Осомничениот за масовното пукање во американската сојузна држава Мејн, во кое беа убиени 18 лица, е пронајден мртов, потврди гувернерката на државата Мејн, Џенет Милс.

Потрагата по мажот траеше повеќе од два дена. Осомничениот е идентификуван како Роберт Кард, 40-годишен резервист.

Тој со полуавтоматско оружје нападнал луѓе во ресторан и куглана вечерта на 25 октомври во градот Левистон. Во престрелката имало 13 повредени. Според локалните медиуми, Кард најверојатно имал психички проблеми.

Неговото тело е пронајдено во градот Лизбон во реон на објект за рециклирање отпад каде што работел. Кард ја носел истата облека што ја носел за време на нападот. Тој изврши самоубиство, изјави Мајкл Сашак, началник на Одделот за јавна безбедност во Мејн.

The post Осомничениот за масовното пукање во Мејн пронајден мртов appeared first on Република.

Втор ден трае потрагата по резервистот на американската армија Роберт Кард, осомничен за убиство на 18 и ранување на 13 лица во масовно пукање во Мејн.

Локалната полиција соопшти дека Кард е вооружен и опасен и побара од граѓаните да не излегуваат од домовите поради безбедносни причини.

Полициските екипи синоќа ја пребараа последната позната адреса во Будин поврзана со Кард, соопшти полицијата за Си-Ен-Ен. По неколку часа полициските службеници го напуштиле местото, и не е познато што ја поттикнало полицијата да го изврши овој претрес.

Портпаролот на Одделот за јавна безбедност на Мејн рече дека полицајците „едноставно ја извршуваат својата должност следејќи ја секоја трага во обидот да го лоцираат и уапсат Кард“. Тој додаде дека полицијата извршила повеќе претреси.

Најмалку 18 лица загинаа, а 13 се ранети во пукањето во Луистон во американската сојузна држава Мејн, соопшти вчера гувернерката Џенет Милс. Училиштата во Луистон и во другите окрузи вчера беа затворени, а многу училишта остануваат затворени и денеска.

The post Полицијата уште трага по пукачот кој уби најмалку 18 лица во Мејн appeared first on Република.

Полицијата во Мејн денеска е во потрага по резервистот на американската армија кој уби 18 и рани 13 лица во куглана во градот Левистон претходната ноќ.

Полицијата е распоредена во јужниот дел на Мејн во потрага по главниот осомничен, Роберт Р. Кард, резервист на американската армија кој летото бил на лекување во психијатриска установа.

Јавните училишта во областа ја откажаа наставата денеска, а полицијата ги советуваше жителите да останат дома.

Во полицискиот билтен се вели дека Кард е 40-годишен инструктор за огнено оружје во базата на американската армија во Сако, Мејн, кој неодамна изјавил дека слушал гласови и имал други ментални проблеми.

Армијата на САД соопшти дека Кард бил наредник и специјалист за снабдување со нафта во резервниот состав на американската армија и дека никогаш не бил во борба откако се приклучил на Армијата во 2002 година.

Американскиот претседател Џо Бајден рече дека нацијата тагува поради „уште едно бесмислено и трагично масовно пукање“ во кое загинаа 18 лица во Левистон, Мејн, и ги повика републиканците во Конгресот да помогнат во донесувањето построги закони за оружје.

The post Полицијата во Мејн трага по резервистот кој уби 18 луѓе appeared first on Република.

Шокиран жител на Левистон раскажа за Би-Би-Си како целиот град бил заклучен по масовното пукање. Били Џејн Кук, која се кандидира за член на градскиот совет, изјави дека си одела дома од јавен настан кога првпат слушнала за нападот и дека напаѓачот бил во бегство.

„Целото возење до дома, сè што слушнав беа еднобојни сирени, една по друга. Хеликоптери, сирени, никогаш во мојот живот не сум слушнала толкава активност во овој град. Имаме полиција што доаѓа од целата држава. Ужасно е. Едноставно не мислите дека тоа ќе се случи некогаш, но тоа се случи“, вели Кук.

Кук додала дека се јавила на еден од нејзините синови додека возела дома. „Зборував со него на телефон и цело време немаше ништо друго освен сирени и хеликоптери. И кога конечно се вратив му реков дека сум безбедна дома“, се присетува таа.

„Тоа е едноставно лудо. Не можам да го обработам ова затоа што изгледа толку незамисливо. Ние сме многу среќни што всушност имаме две болници во нашиот град, што е неверојатно, исто толку мали како што сме ние“, продолжи таа.

Инаку, во Левинстон живеат помалку од 40.000 луѓе.

Рајли Думонт, друг сведок, изјави за Еј-Би-Си Њуз дека нејзината 11-годишна ќерка учествувала во детска лига во куглање во Левистон кога слушнала неколку истрели. Таа рече дека нејзиниот татко, пензиониран полицаец, потоа го сокрил нивното семејство. „Јас лежев врз ќерка ми, а мајка ми лежеше врз мене“, рече таа. Таа спомна дека видела три или четири жртви

The post Страшни сведоштва од масакрот во Мејн: Лежев над мојата 11-годишна ќерка, а мајка ми беше над мене appeared first on Република.

Најмалку 22 лица загинаа, а 50 до 60 се ранети во масовно пукање што се случи во средата во градот Левистон во американската сојузна држава Мејн, објави Си-Ен-Ен повикувајќи се на повеќе полициски извори.

Канцеларијата на шерифот на округот Андроскогин објави две фотографии од осомничениот на Фејсбук, велејќи дека тој е во бегство. Се бара помош од јавноста за да се идентификува осомничениот на сликата, брадест маж во кошула со долги ракави и фармерки кој држи пушка.

Централниот медицински центар Левистон соопшти дека реагира на масовното пукање и дека се координира со регионалните болници за преземање пациенти.

„Сан журнал“, повикувајќи се на портпарол на полицијата во Левистон, објави дека има пукотници во три различни установи, вклучително и ресторан.

За настанот беа информирани и американскиот претседател Џо Бајден и гувернерката на Мејн Џенет Милс.

The post Масакр во Мејн: Најмалку 22 лица убиени, повеќе од 60 се ранети, убиецот е во бегство appeared first on Република.