Со задоцнетите мерки на криминалната влада на СДС и ДУИ народот од ден на ден станува по сиромашен,обвинува ВМРО-ДПМНЕ.

Инатењето и неспособноста на владата на Ковачевски доведе до целосен распад на економијата во државата. Зголемен инфлација од 17,1%, енормното зголемување на цените на основните прехранбени продукти придонесоа да секое трето семејство во Македонија да живее во сиромаштија.

Закаснетите и конфузни мерки сега придонесуваат до незадоволство и кај граѓаните и кај компаниите.

Замрзнувањето на цените на одредени продукти е со времен карактер од не цели 3 месеци и не е систем кој ќе функционира на долг рок. По одмрзнувањето на цените повторно ќе имаме ценовен шок кој повторно ќе биде на штета на граѓаните.

ВМРО-ДПМНЕ уште пред неколку месеци предложи конкретни антикризни мерки кои нема да бидат на штета ниту на граѓаните, ниту на компаниите.

Оваа неспособна власт требаше уште пред неколку месеци да ги замрзне цените на основните прехранбени продукти, пред тие да се качат за двојно или пак тројно, но и владата да ги ослободи стоковите резерви, како и да се откаже од дел од акцизата на горивата и да се анулира цената на транспортот. Исто така предложивме и намалување на цариснките тарифи како и намалување на данокот на додадена вредност.

Доколку криминалците од СДС и ДУИ, не мислеа само на тендери и криминал, и на време прифатеа барем дел од нашите предлози, инфлацијата во Македонија немаше да биде двоцифрена, немаше да има револт кај компаниите и граѓаните.

Но, Груби, Ковачевски како и останатите криминалци од владата на СДС и ДУИ заслепени од криминалот и тендерите во 4 очи, не им беше гајле ниту за граѓаните ниту пак за економијата во државата.

The post По одмрзнувањето на цените повторно ќе имаме ценовен шок appeared first on Република.

Сакаме да дадеме Демант поради објавена анализа за потрошувачка на електрична енергија со прилог табела од страна на Министерот за Економија Кресник Бектеши каде од податоците за Железници Транспорт АД – Скопје може да се увиди дека стоиме како најголем потрошувач на електрична енергија со најмалку заштеда се целосно невистинити, велат од ЖРМ Транспорт АД – Скопје.

Имено сакаме да Ве известиме дека согласно официјалните податоци од Одделението за енергетска ефикасност при ЖРМ Транспорт АД – Скопје за потрошена електрична енергија видно е дека: За ЕВН Хоме одржување на влечни и влечени средства и административни згради, споредбено за месец 09.2021 година потрошено е 65.171.50 KW, а за 09.2022 година потрошено е 57.227.40 KWсо што остварена е заштеда од -12.19%, информираат од ЖРМ Транспорт АД – Скопје.

Оттаму напоменатуваат дека споредбено за месец 10.2021 година потрошено е 131.174.30 KW, а за 10.2022 година потрошено е 83.507.00 KW со што остварена е заштеда од -36.34%.

За ЕВН Хоме преку мрежата на МЕПСО за товарен и патнички сообраќај, споредбено за месец 09.2021 година потрошено е 1.166.220,00KWh, а за 09.2022 година потрошено е 1.060.020,00KWh со што остварена е заштеда од -9.10%. Исто така напоменуваме дека ЖРМ Транспорт АД – Скопје за месец 10.2021 година потрошено е 1.122.920,00KWh, а за 10.2022 година потрошено е 1.075.330,00KWh со што остварена е заштеда од -4.23%. Овие податоци официјално се потврдени од Владата од Извадок од нацрт Записникот на Владата на Сто и втората седница одржана на ден 15.11.2022 година број 41-10377/2 од каде може да се види дека Железници  е еден од најголемите заштедувачи на електрична енергија, стои во реакцијата од ЖРМ Транспорт АД – Скопје.

The post Железници го демантираат Бектеши: Ние сме едни од најголемите штедачи на струја appeared first on Република.

Трендот на намалување на потрошувачката на струја од страна на државните институции продолжува и во октомври. Согласно податоците на Електродистрибуција за заштедата на електрична енергија произлегува дека административните згради на Претседателот на државата, Собранието, Владата, министерствата, АД ЕСМ, АД МЕПСО имаат остварено намалена потрошувачка на електрична енергија во просек од 29 отсто, што е повеќе споредено со вкупната заштеда од 20 отсто остварена во септември, информира министерот за економија Крешник Бектеши.

Сите институции во октомври имаат најмалку за 15 отсто намалена потрошувачка на електрична енергија што е согласно препораките и задолженијата кои ги донесе Владата. При тоа најмала заштеда има кај Министерството за здравство од 18 отсто, а најголема заштеда има зградата на Министерство за образование до 58 отсто. Заштедата на електрична енергија на Владата изнесува 32 отсто, кај Собранието заштедата во октомври е 22, кај Кабинетот на претседателот на државата 24, кај административната зграда на ЕСМ заштедата е 25, а кај МЕПСО 22 отсто, рече Бектеши на денешната прес-конференција во Владата.

