Приближно 100 килограми небезбедно месо и подготовки од месо нештетно уништија инспекциските служби на Агенција за храна и ветеринарство (АХВ) во вторникот во Куманово, при спроведени вонредни надзори во ресторани, месарници и маркети.

За утврдените недоследности – продажба на замрзната чорба, ставање во промет на замрзнати подготвени подготовки од месо ( плескавици, ражнич), продажба на месо и подготовки од месо без декларација, како и за измината важност на санитарни книшки на вработени кај оператори со храна и непоседување на комплетна документација, изречени се мерки опомена и парични казни во висина од 100 до 1000 евра во денарска противвредност, зависно од тежината на прекршокот и големината на операторот со храна.

Со инспекциски надзори во овој град опфатени беа и два големи супермаркети кај кои не беа утврдени неусогласености со прописите од областа на безбедноста на храната.

The post Уништени 100 килограми небезбедно месо во Куманово appeared first on Република.

Мобилен тим на Царинска управа викендов спречи криумчарење на два тони месо штетно за здравјето на граѓаните. Превозникот воедно и сопственик на транспортното возило, месото не го пријавил со царинска декларација, а за истото не поседувал ниту ветеринарен сертификат. По поднесена кривична пријава, донесена е и пресуда за сторено кривично дело, криумчарење на стока.

Имено, во саботата на царинска испостава Богородица на влез во државата се пријави товарно возило со грчки регистарски таблички, за коешто со царински документ беа пријавени 28 колети вода, пити, салати и пиперки. Заради извршување на детален преглед возилото е пренесено во јавен царински склад, каде по отпочнување на прегледот превозникот изјавил дека има и друга непријавена стока, замрзнато свинско месо, чија што вредност согласно дополнително приложените документи изнесува 11 илјади евра.

Случајот е преземен од страна на инспектори во Одделение за истраги при Сектор за контрола и истраги, кои поднесоа кривична пријава до Основен кривичен суд Гевгелија, каде е донесена пресуда за сторено кривично дело „Криумчарење“ по член 278 од Кривичниот законик.

Царинска управа согласно своите приоритети во континуитет спроведува акции за сузбивање на сите форми на криминал, грижејќи се за безбедноста на граѓаните.

The post Спречено криумчарење на два тона месо appeared first on Република.

Мобилен тим на Царинска управа викендов спречи криумчарење на два тони месо штетно за здравјето на граѓаните. Превозникот воедно и сопственик на транспортното возило, месото не го пријавил со царинска декларација, а за него не поседувал ниту ветеринарен сертификат, информираат денеска од Царинската управа.

Оттаму додаваат дека по поднесена кривична пријава, донесена е и пресуда за сторено кривично дело, криумчарење на стока.

Имено, во саботата на царинска испостава Богородица на влез во државата се пријави товарно возило со грчки регистарски таблички, за коешто со царински документ беа пријавени 28 колети вода, пити, салати и пиперки. Заради извршување на детален преглед возилото е пренесено во јавен царински склад, каде по отпочнување на прегледот превозникот изјавил дека има и друга непријавена стока, замрзнато свинско месо, чија што вредност согласно дополнително приложените документи изнесува 11 илјади евра, информираат од Царинската управа.

Случајот е преземен од страна на инспектори во Одделение за истраги при Сектор за контрола и истраги, кои поднесоа кривична пријава до Основен кривичен суд Гевгелија, каде е донесена пресуда за сторено кривично дело „Криумчарење“ по член 278 од Кривичниот законик.

Царинска управа, велат оттаму, согласно своите приоритети во континуитет спроведува акции за сузбивање на сите форми на криминал, грижејќи се за безбедноста на граѓаните.

The post Два тона месо штетно за здравјето на граѓаните за малку ќе завршеше на рафтовите appeared first on Република.

Државна висока контрола на Албанија (КЛШ), по извршената ревизија во Регионалната дирекција на Националната агенцијата за храна, за округот Тирана, открила скандал во работата на инспекторите, кои одземено месо, што треба да се уништи, го „донирале“ во фабрики за сувомеснати производи, јави Ора њуз.

За Националната агенција за храна (АКУ) се тврди дека ја гарантира безбедноста на храната во земјава, но токму инспекторите на оваа институција, спротивно на секој протокол на нивната работа, ја нарушуваат безбедноста на потрошувачите. Поконкретно, при увидот што го извршиле инспекторите на АКУ во продавниците за месо и маркетите, одземале месо што се тргувало надвор од потребните хигиенски услови, неспакувано и несертифицирано, наведува телевизијата.

