Здружението за заштита на животната средина „Спас за Маврово“ смета дека буџетот на Општината Маврово-Ростуше е донесен поред политичките потреби, а не реалните проблеми.

Советот на Општината Маврово Ростушего усвои буџетот за 2024 година во кој предност се дава на уредување на улици со бекатон и реконструкција на улица и паркинг во село Скудриње и реконструкција на улица и изградба на паркинг село Ростуше, а не на решавање на проблемот со водата за пиење во викенд населбата Леуново и другите населени места околу Мавровското Езеро, велат од Здружението.

Оттаму додаваат дека за улица и паркинг во село Скудриње се планирани  353 000 евра, за улица и паркинг во село Ростуше 100 000 евра, а за реконструкција на водоводната мрежа во населба Леуново, каде што состојбата, како што нагласуваат, е алармантна само 33 000 евра.

И според природните закони, а и според Законот за локална самоуправа приоритет треба да биде водата. Но, тоа не е за актуелното раководство на општината. Нивните приоритети, сега пред избори се придобивање на гласачи, а не решавање на горливите проблеми. 
Ова континуирано запоставување на мавровскиот регион започна со спојувањето на Општината Маврово кон Општината Ростуше, а со тоа се уништува Маврово како туристички центар. Од градоначалникот  Медат Куртовски бараме, барем пред крајот на својот мандат да почне да ги решава акутните проблеми на жителите во Општината Маврово Ростуше, а не да ја крои својата секојдневна работа според нечии бизнис и политички интереси, се вели во соопштението од Здружението за заштита на животната средина „Спас за Маврово“.

The post Бекатонот ви е побитен од водата за пиење, обвинуваат од „Спас за Маврово“ appeared first on Република.

донираните возила во општина Маврово-Ростуше завршуваат демолирани во приватни дворови, реагира ОК на ВМРО-ДПМНЕ од оваа општина.

Еве како завршуваат возилата кои ги донира Агенцијата за управување со одземен имот.
а нешто слично се случи и со полицискиот џип кој го дониравте во ПС Ростуше?!?
А кога веќе сте отвориле срце-како од ваша приватна своина да донирате, одстапете и едно возило на Општината Маврово и Ростуше, нека не троши 3500000 (три милиони и петстотини илјади) денари за на крај возилото да заврши како прикажаното на слика два…, стои во објавата на ВМРО-ДПМНЕ.

Пред само две недели опозициската партија обелодени дека градоначалникот на општина Маврово и Ростуше, Медат Куртовски од буџетот на Општината за свое луксузирање потрошил 3500000,оо (три милиони и петстотини илјади) денари за купување на ново луксузно возило.

https://republika.mk/vesti/makedonija/ramiz-merko-od-ali-ekspres-gradonachalnikot-na-mavrovo-i-rostushe-si-kupil-vozilo-za-50-000-evra/

The post Како завршуваат возилата кои ги донира Агенцијата за управување со одземен имот appeared first on Република.

На два дена пред повторените локални избори во општина Маврово Ростуше каде во сабота се бираат градоначалник и општински совет на површина излегуваат скандалозни исплати на локални функционери на СДСМ од општинската каса.

Актуелниот повереник и кандидат за градоначалник од СДСМ Медат Куртоски на својот шура Емсел Шабани си му исплатил 1.000 евра од општинска каса, а на својот дедоТасим му исплатил 950 евра од општинскиот буџет, се однесуваат како Општината да е  нивна приватна своина!.

Ова го објавува локалната организација на ВМРО-ДПМНЕ во општина Маврово Ростуше
која објавува докази за своето тврдење од алатката на владата за јавни набавки каде
се гледа исплатата на парите за членовите на СДСМ.

,, За непотизмот да биде уште поголем, директорот на основното училиште во Скудриње Бешир Рамадани за себе и за шурата од повереникот Медат Куртовски си исплатил од училишниот буџет по 250 евра, најверојатно за да одат на летен одмор”, стои во објавата на ВМРО-ДПМНЕ Маврово Ростуше.

 Треба да знае кандидатот на Медат Куртовски, дека парите не се лично негови, и ова што го прави не е добро за никого а најмалку за тие кои му даваат доберба да ги прави овие непромислени работи”, стои во соопштението.

Вчера во посета на оваа општина беа лидерот на СДСМ и премиер Димитар Ковачевски
и генералниот секретар на партијата Миле Зечевиќ кои го промовираат Куртовски за
иден градоначалник.

The post Кандидатот за градоначалник од СДСМ Медат Куртоски на својот шура му исплатил 1.000 евра од општинска каса во Маврово-Ростуше appeared first on Република.

Државната изборна комисија (ДИК) на денешната седница го утврди распоредот на кандидатите на гласачко ливче за изборот на градоначалници на општините Центар Жупа и Маврово-Ростуше, како и за членови на Советот на Општина Тетово, преку влечење на жрепка од страна на овластените претставници на партиите и групите избирачи.

Под број еден на гласачките ливчиња ќе бидат кандидатите за градоначници на Центар Жупа и на Маврово-Ростуше на коалицијата „Најдоброто за мојата општина“ предводена од СДСМ, под број два на Коалицијата на ВМРО-ДПМНЕ, а под број три на Демократска партија на Турците во Македонија (ДПТМ).

На гласачкото ливче за избор на членови на тетовскиот општински Совет под бројот еден ќе биде листата на коалицијата предводена од СДСМ, а под бројот два на ВМРО-ДПМНЕ. Под бројот три е ДПА, под четири е Политичката партија ИНТЕГРА, а под бројот пет Група избирачи Агрон Заими.

