Основното јавно обвинителство Струга поведе постапка против 52-годишен жител на Велешта за кого постои сомнение дека сторил кривично дело – Напад врз здравствен работник и здравствен соработник при вршење здравствена дејност од член 304-г став 2 во врска со став 1 од Законот за здравствена заштита.

Осомничениот на 29 февруари физички нападнал медицинска сестра на Одделот за хирургија при ЈЗУ Општа болница Струга која побарала од него да ја изгаси цигарата. Агресивно се однесувал кон неа и ја навредувал, а потоа со нога ја удрил во стомакот по што избегал. Бил пронајден и лишен од слобода следниот ден. Со оглед на тоа што ваквото однесување на осомничениот ја потврдува опасноста тој да се даде повторно во бегство за да го избегне кривичниот прогон, а и поради опасноста тој да го повтори делото и да ја нападне медицинската сестра, јавниот обвинител до судијата на претходна постапка достави предлог за определување мерка притвор, соопштија од струшкото обвинителство.

The post Ја удрил медицинската сестра со нога во стомак зошто му рекла да ја изгаси цигарата appeared first on Република.

Судењето против медицинската сестра од Клиниката за онкологија која е обвинета за проневера во службата со сомнение дека крадела цитостатици е одложено за 4 декември, информираат од Основен Кривичен суд Скопје.

Главната расправа за предметот со К.бр. 1990/23 против А.О. за кривичното дело Проневера во службата од чл. 354 ст.1 од КЗ, а поврзано со работењето во Универзитетската клиника за радиологија и онкологија Скопје, се одложи, стои во соопштението од Кривичен суд.

Причина за одлагањето, како што констатира Судот, е тоа што Јавниот обвинител не примил уредна покана заради штрајк на јавно обвинителската служба, како и отсуство на обвинетата за која не е вратена достава за прием.

Присутен на расправата беше адвокат на обвинетата, ангажиран од семејството, со уредно полномошно, дополнуваат од Кривичен.

Според обвинението, обвинетата, со намера да прибави противправна имотна корист за себе, присвоила поголем број ампули со различна намена во вкупна вредност од 59 760 денари кои ѝ биле доверени во службата. Ампулите ги изнесувала од работното место, а потоа ги оставала во автомобил со намера да ги предаде на друго лице.

The post Судењето против медицинската сестра од Онкологија одложено за 4 декември appeared first on Република.

Поранешниот министер за здравство, Венко Филипче, вели дека до него како министер не стигнала информација оти во 2020 година на Клиниката за онкологија имало медицинска сестра што крадела терапија.

Не стигнала до мене информација дека се истражува или дека се случила таква работа тогаш, рече Филипче пред собраниската анкетна комисија за скандалот на Клиниката за онкологија.

Филипче нагласи дека за време на неговиот мандат немало пропусти во работата на Клиниката. За паралелниот увоз на лекови и дали имало увезување фалсификат лекови, Филипче истакна дека од 2018 година во Македонија се носат лекови со европски сертификат за сите пациенти што дотогаш ги немало во државата.

Политичката одговорност треба да се бара претходно, зошто немало лекови, односно имало, ама само за мал број пациенти. Не сум дал иницијатива да се воведе КАТО-систем. Ако сум дал предлог, ќе сум го имплементирал. До моментот на моето доаѓање на функција не сум знаел ништо за Клиниката за онкологија, рече Филипче.

Пред собраниската анкетна комисија за скандалот на Клиниката за онкологија денес сведочат поранешниот министер за здравство, Венко Филипче, и актуелниот министер, Фатмир Меџити.

The post Венко Филипче: Не стигнала информација до мене дека во 2020 година на Онкологија сестрата крадела цитостатици appeared first on Република.

Медицинска сестра и возач на брзата помош загинаа во израелски напади врз две болници во Газа, објави групата Лекари без граници.

„По ескалацијата меѓу Израел и Газа, израелски ракети паднаа во близина на болницата“, објавија Лекари без граници.

Оттаму додаваат дека загинале една медицинска сестра и возач на Брзата помош, а неколку медицински работници се повредени.

