Македонскиот кикбоксер Стефан Михајловски со бронзен медал се врати од неодамнешното Европско сениорско првенство во Атина. Тој настапуваше во категоријата кик лајт, + 94 кг и беше блиску до финалето. И покрај пропуштената шанса да се бори за златото, Михалјовски во интервју за МИА, како успешен го оцени својот настап во грчката престолнина.

Стефан, дали си задоволен со бронзениот медал, и колку фалеше да се пласираш во финалето?

Првенствено како посветен спортист во областа на кикбоксот учеството на Европското првенство за сениори како и претставувањето на нашата држава како дел од репрезентативниот тим за мене претставуваше голема чест. Среќен сум што донесов медал за Македонија. Првата борба ми беше против германскиот репрезентативец Стефан Тих во која сметам дека одлично се претставив и прикажав  боречки техники постигнати со макотрпни тренинзи и подготовки. Секако дека сум задоволен со освојувањето на бронзениот медал на ова Европско првенство, иако многу малку недостигаше во втората борба со украинскиот репрезентативец Бабенко да влезам во финалето и да се борам за златниот медал. Се работеше за разлика од еден поен согласно одуката на судиите, но сепак резултатот не беше поволен за мене. Иако не влегов во финалето сепак закитувањето со бронзен медал е спортски успех, големо искуство и можност за прикажување на постигнатите спортски вештини.

Што треба да се направи за да се дојде до медал на едно ЕП во кикбокс?

Учеството на големи натпреварувања како што се светски, европски и балкански првенства пред се бара еден континуитет во спортските тренинзи кои се одржуваат во матичниот клуб каде членуваат спортистите. Постојаното надградување и подобрувањето на спортските вештини во делот на кикбоксот како и  унапредувањето во вежбите за зголемување во снагата, издржливоста, координацијата и агилноста се основен предуслов за постигнување на спортски успех кај спортистите. Постигнатите вештини првенствено се прикажуваат на државно ниво преку учество на државните првенства организирани од страна на Кикбокс Маитаи федерацијата на Македонија, па оттаму постигнувањата на државно ниво  се основен предуслов за учество на големите светски, европски и балкански првенства како дел од репрезентативниот тим на нашата држава. Освојувањето на медали на овие првенства пред се зависи од сите горенаведени предуслови, а секако и од моменталните противници и одлуките на судиите пред се кога се работи за тесна борба.

Член си на клубот Прокик-Фемили. Раскажи ни како изгледаат твоите тренинзи.

Член сум на Клубот Прокик-Фемили веќе години наназад. Еден мој секојдневен тренинг првенствено започнува со основни вежби за загревање на телото како подготовка за продолжување со тренинг како и вежби за подобрување на брзината, моториката и координацијата.  Потоа следуваат вежби за стречинг, односно  истегнување на екстремитетите на телото, со посебен осврт во делот на нозете и рацете заради намалување на можноста од настанување на спортски повреди за време на тренингот. Во согласност со насоките на мојот тренер тренингот продолжува со практикување и подобрување на кикбокс вештините преку индивидуална работа со тренерот како и преку учество во спаринзи со останатите членови во клубот. Тренингот завршува со вежби за зголемување на снагата и издржливоста на телото. Освен секојдневниот тренажен процес пред учество на првенства по кикбокс секако одреден период претходно воведувам дополнителен тренинг во текот на секој ден заради зголемување на издржливоста и кондицијата за време на борбите.

И во минатото имаш успеси на меѓународна сцена. Дали добиваш поддршка од државата? Помага ли федерацијата, со опрема, реквизити, суплементи, обезбедување учество на силни тренинг-кампови со врвни европски кикбоксери?

