Редовното вежбање го подобрува здравјето. Бројот на склекови може да биде добар показател за вашата физичка состојба. Според експертите од клиниката „Мајо“, склековите се одличен начин за мерење на мускулната сила и издржливост бидејќи ги активираат главните мускулни групи, вклучувајќи ги нозете, стомачните, рамената, грбот и рацете.

Склековите се едноставни – во почетната положба, поставете ги рацете во ширина на рамената, држејќи го телото исправено и паралелно со подот, а потоа кревајте и спуштајте се онолку колку што ви дозволува силата. За почетници има полесна верзија со изведување на вежбата на колена.

Клиниката „Мајо“ објави колку склекови треба да можеме да правиме во зависност од возраста и полот. На пример, мажите на 25 години треба да можат да направат 28 склекови во еден обид, додека кај жените целта е 20 склекови. Бројката се намалува како што минуваат годините: за 35-годишни мажи целта е 21, додека жените треба да можат да направат 19 склека. За 55-годишни, целниот број на склекови е 12 за мажи и 10 за жени, а за 65-годишници од двата пола целта е 10 склека.

Прилагодете ги целите според вашите можности

Сепак, многу експерти веруваат дека овие препораки не се универзални. Фитнес инструкторката Наталија Алексејенко истакнува дека е важно да се земат предвид индивидуалните фактори, како што се историјата на повреди, начинот на живот, исхраната, нивото на стрес и квалитетот на сонот.

Фитнес инструкторката Керолин Беквит се согласува, истакнувајќи дека реалните перформанси честопати не ги исполнуваат препорачаните бројки.

„Во мојата група, каде учесниците се претежно на возраст меѓу 40 и 65 години, повеќето прават склекови на колена. Реалните цели и постојаноста се клучни“, објаснува Беквит.

Редовната физичка активност се покажа дека носи бројни здравствени придобивки. Едно истражување од 2019 година покажа дека мажите кои можат да прават склекови имаат 96% помали шанси да развијат срцеви заболувања. Генерално, редовната физичка активност може да го намали ризикот од разни болести: за 29% го намалува ризикот од рак на дебелото црево, за 31% ризикот од смртност од сите причини, за 35% ризикот од деменција, за 38% од смртта од срце. болест и за 42% од дијабетес.

Според Центрите за контрола и превенција на болести (CDC), на возрасните им требаат 150 минути активност со умерен интензитет во текот на неделата, како што се возење велосипед, танцување или брзо одење. Два дена треба да посветиме на зајакнување на мускулите преку склекови, чучњеви или кревање тегови.

The post Колку скелокови треба да направи жена на 35 години? appeared first on Република.

Шармот е особина која привлекува внимание и ги освојува луѓето на прв поглед. Иако секој може да го поседува, некои мажи се чини дека природно ја зрачат таа посебна енергија која остава силен впечаток.

Нивната харизма не лежи само во нивниот изглед, туку и во начинот на кој комуницираат и се однесуваат кон другите.

Според ѕвездите, најшармантните мажи се родени во овие хороскопски знаци:

Вага

Вагите се мајстори на друштвените собири. Припадниците на овој знак едноставно зрачат со елеганција и шарм кои никого не оставаат рамнодушен. Тие го имаат ова неодоливо чувство за убавина и естетика – дури и во фармерки и маичка изгледаат како филмски ѕвезди. Покрај тоа што е шармантна на прв поглед, на Вагите им е важна хармонијата, па секогаш ќе знаат пријатно да ве изненадат и да ја задржат насмевката на вашето лице.

Лав

Кога Лав влегува во собата, сите го забележуваат. Неговиот шарм е речиси опиплив – комбинација од самодоверба, топлина и неверојатна харизма која се чини дека ги привлекува сите околу него. На Лавот не му треба многу труд за да ги придобие луѓето околу него; доволно е да крене веѓа или да ја фрли својата карактеристична насмевка и сите веќе се шармирани. Иако Лавовите често уживаат во центарот на вниманието, нивната дарежлива природа и желба да направат сите да се чувствуваат добро е причината зошто тие едноставно се обожавани од сите.