„Здравствените установи не смеат да бидат мети. Тие мора да бидат прибежиште за сите граѓани“, додаваат тие и бараат од двете страни да го почитуваат тоа.

„Не смее да се потцени обемот на оваа нова рунда непријателства“, додаваат тие, потсетувајќи дека палестинските и израелските власти известуваат за огромни жртви низ Израел и Газа.

The post Лекари без граници: Медицинска сестра и возач на брзата помош загинаа во израелски напад appeared first on Република.

Медицинската сестра од Клиниката за онкологија и радиотерапија, која на 28 февруари беше фатена при повторна кражба на лекови, доби отказно решение на 23 мај, а од 28 февруари не е стапната на Клиниката, кажа в. д. директорката на Клиниката за онкологија д-р Виолета Клисаровска, која беше денеска на прес-конференција која ја организираше министерот за здравство Фатмир Меџити.

Сестрата била ангажирана во дневната болница и не била директно вклучена со растворањето лекови.

Д-р Клисаровска објасни дека терпатиите за онколошките пациенти секогаш се даваат со физиолошки раствор, така е по протокл, додавајќи дека откако е таа директорка на Клиниката за радиотерапија и онкологија, од ноември 2022 година, секој пациент ја добива препишаната терапија согласно индикацијата, дозата, типот на лекот според тоа што неговиот соодветен лекар тоа ќе го постави, без никаква манипулација со лековите.

https://republika.mk/vesti/makedonija/od-noemvri-2022-godina-sekoj-patsient-ja-dobiva-prepishanata-terapija-bez-nikakva-manipulatsija-so-lekovite-tvrdi-direktorkata-na-klinikata-za-onkologija/

Д-р Клисаровоска кажа дека не дава втора шанса никому, без разлика дали е украден скап лек или физиолошки раствор.

А за тоа зошто медицинската сестра била вратена на работа после првата кражба, за тоа треба да одговори претходното раководство, рече д-р Клисаровска, која потврди дека денеска на работа дошол д-р Нино Васев, претходниот директор на Клиниката.

Немам добиено никакво решение од институциите д-р Васев да биде отстранет од работа, да, тој денеска дојде на Клиниката, додаде д-р Клисаровска.

The post Медицинската сестра која во февруари вторпат била фатена како краде лекови, во мај добила отказ од Онкологија appeared first on Република.

Mедицинска сестра од Клиниката за радиотерапија и онкологија пред шест месеци беше фатена во кражба на цитостатици, но не ѝ било првпат. После дисциплинската постапка во минатиот случај кога била фатена во кражба на скапите и животоспасувачки медикаменти, не само што не и била одземена лиценцата за работа, туку таа била вратена на работа.

https://republika.mk/vesti/crna-hronika/medicinska-sestra-kradela-citostatik-od-onkologija/

За овој случај пред шест месеци пишуваше „Слободен печат“, според чии извори од Клиниката, неколку месеци во 2020 година медицинската сестра поминала надвор од болницата, затоа што против неа поведена била дисциплинска постапка за украдени ампули, но во екот на ковид пандемијата била вратена на работа и тоа во истиот оддел, во дневната болница каде ги вршела кражбите. Првиот пат, кај неа пронајдени биле ампули Доксорубицин, а вториот пат различни типови на ампули цитостатици, околу 20 на број.

https://republika.mk/vesti/makedonija/doktori-preprodavaat-lekovi-na-bolni-od-rak-tvrdi-vrabotena-vo-onkologija-otkako-pacienti-ostanaa-bez-oksaliplatin/

The post Зошто Клиниката за Онкологија ѝ даде втора шанса на сестрата која крадеше цитостатици? appeared first on Република.

Поранешната неонатална медицинска сестра, Луси Летби (33), која уби седум бебиња и се обиде да убие уште шест во болница во cеверна Англија, е осудена на доживотен затвор без можност за условно ослободување, што претставува најстрога можна казна во британското законавство.

Таа на суд одби да се соочи со родителите на убиените бебиња кои зборуваа за нивната болка поради загубата на нивните деца.

Судијата Џејмс Гос кажа дека бројот на убиени деца, како и природата на убиствата извршени од медицинска сестра на која и е доверена грижата за бебињата, ги сочинуваат „исклучителни околности“ потребни за да се изрече „доживотна затворска казна без условна слобода“, што беше исклучително ретко во Велика Британија.

