Случајот „Меѓународен сојуз“ оди на повторно судење, одлучи Апелациониот суд во Скопје.

Апелација ги уважи жалбите на Бојан Јовановски – Боки 13, кој беше неправосилно осуден на 9 години затвор, и на неговиот татко Миле Јовановски, како и на Јасна Ерцеговиќ Мандиќ и Христина Блажевска кои беа првостепено осудени. Уважена е жалбата и на правното лице „Меѓународен сојуз“ кој Кривичниот суд го задолжи да плати еден милион денари.

Апелација одлучи да ја потврди ослободителната пресуда за експратеничката и потпретседател на СДСМ, Фросина Ташевска-Ременски.

Апелациониот суд Скопје во интерес на јавноста и медиумите информира дека постапувајќи по кривичниот предмет познат како „Меѓународен сојуз“, по одржана јавна седница и разгледување на списите во предметот, пресудата, изјавените жалби, предлогот на Вишото јавно обвинителство Скопје, како и усмените наводи изнесени на јавната седница, на 24.01.2024 година, а по извршено советување и гласање на ден 02.02.2024 година, донесе пресуда со која делумно ги уважи жалбите на Основното јавно обвинителство за гонење организиран криминал и корупција Скопје и на обвинетиот М.J. на начин што пресудата на Основниот кривичен суд Скопје КОК.бр.49/20 од 07.04.2022 година:

– ја потврди во ослободителниот дел по однос на обвинетите Ф.Т.Р. и Х.Б. двете од С. за кривично дело Измама од член 247 став 4 в.в со став 1 и в.в. со член 24 од Кривичниот законик и

– ја преиначи во осудителниот дел – делот на одлуката за кривичната санкција по однос на обвинетиот М.Ј. од С., за кривично дело Неовластено изработување, држење, посредување и тргување со оружје или распрскувачки материи од член 396 став 1 од Кривичниот законик со што обвинетиот М.Ј. од С. се осудува на казна затвор во траење од една година, вели Апелација.

Претходно, Боки 13 пред Апелација укажа дека бара фер судење, а не милост.

The post Уважена жалбата на Боки 13, случајот „Меѓународен сојуз“ се враќа во судница appeared first on Република.

Бизнисменот Силјан Мицевски кој почина на 23 декември беше вклучен во проектот на Бојан Јовановски, за изградата на домови за стари лица но тоа никогаш не се реализира. За случајот „Меѓународен сојуз“, Боки беше правосилно осуден, а случајот е на Апелација.

Во својот исказ пред Судот говореше дека имал голема доверба во Бојан Јовановски.

 Земјиштето во Битола, е во сопственост на фирмата, не е моја лична сопственост. Тоа го купив во јавен оглас. Комуналите беа платени. Јас сум убеден дека нереализирањето во Битола, е заради локалните власти, изјави пред три години Мицевски.

Тој се пожали и дека Владата во ниту еден момент не пружила помош за реализација на овој проект.

Од ветувањата дека Владата ќе направи нешто, немаше ништо. Ако е владин проектот требаше заеднички да го тераме. Договорот што го потпишавме не е реализиран, ниту се обезбедени документи, дозволи, ниту парите се вратени - велеше  Мицевски.

Мицевски се пожали дека ќе бара надомест на штета од 720.000 евра колку што дал за проектот.

The post Бизнисменот Силјан Мицевски не ја дочека правосилната пресуда за „Меѓународен сојуз“ на Боки 13 appeared first on Република.

Бојан Јовановски-Боки 13 се уште е во лоша здравствена состојба и во болница. Ова е причината поради која е одложена јавната седница пред Апелација за случајот „Меѓународен сојуз“. Следната јавна седница се закажана за 05.06.2023 година.

„Јавната седница пред Апелациниот суд Скопје по кривичниот предмет КОКЖ-153/22 во јавноста познат како „Меѓународен сојуз“ закажана за ден 24.04.2023 година, се одложи поради неможност на обвинетиот Б.Ј.од С. да присуствува на седницата по скоро извршена хируршка интервенција кој сеуште е хоспитализиран и ја прима неопходната нега, додека за обвинетата Ј.Е. нема уредна достава, за што судот е известен од бранителот дека има промена на адреса непријавена во судот, по што е задолжен бранителот во рок од три дена да ја достави точната адреса“, стои во соопштението на Апелација.