Близнаци

Ако сакате забава и шеги, на вистинското место сте со Близнаците. Овој знак има неодолив шарм со својот нежен, но продорен хумор кој ги прави магнет за општеството. Близнаците се секогаш подготвени за нова авантура, а нивната спонтаност и весела природа лесно ги освојуваат срцата. Никогаш нема досаден момент со Близнаците; сакаат да ги насмевнуваат другите и со својот шарм прават секој да се чувствува како нивен најдобар пријател.

Риби

Рибите имаат посебен, речиси магичен шарм. Нивниот длабок, емпатичен поглед и склоност кон соништата ги прават неверојатно привлечни. Рибите не ги привлекуваат луѓето со агресивен стил, туку со нежно и тивко разбирање кое едноставно допира до душата. Кога Рибите ви се обврзуваат, се чувствувате како да сте единствената личност на светот бидејќи тие ја имаат оваа дарба да дојдат до сржта и да ги разбираат емоциите. Нивното скромно, но сепак волшебно присуство е нешто што останува во срцата на сите што некогаш ги сретнале.

The post Најшармантните мажи се раѓаат во овие четири хороскопски знаци appeared first on Република.

Денеска во 1.10 часот во Скопје, полициски службеници од Единицата за интервентна полиција при СВР Скопје ги уапсиле М.Ј. (55), С.Ј. (51), М.С. (52) и М.Ј. (29) сите од Скопје и Б.Ј. (19) од село Петровец, скопско, поради тоа што во еден часот на подрачјето на општина Аеродром го нарушиле јавниот ред и мир и агресивно се однесувале кон полициски службеници додека извршувале службени дејствија, додека лицето М.Ј. (55) и физички нападнал полициски службеник.

Од МВР велат дека по целосно документирање на случајот ќе следуваат соодветни поднесоци.

The post Четворица мажи и тинејџер дивееле во Аеродром, еден од нив нападнал и полицаец appeared first on Република.

ХЕРА - Асоцијација за здравствена едукација и истражување денеска во Скопје ќе отвори Центар за поддршка и советување на мажи во Македонија.

Ова, како што информираат од ХЕРА, е прв центар од ваков вид во нашата земја, кој ќе нуди бесплатни советувања и поддршка со терапевти за момчиња и мажи, со телефонско закажување за термин (070 299 026).

Центарот се отвора со поддршка на австриското Сојузно министерство за социјални прашања, здравство, грижа и заштита на потрошувачите, во соработка со Здружението за машки и родови прашања Стирија од Австрија.

The post Во Скопје ќе биде отворен прв Центар за поддршка и советување на мажи appeared first on Република.

Александар Николоски, потпреседателл на ВМРО ДПМНЕ и носител на изборната единица 4 вели дека за ВМРО-ДПМНЕ мажите се мажи, жените се жени, и ниту една фондација, ниту едни пари, ниту пак продадени души како тие од СДС нема да го променат тоа.

За нас мажите се мажи, жените се жени, момчињата се момчиња, девојчињата се девојчиња и има здраво да живеат во пристојни семејства, а не да водиме некакви си родови политики. Затоа што она кое што го дала природата ниедна фондација, ниту едни пари, ниту едни продадени души не можат да го променат“, вели Николоски.

Број два на листата во четвртата изборна единица од СДС е доскорешната министерка за труд и социјална политика Јована Тренчевска, ја знаете добро, која што нашите деца сака да ги учи дека немало разлика дали се машки или женски, дека немало родители, туку имало родител 1 и родител 2, и води некакви си таканаречени родови политики за кои што земаат дебели пари од фондацијата Сорос. Сакам од овде јасно да кажам за ВМРО-ДПМНЕ, за нас, постојат тато и мајка и деца. Тоа е суштината на македонското семејство, порача Николоски.

The post За ВМРО-ДПМНЕ мажите се мажи, жените се жени, вели потпретседателот Александар Николоски appeared first on Република.

Верувале или не, мажите повеќе сакаат да ја изберат убавината наместо среќата.

Сигурно барем еднаш сте слушнале за случајот со несреќен брак во кој мажот не ја сака својата жена, но сепак останува со неа. Зошто е тоа така?

