Најбараниот шеф на италијанската мафија, Матео Месина Денаро, кој беше уапсен во јануари по 30 години бегство, почина, пренесе ДПА повикувајќи се на италијанската новинска агенција АНСА.

Денаро по обемно крварење во петокот падна во неповратна кома. Тој боледуваше од рак на дебелото црево и неговите лекари рекоа дека нема да закрепне. На негово барање, мерките за одржување во живот беа прекинати, соопштија лекарите од болницата во централниот италијански град Л’Аквила.

На почетокот на август, 61-годишниот мафијаш беше подложен на операција на цревата во болницата Сан Салваторе во централниот италијански град Л’Аквила. Иако операцијата беше успешна, ракот на дебелото црево во поодмината фаза предизвика неповратно влошување на неговата здравствена состојба.

Месина Денаро, осудениот шеф на сицилијанската мафија Коза Ностра, беше фатен од полицијата во јануари по три децении во бегство.

Шефот на мафијата, кој долго време важеше за најбараниот бегалец во Италија, беше фатен од специјализирана полициска единица во клиниката за рак во Палермо, каде што се лекуваше под лажно име.

Тој беше осуден во отсуство на доживотен затвор за неговата улога во серија сурови убиства и бомбашки напади со автомобили во Италија. Помеѓу другите злосторства, тој е обвинет и за бомбашките напади со автомобили во 1992 година, во кои меѓу другите беа убиени водечките обвинители против мафијата Џовани Фалконе и Паоло Борселино.

Месина Денаро важеше за блиска доверлива личност на поранешните мафијашки криминални босови Бернардо Провенцано и Салваторе „Тото“ Риина

The post Почина шефот на италијанската мафија Месина Денаро appeared first on Република.

Месина Денаро шеф на сицилијанската мафија Коза Ностра, наречен „Дијаболик“, беше уапсен во приватната клиника „Мадалена“ во Палермо додека се подготвувал да оди на терапија

По апсењето на бегалецот следеа извици на охрабрување и аплаузи за карабинерите од десетици пациенти и нивните семејства. Неговото апсење го дочекаа и жителите на Палермо, кои аплаудираа и извикуваа „Браво, браво“ додека поминуваа полициските автомобили.

Mafia, il volto di Messina Denaro in un video della polizia registrato nel 2009 - la Repubblica https://t.co/1l5l8wKfpx

— Ezio Mauro (@eziomauro) January 16, 2023

Познат е како „Ролекс“, бидејќи покрај убавите жени и брзите автомобили, сака и скапи часовници

Но, тој го има и прекарот „дијаболик“ поради неговото крваво минато.

- Можев да наполнам гробишта со моите жртви - наводно рекол своевремено. Првото убиство го извршил на 18 години, а во меѓувреме е обвинет за повеќе од 50.

Во 1993 година тој помогна да се организира киднапирањето на 12-годишното момче, Џузепе ди Матео, во обид да го одврати својот татко да сведочи против мафијата.

Момчето било заробено две години пред да биде задавено и неговото тело да се раствори во киселина.

Месина Денаро беше осуден во отсуство на доживотен затвор за неговата улога во убиствата на познатите обвинители против мафијата Џовани Фалконе и Паоло Борселино во 1992 година.

The post Зошто падна шефот на Коза Ностра: Ги крена во воздух обвинителите кои тргнаа против мафијата, раствори дете во киселина appeared first on Република.