Според КЛШ, инспекторите месото го испраќале во две фабрики за преработка на месо, кои исто така се предмет на проверка.

Скандалот се продлабочува бидејќи во блокираната фабрика за месо не постоел никаков формулар, а освен тоа, нема документ со кој се докажува дека месото наменето за уништување е отстрането. Алармот го вклучи и самата КЛШ, која наведува дека по испораката на месото до фабриките, постои можност то месо да било преработено и пуштено на пазарот, посочува Ора њуз.

Контролата продолжува и во други делови во државата.

The post Внимателно со саламите од Албанија: Месо што требало да се уништи инспектори го дале во фабрики за сувомеснати производи appeared first on Република.

Мобилен тим на Секторот на контрола и истраги спречи шверц на 4,4 тони месо од дивеч ризичен по здравјето на граѓаните, што возач на камион во сопственост на грчка фирма сакал да го внесе во државава, соопштија денеска од Царинската управа.

Месото од дивеч во вредност од 4 милиони денари, ниту било декларирано во царинската декларација ниту пак превозникот за него имал соодветен сертификат, и дозвола од соодветна надлежна институција Агенција за храна и ветеринарство. Во царинската декларација стоката е декларирана како „пластични палети и подвижни метални рафтови“ со вредност од 3.750 евра или само 5,6 проценти од вкупната вредност на стоката, појаснуваат од Царина.

На терминал на граничен премин Табановце, инспектори со скенер извршиле контрола која покажала дека во возилото освен декларираната стока има и друга стока што не е опфатена со царинската декларација.

По отворање на возилото во 29 пластични палети е пронајдено замрзнато месо од разен дивеч, зајаци, фазани, еребици, за кои не поседувал никаква документација. Против сторителот е поднесена кривична пријава заради прекршување на Кривичниот законик. Заштита на здравјето на граѓаните и безбедноста на општеството е еден од клучните приоритети на Царинската управа, се вели во соопштението од Царинската управа.

The post Спречен шверц на 4,4 тони месо од дивеч ризичен по здравјето на граѓаните appeared first on Република.

Цените на храната и понаму остануваат во фокусот на граѓните, што се должи и на поскапувањето и на фактот оти најголем дел од платите на работниците во земјава одат на покривање на основните трошоци, меѓу кои е и храната.

Државниот завод за статистика (ДЗС) го објави најновиот месечен билтен во кој се опфатени и цените на основните прехранбени производи по градови во Македонија. Брз преглед на цените покажува дека иако сме мала земја има големи разлики меѓу цените на истите производи во различни градови. Она што е уште поинтересно и чудно е фактот дека кај исти производи се случува да има разлика во цената од еден до друг град за дури сто денари по килограм. Но, ова не е појава која ја има само сега, туку напротив споредбите покажуваат дека постојано се случуваат големи разлики во цените на продуките во малопродажба.

Притоа, Скопје како главен град со најголема фрекфенција на граѓани, не секогаш ги има највисоките цени, но жителите на главниот град плаќаат најскапо месо во земјава.

Па што велат податоците на ДЗС за месец октомври 2023 година. Просечната цена на килограм компир во Македонија достигнвуа 41,93 денари. Најскапо компирот во октомври се продавал во Велес по цена од 51,64 денари, додека најниска цена имал во Куманово, каде се продавал за 38,26 денари.

Познатото гравче без кое не може ниту едно македонско домаќинство во просек се продавало по цена од 206,30 денари за килограм. Но, токму жителите на градот кој важеше за најпознат производител на квалитетно гравче во последниве години плаќаат највисока цена. Имено, во Тетово цената на гравот достигнала 282,13 денари, додека најевтино гравот се продавал во Струмица и тоа по цена од 123,98 денари.

Овие цени покажуваат дека разликата во цената кај овој продукт надминува 100 денари по килограм, и таа изнесува дури 158 денари по килограм.

Уште еден производ кој во нашата земај масовно се произведува и се конзумира се јаболките, кои во просек во цела земја се продавале по цена од 53,38 денари. Најскапа цена на јаболки е најдена во Велес, каде тие чинеле 75,75 денари за килограм, додека пак најевтини биле во Струмица и се продавале за 44,49 денари.

И цената на млекото се разликува од град во град. Просечната цена за цела земја изнесува 62,43 за литар, но најскапо се продава во Струмица, каде цената за литар млеко достигнува високи 81,96 денари. Најниска цена за литар млеко статистика утврдила во Велес каде чинело 58,74 денари.

