Американскиот врв денеска излезе со остра осуда на одлуката на Меѓународниот кривичен суд за издавање налог за апсење на високи службени лица на Израел.

Државениот секретар Ентони Блинкен ја стави под знак прашање „легитимноста и кредибилтетот на истрагата“ на МКС и оценувајќи ја како „срамна“ ја отфрли одлуката соопштена денеска од главниот обвинител на МКС Карим Хан дека побарал налог за апсење на високи службени лица на Израел, меѓу кои и премиерот Бенјамин Нетанјаху.

Ја отфрламе обвинителовата еквиваленција на Израел со Хамас. Тоа е срамно. Хамас е брутална терористичка организација која го изведе најлошиот масакр врз Евреите по Холокаустот и се уште држи десетици невини луѓе како заложници, вклучително и Американци, соопшти Блинкен во изјава.

https://republika.mk/vesti/svet/megunarodniot-krivichen-sud-pobara-apsene-na-netanjahu-i-na-liderot-na-hamas/

-Финдаментално, одлуката не прави ништо да помогне и може само да ги загрози тековните напори за постигање прекин на огнот што може да ги ослободи заложниците и да ја зголеми хуманитарната помош, цели по кои САД продолжуваат беспоштедно да се стремат, рече Блинкен.

Претходно и претседателот на САД Џо Бајден остро ја осуди одлуката на обвинителите на МКС како „скандалозна“ .

Да бидам јасен, на што и да имплицира обвинителот, нема еквивалентност – никаква – помеѓу Израел и Хамас, напиша претседателот. Додаде дека „секогаш ќе стоиме со Израел против закантите по неговата безбедност“.

МКС денеска побара налози за апсење поради наводни воени злосторства за лидерите на Хамас, но и на Израел.

The post За Бајден скандалозно е барањето на Хаг за апсење на Нетанјаху appeared first on Република.

Меѓународниот кривичен суд бара налози за апсење на израелскиот прмеиер Бенјамин Нетанјаху и на лидерот на Хамас Јахја Синвар под обвинение за воени злосторства и злосторства против човештвото поради нападите врз Израел на 7 октомври и последователната војна во Газа, изјави главниот обвинител на судот Карим Кан за Си-Ен-Ен.

Кан рече дека МКС бара и налози за апсење на израелскиот министер за одбрана Јоав Галант, како и за двајца други водачи на Хамас - Мохамед Диаб Ибрахим ал-Масри, водачот на бригадите Ал Касем и попознат како Мохамед Деиф и Исмаил Ханија, политички лидер на Хамас.

Потерниците против израелските политичари означуваат првпат МКС да го нападне главниот лидер на близок сојузник на САД. Одлуката го става Нетанјаху „во друштво“ на рускиот претседател Владимир Путин, по кого МКС издаде налог за апсење поради војната на Москва против Украина, јави Си-Ен-Ен.
Судски панел ќе го разгледа барањето на Кан.

The post Меѓународниот кривичен суд побара апсење на Нетанјаху и на лидерот на Хамас appeared first on Република.

Членови на американскиот Конгрес, од двете партии, испратиле предупредување до Меѓународниот кривичен суд (МКС) дека издавањето налози за апсење на високи израелски функционери ќе предизвикаат сериозна американска одмазда. Веќе се работи и на законодавството за таа цел, пренесува „Аксиос“.

Претседателот на Претставничкиот дом, Мајк Џонсон, издаде изјава во која ги нарекува пријавените налози „срамни“ и „незаконски“.

Ако администрацијата на Бајден не го оспори, МКС може да создаде и преземе невидена моќ да издава налози за апсење против американски политички лидери, американски дипломати и американски воен персонал“, вели Џонсон.

Тој ја повика администрацијата на претседателот Џо Бајден „веднаш и недвосмислено да побара МКС да се повлече“ и „да ја искористи секоја достапна алатка за да спречи таква одвратност“.

Претходно и премиерот на Израел Бенјамин Нетанјаху го повика Бајден да интервенира и да го спречи издавањето на налозите.

The post Американскиот конгрес му се закани на Меѓународниот суд со одмазда ако издаде налози за апсење на високи израелски претставници appeared first on Република.

Министерството за внатрешни работи на Русија објави федерална потрага по судијката на Меѓународниот кривичен суд (МКС), Томоко Акане, која издаде налог за апсење на рускиот претседател, Владимир Путин, објави „Гласот на Америка“.

Според документот, руската полиција трага по Јапонката родена 1965 година врз основа на сторено кривично дело. Нејзиното име и презиме се во транскрипција на руски јазик.

МКС во март годинава издаде налог за апсење на Путин и на Марија Лавова-Белова, руски омбудсман за правата на децата. По неколку денови рускиот Истражен комитет подигна кривична пријава против обвинителите и трите судии на МКС кои го издадоа налогот.

Истражниот комитет на Русија во мај издаде полициска потрага по Розарио Салваторе Ајтале, судија на МКС, по обвиненија за сторено кривично дело намерно незаконско држење во притвор и подготовка за напад на претставник на странска држава. Потрага е издадена и по Ахмад Хан, обвинител во МКС.

The post Русија објави полициска потрага по судијката која издаде налог за апсење на Путин appeared first on Република.

Кинеските власти  го повикаа Меѓународниот кривичен суд да ги избегне, како што нагласија, „двојните стандарди“ и да го почитува имунитетот на шефовите на држави.

Трибуналот издаде налог за апсење на рускиот лидер Владимир Путин под обвинение за воени злосторства.

https://republika.mk/vesti/svet/ukraina-ne-e-chlenka-na-sudot-shto-saka-da-go-goni-putin-no-ni-sad-ni-kina/

-Судот треба да „задржи објективен и непристрасен став“ и „да го почитува имунитетот на шефовите на држави од јурисдикција според меѓународното право“, рече портпаролот на Министерството за надворешни работи Ванг Венбин на редовниот брифинг.

Тој повика МКС да „избегне политизација и двојни стандарди

The post Meѓународниот кривичен суд има двојни стандарди, посочува Кина appeared first on Република.

Меѓународниот кривичен суд (МКС) испрати тим од 42 експерти во Украина за да ги истражат можните воени злосторства што биле извршени во земјата, јави ДПА.

Тоа е најголемиот тим на истражители испратени од МКС, соопшти денеска во Хаг главниот обвинител Карим Кан.

Тимот вклучува истражители и форензичари, од кои некои беа обезбедени од Холандија, наведуваат од обвинителството.

Експертите треба да интервјуираат сведоци, да обезбедуваат и анализираат докази и да ги поддржуваат националните истражители во обезбедувањето докази.

Покрај тоа, тимот експерти, исто така, ќе работи заедно со француските експерти за судска медицина кои веќе се во Украина. Работата на сите вклучени во конфликтната област мора да биде ефективно координирана, соопшти обвинителството.

По руската инвазија, МКС веќе отвори истраги за наводни воени злосторства. Судот, со седиште во Хаг, гони поединечни сторители за воени злосторства, злосторства против човештвото и геноцид.

Русија не го признава судот, додава ДПА.

Украина, меѓутоа, експлицитно ја призна јурисдикцијата на судот над нејзината територија

The post Меѓународниот кривичен суд испрати тим од 42 истражувачи во Украина appeared first on Република.