Партнерката изгледа убаво

Не треба да ве чуди што на мажот му е важно жената да му е убава, затоа што тоа често е поттик за неговото его. Ако жената е привлечна, мажот се чувствува поубав и поуспешен и има поголема самодоверба, а во многу случаи мажите ја избираат убавината наместо среќата.

Сентименталност

Ако мажот е со некого долго време или споделува интимни моменти со жена, ќе почувствува длабока лојалност и посветеност на идејата за врска. Тоа значи дека тој сепак ќе мисли на врската како што беше пред неколку години или месеци, наместо да ја гледа врската таква каква што е. Тој ќе остане во врската пред се затоа што сака повторно да ги преживее „добрите времиња“. Тој не може да се откаже од идејата што ја имал за жената со која бил и на тој начин останува заглавен во круг на несреќа.

Добар интимен живот

Понекогаш мажите ќе останат во несреќна врска бидејќи тоа е лесен начин за интимни врски, особено ако интимниот живот е интересен и тој го смета за добар.

Тој верува дека нема друга опција

Стравот од непознатото е моќен мотиватор. Тоа може да биде и силен мотив за останување во несреќна врска, а мажите често се враќаат во врски без љубов поради страв од осаменост и очај.

Посесивност

Ова е во основа приказна за љубомора. Но, кога мажот има силни чувства за жена, за која било жена, тој може да стане крајно посесивн. Во оваа фаза можеби не му е грижа дали има љубов во врската, бидејќи помислата дека таа е со некој друг го прави уште понесреќен.

Ја сака и останува оптимист

Ако има искуство во врска, мажот знае дека ниедна врска никогаш нема да биде совршена. Фрустрациите и повремената нервоза доаѓаат со долгата врска, но откажувањето не е решение за ваков маж. Останува затоа што се надева дека работите ќе бидат подобри, а не полоши. Смета дека додека не ги поправи грешките и не се справи со моменталната врска, нема потреба да бара друга жена, бидејќи само ќе се врати на почетокот, повторувајќи ги истите грешки.

The post Зошто мажите остануваат со жени кои не ги сакаат: Шест причини зошто продолжуваат во несреќен брак appeared first on Република.

Основното јавно обвинителство Кочани поведе постапка против три лица од виничкото село Трсино, за кои постои сомнение дека во група ја загрозиле сигурноста и извршиле грубо насилство врз две жени и притоа им нанеле телесни повреди.

Додека оштетените биле во дворот од нивната куќа, тројцата мажи ја прескокнале оградата од дворот и се упатиле кон нив, држејќи во рацете тврди предмети – дрва и цевки. Жените се скриле во помошен објект, но осомничените ги извлекле и започнале да ги удираат, нанесувајќи им телесни повреди, а предизвикале чувство на страв и кај уште една жена – сведок на настанот. На овој начин осомничените сториле кривично дело – Насилство од член 386 став 3 во врска со став 1 од Кривичниот законик.

Според првичните сознанија, причина за насилството биле подолготрајни нарушени односи меѓу две семејства во селото, а при лишување од слобода осомничените продолжиле да се закануваат дека ќе извршат убиство. Со оглед на опасноста осомничените да го повторат делото или да извршат друго дело со кое се закануваат, но и опасноста од бегство, јавниот обвинител до Основниот суд во Виница достави предлог за определување мерка притвор. Судот го прифати предлогот и определи притворска мерка спрема сите осомничени.

The post Тројца мажи со дрва и цевки тепале две жени во виничко село appeared first on Република.

Ако мислите дека го пали само секси долна облека, црвен кармин, високи потпетици, големи гради… се лажете…

Истражувањата покажаа дека мажите ги привлекуваат и некои работи кои на жените не им се допаѓаат кај себе.

На прво место е лицето без шминка. Без разлика што веројатно изгледате поубаво и се чувствувате посамоуверено дури и со минимум шминка, мажите велат дека „голите“ усни и природниот изглед се неодоливи. Она што најмногу ги одбива е бакнежот со многу кармин на усните, но и лице со слоеви пудра.