Што се однесува пак до млечните продукти, домашното овчо бело сирење се продавало во просек по цена од 506,42 денари за килограм за цела земја. Највисока цена на овчо сирење имало во Битола и тоа 542,21 денар за килограм, додека најниска била цената во Велес каде се продавало за 440,68 денари.

Што се однесува пак до кашкавалот, и таму се забележуваат големи разлики во цените. Просекот за цела земја е 542,21 денар за килограм кашкавал, но килограм од ова задоволство кај нашиот туристички бисер чини најмногу. Имено во Охрид кашавалот во октомври чинел 624,11 денари за килограм, додека пак во Велес само 421,01 денари за килограм.

Оризот бил најскап во Скопје и чинел 158,89 денари за килограм, додека најевтин во Струмица и се продавал по цена од 100 денари за килограм.

Големи разлики во цените има кај свежото месо. Па така јунешкото месо најскапо ги чини жителите на главниот град, каде се продавало по цена од 640,74 денари за килограм, додека најниска била цената во Штип, каде се продавало по цена од 322 денари за килограм.

Телешкото месо исто така најскапо е во Скопје, каде чинело 689,53 денари за килограм, додека најевтино повторно во Штип каде се продавало по цена од 379,37 по килограм.

Кај свинското место разликата во цени не е толку изразена, но повторно и овој тип на месо е најскапо во главниот град, каде чини 389,89 денари, додека најевтино во Струмица каде чинело 313,19 денари.

The post Скопјани јадат најскапо месо во Македонија: Има големи разлики во цените на храната од град до град appeared first on Република.

Италија го забрани производството и продажбата на „култивираното месо“, наведувајќи ги здравствените проблеми и потребата да се заштитат сточарите, дури и ако производот сè уште не е одобрен за продажба во ЕУ.

Во четвртокот, Италија стана првата земја во Европската унија што го забрани „култивираното месо“, произведено во лабораторија од клетки од животинско ткиво.

Законот за ова, кој го одобри Парламентот со закана со високи казни, забранува и опишување на протеините од растително потекло како „месо“.

Многу компании ширум светот продаваат „алтернативи за месо од растително потекло“ кои се рекламираат како решение за етичките прашања околу индустриското земјоделство и решение за животната средина, бидејќи сточарството е една од главните причини за емисиите на стакленички гасови.

Продажбата на „култивирано месо“ во моментов е дозволена во Сингапур и во САД, но не и во ЕУ, иако европските компании собраа средства за финансирање на истражување за тоа. ЕУ го смета „одгледуваното месо“ за „нова храна“ и како такво, како и секој нов производ, треба да добие одобрение за ставање во промет.

Италијанскиот министер за земјоделство Франческо Лолобриџида рече дека „култивираното месо“, „го раскинува благородниот однос меѓу земјата, човекот и работата што нè придружуваше со милениуми и ни овозможи да ја обработуваме земјата“.

Италијанската невладина „Меѓународна организација за заштита на животните“ смета дека новиот закон е непотребен „бидејќи “култивираното месо', сè уште не е одобрено за човечка исхрана во Европа и затоа не може да се пласира на пазарот“.

The post Италија забрани производство и продажба на „култивирано месо“ appeared first on Република.

Бројот на Американци кои развиваат ретка алергија на месо од каснувања од крлежи се зголемува и можеби веќе зафатиле дури 450.000 луѓе, тврдат научниците, пишува Би-Би-Си.

Новите податоци објавени од Центрите за контрола и превенција на болести (ЦДЦ) покажуваат нагло зголемување на случаите на алфа-гал синдром. Поради алергија на неколку видови месо или производи од животинско потекло, може да дојде до реакција опасна по живот.

Американските научници пронајдоа алфа-гал во плунката на крлежот Amblyomma americanum, кој има бела дамка на грбот и главно се наоѓа во јужните и источните делови на САД. Експертите предупредуваат дека поради климатските промени, бројот на овие крлежи се зголемува и дека може да се шират на друго место, надвор од САД.

Едно лице може да се разболи од каснувањето на Amblyomma americanum ако консумира одредено месо и животински производи добиени од цицачи. Списокот на опасни намирници за луѓето кои страдаат од синдромот алфа-гал вклучува свинско, говедско, зајачко, јагнешко, дивеч, желатин, млеко, некои млечни производи и лекови.