Во досегашното спортување имам постигнато бројни спортски резултати како на државно така и на меѓународно ниво. Изминативе години освен поддршката од страна на клубот во кој што членувам поддршка имам и од државата преку обезбедување на стипендии , систем ваучери и останати финансиски поддршки во зависност од моите претходно постигнати спортски резултати. Секако нашата Кикбокс Маитаи федерација на Македонија несебично ме поддржува во секој поглед, стремејќи се кон се поголема финансиска поддршка  која секако пред се зависи од моменталната финансиска можност на самата Федерација. Во однос на овозможувањето на  силни тренинг - кампови со врвни кикбоксери кои за нас спортистите би било искуство и можност до идни успеси за жал не сме во можност да го оствариме со оглед на тоа дека за истото освен контакти и соработки со останатите држави потребни се поголеми финансиски средства кои за нас спортистите во овој момент се голем предизвик. Во иднина се надевам дека со новоформираното Министерството за спорт ќе биде продолжена и зголемена финансиската поддршка на спортистите, клубовите и федерациите  се со стремеж кон поголеми спортски успеси за нашата држава.

Твојот колега Бобан Илиоски стана европски шампион, а има и титула светски првак. Можеме ли и од тебе да очекуваме злато од големите натпреварувања? Твоите планови за понатамошната кариера.

Спортски честитки за колегата Бобан Илиоски кој постигна успех кон кој се стремиме сите ние спортистите. Моите планови за понатамошната кариера се насочени кон одржување и подобрување на кикбокс вештините и сите останати потребни вештини  преку секојдневни спортски тренинзи во матичниот клуб со мојот тренер,  прибирање на нови искуства на сите првенства кои ќе се одржуваат во иднина без оглед на државно или меѓународно ниво со  стремеж во иднина кон освојување на нови медали, а секако со надеж кон освојување на златен медал како најголемо постигнување. Се надевам времето ќе покаже дека сум насочен и спремен кон поголеми спортски постигнувања, а она за што сонувам ќе прерасне во моја реалност.

Каков е интересот за овој спорт кај младите? Има ли долна граница од кога може да се почне да се тренира со кикбокс?

Можам да забележам дека интересот за кикбоксот изминативе неколку години е во постојан раст. Сите сме сведоци на тоа дека се повеќе млади се насочени кон спортот воопшто и кон здравиот живот. Според мене долната граница за да се започне со тренирање на кикбокс сметам дека е шест години, со оглед на тоа дека децата пред се треба да имаат развиена основна координација и моторика која е индивидуална за секое дете како и да бидат спремни за впивање на спортски техники согласно својата возраст.

Дали кикбоксот е „машки спорт“ или има интерес и кај понежниот пол. Застапени ли се девојките во вашиот клуб?

Не сметам дека кикбоксот е „машки спорт“, туку напротив е спорт за сите без оглед на полот. Изминативе години нивото, развојот и условите во спортот се значително подобрени, па оттаму се поголем е интересот и кај понежниот пол, без оглед дали се работи за рекреативно спортување или спортисти - натпреварувачи. Во нашиот клуб Прокик-Фемили на спортските тренинзи  има учество и од понежниот пол, а истите се третирани идентично како и припадниците на посилниот пол. Сметам дека е време кикбоксот да не се дефинира единствено како груб спорт кој не е за понежниот пол, односно да се гледа како спорт од кој што освен изучување на корисна боречка техника може да доведе до раст и развој на координација, моторика , агилност, упорност, истрајност како и дисциплина кои се значајни афинитети за понатамошниот живот на учесниците.

Извор: МИА/Зоран Стерјовски

The post Михајловски: Среќен сум што донесов медал за Македонија appeared first on Република.

Средношколката Милена Ангелова од Делчево освои два бронзени медали на Светската олимпијада по геонауки IESO, 2024 која се одржа во главниот град на НР Кина, Пекинг. Информацијата ја соопштија од гимназијата „Методи Митевски Брицо“ од Делчево кои на својата ученичка и нејзиниот ментор им посакаа уште поголеми дострели во иднина.

Честитки за нашата ученичка Милена Ангелова која освои два бронзени медали на Меѓународна олимпијада по геонауки. Имаме со што да се гордееме, ти посакуваме уште многу успеси и успешни приказни во иднина и достоинствено претставување на училиштето, општината и државата. Честитки до професорите ментори од ПМФ и професорката по географија Анета Николова, се вели во објавата на Средното општинско училиште „Методи Митевски – Брицо“.

Македонското географско друштво претходно објави дека на Светската олимпијада по геонауки IESO, 2024. македонскиот тим има неколку добитници.