Ако се земат во предвид податоците вклучително и на сите државни претпријатија, агенции и управи, нагласи, тогаш вкупната заштеда на електрична енергија изнесува 24 отсто.

Согласно податоците потрошувачката на електрична енергија само на министерствата сумирана заедно со сите единици кои се во склоп на надлежностите под одредено министерство е намалена за 33 отсто. Министерството за образование има постигнато најмала заштеда на електрична енергија од 24 отсто, а најголема заштеда има постигнато Министерството за животна средина од 94 отсто. Заштедата на електрична енергија кај Министерство за информатичко општество изнесува 50 отсто, кај Министерство за локална самоуправа 58, во Министерство за транспорт и врски и Министерство за финансии заштедата изнесува 44 отсто, кај Министерството за труд и социјална политика 40, Министерството за економија заштедило 30 отсто електрична енергија, исто толкава е заштедата на Министерството за внатрешни работи, прецизира Бектеши.

Во анализата на потрошувачката на електрична енергија за октомври 2021 година споредено со истиот месец во 2022 година, како што кажа, се опфатени вкупно 19 јавни претпријатија во државна сопственост со сите подрачни единици, каде вкупната заштеда изнесува 17 отсто.

Согласно податоците содржани во табеларниот приказ произлегува дека 15 субјекти оствариле заштеди од минимум 15 отсто во октомври 2022 година споредено со истиот месец во 2021 година, рече Бектеши.

Податоците за заштеда на електрична енергија кај општините кои имаа препорака да штедат, пак додаде, покажуваат дека од 81 општина, 65 општини постигнале заштеда од најмалку 15 отсто, од кои 12 општини постигнале заштеда поголема од 50 отсто.

Вкупно 16 општини не постигнале заштеда од 15 отсто, од кои само три имаат поголема потрошувачка во октомври 2022, споредено со октомври 2021 година, а останатите 13 општини имаат намалена потрошувачка, но не постигнале заштеда од 15 отсто, посочи Бектеши, објавувајќи дека додека Студеничани и Лозово потрошиле за 11, односно 12 отсто повеќе струја од ланскиот октомври, Општина Арачиново потрошила за 474% повеќе.

Овие податоци за заштеда на електрична енергија, порача, покажуваат дека доколку сме сите рационални и не трошиме беспотребно електрична енергија може да се направат големи заштеди. Упати апел до сите компании и до граѓаните рационално да се користи електричната енергија.

Со рационално трошење на струјата ќе се овозможи намалување на сметките за струја и за граѓаните и за компаниите кои ќе станат поконкурентни. Ние како Влада ќе продолжиме да работиме и да носиме мерки се со цел оваа енергетска криза која ја зафати цела Европа да има најмали негативни ефекти за граѓаните, а со заеднички напори и штедење да има и најмали негативни ефекти за целата држава, потенцира Бектеши.

The post Арачиново потроши за 474 отсто повеќе струја од лани appeared first on Република.

Под слоганот „Штедиме заедно денес за да имаме утре“, Владата преку информативно едукативни активности ќе ги мотивира граѓаните да штедат струја, велат оттаму, додавајќи дека ќе презентираат „корисни информации како граѓаните поефикасно да ја користат електричната енергија и на тој начин да штедат“.

Енергетски ефикасните сијалици заштедуваат и до 90 проценти електрична енергија. Одржувањето на тепературата на 22 степена, наместо на 25 степени, заштедува до 10 проценти електрична енергија. Краткото туширање заштедува вода, струја и пари на вашата сметка, рече портпаролот на Владата Душко Арсовски наведувајќи примери со кои преку едукативните активности планираат да поттикнат штедење струја.

Според некои експертски анализи, наведе Арсовски, доколку се почитуваат овие и други препораки, може да се заштеди струја и до 50 проценти.

Препораките предизвикаа многу реакции во јавноста, а меѓу нив е одговорот и на познатата активистка Ина Многуфина.

Штедиме заедно денес за да имаме утре, е слоганот со кој Владата од денеска со едукативни активности ќе ги мотивира граѓаните да штедат струја. "Кратко туширање ќе ве освежи и ќе ви заштеди струја, вода и пари, а од тоа сите ќе имаме корист". Ок до тука. Сега јас имам нешто нејасно, ако излезете надвор ноќе ќе водите дека сите објекти се со уклучени реклами, бензиските се ко Лас Вегас уште касата не им шљашти, салони и продавници затворени светат цела ноќ, реклами на згради светат 24/7, банки исто. Иде нова година ќе се кити ќе свети секој локал... па не може краткото туширање да заштеди толку колку што овие можат да потрошат. Ако важи штедење нека важи за сите, се што не е нужно нека не свети. Не може само домаќинствата да штедат со кратко туширање и мало тенџерче додека реклама или име на фирма свети цело време. Што е нужно у време на криза да го видам името на банка или осигурителна компанија? Па знам кај се, затворени се и не можам да завршам ништо ноќе кај нив. Нека се тушираат и они кратко, пишува Ина Многуфина.

