Данската премиерка Мете Фредериксен попладнево негираше дека е кандидат за нов претседател на Европскиот совет, по неколкумесечните шпекулации дека би можела да го наследи Шарл Мишел на таа функција.

Фредериксен, по пристигнувањето на неформалниот самит на лидерите на ЕУ, на кој ќе се разговара за распределбата на функциите во европските институции по изборите за Европскиот парламент, рече дека актуелната претседателка на Европската комисија, Урсула фон дер Лајен, која се кандидираше за нов мандатот, завршила „одлична работа“.

Таа повика брзо да се донесат одлуки за распределба на функциите.

The post Фредериксен: Не сум кандидат за нов претседател на Европскиот совет appeared first on Република.

Судот во Фредериксберг одлучи да му одреди притвор до 20 јуни на 39-годишниот маж кој синоќа ја нападна премиерката на Данска Мете Фредериксен во центарот на Копенхаген, објавија данските медиуми.

Напаѓачот е странски државјанин кој тврди дека нема врска со Данска, но работи во земјата во последните три месеци, а од 2023 година живее во изнајмено сместување во Бронби. Тој ниту зборува ниту разбира дански, но има дански матичен број, пишува локалниот медиум „Берлингске“.

Во моментот на нападот тој бил пијан и под дејство на дрога. Напаѓачот не се сеќава на тоа што се случило синоќа, но тврди дека знае која е Фредериксен и ја опишал како „многу добра премиерка“.

Одлуката на судијата за притвор е донесена поради ризик дека обвинетиот би можел да избега од Данска.

Сослушувањето на обвинетите и сведоците во случајот се одвива зад затворени врати поради големиот јавен интерес.

По нападот, Фредериксен се пожалила на болки во вратот, поради што била пренесена во болница со полесна повреда од ударот.

The post Напаѓачот на данската премиерка бил пијан и под дејство на дрога, судот му одреди притвор до 20 јуни appeared first on Република.

Данската премиерка Мете Фредериксен изјави во вторникот дека истекувањата откриени во гасоводите „Северен тек“ се очигледно предизвикани од намерни дејствија и дека не може да бидат резултат на несреќи.

– Сега е јасна оценката на надлежните дека тоа се намерни дејствија. Тоа не беше случајно – изјави Фредериксен пред новинарите.

– Се уште нема информации кои би укажале кој би можел да стои зад оваа акција – додаде Фредериксен.

Европа во вторникот истражуваше големо истекување на два руски гасоводи кои пумпаат гас во Балтичкото Море во близина на Шведска и Данска, додека Шведска започна прелиминарна истрага за можна саботажа.

The post Данската премиерка: Истекувањето гас од „Северен тек“ предизвикано од „намерен чин“ appeared first on Република.