Симптомите на сè уште слабо разбраниот синдром вклучуваат стомачни грчеви, дијареа, осип и отежнато дишење, што може да предизвика фатална анафилакса.

Реакциите на синдромот на алфа-гел може да варираат од личност до личност, почнувајќи од благи до тешки или дури и опасни по живот, вели ЦДЦ. Анафилакса, потенцијално опасна по живот реакција која вклучува повеќе органски системи, може да бара итна медицинска помош. Сепак, луѓето можеби нема да имаат алергиска реакција по секое изложување на алфа-гал, забележува ЦДЦ.

Поради тоа колку бавно телото го вари месото, може да биде многу тешко да се забележат симптомите што се појавуваат. Повеќе од 110.000 случаи се откриени од 2010 година, вели ЦДЦ. Од 2017 до 2021 година, бројот на случаи се зголемувал за околу 15.000 годишно.

Поради тешкотијата на дијагнозата, ЦДЦ вели дека вкупно до 450.000 Американци можеби развиле алергии на месо поради алфа-гал. Истражувањето минатата година на 1.500 американски лекари и здравствени работници покажа дека 42 отсто од нив никогаш не слушнале за синдромот.

Во истражувањето, исто така од ЦДЦ, околу една третина од групата рекоа дека не се многу сигурни во нивната способност да ја идентификуваат болеста. Само 5 отсто од анкетираните изјавиле дека се многу сигурни во своите способности.

Синдромот Алфа-гал беше случајно откриен во 2008 година, откако американските истражувачи открија неочекувани резултати додека тестираа лек за рак.

The post Речиси половина милион Американци развиле алергија на месо поради каснување од крлеж appeared first on Република.

Според германското Министерство за земјоделство, сè повеќе Германци ги заменуваат месните производи за протеини од растително потекло, но не сите се подготвени да се откажат од нив, пишува „Еуроњуз“.

И покрај тоа што се познати по нивната љубов кон колбасите и шницлите, Германците постојано јадат помалку месо во последните неколку години.

„Јадењето помалку месо дефинитивно придонесува и за животната средина и за животните. А исто така е здраво“, рече 28-годишен работник во локалната самоуправа на фестивалот за веганско лето во Берлин.

Бројките на германското Министерство за земјоделство покажуваат дека потрошувачката на месо се намалила на 52 килограми по лице во 2022 година, што е најниска бројка од почетокот на пресметките во 1989 година.

За споредба, бројката изнесуваше околу 61 килограм по човек пред само пет години.

Се чини дека грижите за благосостојбата на животните, климатските промени и повисоките цени ги натераа потрошувачите да бараат алтернативи за месото за да ги наполнат своите чинии.

Денес, 10 отсто од Германците се одлучуваат за храна од растителна основа во споредба со шест отсто во 2018 година.

The post Германците се помалку јадат месо appeared first on Република.

Првата асоцијација со Први мај е скара во природа, а има ли нешто поубаво од скара со кромид? Гастроентеролог д-р Воислав Перишиќ вели - нема полошо

Д-р Перишиќ објасни што е најштетно во скарата и како маринадата може да ги неутрализира штетните состојки.

Прашав еден од моите пациенти, тој снабдува ресторани, како го прават месо за на скара. Ми вели - прво битно е да се избере месото. Откако месото ќе се сомели се меша со антиоксидативен коктел со масло. Значи додадете маслиново масло, оригано и малку сенф. Нека отстои во фрижидер преку ноќ, 8-10 часа. Потопувањето во ова масло има силно антиоксидативно дејство. Значи, кога станува збор за термичка обработка, кога црвеното месо добива прооксидантни материи, таа маринада ќе ги неутрализира. Ова не го кажувам напамет, во една шведска студија спроведена во Малме се наведува дека европската заедница издвоила 50 милиони евра за да ги види ефектите од токму овие супстанции врз меленото месо што ќе се пече на скара.Исто и со колбасите, таа смеса мора да се кисне барем неколку часа. А кога станува збор за месо како свински врат, го ставаш во маринадата и го оставаш да стои цел ден, рече тој.

Посилната и тешка храна, додава тој, се неутрализира со добра салата.

Нека има многу зеленило! Салата од зелка, зелена салата, целер, целерот е многу добар. Од голема важност е поради каротеноидите, а кромидот ве отекува затоа што има пробиотски материи. Нè ожеднува. Не е пријатно чувство, и не би го советувал да се јаде со скарата, освен ако не е млад кромид, тоа е друга приказна, рече тој гостувајќи во утринската програма на Прва телевизија.

