Пратеничката група на Европскиот фронт ќе продолжи засега да дејствува опозициски и во полн состав, изјави денеска Арта Биљали на прес-конференција во седиштето на ДУИ во Скопје.

За тоа што ќе се случува во пратеничката група на Европскиот фронт, потенцира таа, одговорност сносат лидерите на политичките партии кои се дел од него и самите пратеници, а не тие што однадвор се обидуваат да наметнуваат одредени тези во јавноста.

За тврдењата на Изет Меџити, вицепремиер и министер за животна средина и лидер на Демократско движење дека и други пратеници ќе преминат кај нив, Биљали негира.

-Не. Засега не, рече таа.

За излегувањето на Мендаух Тачи од ДПА од Европскиот фронт, Биљали рече дека тој ќе делува опозициски и во консултација со лидерот на ДУИ, Али Ахмети.

Претседателот на Демократската партија на Албанците, Мендух Тачи синоќа соопшти дека тој и неговата партија веќе нема да бидат дел од Коалицијата „Европски фронт".

- Сто дена се малку за да се анализира работата на една Влада. Причината зошто отсуствував на прес-конференцијата за стоте дена за владеењето на Владата организирана од „Европски фронт“ е поради тоа што јас и ДПА веќе нема да бидеме дел од Фронтот, рече Тачи во телевизиско гостување на Телевизија Клан Македонија.

The post Мендух Тачи излегол од Европскиот фронт ама ќе делувал опозициски appeared first on Република.

Претседателот на Демократската партија на Албанците, Мендух Тачи, вечерва соопшти дека тој и неговата партија повеќе не се дел од Коалицијата „Европски фронт“, предводена од ДУИ и Али Ахмети.

Сто дена се малку за да се анализира работата на една Влада. Причината зошто отсуствував на прес-конференцијата организирана од „Европски фронт“ за стоте дена од владеењето на Владата е поради тоа што јас и ДПА веќе нема да бидеме дел од Фронтот – рече Тачи вечерва во гостување на ТВ Клан МК.

The post Тачи и официјално призна: Јас и ДПА веќе не сме дел од „Европскиот фронт“ appeared first on Република.

Изет Меџити, првиот вицепремиер и министер за животна средина и просторно планирање, изрази увереност дека излегувањето на Мендух Тачи од коалицијата Европски фронт е само почеток на крајот за оваа политичка алијанса. Според него, со тек на време, Европскиот фронт ќе се дестабилизира уште повеќе, бидејќи не постојат цврсти идеолошки врски кои ги спојуваат членовите на оваа коалиција.

„Тие не се навикнати да бидат опозиција и по секоја цена сакаат да останат на власт. Коалицијата не е резултат на европски вредности или идеологија, туку чисто желба за власт. Во моментот кога не се власт, тие веќе немаат заедничка цел што ќе ги спои,“ изјави Меџити на прес-конференција по повод 100 дена Влада.

Меџити потврди дека нема директна комуникација со Мендух Тачи за евентуално негово преминување во Влен, но истакна дека на крајот, ваквите случувања само ќе доведат до дестабилизација на Европскиот фронт, а не на Владата или државата.

Во врска со предлогот на Венко Филипче за затворена седница на тема евроинтеграции, Меџити подвлече дека Владата интензивно работи на исполнување на својата програма, вклучувајќи ги и европските интеграции како еден од клучните приоритети.

„Опозицијата имаше 8 години на власт и не постигна ништо значајно. Сега ние сме тие кои ја диктираме агендата, и целосно сме посветени на евроинтеграциите,“ порача Меџити, повикувајќи ги опозиционите партии да се фокусираат на свои реформи.

На прашањето за предлогот на ДУИ за ветинг на политичарите, Меџити го оцени како неискрен и несериозен, посочувајќи дека ДУИ имале доволно време да го спроведат тој процес додека биле на власт.

„Тие сега зборуваат за борба против корупцијата, но ако тоа им беше вистинска цел, ќе го направеа тоа порано. Владата веќе ја има борбата против корупцијата како еден од своите главни приоритети,“ изјави Меџити, дополнувајќи дека последниот збор во оваа борба го има Обвинителството.