На второ место е стомакот, а не стомачните. Мажите не лудуваат по женски „плочки“ туку по стомак кој изгледа природно бидејќи им кажува дека имаат работа со опуштена личност која не е оптоварена со нејзиниот изглед.

Ниту бујните гради не се на приоритетната листа. Без разлика дали тоа е поради верувањето дека жените со мали гради се пожешки или поради тоа што генерално се поцврсти и „постабилни“, само малите гради се навистина, навистина секси за многу мажи.

Кога сме кај градите, драги дами, знајте дека гаќичките и градникот не мора секогаш да одат заедно. Имено, секси долна облека значи дека жената која ја носи се подготвила за секс. Облеката која е „обична“ значи дека мажот успеал да ја заведе спонтано и неочекувано.

Некои мажи ги привлекуваат жени кои носат очила. Меѓу најчестите машки фантазии се учителките и докторките. Зошто? Можеби причината е што само вистински маж може да ги „разоружа“ таквите „строги и опасни“ дами.

И конечно – боси нозе. Штиклите се ок, но босите стапала на жената се знак дека е природна, опуштена, дива…

The post Што навистина ги привлекува мажите? appeared first on Република.

Маж од Крушевац и неговата партнерка се уапсени под сомнение дека сториле кривични дела против сексуалната слобода на штета на неговите малолетни ќерки од претходните бракови, а Основното јавно обвинителство и полицијата сега имаат тешка задача да утврдат дали е макро или принудил некој од нив на проституција, пишуваат српските медиуми.

Случајот е во фаза на преземање доказни дејствија, а се проверува дали сториле некое од кривичните дела: недозволени полови дејствија, дистрибуција на порнографски материјал или сексуална експлоатација.

Полицијата истражува за да утврди дали има елементи за обвинение.

Случајот е исклучително сложен, пред се поради семејните врски меѓу осомничениот и наводните жртви.

The post Tатко во Србија ги снимал малолетните ќерки со мажи и ги продавал снимките appeared first on Република.

Папата Франциск денеска изјави дека од статистиката за зголемување на бројот на фемициди и насилство врз жените, јасно е дека е неопходно да се едуцираат мажите за почит и здрави односи, пренесува АНСА.

„Можеме да видиме од многу тажните вести од овие денови, од страшните извештаи за насилство врз жените, колку е итно да се едуцираме за почит и грижа: да се формираат мажи кои се способни за здрави односи“, рече папата во неговата аудиенција со католичките новинари.

Тој рече дека комуникацијата го формира човекот и општеството и предупреди дека не треба да се заборави свеста за човековиот развој, имајќи предвид дека токму тоа ќе го одведе општеството во иднината.

„Ваша професија е да паметите и да пишуваме едноставно и разбирливо приказни за минатото, чувствата, луѓет од крв и месо кои треба да се почитуваат како да се ваши роднини“, им порача папата Франциск на присутните новинари.

The post Папата Франциск порачува мажите да се едуцираат за здрави односи appeared first on Република.

Платите на жените во Македонија се за 17,5 отсто пониски од тие на мажите. Нивните бизниси се застапени само со 30 проценти и не е искористен потенцијалот со кој можат да ја подобрат состојбата во економијата, истакнаа учесниците на Третиот Самит за женско прерприемништво, што се одржува од денеска во Скопје.

Капацитетот на жените во бизнисот не е искористен затоа што помалку од 30 проценти се жени сопственици на бизнис, а помалку од 50 проценти жени се активни на пазарот на труд поради што мора да работиме на зголемување на нивниот капацитет како економски ресурс. Повеќето од жените се во микро и малите претпријатија, а многу малку во големите компании, што значи дека она што го работат жените е со мал обрт и со малку вработувања, рече Валентина Дисовска од Националната платформа на женското претприемништво.

Според неа, потребна е едукација, но и препознавање на добри практики и менторство, како и посветеност од институциите за подобрување на состојбите. Исто така и фонд за поддршка за претприемништво.

На бизнисот, на економијата и се потребни квалитетите на жените. Поддршката и промовирањето на женското претприемништво ќе ја подобри севкупноста на конкурентноста, истакна вицепремиерот за економски прашања Фатмир Битиќи.

Според него, во последните години е направено многу за женското претприемништво, во кое, како што рече, има голема надеж.

