Претседателот на Африканската унија, Меки Сал истакна дека Африка не е „против Украина“, но дека одлуката на многу африкански земји да не заземаат страна во таа војна е реакција на рамнодушноста на меѓународната заедница кон проблеми на нивниот континент.

Африка не е против Украина и не треба да имаме впечаток дека Африканците се нечувствителни на ситуацијата во таа земја. Тоа воопшто не е така, рече Сенегалецот на осмото издание на меѓународниот форум во Дакар, на собирот на Африкански лидери и безбедносни експерти

Африканците велат дека Африка е трајно под терористички напади додека Украина е во војна, под инвазија и напад, додаде тој, а потоа зборуваше за недостатокот на меѓународна солидарност во економската криза што влијае на континентот и болестите со кои се бори.

Ние сме во 2022 година, веќе не е ера на колонии. Ние сме во 2022 година каде земјите, иако се сиромашни, имаат подеднакво достоинство. Ние мора да ги третираме нивните проблеми со иста почит.

Сал го повтори својот повик за подобро претставување на африканските земји во меѓународните организации како што се Советот за безбедност на Обединетите нации или форматот Г20.

The post Сал: Африка не е против Украина, но има проблеми кои треба да се третираат со почит appeared first on Република.

Германија настојува да започне енергетски проекти со Сенегал, рече канцеларот Олаф Шолц за време на неговото прво патување во Африка во време кога војната во Украина исто така ги зголемува цените на енергијата и храната.

Шолц ја започна тридневната посета на Африка во Сенегал, земја со милијарди кубни метри резерви гас и се очекува да стане главен производител на гас во областа.

Германија се обидува да ја намали зависноста од рускиот гас поради инвазијата на Украина. Таа започна разговори со сенегалските власти за екстракција и втечнување на природен гас, рече Шолц.

„Ова е прашање што треба сериозно да се реши“, рече тој на прес-конференција со сенегалскиот претседател Меки Сал, додавајќи дека во интерес на двете земји е да се постигне напредок.

Шолц рече дека Германија е заинтересирана и за сенегалските проекти за обновлива енергија.

Сал рече дека Сенегал е подготвен да работи на снабдување на европскиот пазар со течен природен гас, ЛНГ. Тој предвидува дека Сенегал следната година ќе произведе 2,5 милиони тони, а до 2030 година 10 милиони тони.

Што се однесува до истражувањето на гасот, финансирањето на проектите и други прашања, Сал рече дека ќе земе се во предвид и дека е „подготвен да соработува со Германија во овој контекст“.

Германија ги покани Сенегал, кој моментално претседава со Африканската унија, и Јужноафриканската Република да бидат гости на самитот на Г7 што во јуни ќе се одржи во Германија.

Двете африкански земји се воздржаа од гласање за резолуцијата на ОН против рускиот напад врз Украина, кој Москва го нарекува специјална воена операција.

Како претседател на Африканската унија, Сал рече дека многу африкански земји не сакаат да изберат страна во војната, иако ја осудуваат инвазијата.

Многу е јасно дека сакаме мир. Работиме на деескалација, прекин на огнот, дијалог – тоа е позицијата на Африка – рече тој.

Сал додаде дека во наредните недели ќе ги посети Москва и Киев.

Конфликтот во Украина, која е главен снабдувач на жито и храна, предизвика прекин на снабдувањето што ги зголеми цените на храната и енергијата во Африка.

Му изразив голема загриженост на канцеларот Шолц за влијанието на војната – рече Сал и побара меѓународна помош за ублажување на последиците што ги трпи Африка, пренесуваат медиумите.

The post Германија се врти кон Африка: Шолц бара гас од Сенегал appeared first on Република.