The post Ина Многуфина за „краткото туширање“ кое ни го препорачува Владата appeared first on Република.

Министерството за образование и наука постигна заштеда на електрична енергија од 35 проценти во месец септември 2022 година, споредбено со истиот месец минатата годна. Овој септември, според доставената фактура од добавувачот на електрична енергија, МОН потрошило 29 илјади и 700 kwh, додека во септември 2021 година се потрошени речиси 46 илјади kwh, информираат од МОН.

Податоците потврдуваат дека вработените во МОН целосно ги почитуваат и применуваат препораките на Владата за намалување на потрошувачката на електрична и топлинска енергија во периодот од 1 септември 2022 до 31 март 2023 година, се вели во соопштението на Министерството за образование и наука.

Од Министерството апелираат владините препораки за рационално користење на електричната енергија доследно да ги почитуваат и сите други образовни институции и установи, а особено училиштата и факултетите кои треба да обезбедат континуитет на наставата во форма во каква и започна новата учебна, односно академска година – со физичко присуство на учениците и студентите.

The post МОН се пофали дека во септември постигна заштеда на електрична енергија од 35 проценти appeared first on Република.

Скиснат јогурт за појадок и вечера, исклучени лифтови, исклучени решоа и фрижидери, влегување без дозвола во собите и проверување дали се користи греалка, се само дел од нештата на кои се пожалија студенти што живеат во студентскиот дом „Гоце Делчев“ за порталот „Факултети“.

Како резултат на енергетската криза, која се очекува да се интензивира претстојнава зима, во домот се истакнати мерки за штедење струја во вид на правилник. Тука спаѓаат мерки од типот дека температурата во собата не треба да надмине над 20 степени и дека се забранува користење на сопствени грејни тела, како и дека ќе се исклучуваат фрижидерите и шпоретите во студентските соби.

Студентите сметаат дека спроведувањето на овие мерки излегува од контрола и дека квалитетот на нивното домување е сериозно нарушен, па немаат основни услови за живеење.

Лифтовите се нонстоп расипани, решоата и фрижидерите ни ги исклучија, забрането е да користиме секакви апарати во собата, па дури и за пегла прават проблем. Деновиве шетаат по соби и проверуваат низ нашите шкафови и под кревети дали криеме греалка, а ако нема никој во собата, сами си влегуваат. Интернет нема, а прават проблеми и рутер да имаш ставено, раскажа еден студент.

 

Блок а и Блок б имаат 2 решоа и еден малечок фрижидер. Месечната станарина што ја плаќаме вклучува нивно користење, но тие се исклучени во двата блока, сподели една студентка.

Студентите алармираат и за квалитетот на исхраната во мензата. Некои од нив посочија дека се служи недоволно зготвено месо, особено кога има поголем метеж во мензата, а за појадок или вечера во неколку наврати имале скиснат јогурт.

Повеќе на „Факултети“

The post Им влегуваат во соба без најава да видат дали користат греалка или решо, се јаде живо месо и скиснат јогурт appeared first on Република.

Владата, судовите, Собранието, претседателот на државата, ЕСМ и МЕПСО во септември годинава вкупно заштедиле 20 отсто струја во однос на истиот месец лани.

Според анализата што денеска ја презентира министерот за економија Крешник Бектеши, доколку се земат предвид податоците од потрошувачката само на административните згради на министерствата, претседателот на државата, Собранието, Владата, АД ЕСМ и АД МЕПСО заштедата на струја изнесува 25 отсто. Притоа, шест субјекти имаат намалена потрошувачка на енергија во септември, но немаат остварено заштеди од 15 отсто согласно задолженијата, додека останатите субјекти имаат остварено заштеди од 15 -73 отсто, повеќето од 25 до 35 проценти.

Единствено, како што рече Бектеши, административната зграда на Министерството за локална самоуправа има зголемена потрошувачка на енергија за 81 процент, а најголема заштеда е направена во административната зграда на АД ЕСМ од 75 отсто.

Заштедата на струја кај претпријатијата во државна сопственост изнесува осум отсто, а опфатени се вкупно 17 државни компании. Општините, пак, кои имаа препорака за заштеда на електрична енергија вкупно за 29 отсто ја намалиле потрошувачката на електрична енергија во септември, споредено со истиот месец претходната година.

Согласно податоците, заштедата на електрична енергија во зградата на Владата е 25 отсто, кај МВР 21 отсто, кај Министерството за култура 40 отсто, Министерството за образование 35 отсто, Министерството за политички систем 22 отсто, Министерството за транспорт и врски 30 отсто, Министерството за труд и социјална политика 36 проценти, Министерство за финансии 32 отсто, а Министерство за економија 30 проценти, рече Бектеши.