Повик до ДУИ да се фокусираат на сопствени реформи

Меџити ја искритикува и изјавата на ДУИ дека ќе работат на деблокирање на евроинтеграциите, нарекувајќи ја беспредметна, бидејќи, според него, тие не успеале да сработат ништо во таа насока додека биле на власт.

„Нека работат на себе за да станат атрактивни на политичката сцена, наместо да обвинуваат за нешта кои самите не ги реализираа,“ додаде Меџити, потенцирајќи дека актуелната Влада сè уште се занимава со исправка на погрешните решенија од претходните влади.

Оваа серија на изјави од Меџити го покажува неговиот став за идната политичка динамика во земјата, како и решеноста на Владата да продолжи со својата агенда за европски интеграции и борба против корупцијата.

The post Меџити: Почеток на крајот за Европскиот фронт по напуштањето на Тачи appeared first on Република.

Европскиот фронт го има истиот број на пратеници во Собранието, за други прашања или дилеми ќе се обратите до г. Тачи или до г. Ахмети“, изјави денеска координаторот на пратеничката група на „Европскиот фронт“, Блерим Беџети, одговарајќи на новинарско прашање.

Тие одбегнуваат да ја коментираат информацијата што вчера ја објавија дел од медиумите дека лидерот на ДПА, Мендух Тачи, ја напушта коалицијата. Координаторот на пратеничката група на Европскиот фронт во Собранието, Белирим Беџети, кусо одговори дека го имаат истиот број на пратеници во парламентот.

„Европскиот фронт го има истиот број на пратеници во Собранието, за други прашања или дилеми ќе се обратите до г. Тачи или до г. Ахмети“, рече Беџети.

И портпаролот на ДУИ, Арбер Адеми, за Миа изјави дека пратеничката група е функционална и работи во полн состав.

Прашан зошто Тачи не беше присутен на настанот на коалицијата пред два дена по повод 100 дена од новата влада, насловен „100 дена скандали, потфрлања, омалуважувања“ и дали во изминатиот период имало некакви недоразбирања меѓу Тачи и некој од лидерите на партиите кои го сочинуваат Европскиот фронт, Беџети изјави дека и претходно се случувало некој од претседателите на партиите да отсуствува од активности на Фронтот.

„И на други активности отсуствувал некој од претседателите на политичките партии што го сочинуваат Европскиот фронт. Со ова сакам да кажам и да ве уверувам дека тоа е нормално секој ден со своите обврски, протоколарни средби итн. може да отсуствува на некоја од средбите и тоа никогаш не било тема“, рече Беџети на прес-конференција во Собранието.

Од ДПА за МИА изјавуваат дека во текот на наредните денови ќе излезат со официјално соопштение.

The post Европски фронт не ги коментира информациите за излегувањето на Тачи: Бројот на пратеници на Фронтот не е променет appeared first on Република.

Првиот вицепремиер и министер за животна средина и просторно планирање Изет Меџити, кој е дел од коалицијата Влен, коментирајќи го излегувањето на Мендух Тачи од Европскиот фронт предводен од ДУИ, рече дека партиите во овој фронт не се споиле иделошки, туку за да опстанат на политичка сцена.

Во изјава за медиумите дадена денеска во Арачиново, Меџити рече дека нема информација дека се преговара со Тачи за негово преминување во Влен.

Јас лично немам такви преговори. Како што и најавив пред некој месец, тие не се споија идеолошки или за повисоки цели, туку како да опстанат на политичката сцена, изјави Меџити.

Прашан дали планираат да преговарат со пратници од ДУИ за да преминат на страната на Влен, Меџити најави дека во наредниот период ќе има повеќе информации за тоа.

The post Меџити за излегувањето на Тачи од Европскиот фронт: Тие не се споија идеолошки, туку за да опстанат на политичката сцена appeared first on Република.