По 22 дена советување, поротата на судот во Манчестер ја осуди Летби за убиствата на бебињата во неонаталната единица во болница во северозападна Англија во периодот меѓу јуни 2015 и јуни 2016 година.

Адвокатот на одбраната Бен Мајерс остана на тврдењето за нејзината невиност.

Таа била на должност во сите смртни случаи на бебиња, а обвинителите ја опишаа како „постојано злонамерно присуство“ во неонаталното одделение кога бебињата колабирале или умирале. Утврдено е дека таа им наштетила на бебињата на начини на кои е тешко да се откријат, а по пат ги убедувала своите колеги дека сите овие смртни случаи се нормални.

Летби конечно била отстранета од нејзината функција на крајот на јуни 2016 година, а уапсена во јули.

Ќе се спроведе и независна истрага за тоа што се случувало во болницата и како персоналот и менаџментот реагирале на порастот на смртните случаи.

The post Доживотен затвор за медицинската сестра која усмрти седум бебиња appeared first on Република.

Медицинска сестра од одделот за неонатологија во британска болница денеска е прогласена за виновна за убиство на седум бебиња и обид за убиство на уште шест.

Луси Летби (33) беше обвинета за убиство за смртта на пет машки и две женски новороденчиња, како и пет обиди за убиства на машки бебиња и пет обиди за убиства на девојчиња помеѓу 2015 и 2016 година кога работела во болницата во Честер во Северна Западна Англија.

Таа беше обвинета за намерно повредување на новородените бебиња на различни начини, вклучително и вбризгување воздух во нивните крвотоци и внесување воздух или млеко во нивниот стомак преку назогастричните цевки (цевките што одат од носот до желудникот).

Таа, исто така, беше обвинета за труење бебиња со интровенозно додавање инсулин и оштетување на цевките за дишење.

Летби се изјасни дека не е виновна за ниту едно од обвиненијата.

Поротата составена од седум жени и четворица мажи расправаше 22 дена пред да донесе пресуда. Еден од поротниците од првичниот совет не учествуваше во постапката откако побара да биде изземен од лични причини.

Потоа судијата им даде право на поротниците да донесат пресуда со 10 гласа наместо потребната едногласност

The post Не кажа зошто: Медицинска сестра уби седум новороденчиња, други шест се спасени appeared first on Република.

Медицинската сестра Ружица Матлиеска преку социјалните мрежи го сподели горкото искуство во интерното одделение на струшката болница поради кое се решила за отказ. Таа открива со какви закани, малтретирање и навреди од менаџерката на болницата се соочувала, и покрај тоа што работните задачи ги извршувала максимално професионално.

Додава дека не е чудно тоа што квалитетниот персонал ги напушта работните места.

Сакам да им се заблагодарам на пациентите, како и на директорот Арменд кој беше горд на мене како човек, а потоа и како медицински работник. Голема благодарност до докторите кои навистина им беше жал поради ова. Јас имав огромна поддршка да останам. Благодарност до сите други колеги, кои го почитуваа мојот труд. За сите други, кои облековте униформа мислејќи дека сте Бог, токму вашата менаџерка ве нарекува шпиони. Ве поздравувам господине, министре Фатмир Меџити, немој да се чудите зошто квалитетниот персонал ги напушта болниците, напиша таа

The post Министрте, не се чудете зошто квалитетниот персонал ги напушта болниците, порача малтретираната Ружица од струшката болница appeared first on Република.

Видео на кое наводно се гледа како лекар и медицинска сестра имаат интимни односи се шири по социјалните мрежи. Се претпоставува дека експлицитната сцена е снимена во итната медицинска помош во болницата во градот Пијур во Перу.

Доктор е фатен во интимен однос со медицинска сестра пред пациенти кои чекаат да им се укаже помош, наведува авторот на видеото.

https://youtu.be/p3zof9YGlCs

The post Пациенти фатиле секс на доктор и медицинска сестра appeared first on Република.