The post Кромид со скарата ни под разно, предупредува д-р Перишиќ appeared first on Република.

Уште едно невидено кошкање и општа турканица избиле поради пониска цена во еден, како што се наведува по социјалните мрежи, познат синџир на супермаркети во Неготин.

Снимката од тепачката се појави на социјалните мрежи, а на неа се гледа како луѓето брутално се грабаат за месо од гајби, кое се уште не стигнало да биде изложено во продавницата, туку се зема од палети.

И тоа не е се, луѓето испразнетите гајби безобзирно ги фрлаат на сите страни, едни на други, при што една гајба удрила жена по глава.

А потоа поради се поголемиот надворешен притисок, дошло до паѓање. Човек за момент завршил на подот, ама месото не го испуштал од рака.

Видеото може да го погледнете на овој линк

The post Нова пресметка во маркет: И старо и младо се кошка за евтино месо, фрлале гајби едни на други appeared first on Република.

Македонија, Албанија, Турција и Молдавија се земји каде што најмалку се консумира месо. Според мапата за потрошувачката на месо по земји во Европа што ја објави веб-страницата „Landgeist“ базирана на податоци од Организацијата за храна и земјоделство на ОН (ФАО), Македонците, Албанците, Турците и жителите на Молдавија годишно консумираат по 39 килограми месо.

Од земјите во регионот, најголема потрошувачка на месо има во Хрватска со 80 килограми по жител, а потоа се Црна Гора со 78 и Словенија со 70 килограми месо по жител. Србите во просек годишно јадат по 56 килограми месо, а граѓаните на Босна и Херцеговина 43 килограми.

Шпанија е на прво место во Европа со 99 килограми месо по жител. Втора е Португалија со 95 килограми, а на трето место е Исланд со 91 килограм месо по жител.

Податоците на „Landgeist“ за потрошувачката не месо не ги вклучуваат рибата и морските плодови.

The post Македонците консумираат најмалку месо во Европа appeared first on Република.

Под лупа ги ставивме цените на лебот, јунешкото месо, млекото, сирењето, и сончогледовото масло за јадење, пишува  Порталот „Пари“

Споредбата на цените покажува дека во ништо не сме најевтини, но затоа, заедно со Словенија, имаме најскапо јунешко месо во однос на сите анализирани земји.

Цените покажуваат дека најевтино млеко може да се најде во хрватските онлајн маркети. Македонија има слични цени на млекото со Босна и Херцеговина и со Србија, околу 1,2 евра за литар, со масленост 3,2 проценти.

И цената на сирењето е најниска во Хрватска, а највисока е во Словенија, каде и цената на млекото е најскапа. Цената на кравјо сирење е иста во Македонија, во Србија и во Босна и Херцеговина. Споредбата на сличен тип на сирење покажа дека кај сите три земји еден килограм чини 6,5 евра.

Во Црна Гора има и најевтино масло за јадење, од само 1,1 евро, а кај нас и во Босна и Херцеговина чини 1,9 евра

извор:  Порталот „Пари“

The post Македонците јадат најскапо месо во регионот appeared first on Република.

Преработувачите на месо, како одговор на кризата и намалената куповна моќ на потрошувачите, најавуваат акција „Домашни квалитетни евтини месни производи достапни за секој наш граѓанин“.

Ова е договорено на работниот состанок што го организира Групацијата за преработка на месо и производи од месо во Стопанската комора на Македонија.

Месната индустрија уште еднаш апелира Владата да ги укине давачките на увозните суровини кои не се произведуваат во државата, мерка која, како што потсетува, беше активна до јуни 2022 година. Во таков случај, веднаш може да дојде до поевтинување на месните преработки и за над 10 проценти.

Како што објаснуваат за МИА од Стопанската комора, месната индустрија не бара субвенции, туку само изедначување на условите за стопанисување. Србија, нагласуваат, има осум отсто давачка, другите земји немаат царина на замрзнато месо, а државава има 18 до 35 проценти во зависност од тарифниот број.