Претседателот на ДПА и дел од коалицијата „Европски фронт“, Мендух Тачи во интервју за телевизија „А“ рекол дека неговиот сон е сите Албанци да живеат во една држава, но дека тоа останува само сон.

Мојот животен сон е сите Албанци да живеат во една држава. Но, ова е во доменот на соништата. Ако ова стане дел од политичката реалност, последиците би можеле да бидат многу големи за нас како народ, а особено за Косово, која е нова држава и која е во важните моменти на заокружување на државноста, изјавил Тачи.

Како што наведува, оние кои погрешно ги толкуваат неговите изјави велат дека тој зборува против Косово, но тоа не е точно.

Тој посочува дека косовските „интервенции“ на македонските избори имаат последици само кон Косово.

Според Тачи, влијанието од „мешањето на косовскиот премиер Албин Курти во македонските избори, поддржувајќи ја албанската опозиција“, односно коалицијата „Вреди“, како што вели, се потврди и со резултатите од првиот круг на изборите, на кои кандидатот на „Европски фронт“, Бујар Османи оствари разлика пред противкандидатот од албанскиот блок, Арбен Таравари.

Победата е речиси два спрема еден, рекол Тачи.

Тачи додал дека како искусен политичар ја избира политичката рационалност наместо политичкиот романтизам.

Можеби припаѓам на старата генерација политичари, но претпочитам политичка рационалност, мудрост во нашите постапки. Не храброст, застарен патриотизам, прекумерна романтизација и невидена преродба на некои поединци или групи, рекол Тачи.

The post Тачи: Мојот сон е сите Албанци да живеат во една држава appeared first on Република.

Интегративниот процес за Македонија е генералниот имунитет на оваа држава, истакна претседателот на Демократската партија на Албанците (ДПА), Мендух Тачи.

– Ако не постои интеграцискиот процес, ние сме на милиметар од растурање на државата. Нека не се лаже некој дека ние Албанците сме задоволни со оваа ситуација која што ја имаме. Јас никогаш нема да станам ДУИ, иако ние сме во коалиција. Ахмети и ДУИ цело време велат дека албанскиот јазик службен. Не е точно, нагласи Тачи во вечерашното гостување во емисијата „Трилинг“ на ТВ 24.

На прашањето што ги обедини со Ахмети, првиот човек на ДПА истакна дека главниот столб на успешноста на Пржинскиот договор се токму тие двајца.

- Главната причина сега зошто одлучив да одам во овој смер на помирување и на договор е, според мене, опасноста на ситуацијата во која се наоѓаме. Ние веќе сме во смер на интеграцискиот процес, а тапкаме на место година и пол. Конфликтот или агресијата на Русија кон Украина ја направи ситуацијата уште посериозна и поопасна, не само од смер на мешање на Русија во Балканот, рече Тачи, кој ја потврди констатацијата на новинарот дека ова обединување значи оти политиката, а не националните интереси преовладувале при носењето на одлуката за обединување со претседателите на ДУИ и Алијансата за Албанците, Али Ахмети и Зијадин Села.

На прашањето што доколку нивниот блок „Европски фронт“ освои повеќе пратенички мандати, а хипотетички ВМРО-ДПМНЕ победи на парламентарните избори и одлучи во коалиција да ја земе албанската опозициска коалиција Вреди, Тачи рече дека тоа ќе произведе огромна политичка криза.

-Ние би посакале да имаме многу добар резултат, но тоа зависи од граѓаните. Ако ние стигнеме до бројка од 30 пратеници, мислам дека сме многу блиску ние да одлучиме со кого ќе формираме новата влада – со СДСМ или со ВМРО-ДПМНЕ. Ако мислат дека можат да држат влада со екстремно малцинство на албанскиот електорат, нека им е аирлија. Но, тоа ќе произведува многу потешкотии. Мислам дека ќе произведува огромна политичка криза. Ние како победници нема да ги гледаме како заљубен пар, туку политички ќе дејствуваме. Сигурен сум дека меѓународната заедница, особено Европската унија нема никаква причина да толерира таков начин на пристап, потенцира Тачи.