The post Боки 13 е хоспитализиран, се одложи јавната седница за „Меѓународен сојуз“ appeared first on Република.

Јавната седница пред Апелација за случајот „Меѓународен сојуз“ денеска е одложена зошто обвинетиот Бојан Јовановски-Боки 13 сè уште е во лоша здравствена состојба и во болница по оперативниот зафат. Следната јавна седница се закажана за 05.06.2023 година.

Јавната седница пред Апелациниот суд Скопје по кривичниот предмет КОКЖ-153/22 во јавноста познат како „Меѓународен сојуз“ закажана за ден 24.04.2023 година, се одложи поради неможност на обвинетиот Б.Ј.од С. да присуствува на седницата по скоро извршена хируршка интервенција кој сеуште е хоспитализиран и ја прима неопходната нега, додека за обвинетата Ј.Е. нема уредна достава, за што судот е известен од бранителот дека има промена на адреса непријавена во судот, по што е задолжен бранителот во рок од три дена да ја достави точната адреса, стои во соопштението на Апелација.

The post Боки сè уште е во болница по операцијата, јавната седница за „Маѓународен сојуз“ одложено appeared first on Република.

Тоа што го наумиле, тоа и го образложија, е првата изјава на таткото на Бојан Јовановски - Боки13, по изречените пресуди во судскиот процес „Меѓународен сојуз“ во кој тој доби условна казна, а неговиот син Бојан е осуден на 9 години затвор.

Денеска умре правдата во Македонија, дефинитивно се покажа како умрени и
обвинителството на Русковска и судството на Џолев и на неговите јастреби. Слушнавме одмазднички пресуди, донесени без докази. Наместени онака како што нив им одговара. Ете, така се суди во земјава. Нема правда и Македонците, Албанците и сите други кои живеат овде во Македонија, нека не ја чекаат правдата зашто е умрена. Ниту во Занзибар не може да се случат вакви пресуди, рече Јовановски.

Тој нагласи дека и поранешниот премиер Зоран Заев знаел за активностите на „Меѓународен сојуз", но сега, рече, и тој и другите, се кријат и молчат.

Според Миле Јовановски, станува збор за одмаздничка пресуда затоа што, како што рече, Бојан презентирал пораки од мобилниот телефон кои се инкриминрачки за обвинителката Вилма Русковска, но и за други функционери.

The post Миле Јовановски по пресудите за „Меѓународен сојуз“: Одмаздничка пресуда appeared first on Република.

Оваа пресуда е донесена врз основа на личен анимозитет на судијката Ефремова кон Бојан Јовановски, убеден е неговиот адвокат Сашо Дукоски.

https://republika.mk/vesti/makedonija/hiena-ova-e-dokaz-deka-ste-sluga-na-zoran-zaev-reche-boki-na-sudijkata/

Која е вината на Бојан? Дали сметате дека некому може да одземете пари во максимално обезбедувана банка каде имате статус на ВИП клиент и да подигнете 720.000 евра и да тоа не пријавено како кривично дело.Кажете ми еден доказ. Првата изјава на Мицевски беше дека верува во овој проект и оти не се чуствува измамен.Непосредно после тоа му беше пратена финансиска полиција и тој поднсе кривична пријава, потсетува адвокатот.

The post Дукоски: Пресудата е донесена врз основа на личен анимозитет на судијката кон Јовановски appeared first on Република.

Обвинителката Ивана Трајчева најави дека ќе ја обжали ослободителната пресуда на поранешната министерка Фросина Ременски во случајот „Меѓународен сојуз“. Таа смета дека се потврдиле делата за кои се теретат обвинетите.

Судот го прифати исказот на оштететените дека да не била обвинетата немало да ги потпишат договорите кои се предмет на постапката.Таа била присутна на состаноците. Самите оштетени тоа го посочија, објасни обвинителката.