Намалувањето на родовиот јаз е клучен за користење на потенцијалите на женското претприемништво во економијата, рече Битиќи истакнувајќи дека во буџетот за 2023 година е предвидена финансиска поддршка на женското претприемништво.

За 34.25 проценти е зголемен бројот на компании управувани од жени, што според министрот за економија Крешник Бектеши покажува дека мерките на Владата имаат поддршка, но тоа не е доволно и ќе следуваат нови активности и дополнителни финансии, согласно со укажувањата од претставничките на женските бизниси.

На настанот со над 100 учесници се споделуваат најдобрите практики и идеи за промоција, развој и поддршка на женското претприемништво. Дискутираат претставници од институции, организации и жени претприемачи, кои се значајни за развојот на екосистемот за женско претприемништво.

Самитот се организира како годишен настан на проектот „Национална платформа за женско претприемништво (НПЖП)“, кофинансиран од Европската Унија.

Целта е да се зголеми видливоста и профилот на Платформата и придобивките што таа ги обезбедува за засегнатите страни и женското претприемништво.

Ќе бидат доделени три награди од Министерството за економија, за најуспешна претприемачка во микро, мали и средни претпријатија а Националната платформа ќе додели награди за најдобра млада лидерка и за најдобра граѓанска организација -добра практика.

The post Ова е машки свет: Жените во Македонија имаат 17,5 отсто пониски плати од мажите appeared first on Република.

На посилниот пол една работа им е многу привлечна кај жените и веројатно некогаш ви дадле комплимент за тоа, но, сепак, внимавајте...

Научниците спроведоа истражување за тоа како бојата на гласот влијае на мажите и жените кога е во прашање заведувањето, а резултатите беа неверојатни - бојата на гласот, како и начинот на зборување, дефинитивно се најсилната женска алатка за заведување на која мажите паѓаат.

Експертите побараа од кандидатите да бројат од еден до десет со нормален глас. После тоа, истите тие мажи и жени мораа да го повторат дејството, но со различен тон на гласот, односно начинот на кој мислат дека звучи секси и заводливо.

Друга група мажи и жени ги слушале нивните снимки и морале да одлучат кое од горенаведените звучи заводливо, а резултатите се покажале многу интересни.

Жените воопшто не реагираа на обидите на мажите да направат својот глас да звучи секси, додека на мажите заводливиот женски глас им беше неверојатно секси.

Научниците објаснуваат дека кога жените сакаат да звучат секси, го спуштаат гласот за да го направат подлабок, зборуваат побавно и потивко, што на мажите им е многу попривлечно од нормалниот тон со кој обично зборуваат.

Исто така, тие тврдат дека тоа е всушност природна, инстинктивна реакција, која влијае на мажите како обликот на телото или мирисот на кожата. Иако доказите се излезени на виделина, прво треба да размислите што ќе кажете кога сакате да заведете маж, а не само со бојата на гласот.

The post Дали знаете кое е најмоќното женско оружје за заведување на кое мажите „откачуваат“? appeared first on Република.

Истражувањата постојано покажуваат дека жените претпочитаат мажи кои се релативно повисоки од нив.

Мажите понекогаш се трудат максимално да ја одржуваат хигиената, да ја пронајдат должината на брадата која им се допаѓа на жените и да го усовршат својот пристап, но всушност зад сето тоа стои наука која може да даде одговор зошто ве или не ве привлекуваат одредени луѓе. И висината има значајно влијание овде.

Истражувачите од Универзитетот Чепмен спроведоа истражување меѓу 60.058 хетеросексуални жени и мажи, прашувајќи ги колку сексуални партнери имале и колкава е нивната тежина и висина, во обид да го одредат типот на тело со најмногу сексуални односи.

Во една неодамнешна студија, научниците вклучиле мажи и жени на возраст меѓу 30 и 44 години и откриле дека просечниот број на луѓе со кои спиеле е 8. Кај мажите кои биле пониски од просекот, нивниот просечен број бил 5, додека кај мажите кои биле многу високи, бројот на жени со кои спиеле бил 10. Меѓутоа, истражувачите забележале дека овие бројки не се толку драстично различни како што мислеле дека ќе бидат.