Дали се уште е на „црната листа“ на американскиот Стејт департмент, Тачи одговори дека тој е „под забрана на виза поради јавни радикални изјави кои ја оспоруваат имплементацијата на Охридскиот договор“

The post Тачи: Интегративниот процес е генералниот имунитет на државата appeared first on Република.

Веќе кога стана очигледно дека лавината на победата на коалицијата ВРЕДИ е незапирлива, речиси секој ден гледаме трагикомедија од типот „проширување на Европскиот фронт“, во кој нивниот продуцент, Али Ахмети, се обидува да ги врзе јазлите што можат да му го ублажат поразот, во меѓувреме излегувајќи смешен, станува трагичната фигура на овие избори, напоменуваат од албанската опозиција „Вреди“.

Фактот што Ахмети почна да си игра со картата од 2001 година е доказ дека ДУИ е свесна дека ќе губи. Тој ја убива старата слава со емотивни пораки само за да добие некој глас. И додека зборува за станари, мора да го потсетиме дека само за една недела, од стравот од пораз, тој стана станар на Зејди од партијата чие име ни самиот не го знае, на Аријанит Хоџа, кој не го знае ни кратенката на партијата, на Мендух Тачи како „побратим на Мијалков“, на Курто Дудуш како спасител во Шутка и, конечно, се очекува да клекне пред Зијадин Села, со кого некогаш се обвинуваа кој кого убил и го предал на беса.

Едноставно, Али Ахмети стана закупец на партиите. Меѓутоа, она што се појавува на виделина е дека ДУИ конечно го урива митот дека е ексклузивен партнер на американската администрација.

Така, Мендух Тачи, војводата од ВМРО, лојален „до смрт“ на Сашо Мијалков и лицето на црната листа долги години во САД, од вчера е „новото лице“ на Европскиот фронт на Али Ахмети. Има ли крај што ДУИ нема да го допре? Нема поголема иронија што овој тим изјавува дека се бори за европските вредности и против руските интереси на Балканот, а внатре во него се собрани луѓето кои немаат право ниту да поминат пред американската амбасада во Скопје. Како и да е, им благодариме што станаа заедно, затоа што со еден удар политички ќе ги пензионираме сите заедно, а по 8 мај некои може да станат и соседи на Курто Дудуш во Шутка. На 24 април и 8 мај ќе добијат политичка казна која ќе ги врати во реалноста.

The post Мендух Тачи од црната листа на САД е „новото лице“ на Европскиот фронт на Али Ахмети appeared first on Република.

Богдан Илиевски го коментира однесувањето на лидерот на ДПА Мендух Тачи. Тој потсетува на зборовите на Тачи за Ахмети дека е лидер на криминална група“ а сега се коалициски партнери.

Политичар од црната листа на САД ќе спречувал руско влијание кое не постои, коалицирајќи во Европски фронт со Ахмети, кого го има нарекувано „лидер на криминална група“

The post Политичар од црната листа на САД ќе спречувал руско влијание appeared first on Република.

Централното собрание на Демократска партија на Албанците (ДПА) го одобри предлогот на претседателот Мендух Тачи за учество во коалицијата „Европски фронт“ предводена од Демократската унија за интеграција (ДУИ).

Партскиот лидер за оваа можност најави еден ден претходно во гостувањето на една од националните телевизии.

Се одржа Централното собрание на ДПА на кое едногласно беше одобрен предлогот на претседателот Мендух Тачи, на претседателските избори на 24 април и на парламентарните избори на 8 мај, дека ДПА треба да влезе во коалицијата со Европскиот фронт, информираат од одделот за информирање при ДПА.

Според информацијата од ДПА, потпишувањето на коалицискиот договор ќе се случи во понеделник во Тетово. Договорот ќе го потпишат партиските лидери Мендух Тачи и Али Ахмети.

The post ДПА одлучи дека на избори ќе оди во коалиција со ДУИ appeared first on Република.