The post Oбинителството ќе се жали на ослободувањето на Ременски appeared first on Република.

Судијката Софче Ефремова Гаврилова уверливо ги читаше пресудите против Бојан Јовановски и останатите обвинети во случајот „Меѓународен сојуз“. Најголемо изненадување предизвика пресудата од 9 години затвор за популарниот Боки 13.

https://republika.mk/vesti/makedonija/hiena-ova-e-dokaz-deka-ste-sluga-na-zoran-zaev-reche-boki-na-sudijkata/

Судијката во пресудата образложи дека Јовановски свесно ги измамил бизнисмените Силјан Мицевски и Адријан Амзоски и ги довел во заблуда дека ќе обезбеди државно земјиште за домови за стари лица.

Тоа, објасни судијката објаснува дали такви бизнисмени би можеле да бидат измамени.

За Боки рече дека има „интелектуална префинетост" и дека можел да ги доведе до заблуда овие лица.

Дали е дел од договорот со овие лица парите да се однесат во домот на неговите родители само четири дена по подигањето . На фотографијата се гледаат 14 пачки по 50.000 евра односно вкупно 700.000 евра. Овие пари не се наменети за проектот, објасни Гаврилова.

Таа образложи дека од Мицевски биле земени 719.000 евра а од Амзоски 233.000 евра.

Со тие пари, смета судот Јовановски си ја отворил 1ТВ како и за приватни цели.

За обинетата Ременски судијката образложи дека таа со својот углед и авторитет му помогнала на Јовановски на средбите со бизнисмени и градоначални да се добие впечаток дека зад проектот стои власта.

Неспорно е, смета судијката дека меѓу нив имало контакти но се докажа дека Ременски знаела за измамата на Јовановски.

Но, обвинителството не докажа дека Ременски има вина и за неа беше донесена ослободителна пресуда.

The post Судијката го обвини Боки дека со парите од оштетените си ја отворил 1ТВ appeared first on Република.

Ова е доказ дека вие сте слуга на Зоран Заев ѝ рече обвинетиот Бојан Јовановски на судијката и не ја дочека до крај пресудата.

Откако судијката Софче Ефремова Гаврилова ги прочита казните за обвинетите во случајот „Меѓународен сојуз“, Боки ѝ се обрати:

Мене ќе ми судиш 9 години! Најголемата хиена, слуга на Зоран Заев. Оваа пресуда е доказ. Доказ дека си слуга на Зоран Заев! Господ казнува, не казнуваш ти.

Таа му рече да молчи по што Јовановски налутено ја напушти судницата незадоволен од казната од девет години.

Повеќе за пресудата:

https://republika.mk/vesti/makedonija/ushte-9-godini-zatvor-za-boki-13-dve-godini-uslovna-za-negoviot-tatko-remenski-oslobodena-od-obvinenieto/

The post Хиена! Ова е доказ дека сте слуга на Зоран Заев, ѝ рече Боки на судијката appeared first on Република.

Судечкиот совет при Основниот Кривичен суд – Скопје определи вкупно 14 години затвор за обвинетите во случајот „Меѓународен сојуз“. Единствена казна затвор во траење од девет години судот му определи на обвинетиот Бојан Јовановски за „измама“ и „перење пари и други приноси од казниво дело“.

Обвинетата Јасна Ерцеговиќ, исто така, е виновна за „измама“ и „перење пари и други приноси од казниво дело“ со што судот на неа ѝ определи единствена казна затвор од четири години во која се смета и времето поминато во куќен притвор.

Судечкиот совет ги ослободи од обвинение за „измама“ обвинетите Фросина Ташевска Ременски, и Христина Блажевска. Додека, Блажевска, се обвинува само за „перење пари и други приноси“ со казна затвор на казна затвор во траење од една година.

Судот на обвинетиот Миле Јовановски за кривично дело „перење пари и други приноси од казниво дело“ и за „неовластено изработување, држење, посредување и тргување со оружје или распрскувачки материи“ му утврдува единствена казна затвор од две години која нема да се изврши ако обвинетиот во рок од пет години по правосилноста на пресудата не стори кривично дело.