„Овие наоди потврдуваат дека висината е релевантна кога станува збор за избор на сексуален партнер. Сепак, релативно ограничената варијација во бројот на сексуални партнери кај мажите низ поголемиот дел од висинскиот континуум е тешко да се објасни“, рече Дејвид Фредерик, доцент на психологија на Универзитетот Чепмен и главен автор на студијата.

Можно е за повеќето жени да постои одреден праг на минимална висина, по што ќе го сметаат мажот за потенцијален сексуален партнер, па мажите над таа висина ќе имаат сличен број на сексуални партнери.

„Гледајќи го индексот на телесна маса, мажите кои биле точно на средина имале најмногу сексуални партнери, додека мажите со прекумерна тежина биле малку зад нив. Мажите кои изгледаат малку поголеми, помоќни или кои се атлетски градени, пријавуваат повеќе сексуални искуства од другите мажи“, додаде д-р Фредерик.

Така, додека висината и тежината всушност прават разлика кога станува збор за тоа колку сексуални искуства ќе имаат мажите, студијата покажува дека тоа не е сè. Човек со добар карактер, исто така, ќе оди далеку. Ништо не е посекси за жените од маж кој е смешен, кој има добра смисла за хумор, но знае и да готви

The post Жените открија која висина на мажи најмногу ги возбудува: Еве кои момци имаат најголеми шанси appeared first on Република.

Иран денеска егзекутираше пет мажи прогласени за виновни за силување жена во мај минатата година.

Петмина мажи кои киднапираа и силуваа жена во мај 2022 година во градот Маранд (северозападен Иран) беа егзекутирани денеска, соопштија властите.

Мажите кои беа егзекутирани денеска, беа уапсени четири дена по силувањето.

На почетокот на јуни, невладината организација Амнести интернешенел соопшти дека 282 лица биле егзекутирани во Иран во 2023 година. Минатата година Исламската Република егзекутирала 582 лица - повеќе од која било друга земја освен Кина, соопштија неколку групи за права, вклучително и Амнести интернешенел.

На почетокот на минатиот месец, иранските власти егзекутираа тројца мажи прогласени за виновни за дрогирање и силување на околу десет жени кон крајот на 2021 година.

The post Во Иран егзекутирани пет мажи поради силување appeared first on Република.

На 11.06.2023 во Полициската станица Аеродром било пријавено дека на подрачје на Аеродром, по претходна расправија, бил нарушен јавниот ред и мир со физичка пресметка помеѓу С.Д.(41) од Скопје и И.П.(40) од Свети Николе.

По документирање на случајот ќе следува соодветен поднесок.

The post Скопјанец и жител на Свети Николе се тепале во Аеродром appeared first on Република.

Шпанската тенисерка Габриње Мугуруза се мажи за обожавател кој ѝ побарал „селфи“ на улица. Мугуруза ќе стапи во брак со Артуро Борхес, со кој неодамна сподели заедничка фотографија со натпис: „Веќе ме имавте на „здраво“.

Нејзината приказна е невообичаена од повеќе причини, пред се поради тоа што некогаш најдобрата тенисерка на светот постојано е на пат. Обврските во нејзината професионална кариера бараат таа да не може да се посвети на нешто друго освен на тенисот, за што е потребна голема пожртвуваност и разбирање од партнерот.

Мугуруза сега е на пауза од тенисот, бидејќи нема играно од Австралија опен и Лион, што значи дека е надвор од тенисот веќе подолго време. Шпанскиот весник „Ола“ ги објави деталите за необичната романса која се разви во претходните години и ќе го добие својот убав епилог пред матичар.

„Мојот хотел беше многу блиску до Централ Парк и бидејќи ми беше досадно решив да излезам и да прошетам. Додека одев налетав на него, ми посака среќа на САД Опен и веднаш помислив колку е убав. Ме привлече и тоа што тој не е од светот на тенисот. Ме освои“, откри Мугуруза.

Грен слем шампионката од Ролан Гарос во 2016 година и Вимблдон во 2017 година беше и број еден во светот во 2017 година, а денеска е на 168. место на ВТА листата. Таа во досегашната кариера има освоено десет титули.