Претседателот на ДПА, Мендух Тачи во емисијата Дебат плус на Клан Македонија најави дека новиот политички договор со ДУИ и нејзиниот лидер Али Ахмети ќе биде потпишан во понеделник во 12 часот во Домот на културата воТетово.

Тачи истакна дека овој договор е резултат на долги разговори и идеја која постепено се обликуваше во последните две години.

Лидерот на ДПА Мендух Тачи посочи дека договорот не ги вклучува само ДУИ и ДПА, туку и Партијата за евроинтеграции на Арјанит Хоџа, а има и планови за соработка со турските и босанските партии како и со неколку здруженија.

Тачи ја цени улогата на Ахмети како лидер на оваа нова мисија и ја изрази својата поддршка за формирање на помоќна коалиција.

„Денеска со господинот Ахмети го склучивме договорот кој ќе биде потпишан во понеделник во 12 часот во Домот на културата во Тетово. Имавме долги разговори, ова беше идеја на господинот Ахмети од пред две години. Оваа идеја полека созрева меѓу ДУИ и ДПА. Во понеделник ќе потпишеме договор и со Партијата за евроинтеграции на Арјанит Хоџа. Планираме да ни се приклучат и турска, босанска партија како и и неколку здруженија. Сите тие се предводени од господинот Ахмети како носител на оваа мисија. Јас отсекогаш сум бил директен, и не е на мене да го спречам господинот Ахмети да направи помоќна коалиција.Нашата комуникација е еднострана само со ДПА, а останатото е само одговорност на господинот Ахмети. Коалицијата во која што сме ние има главна политичка сила , а тоа е ДУИ на г-дин Ахмети и тоа е реалноста денес. Останатите се фрагменти од пропаднати партии кои се уште не ја покажале својата моќ во изборниот процес, рече Тачи.

The post Тачи: Во понеделник ќе се потпише коалициски договор со ДУИ appeared first on Република.

Собранието денеска  на барање на технничкиот премиер Талат Џафери, треба да ги разреши министрите за здравство Фатмир Меџити и за информатичко општество и администрација Азир Алиу. За нови министри се предложени Илир Демири, за министер за здравство и Наим Бајрами, за министер за информатичко општество и администрација.

Џафери вчера достави барање за разрешување на Меџити и Алиу и според Деловникот може да го образложи барањето. Согласно член 221 од Деловникот на Собранието, по предлогот за разрешување на член на Владата се отвора претрес, а членот на Владата за кого е поднесен предлог за разрешување може да се изјаснува по предлогот во траење од 15 минути. За да биде разрешен министер потребни се 61 глас, а исто толку гласови се потребни и за негов избор.

Но, по вчерашните случувања во Куманово неизвесно дали владејачкото мнозинство ќе има 61 пратеник. Двајца од осумте пратеници на Алијанса беа на состанокот кај Таравари па логично е дека нема да гласаат за разрешување на министрите. Покрај нив, и Мендух Тачи од ДПА најави дека нема да гласа за новите министри. Ако се знае дека владејачкото мнозинство брои 64 пратеници а минимум троца најавија дека нема да поддржат смена на министрите прашање дали ова ќе помине.

Барањето за разрешување на Меџити и на Алиу доаѓа откако тие го поддржаа претседателот на Алијансата за Албанците Арбен Таравари, кој најави дека на избори ќе оди со албанската опозиција, додека крилото на АА предводено од Зијадин Села најави дека на изборите за пратеници на 8 мај, АА треба да настапува самостојно.

The post Ќе има ли власта 61 пратеник да ги смени министрите што го поддржаа Таравари? appeared first on Република.

Мендух Тачи, пратеникот од редовите на ДПА за ТВ21 рече дека утре нема да оди во Собрание и да гласа за новите министри од Алијанса за Албанците.

Тачи кажа дека воопшто нема да присуствува на гласањето.

Не доаѓам утре и нема да гласам за министрите на Села – кратко изјави Тачи.

The post Тачи нема да гласа за новите министри на Алијанса appeared first on Република.

