Јас не гледам што ние како држава направивме добро овој период, навистина не можам да дадам објаснување за некои донесени мерки. Па, дури и за овие мерки од денеска. Еве оваа конкретно денеска за трудниците, ние ги вративме и хронично болните на работа, ги вративме децата на училиште, еве ги враќаме студентите, целата оваа пандемија за жал мора да си признаеме дека е на товар и на грбот на граѓаните постојано. Ние не велиме дека не треба да се враќаат на работа граѓаните, но другите земји имаат стабилни и функционални здравствени системи. Системи кои што можат да одговорат на потребите на пациентите и оние што имаат полесна, но и оние што имаат потешка клиничка слика. Тие имаат капацитети да ги згрижат. А, ние немаме. Целиот овој период мораме да си признаеме дека беше на грбот и на товарот на граѓаните, истакна Марија Андоновска, член на ИК на ВМРО-ДПМНЕ во емисијата на телевизија 24.

Андоновска додаде дека за жал Македонија нема функционален здравствен систем. Граѓаните во овој здравствен систем не можат да се снајдат, тие за жал се оставени сами на себе.

Ги вративме хронично болните, обезбедивме ли за нив безбедни услови за работа онакви какви што велите дека ќе се обезбедат за трудниците, Андоновска го запраша Злате Мехмедовиќ, портпарол на комисијата за заразни болести.

Андоновска посочи дека за жал државата не обезбеди безбедни услови за хронично болните граѓани за работа, туку државата ги остави сами да се грижат за себеси и своето здравје.

Од таму потекнува мојот сомнеж, а веројатно и на трудниците, и на јавноста, и на граѓаните дека повторно ќе ги втурнеме во оган. Вие велите ако се случи нешто да ексалираат работите или ако има поголем број на заболени, или ако ние не успееме да ги заштитиме трудниците ние ќе се повлечеме. Но, што ако дотогаш ние изгубиме животи? Кој ќе биде одговорен за сето тоа? Зошто однапред не се направи план, анализа, да се види како тоа го прават некои многу подобри од нас, дали ние имаме капацитет и услови истото да го направиме? Јас се сомневам дека ова што го велите дека ќе се организира институциите било каде да обезбедат услови безбедни за трудниците, рече Андоновска.

The post Андоновска до Мехмедовиќ: Со непромислени мерки ги туркате трудниците во оган appeared first on Република.

Расте бројот на заразени од омикрон сојот во земјава. Д-р Злате Мехмедовиќ во гостување на ТВ Телма посочи дека веќе е предоцна да се размислува за некакви рестриктивни мерки, тоа требало да се направи пред да пристигне омикрон во државата и предвидува дека бројките понатаму ќе растат.

Хоспитализациите се зголемени за 41% во однос на претходната недела, а ние сме во првата недела од новиот бран кој се очекува да трае и во наредните 6 до 8 недели. Иако станува збор за варијанта со поблаги симптоми, нашите здравствени капацитети не се неограничени, туку станува збор за максимум 1000 кревети во болничкиот систем со ковид центрите, а тоа може да биде проблем, изјави Мехмедовиќ.

The post Д-р Мехмедовиќ: Ние сме во првата недела од новиот бран кој се очекува да трае и во наредните 6 до 8 недели appeared first on Република.

Доктор Злате Мехмедовиќ од Здравствен дом Скопје, кој во првите борбени редови ги лекуваше пациентите со ковид во минатите бранови, а и меѓу првите во државава алармираше за појавата на омикрон варијантата и нејзината заразност, за „Слободен печат“ вели дека бројките на новозаразени кои се регистрираат секојдневно, не кореспондираат на реалноста.

Според доктор Мехмедовиќ, недозволиво е да се дозволува граѓаните да се заразуваат со темпото со кое тоа сега се случува. Властите мора да воведат рестриктивни мерки, со цел да му застанат на патот на вирусот или барем да го забават неговото ширење.

Целиот текст овде.

The post Д-р Мехмедовиќ: Омикрон е лесна варијанта, но не смеат властите да дозволат сите да се разболиме appeared first on Република.