The post Победничка на Вимблдон се мажи за фан кој ѝ побарал селфи на улица appeared first on Република.

Во земјите-членки на Европска Унија во 2022 година 42 отсто од младите на возраст од 25 до 34 години имале високо образование, објави денеска Евростат.

Овој удел е за еден процент поголем од 2021 година, но сепак е под зацртаната цел на ЕУ, која сака 45 отсто од младите на таа возрасна категорија да бидат високообразовани до 2030 година.

Според податоците на Евростат жените се значително пообразовани од мажите, односно во 2022 година 48 отсто од нив на возраст меѓу 25 и 34 години имале високо образование, а само 37 отсто од припадниците на „посилниот пол“.

Најобразовани Европејци на оваа возрасна категорија се Ирците со 62 отсто, потоа Луксембуржаните со 61 и Кипарците со 59 проценти. На дното на листата се Романците со 25 отсто високообразовани млади луѓе, потоа Италијанците со 29 проценти и Унгарците со 32 отсто.

The post Жените се пообразовани од мажите appeared first on Република.

Жените и мажите се рамноправни но сепак, постои полова дискриминација при вработување и жените почесто се жртви на мобинг. Вакви се ставовите на граѓаните во последното истражување на јавното мислење кое за истражувачко дебатната емисија Детектор го спроведе Институтот за политички истражувања Скопје.

Според истражувањето, 52,6 проценти сметаат дека мажите и жените во државава се рaмноправни, односно имаат еднакви права за професионален напредок, иако не е мал и процентот на граѓани кои се убедени во спротивното, а 32,4 проценти се на ставот дека мажите и жените не се рамноправни.

Според половата структура, 59,8 отсто мажи се на ставот дека мажите и жените се еднакви додека 26,5 проценти сметаат дека не се. Кај жените, 45,6 проценти сметаат дека се рамноправни и имаат исти можности за напредок додека 38,1 отсто сметаат дека не се. Од вкупно анкетираните, 50,7 проценти сметаат дека постои полова дискриминација при вработување, додека 37,2 проценти се убедени дека нема полова дискриминација при вработување.

Таков став делат 42,7 проценти од анкетираните мажи додека мнозинството или 48 отсто мажи се на ставот дека сепак има полова дискриминација при вработувањата. исто така, 53,3 проценти од анкетираните жени препознаваат полова дискриминација при вработување, наспроти 34,9 проценти кои сметаат дека тоа не се случува.

Имено, 53,7 проценти Македонци сметаат дека постои полова дискриминација при вработување наспроти 33 отсто кои сметаат дека тоа не се случува. Кај Албанците ситуацијата е обратна. Таму мнозинството или 54,1 процент од етничките Албанци се на ставот дека нема полова дискриминација при вработување додека 37 проценти се убедени во спротивното.

Мнозинството граѓани или 47,4 посто се на ставот дека мажите и жените во земјава на исти работни места земаат иста платам 25,6 отсто сметаат дека мажите се повеќе платени иако работат на исто работно место со жената, додека 3,1 проценти се на став дека жените се тие кои се повеќе платени од мажите за истата работа. Половата структура на одговорите покажува дека и мажите и жените се согласуваат дека платите за иста позиција се исти и за мажи и за жени. Ваков став делат 49,8 посто од сите анкетирани мажи и 45,2 отсто од жените. Дека мажите се повеќе платени сметаат 20,2 проценти мажи и 30,9 посто жени. 4,4 отсто мажи се на ставот дека жените земаат повеќе плата за иста работа, додека ваков став делат само 1,9 проценти жени.

За 48,9 проценти од анкетираните мажи и жени се рамноправно застапени во јавниот сектор додека 35,2 отсто сметаат дека не се. Истражувањето покажува дека 56,8 проценти од сите анкетирани мажи и 41,1 посто од жените сметаат дека постои рамноправна полова застапеност во јавниот сектор додека 29,7 отсто мажи и 40,6 проценти жени сметаат дека тоа не е случај, а56,2 проценти од анкетираните сметаат дека жените се почести жртви на мобинг.