-Ја поздравуваме одлуката на Владата за фиксна цена на струјата и истовремено бараме да ги укине давачките на увозните суровини кои не се произведуваат во државата, мерка која беше активна до јуни 2022 година. Целта за намалување на цените е заедничка – и на Владата и на граѓаните и на индустријата. Сите ќе бидат задоволни доколку намалувањето на цените на месните преработки бидe што поголемo, на пример над 10 проценти, што може да се случи веднаш ако се донесе одлука за ослободување од плаќање на царината на одредени тарифи на суровина за крајна употреба за овој кризен период, а за трајно решение да се прифати Предлог-законoт кој е доставен до Министерството за финансии и Владата, велат од Комората

The post Месото може да поевтини, дури десет посто appeared first on Република.

По најавите на Министерството за економија за поддршка на прехранбениот сектор и компаниите од месната индустрија и фармите одгледувачи на животни очекуваат да бидат вклучени во тој пакет. При посетите на „Естра Меин“, „Агрија“, земјоделската задруга „Единство“- Челопек, „Везе шари“ и ДПТ„Лецкер“ од страна на Кризниот штаб, формиран од Стопанската комора на акедонија, заеднички став на овие компании е дека и тие треба да добијат субвенционирана струја, за да обезбедат опстанок на бизнисот во услови на енергетска криза.

Во разговорите со претставниците на Кризниот штаб раководствата на овие компании, кои произведуваат исто така основни прехранбени производи (месо и месни производи), потенцираа дека цената на струјата што ќе а обезбеди Владата, според најавите, ќе биде помала од 100 евра за мегават час, што е двојно пониска од цената на регулираниот пазар. Тоа за нив ќе значи не само опстанок на компаниите, туку и намалување на продажните цени на нивните производи и нивна поголема конкурентност. Сето тоа ќе придонесе за зачувување на економската активност во државата, како и одржување на животниот стандард на населението - соопшти Стопанската комора.

Во однос на моменталната состојба, информираа дека сметките за струја сега се и до десет пати повисоки во однос на истите месеци минатата година. Паралелно со тоа во постојан пораст се и цените на амбалажите и суровинската база.

Одгледувачите на животни, пак, укажуваат дека ова е најлошата година од почетокот на нивното работење. Сточната храна веќе е поскапена за 70 проценти, бележат екстремен раст на транспортните трошоци и на сметките за струја. Сето ова го доведува во прашање опстанокот на овие бизниси.

Од страна на Кризниот штаб беше нагласено дека Комората останува доследна на својата определба да им помогне на компаниите на слободниот пазар на електрична енергија. И понатаму ќе биде во дневен контакт со нив, ќе предлага решенија и ќе биде проактивна и кооперативна со цел да се дојде до решение бидејќи тоа е во интерес не само на бизнисот туку и на самата држава, информира комората.

The post Во прашање им е доведен и опстанокот: И месната индустрија чека поддршка од Владата за субвенционирана струја appeared first on Република.

Засилен мониторинг на продажните места за месо и јајца врши Агенцијата за храна и ветеринарство пред велигденските празници, изјави денеска директорот Николче Бабовски.

Одговарајќи на новинарски прашања во рамки на форумот на директори на ветеринарните служби од регионот на Западен Балкан што денеска и утре се одржува во Охрид во организација на АХВ посочи дека од досегашните контроли на инспекторите, немало отстапување од правилникот за храна.

Увозот на храна во државава е контролиран од страна на нашите инспекциски служби и економските оператори, кои се занимаваат со трговија со прехранбени производи на пазарот неможат да постават небезбеден производ. Целосно се контролира узвозот на храна, преку мониторинг програма за секојдневна контрола, изјави Бабовски.

Зголемувањето на цената на прехранбените производи од животинско потекло, посочи дека е поради тројно повисоките цени за храната за животни на светските берзи.

Во однос на влијанието на руско-украинската криза врз квалитетот и количините на храна, директорот на АХВ нагласи дека се контролира увозот.

Храната ќе ја имаме, но може да се случи народот да биде гладен поради високи цени. Веќе има повик од Министерството за земјодлество за нови концесии, за да не остане необработено земјоделското земјиште, а и храната да биде безбедна, рече Бабовски.

И директорот на Управата за безбедност на храна, ветерина и фитосанитарни прашања на Црна Гора Владимир Џаковиќ тврди дека во неговата земја се интензивираат контролите во однос на квалитетот на храната.

Секоја храна многу се проверува во однос на претходно. На црногорскиот пазар имаше мали нестабилности, односно недостатоци, како што сте сведоци секаде има раст на цените на храната, но штом се појави недостаток, се појавуваат нови пазари и тие производи може да се набават. Интензивно ги контролираме сите нови пазари, од сите држави од кои традиционално не сме увезувале прехранбени производи, така што преку интензивни контроли го отстраниве секој сомнеж храната да е здравствено безбедна, изјави Џаковиќ.