-Медали освоија: Ивана Атанасоска од СОУ Гимназија „Мирче Ацев“, општина Прилеп, Милена Ангелова од СОУ „Методија Митевски Брицо“, општина Делчево, Михаела Павловска од СУГС Гимназија „Раде Јовчевски Корчагин“ , град Скопје и Атанас Ташкоски, СОУ „Наум Наумовски Борче“, општина Крушево. Благодарност за менторите за максималната посветеност и ангажираност во процесот на подготовка но и придружување на учениците: проф. д-р Ивица Милевски, Институт за географија, Природно-математички факултет, Скопје, проф. д-р Свемир Горин, Институт за географија, Природно-математички факултет, Скопје, истакнаа од Македонското географско друштво упатувајќи голема благодарност и до спонзорот Бучим од Радовиш, кои финансиски го помогнаа учеството на олимпискиот тим во Пекинг.

The post Милена Ангелова од Делчево со два медали на Светската олимпијада по геонауки appeared first on Република.

Mедалите кои ги добија спортистите почнаа да се распаѓаат.Еден од освојувачите на Инстаграм објави видео од медалот дека е лошо изработен.

МОК воведе норма според која шест грама чисто злато влегуваат во златниот медал на Олимписките игри. Останатите 523 грама употребени за златниот медал се од сребро со минимална чистота од 92,5 проценти.

The post „Фушерајски“ изработени: Медалите почнаа да се распаѓаат appeared first on Република.

На социјалните мрежи е објавена фотографија од медалот на дедото на сегашниот претседател на Украина, Володимир Зеленски, за заслуги како војник на Црвената армија во борбите против нацистите во Втората светска војна.

Во дипломата пишува дека на 22 февруари 1944 година е издадена наредба за одликување на помладиот поручник Семјон Иванович Зеленски со Орден Црвена звезда за храброст покажана во борбата против германските нацисти.

На тој ден, Црвената армија го ослободи градот Кривој Рог, родниот град на Володимир Зеленски, кој е внук на одликуван херој на Црвената армија.

За разлика од својот дедо, Володимир Зеленски и неговата власт се обидуваат да го избришат секој спомен на Црвената армија од Украина, со отстранување на спомениците на нејзините команданти и херои и менување на имињата на улиците именувани во нивна чест. Затоа, пак, за возврат, на секој чекор се слават луѓе коишто во Втората светска војна се бореа рамо до рамо и во рамки на нацистичките сили против истата таа Црвена армија.

The post Ова е орденот што дедото на Зеленски го добил од Црвената армија за борба против нацистите appeared first on Република.

Македонскиот таеквондист Дејан Георгиевски освои сребрен медал на Европските игри во Краков, Полска. Овој медал е прв за Македонија на Европските игри.

Во финалето над 83 килограми Георгиевски загуби со 2:0 од британскиот ривал Кејден Луис Канингем.

Георгиевски во првата беше подобар од Италијанецот, Матија Молин со 2:0, а потоа во четвртфиналето стигна до уште една заслужена победа против Украинецот Андри Харбар со 2:1.

The post Дејан Георгиевски освои сребро на Европските игри во Краков appeared first on Република.

Најдобриот македонски таеквондист, Дејан Георгиевски ќе се бори за медал на Европските игри во Краков, Полска откако во полуфиналето славеше против Шпанецот Иван Гарсија Мартинез со 2-0.

Македонецот кој на патот до финалето ги совлада Италијанецот Матија Молин со 2-0 и Украинецот Андри Харбар од 2-1, беше подобриот противник против Шпанецот добивајќи ја првата рунда со 4-2 и втората со 8-3.

Во финалето Георгиевски за противник ќе го има Британецот Луис Канингхем.

The post Македонски таеквондист Дејан Георгиевски ќе се бори за европско злато appeared first on Република.

Марио Мицковски освои бронзен медал на Специјалните олимписки игри што се одржуваат во Берлин. Мицковски го освои третото место во 100 метри пливање слободен стил.