Правното лице „Меѓународен сојуз“ судот го осуди со казна од еден милион денари која треба да ја плати во рок од 15 дена од правосилноста а пресудата.

Судењето за овој предмет го води судијката Софче Гаврилова – Ефремова, а застапник на обвинението е обвинителката Ивана Трајчева.

Според обвинителниот акт, во периодот од 8 јули 2017 година до 13 април 2018 година првообвинетиот, како претседател на обвинетата невладина организација „Меѓународен сојуз“, со намера за себе да прибави противправна имотна корист, ги искористил документите од посочената НВО и довел и одржувал во заблуда две оштетени лица.

Тој лажно прикажувал дека ќе обезбеди државно неизградено земјиште за изградба на Европски центар за возрасни лица и мобилен сервис, како и субвенции од страна на државата и оштетените вака доведени во заблуда на штета на својот имот му исплатиле преку Македонска авторска агенција износи кои надминуваат значителна вредност, и тоа 719 905 евра, односно 233 821 евра во денарска противвредност.

The post Уште 9 години затвор за Боки 13, две години условна за неговиот татко, Ременски ослободена од обвинението appeared first on Република.

Следете ја во живо пресудата за „Меѓународен сојуз“:

The post ВО ЖИВО: Пресуда за „Меѓународен сојуз“ appeared first on Република.

Кривичниот суд – Скопје денеска ќе ја објави пресудата за предметот „Меѓународен сојуз”, каде првообвинет се Бојан Јовановски – Боки 13 и уште четири други лица, меѓу кои и поранешната пратеничка Фросина Ременски.

Судењето за овој предмет го води судијката Софче Гаврилова – Ефремова, а застапник на обвинението е обвинителката Ивана Трајчева.

Според обвинителниот акт, во периодот од 8 јули 2017 година до 13 април 2018 година првообвинетиот, како претседател на обвинетата невладина организација Меѓународен сојуз, со намера за себе да прибави противправна имотна корист, ги искористил документите од посочената НВО и довел и одржувал во заблуда две оштетени лица.

Тој лажно прикажувал дека ќе обезбеди државно неизградено земјиште за изградба на Европски центар за возрасни лица и мобилен сервис, како и субвенции од страна на државата и оштетените вака доведени во заблуда на штета на својот имот му исплатиле преку Македонска авторска агенција износи кои надминуваат значителна вредност, и тоа 719 905 евра, односно 233 821 евра во денарска противвредност.

The post Денеска пресуда за „Меѓународен сојуз“ на Бојан Јовановски appeared first on Република.

Бојан Јовановски денес пред Основниот кривичен суд во Скопје во својот завршен збор се пофали дека отсекогаш и за секаде бил среден и скоцкан, како и дека и денес, кога е спроведен од затвор е повторно среден. Пред Судот укажуваше дека неговата фамилија била ситуирана и никогаш не била без пари, и дека тоа што се облекувал побогато од другите секогаш му било проблем, дури и кога бил дете. Посочи дека не измамил ниту еден бизнисмен, ниту политичар, туку како што рече, тие го користеле и го измамиле него.

Јас сум дете кое потекнува од нормално ситуирано семејство и ние никогаш не сме биле без пари. Гледате, доаѓам од затвор, па пак сум скоцкан. Сум работел од 14 години. Сум се издвојувал секогаш од сите и тоа секогаш било проблем. Ама ете, сега некој ми го зема тоа за зло. Сум имал концерти, свое шоу како и естраден дел во Србија. Една ме навредуваа, други ме сакаа. Секогаш сум имал проблеми, но не до толку високо ниво, да се најдам пред суд. Немојте да мислите дека јас сум паднал од Марс и така сум земал пари и дека претходно сум немал. Не е точно, моите отсекогаш имале пари, рече во завршен збор пред судот Јовановки.

Тој побара од судот да донесе ослободителна пресуда за него.

Судот да донесе ослободителна пресуда за мене за обвинението и апелирам и го молам судот на законита пресуда бидејќи не треба да се суди мојот лик и дело, туку доказите. А и мојот лик и дело не се така црни и погледнете ја и мојата добра страна, бидејќи сум придонел за општо добро на ова општество. Комплетно се чувствувам невин, додаде Јовановски.