The post Засилен мониторинг на АХВ пред Велигден на продажните места за месо и јајца appeared first on Република.

Зголемените трошоци за добиточна храна и другите влезни трошоци значително ги зголемија и цените на месото. Освен пилешкото кое е поскапено од 30 до 40 отсто, пораснаа и цените на јунешкото, јагнешкото…. Цената на свинското засега стагнира, поради свинската чума која неодамна се појави кај нас, како и поради фактот што голем дел од сточарите се откажуваат од чување на свињи поради скапата храна. Но, со оглед на тоа што во Европа килограм свинско стигна до 20 евра, според производителите и кај нас се очекува раст на цената на свинското, пишува „Вечер“.

Од месарниците велат дека секоја недела имаат нови цени на месото, особено на јунешкото и пилешкото кое најчесто го увезуваат од Австрија, Италија, Полска, бидејќи немаме доволно домашно производство.

Не можеме да опстанеме доколку не ги покачиме цените. Не можеме да одиме со ниски цени, бидејќи набавувачите многу ги качија набавните цени, особено на пилешкото и јунешкото, кое 70 отсто е од увоз. Јунешкото го набавуваме од Австрија и секоја недела набавната цена е за 10 денари повисока. Ако таму се зголемуваат цените нормално и кај нас да има покачување. Свинското е од домашно производство, а помалите фарми го даваат поевтино само колку да ги продадат свињите бидејќи добиточната храната им е многу скапа и немаат есап да ги одгледуваат - вели за „Вечер“, Александар од една скопска месарница.

Слична е состојбата и со пилешкото кое претежно е од увоз и за еден месец е поскапено за 30 до 40 отсто. Еден килограм пилешки стек пред еден месец беше 220, а сега е 330 – 340 денари. Јунешкото сега е 700 денари килограм, а пред Нова година беше 350 денари, што значи поскапено е за 50 отсто.

Од месарниците велат дека и јагнешкото годинава ќе биде многу скапо.

Во моментов јагнешкото се продава по 450 до 500 денари, а очекуваме цената пред Велигден да се качи. Тоа што ќе остане од извоз на домашниот пазар ќе се продава многу скапо - велат од месарницата.

И од рестораните се жалат дека поскапени се и сите намирници што се користат за подготовка на храна во рестораните, а особено поскапени се пилешкото и јунешкото.

Не е само маслото туку сите продукти што ги користиме за подготовка на храна во ресторанот, месото, а особено пилешкото и јунешкото. Маслото е репер за сето она што ни се случува со економската криза, до каде може да одат цените. Не значи дека овие продукти ќе се исфрлат од употреба, туку ќе поскапат оброците што се приготвуваат со пилешко, јунешко…  - вели Мартин Ангеловски, сопственик на вила „Веранда“.

Според производителите и кај нас се очекува раст на цената на свинското поради опстанокот на секторот на пазарот, бидејќи цената на инпутите нагло порасна на глобално ниво, а моменталното производство е неодржливо. Постојат стравувања дека војната меѓу Русија и Украина ќе влијае на дополнително зголемување на трошоци за добиточна храна, но и на другите влезни трошоци.

И во маркетите низ Европа има зголемување на цената на месото, освен пилешкото и јунешкото таму за разлика од кај нас зголемено е и свинското. Така во Италија килограм свински шницли чинат 19 евра, кременадли 17 евра, а сечкано месо за гулаш 13 евра. Слична е ситуацијата и во Германија каде што килограм свински бут чини 12 евра, поради што Германците почнаа да купуваат месо на парчиња и грамови. Во Шпанија јунешкото е 15 евра за килограм, додека од пилешко најевтини се крилцата кои чинат 7 евра.

The post Во Европа килограм свинско скокна на 20 евра, ценовниот шок доаѓа и кај нас appeared first on Република.

Косовската полиција уапсила две лица и запленила 36.180 килограми месо со истечен рок во месноста Захаќ во градот Пеќ, јави дописникот на МИА од Приштина.

Според соопштението, се работи за телешко и пилешко месо и риба по потекло од Бразил, Италија и Полска. Месото, кое е откриено во депо за отпадоци, е конфискувано и ќе биде уништено.

Во врска со случајот се уапсени лицата А.Х., менаџер на пет деловни единици и А.А., заменик директор на депото за отпадоци.