Демократската партија на Албанците (ДПА) во Тетово организираше настан со цел да се одбележат 30 години политичка посветеност на партискиот претседател Мендух Тачи.

Одделението за односи со јавноста при ДПА информира дека на настанот Мендух Тачи одржал пригодно обраќање со резиме на својот политички ангажман почнат во 1993 година.

Неговиот политички ангажман почна во 1993 година, како потреба кога мораше дефинитивно да се смени политичкиот курс на лидерите на тогашната најзначајна албанска партија, бидејќи тогашните политички случувања не беа во корист на интересот на албанскиот народ, се вели во соопштението од ДПА.

На настанот пригодни обраќања за политичката активност на Мендух Тачи имале професорот и поранешен тетовски градоначалник Сади Беџети, како и познатиот колумнист и новинар Батон Хаџиу.  Поставена била и изложба со 30 фотографии кои означуваат некои од најважните моменти од политичките процеси низ кои поминал Мендух Тачи.

The post Мендух Тачи одбележа 30 години политичка активност appeared first on Република.

За пратеникот на ВМРО-ДПМНЕ Драган Ковачки не се проблем шлаканиците туку ножот во грб кој претседателот на ДПА Мендух Тачи го забива на македонскиот народ. Ова е одговорот на Ковачки на процената на Тачи дека ВМРО-ДПМНЕ ќе го смени ставот за измените на Уставот и дека до денот на изборите ќе добие многу шлаканици од меѓународниот фактор.

Не е проблемот во шлаканиците, туку проблемот е во ножот во грб што заедно со СДС му го забивте на македонскиот народ, а со тоа и на државата. Вие Тачи што сте на црната листа на САД, правите историско предавство кон вашите соседи Македонци, а полтроните и безрбетниците од СДС тоа го одобруваат само за да купат ден плус на власт. Македонија никогаш порано не била раскрчмувана како што го прави СДС до скоро предводена од Заев, а сега и од пионот Ковачевски, напиша на Фејсбук Ковачки.

Тачи во телевизиско гостување истакна дека опозициската ВМРО-ДПМНЕ ќе „јаде многу шлаканици“.

Мислам дека ВМРО-ДПМНЕ ќе јаде многу „шлаканици“ до денот на изборите, дури и од меѓународните партнери. Шлаканиците ќе бидат многу големи, вели Тачи.

Според него, ВМРО-ДПМНЕ во последен момент ќе го смени ставот за уставните измени.

Шлаканиците ќе растат, додека поддршката за остатокот од политиката ќе се зголемува. Ова ќе биде делот што е проевропски, дел од проевропскиот фронт, рече Тачи.

Лидерот на ДПА оцени и дека ВМРО-ДПМНЕ е про-руска и про-српска партија.

Може да биде фрустрацијата што ја имаат Македонците за да си го зачуваат идентитетот, но од друга страна тоа е директна асимилација, бидејќи ги знаеме намерите на Србија и Русија. Со години ги знаеме намерите на овие земји, дури и ако ги гледате нивните документарни филмови и емисии. Треба отворено да разговараат со своите гласачи, да им покажат дека тоа е фаталност. Тие мора да им кажат на луѓето каде треба да одат и каде сакаат да одат, порача Тачи.

The post Ковачки до Тачи: Не се проблем шлаканиците, туку ножот во грб што го забивате на Македонците appeared first on Република.

Мендух Тачи и Сашо Мијалков се виновни за случајот „Титаник 2“, предмет што се однесува на изборни нерегуларности, одлучи денеска Кривичниот суд – Скопје.

Судиите Огнен Ставрев и Осман Шабани одново го пресудија предметот „Титаник 2“ кој се однесува на изборни нерегуларности сторени на изборите во 2013 година.

Судот ги ценел сите олеснителни и отежителни околности и ги огласи сите осомничени за виновни.

Лидерот на ДПА е осуден на затворска казна во траење од две години, додека пак поранешниот директор на УБК исто така доби две години затвор.

The post Мијалков и Тачи добија по две години затвор за „Титаник 2“ appeared first on Република.