ОВР Кратово поднесе кривична пријава против И.С.(43) од с.Туралево, кратовско, поради постоење основи на сомнение за сторено кривично дело „загрозување на сигурноста“.

На 23.01.2023 во Итна медицинска помош во Кратово, пријавениот се однесувал агресивно и упатил закани кон дежурниот лекар и медицинска сестра, а се обидел и физички да ја нападне медицинската сестра.

The post Се обидел да претепа лекар и медицинската сестра appeared first on Република.

Медицинската сестра Аурона Пелај од Косово која вчера тепаше стара жена во дом за стари лица беше приведена од полицијата, по што објави статус на Фејсбук.

Здраво, јас се викам Аурона Пелај, полицијата ми дозволи да го напишам ова писмо и јавно да се извинам за грозниот потег што го направив вчера. Сите прават грешки. Му се извинувам на семјството и на сите Албанци, напиша Плај.

The post Медицинската сестра – тепач им се извини на семејството и на сите Албанци appeared first on Република.

Трета медицинска сестра е уапсена по објавувањето на видеото на кое се гледа е малтретирана старица во Домот за стари лица „Оренда“ во Пеќ, Косово, потврдил Фадиљ Гаши, портпарол на полицијата во Пеќ, пренесува „Репортери“.

– Сега има три лица кои се уапсени. Има три различни кривични дела, првото се товари за кривично дело „напад“, второто за „помагање во кривично дело напад“, а третото за „неовластено снимање“, изјавил Гаши за новинарите.

Портпаролот на полицијата во Пеќ нагласи дека случајот е веќе префрлен во секторот за тешки кривични дела.

По објавувањето на видеото, Основното обвинителство во Пеќ соопшти дека главниот обвинител на Основното обвинителство во Пеќ ангажирал двајца обвинители и ја овластил косовската полиција да ги преземе сите неопходни мерки против лицата инволвирани во делото.

– Двајца обвинители и косовската полиција идентификуваа и приведоа двајца осомничени на местото каде што се сомничи дека е сторено кривично дело и по наредба на обвинител им е одредена мерка притвор до 48 часа, поради сомнение дека сториле кривично дело соизвршителство во кривичното дело „напад“ и кривично дело „помагање при извршување на кривичното дело напад“ – се наведува во соопштението на Обвинителството.

The post Косово: Уапсена и трета медицинска сестра по тепањето на жената во домот appeared first on Република.

Семејството си ја земало злоставуваната бабичка, која една година престојувала во домот за стари лица во Пеќ, соопштуваат косовските медиуми.

Во меѓувреме, со реакција на социјалните мрежи излезе Антон Расај, акционер во пеќкиот дом, кој се извини за случајот.

Се извинуваме за снимките кои не погодија сите. Јас Антон Расај, денес како најголем акционер во компанијата Оренда во Пеќ случајно бев овде со моето семејство. Итно ги презедов сите дејствија. Јас сум инвеститор, заработените заштеди во странство одлучив да ги вложам со семејството во мојата татковина. Вработивме луѓе и се погриживме да отвориме работни места за нашите сонародници и да обезбедиме максимално професионално однесување од персоналот во нашиот центар, но ситуацијата, односно инцидентот не остави без зборови. Немам зборови да опишам како се чувствував, кога го видов однесувањето на медицинските сестри, објави преку социјалните мрежи Антон Расај.

The post Семејството од интернет дознало за злоставувањето на жената, веднаш си ја земало appeared first on Република.

Портпаролот на полицијата на Пеќ Фадиљ Гаши ја потврди веродостојноста на видеоснимката која деновиве се шири по интернет. На снимката медицинска сестра ѝ влепува шлаканици на штитеничка на домот за стари лица, а други сестри се смеат и снимаат додека кутрата жена плаче.

Кога ќе се обиде да се одбрани, сестрата ја удира со колено по стомак.

Гаши информира дека медицинските сестри се приведени, а обвинителството во Пеќ веќе подготви обвинение за кривично дело „напад“ и „помагање во извршување на кривичното дело напад“.

Видеото е многу вознемирувачко.

The post Вознемирувачко видео: Медицински сестри тепаат бабичка, се смеат доека плаче и ја снимаат во дом за стари лица appeared first on Република.