Олимписка бронза за сто метри пливање слободен стил. Честитки за нашиот атлет Марио Мицковски и за тренерот Игор Димовски за постигнатиот успех. Преку спортот демонстрираме како со поддршка, пријателство и дружење заедно сме непобедливи, соопшти денеска Специјалната олимпијада на Македонија на својата фејсбук страна.

Претходно, на Специјалната олимпијада, Агрон Хајредини освои златен медал во дисциплината „скок во далечина“, а во категоријата 100 метри грбно сребрен медал освои Стефан Трпковски.

The post Бронзен медал за Марио Мицковски на специјалната олимпијада во Берлин appeared first on Република.

На јубилејната, 40. Балканска математичка олимпијада, која што се одржа во Анталија, Турција, Македонија оствари нов рекорд. Првпат се освоени шест медали меѓу кои еден златен, еден сребрен и четири бронзени медали, соопшти Сојузот на математичари на Македонија.

Златниот медал освои Никола Спировски, Дамјан Давков освои сребро, а бронзените медали им припаднаа на Јан Стојановски, Алексиј Тасиќ, Никола Цветаноски и Алек Танаскоски.

Бројот на освоени тимски поени кој само во 2022 година беше 118 е уште еднаш надминат, и оваа година изнесува 157 поени, што ја пласира Македонија на 5. место во официјалната конкуренција. Македонија е една од трите држави со златен медал.

Уште една радосна вест е што една од задачите кои сите учесници ја решаваа беше македонски предлог (задача 1), во авторство на лидерот Никола Велов.

Во оваа прилика сакаме да им се заблагодариме на Анастасија Трајанова, Илија Јовчески и претседателот на комисијата за ММО и меѓународни натпревари проф. д-р Мирко Петрушевски, кои заедно со нас учествуваа во подготовките на тимот. На крај неизоставно им искажуваме благодарност на спонзорите Виктор Симјаноски, Бојан Јовески, Предраг Груевски, Бобо Станковиќ, Бојан Серафимов, Валентин Ѓорѓиоски, Тодор Ристов и Стојан Трајановски кои во целост го покрија финансискиот дел за подготовките, велат од тимот и додаваат дека во наредните денови на веб страната на СММ со сите ученици кои ја сакаат математиката ќе ги споделат материјалите од подготвителните часови кои ги посетуваа одбрани ученици во склоп на Олимписката школа Александар Блажевски-Цане.

The post На 40. Балканската математичка олимпијада Македонија освои рекордни шест медали! appeared first on Република.

Македонската уметница Симонида Филипова Китановска со својата слика „Бикот и неговата душа“ го доби златниот медал на VI меѓународно биенале на нови техники, концепти и случувања во акварел и акварел книги на Каудете 2022.

Манастирот Сан Хозе беше местото избран за отворање на годинешново издание на важниот културен настан на 28 октомври, кое ќе трае три недели.

По отворањето се одржа церемонијата на доделување награди, од кои златниот медал го доби Филипова Китановска за сликата „Бикот и неговата душа“.

Сребрениот медал го доби сликата „Аватарот на човекот од Лаурикока“ на Шпанецот Хозе Мигел Колантес Депаз, а бронзениот „VIII од серијата „Фолксваген 45“, на Полјакот Павел Гладков.

The post Симонида Филипова Китановска го доби златниот медал на VI Каудете меѓународно биенале за акварел appeared first on Република.

Бронзен медал доделен првите модерни Олимписки игри, кои се одржаа во Атина во 1896 година, ќе биде ставен на аукција.

Медалот се пренесувал од генерација на генерација додека сопственичката не го пронашла додека ја чистела нејзината куќа во Шропшир (Велика Британија).

На Игрите во 1896 година, медалот му беше доделен на лицето кое го освои второто место. Современиот систем со злато, сребро и бронза се појави во 1904 година. Кој го освои точно медалот е непознато.

Медалот е со дијаметар од два инчи. На аверсот е претставен богот Зевс, а на задната страна има натпис на грчки јазик „први меѓународни олимписки игри, Атина-1896 година“.

Специјалистите на аукциската куќа „Mullock’s Auctioneers“ го процениле предметот во износ од 20 до 25 илјади фунти

The post Oвој медал од првата Олимпијада во Атина може да чини богатство appeared first on Република.