Како што истакна Бектеши, најмала заштеда е направена во административната зграда на Министерството за здравство од два отсто, по што следуваат Министерството за надворешни работи и Министерството за одбрана со по осум проценти заштеда.

Според анализата, Собранието заштедило 29 отсто од потрошувачката на електрична енергија, додека кај Кабинетот на претседателот заштедата е 17 проценти.

Овие податоци покажуваат дека доколку сме сите рационални и не трошиме непотребно електрична енергија, може да се направат големи заштеди. Доколку сите дадеме максимален придонес за намалување на потрошувачката на струја во државата, секој со свој личен влог може да помогне полесно и со најмали можни последици да се справиме со оваа енергетска криза, рече Бектеши.

Тој апелира дека состојбата во енергетскиот сектор, не само во Македонија, туку и во цела Европа, не е шега и секој степен помалку, како што нагласи, е заштеда од околу пет отсто на енергенсите.

Грејната сезона почна и треба сите ние во наредниот период малку да се фокусираме на штедење и на начините како да го направиме тоа. Една мала промена на секојдневните навики може да направи голема разлика, порача Бектеши.

Анализата исто така покажува дека вкупно 111 институции немаат потпишано договор за снабдување со електрична енергија и се снабдуваат на краен снабдувач со многу повисока цена односно цената на HUPX + 20 отсто.

Најголем број субјекти кои се снабдувани од снабдувачот во краен случај се основните и средните училишта, по што следат министерствата и здравствените установи.

Министерството за економија до Владата достави сет препораки и задолженија за намалување на потрошувачката на електрична и топлинска енергија за безбедна зима. Овие мерки почнаа да се применуваат од 1 септември и сите органи на државната управа, државни институции и јавни претпријатија беа задолжени да остварат заштеди во потрошувачката на електрична енергија за 15 отсто на месечно ниво, почнувајќи од 1 септември 2022 заклучно со 31 март 2023 година, споредено со истиот месец од претходната календарска година.

https://youtu.be/_FN3xJrEaak

The post Се може ако се сака: Бектеши објави колку струја заштедиле Владата, судовите, Собранието, МЕПСО… appeared first on Република.

Навистина ми е жал што Сојузот на синдикати на Македонија (ССМ) излезе со шпекулации и се создаде паника. Не е вистина тоа што го велат синдикатите. Нема да има отпуштања и нема да има намалување на платите на вработените во администрацијата, изјави министерката за труд и социјална политика Јованка Тренчевска во Тема на денот на телевизија Сител.

Тренчевска вели дека во политиката за намалување на расходите нема ниту една таква мерка, туку тоа се препораки како да се заштеди во јавниот сектор со цел парите кои ќе бидат заштедени да одат во реалниот сектор.

Во ниту една мерка не пишува дека администрацијата ќе биде отпуштена од работа и дека ќе им е намалена платата. Една мерка е за рационализација и оптимизација на вработените во јавниот сектор преку функционална анализа, односно да се види дали има доволен број на вработени во институцијата или вишок, рече Тренчевска додавајќи дека тие кои се вишок нема да бидат отпуштени, туку целта е да се направи оптимизација и преку мобилност да се преземат тие вработени.

За препораката за работа од дома, како што појасни, тоа не значи дека цела јавна админситрација ќе работи од дома. Препораката, како што посочи, е за тие кои имаат можност да работат од дома, но најмногу 30 отсто од вработените. Тренчевска укажа дека нема да им биде намалена платата на оние кои ќе работат од дома.

Раководното лице во институцијата, вели таа, знае кој од неговата администрација може да работи од дома и да дава резултати, а кое работно место не може.

Прашана во однос на цените за дневен престој во градинките, Тренчевска рече дека цената ја формира советот на општината.

Ние даваме препорака советот да ја разгледа можноста за зголемување на цената на праведен начин со правилник, зависно од приходите на семејството, од бројот на децата во семејството, така и да ја формираат цената. За семејства со помали прходи да има една цена, за семејства кои имаат поголеми приходи поголема цена. За да бидат рентабилни и да можат да имаат приход треба да се разговара на Совет дали има можности да се зголеми цената, појасни Тренчевска.

Во однос на мерките за пензионерите, Тренчевска кажа дека финансиската поддршка ќе биде исплатена надвор од правото на пензија. По неколку дена од исплатата на пенизјата ќе се исплаќа финансиската поддршка, вели министерката

The post Нема отпуштања или намалување на платите во јавниот сектор, тврди Тренчевска appeared first on Република.

Србија ќе го одложи стартот на грејната сезона и наместо од денеска, парната ќе се загреат од 31 октомври. Ова е само една од мерките за штедење донесени од страна на Владата со која се очекува да се заштедат 50 милиони евра, а одлуката ја правдаат со прогнозите дека до крајот на месецот се очекува натпросечно топло време.

