејќи си велиш „Уф, ова е ужасна приказна“. Но, има и хумор што се провлекува низ неа, рече глумецот за „Пипл“.

Комичарот се присетува и на своите љубовни врски, како и снимањето на хит-хумористичната ТВ-серија „Пријатели“, но и тоа како за малку ќе починел на 49-годишна возраст… Кога пред пет години дебелото црево му пукнало поради предозирање со опиоиди, на неговото семејство му кажале дека Пери има „два отсто“ шанси да преживее.

The post Мемоарите на Метју Пери најпродавана книга на „Амазон“ appeared first on Република.

Мемоарите на Метју Пери „Пријатели, љубовници и големата лоша работа“ повторно е бестселер ширум светот.Актерот следното лето беше планирано да дојде во Србија и да се дружи со фановите

Планот бил славниот актер да одржи промоција на своето дело во Белград во рамки на европската турнеја, која беше планирана за наредното лето. Сепак, ненадејната смрт на Пери  го спречи неговото доаѓање.

https://republika.mk/scena/film/istata-vecher-53-milioni-luge-ova-e-najgledanata-epizoda-od-prijateli/

The post Meтју Пери требаше да дојде во соседството за да ја промовира книгата appeared first on Република.

Метју Пери не умрел од предозирање со фентанил или метамфетамин, пренесува TMZ.

Фентанилот се нарекува дрога „зомби“ која наводно е полоша од хероинот, додека метамфетаминот е синтетичка дрога, позната и како „кристал мет“.

Првите обдукциски тестови покажале дека познатиот Чендлер од „Пријатели“ немал ниту еден од овие два лека во својот организам.

Сепак, ТМЗ наведува дека е важно да се напомене дека сè уште се спроведуваат подетални тестови како дел од токсиколошките испитувања за да се анализира дали имало други нелегални лекови во неговата крв и дали нивото на лековите на рецепт биле во штетни дози.

Овие резултати веројатно ќе се чекаат од 4 до 6 месеци, а кога ќе се соберат сите овие информации, судскиот вештак ќе ги утврди причината и начинот на смртта.

Да потсетиме, Метју почина на 28 октомври на 54-годишна возраст, во џакузито на неговата вила во Лос Анџелес.

The post Ова се првите резултати од аутопсијата на Метју Пери appeared first on Република.

Светот се збогува со Метју Пери.

Метју Пери ненадејно не напушти на 55-годишна возраст, а обожавателите ширум светот ќе го паметат по улогата на Чендлер Бинг во култната серија „Пријатели“.

Таа серија е сè уште една од најпопуларните, иако поминаа три децении од првата епизода, но речиси и да нема човек што не гледал барем неколку епизоди.

„Пријатели“ ги срушија сите рекорди на гледаност, а најгледаната епизода во историјата истата вечер ја погледнале 53 милиони луѓе.

Станува збор за епизодата The One After the Superbowl, двојна епизода во втората сезона на Friends. Епизодата беше премиерно прикажана на NBC на 28 јануари 1996 година, како вовед во телевизиската емисија на NBC за Супер Боул.

Во епизодата гостуваа многу ѕвезди како Брук Шилдс, Џулија Робертс, Жан-Клод Ван Дам...

Епизодата го следи Рос додека дознава дека неговиот поранешен милениче мајмун Марсел добил улога во филм кој се снима во Њујорк, а потоа се обидува да учествува во тој филм за повторно да го види својот мајмун.

Во таа епизода, Чендлер ја запознава својата стара пријателка од детството Сузи „Во гаќи“ Мос (ја игра Џулија Робертс) која работи на продукцијата, со која има интересно минато. Имено, додека биле во основно училиште, Чендлер и го подигнал здолништето на Сузи додека била на сцената, изложувајќи и ги гаќите пред целото училиште.

Договараат состанок, а Чендлер нема поим дека се работи за одмазда.

https://www.youtube.com/watch?v=ABYu0vjhBns

The post Истата вечер, 53 милиони луѓе: Ова е најгледаната епизода од „Пријатели“ appeared first on Република.