Беше неколку пати опоменат од судиите дека треба да се држи до доказите, а не да дава одбрана. На ова Јовановски укажа дека во судскиот процес за „Меѓународен сојуз" се работи за човечки животи, а не „за кило патлиџани".

The post Јас не сум паднал од Марс: Никогаш не сме биле без пари, гледате и од затвор доаѓам скоцкан appeared first on Република.

Обвинетиот Бојан Јовановски во завршните зборови во случајот „Меѓународен сојуз“ посочи и дека двајцата бизнисмениСилјан Мицевски и Ардијан Амзоски имале поинтензивна комуникација со власта на СДСМ отколку тој лично, па лесно можеле да дојдат во информации дека се измамени.

Верувајте дека провериле неколку пати пред да ги потпишат договорите, рече Јовановски, кој потсети дека Мицевски претходно бил градоначалник од редовите на СДСМ, а Амзоски е во роднински врски со Фијат Цановски, чијашто партија е во коалиција со владејачката СДСМ..

Ако биле измамени, рече Јовановски, тогаш зошто не пријавиле туку тоа го направија откако бил уапсен во „Рекет“.

„Тоа го направија поради силна пресија, агресивна пропаганда, поради најдиректно инволвираност и влијание на извршната власт, конкретно од УЈП, која додека тие даваа исказ кај Вилма Русковска, УЈП им влегува“, потенцира Јовановски. 

Тој рече дека е точно оти Амзоски му дал 350 000 евра во готовина, но и дека му ги вратил. А, тврдеше дека за парите не знаеле другите обвинети во случајот.

„Точно е дека Ардијан Амзоски дал 350 000 евра во готовина, дека има потпишано договори. Во овој момент, под целосна одговорност, ви тврдам дека ниту Христина, која е обвинета дека знаела, ниту мојот татко, кој само еднаш беше во ‘Меѓународниот сојуз’, не знаеле за тоа. Не знаела ниту обвинетата Јасна Ерцеговиќ. За волја на вистината, знаеле политичари, но тоа не е обвинетата Фросина Ременски, рече Јовановски.

https://republika.mk/vesti/makedonija/jovanovski-za-350-000-evra-shto-mi-gi-dade-amzoski-znaeja-zaev-kiracovski-i-bogoev/

The post Додека бизнисмените даваа изјава кај Русковска, УЈП им вршеше претреси, затоа пријавија откако ме уапсија во „Рекет“ appeared first on Република.

Бојан Јовановски на денешните завршни зборови праша дали бизнисмените Мицевски и Амзоски со кои имал договор за соработка ќе си ги бараат парите што ги уплатиле како давачки од државата.

Тие платиле 200.000 данок кон државата. Дали ќе ги бараат парите назад бидејќи тврдат дека се имамени, праша Боки.

Тој е убеден дека такви луѓе е невозможно да излажеш. Во прилог на тоа говори што Мицевски му дал пари да ја отвори 1ТВ, а ФОН универзитетот, кој е на семејството Цаноски, се рекламирал на телевизијата во ударен термин.

The post Дали Амзоски и Мицевски ќе бараат од државата 200.000 евра данок што ги платиле бидејќи тврдат дека се измамени appeared first on Република.

Бојан Јовановски на денешните завршни зборови проговори за односот кој го имал со Фросина Ременски. Тој рече дека имале добра соработка и си помагале, особено додека таа била министерка за труд и социјала.

Таа и да сакала да ми помогне беше оневозможена од нејзините алчни партиски другари - смета Боки.

The post Боки: Ременски и да сакала да ми помогне беше оневозможена поради нејзините алчни партиски другари appeared first on Република.

Првообвинетиот во случајот „Меѓународен сојуз“, Бојан Јовановски – Боки 13, денеска во Основниот кривичен суд – Скопје во завршните зборови рече дека е горд што бил претседател на невладината организација „Меѓународен сојуз”, која, како што нагласи, не добила ниту еден денар државни пари, туку финансирањето било од бизнис секторот.