Дел од српските медиуми, повикувајќи се на извори од Владата, објавија дека до топланите и градските администрации веќе биле доставени дописи за спроведување на оваа мерка. Додаваат и дека планот ќе се спроведува согласно временската прогноза.

Српската премиерка Ана Брнабиќ смета дека во услови на енергетска криза од вакви размери и согласно дневните температури периодов бесмислено е да се вклучува парното.

Во обаа смисла би биле енергетски ефикасни и едноставно е разумно кога температурата е 22 степени, да не го вклучите парното. Мислам дека е бесмислено загревањето да почне пред крајот на октомври, вели таа.

The post Србија ќе го искористи сончевиот период, стартот на грејната сезона поместен за две недели appeared first on Република.

Според податоците за потрошувачка во септември 2022, споредено со истиот месец лани, државните институции оствариле вкупно заштеда на електрична енергија од 18 отсто, објави вечерва министерот за економија Крешник Бектеши на Фејсбук.

Бектеши наведува дека мерките за заштеда на електрична енергија, кои ги донесе Министерството за економија, а се задолжителни за државните институции, ги даваат резултатите.

The post Институциите заштедиле 18 отсто струја во септември, тврди Бектеши appeared first on Република.

Претседателката на Уставниот суд Добрила Кацарска не замина на конгрес во Бали и со тоа заштеди 14.000 евра, се пофали денеска Судот.

Според нивното соопштение, Кацарска била поканета да учествува на Петтиот конгрес на Светската конференција за уставна правда, кој се одржува од 4 до 7 октомври во Бали, Индонезија.

Со оглед на економската ситуација во Македонија и мерките за штедење кои ги спроведува Судот, претседателката Добрила Кацарска одлучи во оваа прилика да не патува делегација на Уставниот суд поради трошоците кои изнесуваат околу 14.000 евра и присуството на Конгресот во Бали се замени со онлајн учество, соопшти Судот.

[caption id="attachment_558016" align="aligncenter" width="1740"] Присуството на Конгресот во Бали се замени со онлајн учество, соопшти Судот[/caption]

Централна тема на Конгресот била „Ограничување на улогата на уставните судови во одржувањето на мирот“. На сесиите кои се одржуваат се дискутира посебно за следните прашања: „Основни принципи: заштита на човековите права, демократијата и владеењето на правото како предуслов за мир“; „Апликации до уставните судови“; „Независноста на уставните судови (преглед)“; и „Базата на податоци на Венецијанската комисија“.

The post Кацарска планирала да потроши 14.000 евра за „конгрес на Бали“ appeared first on Република.

Треба една наградна да има од влада “Штедач на сезоната”.
Пример ова е Мирослав од Неготино, тој не е искапен 4 месеци, 12 дена и 7 часа, јаде само во деновите кои почнуваат на ”љ”, вода пие од снегот и дождот, но не многу за да има и за другите и како што вели заштедил 2450 денари кои ќе ги донира за владата во борба против енергетската криза. Затоа што оваа сума е смешна владата преку извршители за награда ќе му ја земе и куќата, а решението ќе му го однесе лично вицепремиерот Маричиќ.

The post Штедач на сезоната: Мирослав од Неготино, не се капел 4 месеци, 12 дена и 7 часа, јаде само во деновите кои почнуваат на „љ“ appeared first on Република.

Mинистерот Благој Бочварски им забрани на вработените во Министерството за транспорт и врски да ги носат в канцеларии електричните тротинети и да ги полнат на работа. Оваа е бонус мерка за штедење на електрична енергија со која се дополнуваат мерките што веќе ги донесе Владата.

На известувањето во просториите на петкатната зграда на Министерството за транспорт и врски, покрај досегашните е залепена и нова: „Забрането качување со лифт на веспи, велосипеди и електрични тротинети и нивно полнење во канцелариите“.

Така сега, од субвенционирани, тротинетите влегова во фаза да бидат „инкриминирани“, во случај, се разбира, да се прекршува донесената мерка.

Владата, како што објавивме, ги задолжи државните институции од 1 септември да ја намалат потрошувачката на струја за 15 отсто во споредба со истиот месец лани.

The post Бочварски забрани качување и полнење на тротинетите во канцелариите appeared first on Република.

Јавниот сектор да работи два часа помалку, од 9 до 15 часот, кога има најмногу дневна светлина и кога е најтопло во текот на денот, е мерката за заштеда на електична енергија што ја предлага Конфедерацијата на слободни синдикати (КСС).

Како што соопшти денеска претседателот на КСС, Благоја Ралповски енергијата што ќе се заштеди од јавните институции потоа да им се даде како помош на бизнис секторот и јавно – комунлните претпријатија за да се спречат поголеми ценовни шокови.