Тие се сомничат за кривичното дело „производство и пуштање во промет на штетни прехрамбени производи“. На А.Х.му е одреден 48-часовен притвор, додека А.А. е пуштeн во редовна процедура.

The post Во депо за отпад во Косово откриени 36 тони месо со истечен рок appeared first on Република.

Месо има во доволни количини и засега нема да има промена на цената, соопштија производителите по денешната средба со министерот за земјоделство, шумарство и водостопанство Љупчо Николовски на која е договорено да се донесат две нови интервентни мерки за поддршка на свињарството.

Дополнителна поддршка од 1.500 денари за гоеници над 90 килограми предадени во преработувачки капацитети во периодот од феврурари до април и нова субвенција од 3.000 денари за маторица во категоризирани фарми, се двете нови мерки, вредни скоро два милиона евра. Со нив, како што потенцира министерот Николовски, се дава дополнителен стимул за развој на свињарството и уште еднаш се покажува вистинска грижа за секоја земјоделска гранка и за одржливо домашно производство.

Одгледувачите на свињи го поздравија ваквиот чекор и истакнаа дека мерките се носат навреме.

-Се надеваме дека со интервентите мерки ќе ја одржиме моментната цена и дека ќе го одржиме свињарството во добра кондиција. Мерките многу позитивно ќе влијаат во производство на свинско месо. Во моментов во целост го задоволуваме пазарот и има доволно количини. Сепак, се соочуваме со многу тешка ситуација, но цела Европа е во криза, сите производства, нагласија одгледувачите на свињи.

Според Бојан Георгиевски од здружението „Македонско прасе“, помошта е добродојдена.

-Побаравме помош поради тешката ситуација за да го одржиме производството. Многу сме благоарни за донесените мерки со кои ќе успееме да го одржиме секторот кој го снабдува пазарот со свежо месо, рече Тоде Атанасовски од Здружението „Гицко“.

На средбата присуствуваа и претставници од Аосцијацијата на зејоделци.

Како што најави министерот Николовски, попладнево ќе се одржат средби и со одгледувачите на житни култури, за дефинирање на останатите мерки.

-Ја продолжуваме праксата на вистинска грижа за секоја земјоделска гранка, за секој земјоделец, преку континуирани средби со земјоделските здруженија. Пред малку имавме состанок со здруженијата на одгледувачи на свињи на кој разговаравме за потребата од донесување на нови мерки за поддршка на свињарството и за одржување на домашното производство на свинско месо. Се договоривме преку планираната Програма за интеревентен фонд, да се обезбеди дополнителна мерка од 1.500 денари по грло за гоеници со тежина над 90 килограми предадени во преработувачки капацитети во периодот од феврурари до април. Оваа мерка е по барање на сточарите и се воведува поради падот на цените по заклано грло и покачување на цената на добиточна храна, а со цел да ги анулираме трошоците на сточарите, и да имаме одржливо производство на домашно свинско месо, изјави министерот.

Во однос на втората нова мерка, дополни, договорено е воведување преку годинашната Програма за финансиска поддршка, субвенција од 3.000 денари по маторица за категоризирани фарми.

-Корисници на оваа подмерка се сточарите кои ги исполнуваат условите за биосигурност од низок и среден ризик согласно регистарот на одгледувалишта по категорија во кој одгледувалиштата се класифицирани согласно утврден степен на ризик кој го следи АХВ, рече Николовски.

Веќе се прават, соопшти, и подготовки за нов наменски оглас за доделување државно земјоделско земјиште под закуп за сточари.

The post Месото нема да поскапи, барем засега appeared first on Република.

Граничната полиција на Косово објави дека запленила денеска, во селото Кабаш во општина Витина, југоисточно Косово, околу 3.000 килограми месо по потекло од Бразил, кои биле илегално внесени во земјата од Македонија, јави дописникот на МИА од Приштина.

Според соопштението на полицијата, надлежните власти претходно идентификувале возило комби без регистарски таблички, управувано од косовски државјанин, кое влегло илегално од Македонија.

-Граничните полициски власти, покрај обидот на возачот на возилото да побегне по полициската наредба за запирање, успеаја да го запрат во селото Кабаш во Витина. При контролата на возилото откриена е шверцувана стока, 108 пакети со вкупно 3.000 килограми црвено месо со потекло од Бразил. Запленетото месо е предадено на Царината, се вели во полициското соопштение.

The post Во Косово запленети три тони месо од Бразил внесени илегално од Македонија appeared first on Република.