Јовановски изјави дека е горд на два потпишани договори, кои, според него, се општествено корисни и од капитално значење за државата.

Поддршката од Владата, од Зоран Заев како премиер, ја имав од првиот ден на формирањето на „Меѓународен сојуз“. Дека Зоран Заев бил информиран и дека знаел за активностите и проектот е неспорен факт. Во судот беа спомнувани 719.350 илјади евра и други цифри, а никаде не видовме некаков доказ, истакна Јовановски.

https://republika.mk/vesti/makedonija/bojan-jovanovski-od-prviot-den-ja-imav-poddrshkata-na-zaev-i-toj-znaeshe-za-moite-proekti/

Идејата за изградба на старечки дом, како што рече тој, ја добил во разговор со бизнисменот Силјан Мицевски.

[caption id="attachment_474885" align="alignnone" width="640"] (фото: МИА)[/caption]

Во Скопје, Охрид и Гевгелија или Дорјан. Тие беа трите точки каде требаше да се изградат старечките домови. Проектот беше по мотив, волја, желба на бизнисменот Мицевски. И тоа на негово земјиште во Битола, за кое беа платени комуналии за зграда. Сакаше таму да гради, рече Јовановски.

Во завршните зборови Јовановски посочи дека од бизисменот Адријан Амзоски примил 350 илјади евра во готовина и дека за тоа не знаеле Фросина Ременски и Јасна Мандиќ – Ерцеговиќ, туку дека со тоа биле запознати Зоран Заев, Александар Кирацовски и Стефан Богоев.

https://republika.mk/vesti/makedonija/jovanovski-za-350-000-evra-shto-mi-gi-dade-amzoski-znaeja-zaev-kiracovski-i-bogoev/

Судијката Софче Гаврилова – Ефремова неколку пати го предупреди Јовановски да се придржува на завршните зборови кои се однесуваат на изнесените докази и, како што рече, ова е последен пат да го предупредува.

https://republika.mk/vesti/makedonija/sudijkata-se-voznemiruvashe-na-sekoe-spomenuvanje-na-zaev-zaev-me-zloupotrebi-mene-a-ne-jas-nego-veli-boki-13/

Јовановски возврати дека се надева оти овие прекорувања од судијката се уште само денеска и ја замоли „да го изржи уште денес“.

Првото рочиште за овој предмет се одржа на 1 јули 2020 година. Судењето за случајот го води судијката Софче Гаврилова – Ефремова, а застапник на денешното рочиште на Основното обвинителство за гонење на организиран криминал и корупција е јавниот обвинител Трајче Пеливанов.

Според обвинителниот акт, обвинетите ги измамиле бизнисмените Силјан Мицески и Адријан Амзоски дека ќе учествуваат во проект преку „Меѓународниот сојуз“ на Бојан Јовановски – Боки 13 и ги оштетиле со повеќе илјади евра.

Првообвинет во овој предмет е Бојан Јовановски – Боки 13, кој според обвинителниот акт е обвинет за кривичните дела „измама и перење пари”.

Обвинети во овој случај се и поранешната пратеничка од редовите на СДСМ Фросина Ременски, Миле Јовановски, таткото на првообвинетиот Бојан Јовановски, и Јасна Мандиќ – Ерцеговиќ. Обвинетата Ременски се товари за кривично дело „помагање во делото измама”, Мандиќ за „помагање во измамата и перењето пари”, а Миле Јовановски се товари за „помагање во перењето пари” и за „неовластено изработување, држење, посредување и тргување со оружје”. Како правно лице обвинета е и невладината организација „Меѓународен сојуз”.

The post „Меѓународен сојуз“ работел со амин на поранешниот премиер Зоран Заев appeared first on Република.

Во моментот кога Бојан Јовановски започна да говори за односот кој го имал со поранешниот премиер судијката Софче Ефремова Гаврилова се вознемири и му се закани дека ќе биде отстранет од судница.

Таа напомена дека ова не е давање одбрана и дека треба да се држи до она што веќе е изведено како докази.