Може да се направи рационализација, јавниот сектор може да работи со скратено работно време од два часа со што ќе се заштедат големи количини електрична енергија. Може да се направат дежурни тимови кои ќе ги сервисираат неопхоедните дејности во текот на еден ден, истакна Ралповски.

The post Администрацијата да работи од 9 до 15 часот за да се заштеди, бара КСС appeared first on Република.

Вицепремиерот Артан Груби денеска порача дека институциите треба да бидат пример за штедење и на струја и на сите државни ресурси. Уверува дека владините институции прават максимални напори за заштеди во услови на економско-енергетската криза.

Груби при посета на општина Арачиново на прашање на новинарите дали службените автомобили треба да работат додека тој дава изјави рече дека тоа не треба да се прави и повика да се пријави секое непочитување на мерките за штедење.

Не знам кои автомобили работат, не сум возач. Апсолутно не треба да работат. Сметам дека сите граѓани и посебно институциите најпрво и челниците на институциите треба да бидат пример за штедење и на електрична енергија и на сите државни ресурси, рече Груби.

Тој апелираше до новинарите секојдневно да ги проверуваат сите институции, почнувајќи од Владата, Собранието, министерства, кои мерки за штедење ги применуваат согласно со владината одлука што стапи во сила од 1 септември.

Груби наведе дека и пред одлуката на Владата Министерството за политички систем што го раководи тој го исклучувало осветлувањето по работното време.

Се соочуваме со многу тешка зима, не само ние, туку целиот наш континент, и затоа апелирам прво ние да бидеме пример, но и граѓаните да ја штедат максимално електричната енергија, рече Груби.

Тој негира дека не се почитуваат мерките за штедење, а како што информираше, синоќа намерно поминал покрај зградите на Собранието, Владата, министерствата за надворешни работи и за политички систем, СОЗР, СЕП, МЖСПП, Финансиската полиција и утврдил дека имало светла само на еден кат, но откако се јавил на министерот за животна средина Насер Нуредини биле исклучени.

Ве повикувам секој таков пример којшто ќе го видите да ни кажете и да реагираме веднаш, рече Груби.

Вицепремиерот смета дека не е голем трошок одењето на владината делегација на Самитот на Отворен Балкан затоа што, како што рече, Белград е блиску и таму имаме наши ресурси, односно амбасада и резиденција, а се прави промоција на државата во рамки на иницијативата.

-Сметам дека настанот е од огромно значење затоа што се организира и винскиот саем и истовремено се потпишуваат многу битни договори во рамки на иницијативата Отворен Балкан и не се сите цело време таму. Ве уверувам најискрено дека максимално се обидуваме да штедиме, посебно во однос на електричната енергија, но и по другите ресурси затоа што сме единствена Влада која што си усвои етички кодекс и која што си поставува граници за трошење самата себеси, изјави Груби, кој во Арачиново присуствуваше на пуштање во употреба на нова водводна мрежа

The post Груби барал запалени светла по институциите низ Скопје, интервенирал ако некоја горела за џабе appeared first on Република.

И официјално, од први септември мора да се штеди. Владата донесе сет мерки, а наредбите и упатствата за штедење се адресирани на државните институции и кај јавната администрација.

И, би најавено, и би направено. Клима уредите „се заклучија“. Раководителите ги прибраа далечинските управувачи во фиоките. Таванските светилки се ограничија. Во добар дел простории се исклучија. Засега, ќе помогне дневната светлина на која ѝ е олеснето „да влезе“ во работните простории со отворените прозорци. Временските прилики ги олеснија работите. Нема жештини, оти, во спротивно, клима уредот ќе беше програмиран на 27 степени. Кога ќе стигне грејната сезона  – на 20. Ниту повеќе, ниту помалку. Копир-апаратите ќе печатат само неопходни документи. И другите уреди. И, ако, некаде околу 15 октомври кога е првата ревизија на штедењето, сметките не се пониски за 15 проценти, ќе има казни. За тоа ќе се грижи одговорниот.

При посетата на прилепското јавно комунално претпријатие „Комуналец“ веднаш не информираа – почнавме со штедење. Владините мерки мора да ги спроведуваме, ама има оддели каде тоа е невозможно. Рубин Абрашоски, директор на прилепски Комуналец го споменува примерот со Градската капела.

Ние го почнавме штедењето и мора да се придржуваме на владините мерки. Секако, во спротивно следуваат санкции. Имаме набавено штедливи светилки за сите потреби и го контролираме трошењето. Но во некои оддели не е можно и станува дискутабилно да се ограничува. Така е со Градската капела каде температурата во сите периоди од годината мора да се одржува на исто ниво. Не е можно ограничување, вели Абрашоски.

А индустријата? Според пресметките и фактите, за стопанството е најтешко. Компаниите почнаа со мерки за штедење совреме, ама велат дека се малку за спас од клуч на врата.