Лидерот на ДПА, Мендух Тачи, по оваа средба изјави дека не разговарале за ништо конкретно, освен за заедничката иднина на двете земји во Европската унија.

„Братска средба си посакавме една на друга и на сите Албанци нова година. Зборувавме за нашата заедничка иднина на патот кон Европската унија, а не за нешто поконкретно. Ви благодарам! Среќно!“, рече Тачи.

The post Тачи: Разговаравме за нашата заедничка иднина во ЕУ appeared first on Република.

Пресмешни се Ахмети и Тачи со пароливе дека не е време на уцени. Замислете, не било време - коментира аналитичарот Ивор Мицковски.
Тој вели цела политичка кариера им се базира на уцени, а решиле да паузираат баш кога треба да се носат катастрофални одлуки за Македонија.

Цела политичка кариера им се базира на уцени, еве денес се уценува за ДУИ комплетно да завладее со правосудството, ама сега ќе паузирале.
И тоа ќе паузираат со уцени кога треба да се донесе најкатастрофалната одлука по Македонците и Македонија за внесување на Бугарите во Уставот.
Дајте уценувате мајке ви, ве молиме да уценувате.

The post Ахмети и Тачи ќе паузираат со уцени кога треба да се донесе најкатастрофалната одлука по Македонците и Македонија appeared first on Република.

Претседателот на ДПА Мендух Тачи пред лидерската средба во Собранието изјави дека со добар дијалог треба да се постигне договор за уставните измени и дека нема друг пат да се деблокира интеграцискиот процес.

За тоа дали и тие имаат услови како другите партии на Албанците, Тачи рече дека тргањето на 20 проценти од Уставот е нивен предлог, но оти исто така сега не е време за уцени.

Јас секогаш викам дека сум полош од сите, не ме ставајте во такви формулации. Јас не знам кои се тие останати политички партии на Албанците. Ако мислите дека тоа е БЕСА, за мене тие се се уште дел од коалицијата со СДСМ. Да, тоа е нашиот предлог. Многу е лошо кога книгата вие ја пишувате ќе ја предава некој друг на универзитет. Тоа е крадење платформа, крадење на една идеја. Мислам дека е време да се разговара веќе јавно за идентитетот на Албанците да станат дел од правните норми на нашата држава - рече Тачи, додавајќи дека сепак сега не е време за услови и за уцени.

Според него, „не е моментот да се дава оружје на рака на противниците на интеграцискиот процес“ и дали се тие многу или малку за него не е толку важно.

Јас разговарав со господинот Ахмeти за оваа тема, ќе продолжиме да разговараме, но ние немаме никаков услов. И тоа треба многу јасно да се кажува. После ќе раговараме исто како што разговаравме со господинот Ахмети и со нашиот коалиционен партнер и со македонската опозиција. Имаме јаки аргументи, но не е моментот да се воспоставуват услови или рокови. Ова е многу поголем процес од оваа другото - рече лидерот на ДПА Тачи.

The post Тачи: Не е време за уцени appeared first on Република.

Мислам дека станува збор за уставните измени. Се надевам со добар дијалог ќе постигнеме договор, бидејќи друг пат и начин немаме за да го деблокираме евроинтеграцискиот процес. БЕСА за мене се се уште дел од коалицијата „Можеме“ со СДСМ. Многу е лошо кога книгата која ја вие пишувате ќе ја предава некој на друг универзитет. Тоа е крадење на платформа и идеја, изјави изјави лидерот и пратеник на ДПА, Мендух Тачи пред почетокот на лидерската средба во Собранието.

Тој смета дека е време јавно да се разговара за идентитетот на Албанците да станат дел од правните нормни на нашата држава.

Мислам дека не е моментот за услови и уцени и трето не е моментот да се дава оружје на рака на противниците на интеграциските процеси. Разговарав со Ахмети за оваа тема, но ние немаме никаков услов и тоа треба јасно да каже, рече Тачи.

The post Тачи: Време е да се разговара за идентитетот на Албанците да станат дел од правните норми на нашата земја appeared first on Република.