Ноќва во 01.40 часот, полициски службеници од СВР Куманово го лишиле од слобода Ф.Ј.(38) од Куманово, затоа што со остар предмет нападнал и повредил вработена на Инфективното одделение во Општата болница Куманово, соопшти МВР.

Насилникот бил задржан во полициска станица и по целосно документирање на случајот против него ќе следува соодветна пријава.

Според информациите на „СДК“ од кумановската болница, медицинската сестра била нападната додека ги извршувала своите работни задачи во амбуланта, кога од зад грб и пришол напаѓачот и ѝ ставил чаршаф на главата, по што почнал да ја дави и да ја удира. Таа паднала на подот, по што тој ѝ ја затнал устата со рака за да не може да вика. Ги земал ножичките за сечење газа од бирото и ја прободел во левото рамо и по вратот, по што жената се оневестила. Мешницата ја слушнале нејзините колешки и дошле да видат што се случува, при што ја нашле на подот со чаршафот на глава во бесознание. Откако ја освестиле веднаш повикале полиција и го алармирале обезбедувањето. Насилникот во меѓувреме побегнал.

Не е познато како тој влегол во зградата, бидејќи влезните врати на одделнијата се заклучуваат на полноќ, а пациентите кои доѓаат подоцна се најавуват на ѕвоно ако имаат потреба од лекарска помош. Се претпоставува дека можеби се криел во собите или тоалетите, или влегол преку некој прозор. Што точно се случувало ќе утврдат безбедносните камери на службата за обезбедување во болницата.

The post Ја давел со чаршав, па ја избол: Ноќва сред болница нападната медицинска сестра во Куманово appeared first on Република.

Читателите на Алсат испратија видео снимка на која се тврди дека ден претходно во Итната помош на градската болница во Куманово медицинска сестра била фатена во интимни моменти додека била на работа.

Снимката докажува дека странец кој најверојатно не е пациент, седи на биро и ја придружува медицинската сестра додека ја чекаат пациентите.

Неофицијално се дознава дека за скандалот бил информиран директорот на болницата, од каде се очекува да преземат дисциплински и законски мерки против медицинската сестра.

The post Кумановска медицинска сестра во интимни моменти среде ординација, пациентите чекаат пред врата appeared first on Република.

Полицијата во Италија уапси медицинскa сестра-техничар под обвинение дека фалсификувала вакцинација на најмалку 45 лица против коронавирусот за да можат да добијат здравствена пропусница.

Полицијата ја сними медицинска сестра на работа во огромен центар за вакцини во Анкона, која очигледно ја вбризгува содржината на игла во корпа за медицински отпад пред да се преправа дека истата ја инјектира во раката на пациентот, а потоа става фластер, пишуваат медиумите.

Полицијата во Анкона, на источниот брег на Италија, стави четворица наводни соучесници во домашен притвор, обвинувајќи ги дека пронашле клиенти против вакцини кои биле подготвени да платат за здравствена ковид пропосуница наместо да земаат вакцини.

Под истрага се 45 лица кои наводно добиле пропусници како дел од измамата и тие мораат секојдневно да се јавуваат во полиција, а не смеат да го напуштаат градот во кој живеат, се вели во соопштението на полицијата.

Осомничените се обвинети за корупција, фалсификување информации и проневера, иако полицијата додаде дека лажната шема за вакцинација ги трошела и основните јавни ресурси.

Италија, каде што епидемијата првпат избувна во Европа во февруари 2020 година, вакцинираше 86 отсто од населението на возраст над 12 години, додека околу 60 отсто од оние кои ги исполнуваат условите ја примија бустер дозата.

Имаше неколку случаи на полициски истраги за лажни здравствени пропусници, вклучувајќи го и случајот на стоматолог кој дошол на вакцинација со силиконска лажна рака.

Откако неговиот трик го доведе под кривична истрага, стоматологот објави дека е вакциниран и рече дека само протестира против владините мерки за задолжителна вакцинација на здравствените работници, потсетуваат агенциите.

The post Уапсена медицинска сестра во Италија, обвинета е дека лажирала вакцинација на повеќе од 45 лица appeared first on Република.