Жарко Качаков, е директор на секторот за развој во ПИ „Витаминка“ во Прилеп. Веќе три-четири години инвестираат во фотоволтаични централи. Досега вложиле 800 000 евра, но пресметките велат дека покриваат само 20 проценти од потрошувачката.

Во овој кризен период кога цената на електричната енергија за компанијата пораснува повеќе од осум пати, поточно ако за домаќинства е околу 30, за компаниите е околу 800 проценти поскапо. Тоа е неиздржливо. Ако компаниите не се подготвени да го реорганизираат начинот на работа, едноставно, нема да бидат конкурентни на пазарот и, на крајот, останува да се стави клуч на вратите. Ние презедовме мерки. Инсталиравме фотоволтаични централи. Досега имаме инсталирано околу 1,5 мегавати. Во последните три-четири години вложивме преку 800 000 евра. Тоа е процес кој продолжува. Но тоа не е доволно. Со ова, покриваме околу 20 насто од нашата потрошувачка. Значајно е, но не може да нѐ спаси, вели Качаков.

Компанијата е со дополнителни мерки, ама ниту тоа не спасува од неконкурентост на пазарот.

Колку што е можно повеќе, греењето и ладењето на нашите простории и магацини ги реорганизираме: да имаме помалку стока која се лади во магацините, пократко да стои таму, ја искористуваме топлината од процесите за греење во просториите, ги заменуваме помалку енергетските машини со енергетски поефикасни. Но се плашиме дека не е доволно. Цената на електричната енергија месечно, која досега беше на издржливо ниво, ја покриваше приходот од продажбата на производите. Со оваа цена, не е можно. Принудени сме да ги зголемиме цените на производите со што ризикуваме да не бидеме конкурентни на пазарот. На пример, ако ние сега ќе плаќаме 800 до 1000 евра за мегаватчас, значи од 50 до 60 денари за киловатчас, цената на струјата во Србија е загарантирана за компаниите на 6 денари за киловатчас. Бидејќи српските производи се најмногу застапени во нашата сфера на работење, како ние да бидеме конкурентни?, вели Качаков.

Очигледно, потенцира, се потребни државни мерки.

Државите мора да му помогнат на стопанството. Дали тоа ќе биде преку сунвенционирање на дел од струјата, дали преку олеснување на процесите на инсталирање на сопствено производство на електрична енергија. Државата има доволно механизми да ги види искуствата од другите земји. Значи, сите земји преземаат некои чекори за да се ублажи овој удар врз стопанството, смета Качаков.

Ерата на официјалното штедење стигна по летните одмори.  Септември, и досега жежок и тежог најдолг месец, е уште понапнат. На граѓаните им стигнаа и детални совети – што и како може да штедат. Па дури и за готвењето. Што и колку се троши.

Тоа е во ред, велат граѓаните. Секое домаќинство, во принцип, сака што помалку да потроши електрична енергија. Одамна е почната трката по огревно дрво. Каде што може. Ама, велат – што правиме со загадувањето на околината?

Голем број домаќинства поставија сончеви панели. Барем болјерот да не троши струја. Други, плинот го користат и за готвење. А зготвен ручек во рерна, на шега велат, може да има само во недела. Во ред е ако свети една, наместо три светилки. Секој се раководи од длабочината на џебот. Како и да е, секојдневите се претвори во сметки и пресметки на трошењето. Не дека досега ги немаше. Ама, кризата и скапата електрична енергија, сите се согласуваат подолго време „ќе не тресе“. Потрошените киловати станаа мерило за живеење.

Извор: МИА

The post Ручек во рерна само во недела, далечинските од климите во фиока – како штедат прилепчани? appeared first on Република.

Од денеска стапуваат во сила мерките за штедење електрична енергија со кои потрошувачката треба да се намали 15 отсто. Мерките беа донесени со владина одлука на 16 август, а ќе важат до 31 март 2023 година. Се однесуваат на домаќинствата и компаниите како препораки, но и на државните институции како задолженија.

Како што рече министерот за економија Крешник Бектеши кој ги соопшти и образложи мерките, пред нас е една од најтешките зими на енергетски план и сите заеднички треба да придонесеме за нејзино полесно пребродување.

Исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина, ладење со клими на не помалку од 27 степени и греење на максимум 20 степени, исклучување на компјутерите по завршување на работните обврски, редовно менување на филтрите на грејните тела и клима уредите, пеќатење само потребните материјали, замена на прозорците со енергетски ефикасни, се само дел од обврските кои државните институции мора да ги спроведат.