-Само 6,9 проценти од граѓаните се убедени дека мажите почесто се жртви на мобинг. И мажите и жените немаат многу дилеми околу ова прашање, односно 49,1 отсто од анкетираните мажи и 63 проценти од жените сметаат дека жената е таа која почесто е жртва на мобинг. За мажот како почеста жртва на мобинг се определиле само 4,8 проценти жени и 9,1 проценти мажи, стои во информацијата што ја споделува „Детектор“.

Секој петти граѓанин познава жена која била отпуштена поради бременост, односно 19,9 проценти од анкетираните велат дека познаваат случај во кој жена била отпуштена од работа поради тоа што била бремена, додека 72 отсто од анкетираните немаат информации за таков случај.

Според анкетата, помладите добиваат повеќе информации за вакви случаи па во возрасната категорија од 18 до 29 години во која се и поголемиот дел од младите мајки дури 31,2 проценти од анкетираните знаат за случај во кој жена била отпуштена од работа поради бременост, што е речиси секој трет анкетиран човек. Анкетата покажува и дека 52,6 проценти од испитаниците сметаат дека при развод доделувањето на старателството на мајката е во интерес на детето додека со тоа не се согласуваат 22,4 отсто од анкетираните. Во мнозинство со овој став се согласуваат и мажите и жените. Конкретно, 46,5 отсто мажи и 58,5 посто жени сметаат дека доделувањето на старателството при развод каде најчесто се фаворизира мајката е фер и во интерес на детето додека со ова не се согласуваат 27,7 проценти мажи и 17,2 отсто жени.

Анкетата на Детектор ја спроведе Институтот за политички истражувања Скопје во периодот од 27 до 30 март оваа година врз репрезентативен примерок од 1117 испитаници.

The post Детектор анкета: Жените и мажите се рамноправни, но постои полова дискриминација при вработување appeared first on Република.

Речиси три четвртини од жените во Германија не чувствуваат дека имаат еднакви права со мажите, покажуваат податоците од истражувањето на јавното мислење спроведено од агенцијата „Ју Гав“, јави ДПА.

Севкупно, околу 62 проценти од испитаниците не веруваат дека „мажите и жените во Германија во моментов имаат еднакви права, ист социјален статус и дека третманот на двата пола е ист во секој аспект“.

Жените кои се со ова мислење изнесуваат 73 отсто од испитаниците, а мажите 48 проценти.

Учесниците во истражувањето споделија особено големи разлики на нивните работни места, при што 61 отсто од нив забележаа одредена или целосна нееднаквост на жените.

Истражувањето е спроведено меѓу 2.170 луѓе во Германија во периодот од 8 до 22 февруари.

The post Речиси три четвртини од жените во Германија не чувствуваат дека имаат еднакви права со мажите appeared first on Република.

Околу три недели по првото откритие на мајмунски сипаници во Германија, бројот на заразени лица регистриран од институтот „Роберт Кох“ (РКИ), Националниот институт за борба против заразни болести, се искачи на 113 и сите се мажи.

Во сите случаи на инфекција во Германија пријавени во РКИ, тоа се мажи, соопшти денеска портпаролката на Институтот.

Институтот во вторникот имаше податоци за 80 случаи низ целата земја. Според претходните податоци, Германија се чини дека е една од европските земји со особено висок број на заразени, заедно со Велика Британија, Шпанија и Португалија.

Мајмунските сипаници се сметаат за помалку заразна болест во споредба со големите сипаници, кои се искоренети од 80-тите.

Според Институтот, вирусот обично се пренесува од човек на човек преку близок физички контакт. Експертите предупредија на можноста за понатамошно ширење на вирусот, на пример на претстојните фестивали и забави.

Според информациите од регионалната канцеларија на СЗО за Европа од минатата недела, досегашните податоци покажуваат дека епидемијата во европскиот регион на СЗО веќе била во тек кон средината на април. Ова е најголемата и географски најраспространета епидемија на мајмунски сипаници некогаш регистрирана надвор од ендемските области во Западна и Централна Африка.

The post Сите регистрирани случаи на мајмунски сипаници во Германија се мажи, соопшти „Роберт Кох“ appeared first on Република.