На тоа Јовановски рече дека како доказ од страна на Обвинитслството е изведен скриншотот од комуникацијата со Заев каде Боки му кажува дека е потпишан договор со ГП „Пелистер“ и оти за тоа е информиран неговиот братучед Трајче Заев. Боки и Заев во комуникацијата си ветуваат дека ќе се видат наскоро.

Од средбата со Заев постои фотографија и записник. Поранешниот премиер го поддржа акцискиот план како и од владата на СДСМ. Јас сум злоупотребен од Заев, а не дека јас него сум го злоупотребил - вели Боки.

The post Судијката се вознемируваше на секое споменување на Заев: Заев ме злоупотреби мене, а не јас него, вели Боки 13 appeared first on Република.

„Ако господ ми даде здравје сакам да го изградам тој старски дом затоа што тоа недостасува на Битола“, ги цитараше зборовите на Силјан Мицевски обвинетиот Бојан Јовановски на денешните завршни зборови за случајот Меѓународен сојуз.

Според него, вакви проекти требало да се направат во Скопје и Охрид, но по инцијатива на Мицевски се дошло до идеја да се гради и во Битоа и тоа на негова приватна локација која тој веќе ја имал наменета за градање станови.

Мицевски доби право да изгради ваков центар во Битола и Охрид. Договорот го потпишаа самосвесно и со вредноста која беше за фалење, а не за криење, објасни Јовановски.

Боки тврди дека пензионерката Лилјана Тодоровска и Агапи Дика лажеле кога тврделе дека не ја знаеле содржината на договорот.

Договорот со ГП „Пелистер“ „Меѓународен сојуз“ тргна да го реализира веднаш во предвидените рокови - потсетува Боки.

Тој вели дека како можел некој да поверува дека може да ги измами Силјан Мицевски и Адријан Амзоски. За договорите кои биле потпишувани, а кои се дел од случајот, Јовановски рече дека биле образложувани до детали и никој не бил присилен, измамен или изманипулиран, туку напротив, потпишувачите биле во позиција од која многу лесно можеле да проверат дали станува збор за измама или не.

До толку ли јас можам да сум шармантен, па да ги измамам сите. Да, паметен сум и им благодарам на моите родители за тоа. Јас не го злупотребив Зоран Заев, туку тој ме злоупотреби мене. Амзоски лично изјави дека дека го исклучувал телевизорот кога ќе ме видел и дека ми дал пари само поради Александар Кирацовски. За тие 350.000 евра знаеја тројца политичари а тоа се Зоран Заев, Александар Кирацовски и Стсфан Богоев, тврдеше Јовановски.

The post Јовановски: За 350.000 евра што ми ги даде Амзоски знаеја Заев, Кирацовски и Богоев appeared first on Република.

Во овој случај нема доказ за перење пари. Ако тогашната градоначалничка на Битола дозволеше премамена на земјиштето, дом за стари лица навистина ќе имаше. Што се однесува на тоа дека Силјан Мицевски бил измамен, еве нека се обиде некој нему да му побара 70.000, а не 700.000 евра, истакна бранителот на Бојан Јовановски, Сашо Дуковски.

Тој се осврна и на пензионерката Лилјана Тодоровска, на која Мицевски ѝ уплатил 700.000 евра во денари. Дуковски е убеден дека тоа лице лаже и оти не може да ѝ се верува.

Тодоровска на својата сметка, објасни Дуковски, примила пари и тие пари се сосема легални. Како тие пари кои се исплаќани врз основа на договор подоцна стануваат измама, прашува адвокатот.

Дуковски објаснува дека Тодоровска потврдила дека ги подигнала парите и оти веднаш ѝ ги зеле две лица кои ги однеле кај Боки 13.

Дали е логично во најобезбедуваната банка во центарот на Скопје некој да ѝ земе толку пари - го праша Дуковски судот.

Затоа тој бара за сите обвинети да има ослободителна пресуда бидејќи судот не го докажал делото за кое се товарат.

The post Дукоски: Дали е реално во најобезбедуваната банка во центарот на Скопје на Тодоровска некој да ѝ земе 700.000 евра? appeared first on Република.