Слични се и препораките за бизнис секторот – исклучување на декоративното осветлување на фасадите на сите објекти, користење дневна светлина за внатрешните простории, халите и канцелариите во објектите во период кога за тоа има можност, ладење на производни објекти, хали и канцеларии со клими на не помалку од 27 степени и греење на максимум 20 степени, исклучување на компјутерите по завршување на работните обврски, замена на старите сијалици со компактни флуоресцентни, редовно менување на филтрите на грејните тела, инсталирање топлинска пумпа како високоефикасен систем за греење, ладење и за подготовка на топла вода при градба на нови градежни објекти или реконструкција на стари, примена на нови технологии за подобри енергетски перформанси на индустриските постројки,…

На домаќинставата им се препорачува вклучување бојлер по потреба и по можност на евтина струја, вклуќување на машините за перење и за миење садови само кога се полни и исто така на евтина струја, разумно користење на грејните тела, максимално користење на дневната светлина и топлината од сонцето, гаснење на сијалиците кога не се престојува во одередни простории, готвење во помали садови или во садови соодветни на големината на ринглата, кратко и интензивно проветрување на просториите,

The post Од денеска штедење: Капење само на евтина тарифа, пеглање по потреба appeared first on Република.

Од утре стапуваат во сила мерките за штедење електрична енергија со кои потрошувачката треба да се намали 15 отсто. Мерките беа донесени со владина одлука на 16 август, а ќе важат до 31 март 2023 година. Се однесуваат на домаќинствата и компаниите како препораки, но и на државните институции како задолженија.

Како што рече министерот за економија Крешник Бектеши кој ги соопшти и образложи мерките, пред нас е една од најтешките зими на енергетски план и сите заеднички треба да придонесеме за нејзино полесно пребродување.

Исклучување на декоративното осветлување на фасадите на јавните објекти и културните споменици, гаснење сијалици кога има доволно дневна светлина, ладење со клими на не помалку од 27 степени и греење на максимум 20 степени, исклучување на компјутерите по завршување на работните обврски, редовно менување на филтрите на грејните тела и клима уредите, пеќатење само потребните материјали, замена на прозорците со енергетски ефикасни, се само дел од обврските кои државните институции мора да ги спроведат.

Слични се и препораките за бизнис секторот – исклучување на декоративното осветлување на фасадите на сите објекти, користење дневна светлина за внатрешните простории, халите и канцелариите во објектите во период кога за тоа има можност, ладење на производни објекти, хали и канцеларии со клими на не помалку од 27 степени и греење на максимум 20 степени, исклучување на компјутерите по завршување на работните обврски, замена на старите сијалици со компактни флуоресцентни, редовно менување на филтрите на грејните тела, инсталирање топлинска пумпа како високоефикасен систем за греење, ладење и за подготовка на топла вода при градба на нови градежни објекти или реконструкција на стари, примена на нови технологии за подобри енергетски перформанси на индустриските постројки,…

На домаќинставата им се препорачува вклучување бојлер по потреба и по можност на евтина струја, вклуќување на машините за перење и за миење садови само кога се полни и исто така на евтина струја, разумно користење на грејните тела, максимално користење на дневната светлина и топлината од сонцето, гаснење на сијалиците кога не се престојува во одередни простории, готвење во помали садови или во садови соодветни на големината на ринглата, кратко и интензивно проветрување на просториите,…

Пред нас е една од најтешките зими на енергетски план. Мерките за штедење се креирани за полесно да се справиме со она што не очекува, за непречено снабдување со електрична енергија, рационално трошење и пониски сметки, рече министерот Бектеши на 16 август кога ги соопшти мерките.

Според вицепремиерот Фатмир Битиќи, јавните институции мора да бидат пример за совесно однесување. Затоа и нивните раководители може да ја изгубат работата ако не ги почитуваат владините препораки и ако не заштедат 15 отсто струја како што е предвидено.

И според него и според министерот Бектеши, рестрикции на струја не се очекуваат.

The post Од утре перење и пеглање на евтина струја, готвење во помали садови appeared first on Република.

Владините препораки да се штеди наидоа на потсмев кај граѓаните. Тие доаѓаат во време кога државата организира разноазни прослави, годишнини и родендени.

Тенок млаз на вода, штедете, помалку, не знам што се бара од сиромав народ, а државата прославува 200 празници, родендени, годишнини и денови на институции, кои ниту работат, само арчат, а парадите нормално служат за шетање на партиска армија и перчење на функционерите.
Не сте во контакт со времето и реалноста, у некој јужноамерички филм на патриотизам сте, коментира Ивор Мицкоски.

Бојлерот вклучувајте го само по потреба, користете го сонцето колку може повеќе за затоплување на домот, а гралките користете ги разумно. Ова се дел од препораките за штедење на енергија од 15 отсто за домаќинствата. Владата ги објави мерките и препораките за штедење на струја.

Препораките и мерките за штедење на струја ќе важат од 1 септември годинава до 30 март следната година.

https://republika.mk/vesti/makedonija/preporaki-za-domakjinstvata-za-shtedenje-struja-boljerot-da-se-vkluchuva-samo-po-potreba-gotvete-vo-pomali-sadovi/

The post Се прославуваат 200 празници, родендени, годишнини, а ние да се тушираме со тенок млаз appeared first on Република.