Под бројот шест е Алтернатива, под седум е листата на Алијансата за Албанците, а под бројот осум е Движењето БЕСА. Листата на ДПТМ ќе биде под бројот девет, а Групата избирачи Елмедина Абдулаи ќе биде под бројот 10.

Листата на ДУИ ќе се најде на кандидатското ливче под бројот 11, на Партијата за целосна еманципација на Ромите под број 12, а на Левица ќе биде 13-та.

Исто така, на денешната седница преку влечње на жрепка беа утврдени и локации на рекламни паноа и билборди за политичко рекламирање за избори за градоначалник на општините Центар Жупа, Маврово и Ростуше.

The post Утврден редоследот на гласачките ливчиња за избор на градоначалници на Центар Жупа и Маврово-Ростуше и за членови на Советот на Тетово appeared first on Република.

Претседателот на ВМРО-ДПМНЕ Христијан Мицкоски денеска заедно со Мевмед Џафери беше во посета на Мавровско – реканскиот крај.

-Тука ќе има повторени избори, а Мевмед е нашето решение за промени во Маврово и Ростуше. Местото од каде сплотени и обединети ќе испратиме порака дека е премногу од оваа власт која ќе остане запишана како најнеспособната и најкриминална во историјата. Промени кои ќе донесат иднина, истакна Мицкоски.

Изборите за градоначалници на Општините Маврово и Ростуше и Центар Жупа се закажани за 20 август.

The post Мицкоски: Промени ќе има и во Маврово и Ростуше appeared first on Република.

ВМРО-ДПМНЕ ќе учествува во локалните избори во Маврово Ростуше, кандидат е доктор Мевмед Џафери, изјави денеска лидерот на партијата Христијан Мицкоски.

Ќе учествуваме, кандидат е доктор Мевмед Џафери, членот на Извршниот комитет на ВМРО-ДПМНЕ. Тоа е почитуван човек, родител, семеен човек итн. Мислам навистина е почитуван човек во средината таму и очекуваме дека ќе победи убедливо, нагласи Мицкоски.

Мицкоски додаде дека ВМРО-ДПМНЕ ќе учествува исто така и на локалните избори во Тетово за Совет.

Имаме и своја листа и на локалните избори во Тетово за Советот на општината. Очекуваме бројот на советници да го зголемиме според последните мерења на јавното мислење, појасни Мицкоски.

Претседателот на ВМРО-ДПМНЕ истакна дека се надева дека изборите во Маврово Ростуше ќе успеат бидејќи во тој период многу печалбари се враќаат.

Се надеваме дека ќе успееме да ги анимираме тие луѓе да излезат да гласаат и да го дадат својот глас за Мевмед Џафери, рече Мицкоски.

The post ВМРО-ДПМНЕ ќе учествува во локалните избори во Маврово Ростуше, кандидат е доктор Мевмед Џафери appeared first on Република.

Државната изборна комисија ги објави роковите за извршување на изборните дејствија за спроведување на избори за градоначалник на Општина Маврово и Ростуше и градоначалник на Општина Центар Жупа што ќе се одржат на 20 август 2022 година.

Борис Кондарко од ДИК рече дека рокот за собирање на потписи од граѓани за кандидати почнува на 20 јуни и трае 15 дена до 4 јули, додека избирачкиот список од страна на ДИК се заклучува најдоцна до 30 јули.

Кандидатските листи за градоначалници се поднесуваат до општинските изборни комисии Маврово Ростуше и Центар Жупа најдоцна до 15 јули, а кандидатските бројки на гласачкото ливче ќе се изберат со жрепка од страна на ДИК најдоцна до 26 јули.

-Изборната кампања започнува на 31.07 значи 31 јули во 0.00 часот вклучувајќи го и денот 31 и  трае заклучно со 18 август до 24.00 часот, 19 август е изборен молк, а денот на гласањето е 20 август, истакна Кондарко.

Членовите во избирачките одбори партиите треба да ги достават до општинските изборни комисии Маврово и Ростуше и Центар Жупа, по претходно известување од страна на ДИК најдоцна до 8 август.

Што се однесува до медиумите кои се заинтересирани за платено политичко рекламирање, должни се да се регистрираат согласно условите на изборниот законик директно во архивата ДИК или по електронски пат најдоцна до 14 јуни, додека рокот за доставување на ценовниците е 16 јуни.

Во однос на медиумите останува во сила упатството за начинот и постапката за потврдување за просечно постигнатата цена за платено политичко рекламирање од 4 февруари 2022 година кои се донесени за повторените општински избори во општината Маврово и Ростуше и општината Центар Жупа.

Со оглед дека изборите беа неуспешни останува истата пресметана цена од тогаш, и затоа ќе остане да важи истото упатство.

The post ДИК ги објави роковите за изборите во Маврово и Ростуше и Центар Жупа appeared first on Република.

Државната изборна комисија на денешната седница ја запре постапката за избор на градоначалник на Општина Маврово Ростуше, откако минатата недела кандидатот на СДСМ, Медат Куртовски ја повлече кандидатурата, бидејќи нема противкандидат.

Овој заклучок, Државната изборна комисија го носи поради тоа што досега по истекот на сите законски рокови, до Општинската изборна комисија Маврово Ростуше нема потврдени листи за избор на градоначалник за Општина Маврово Ростуше, по решението за распишување избори од 4 февруари оваа година.

Поради тоа ние мораме да констатираме со заклучок дека ДИК од своја страна ја запира постапката за спроведување на сите изборни дејствија во Маврово Ростуше, согласно донесениот роковник - нагласи Борис Кондарко, член на Комисијата.

ДИК побара писмено да биде известен претседателот на Собранието, надлежен за распишување на избори.

Минатата недела, кандидатот на СДСМ Куртовски информираше дека нема потреба од дополнителни трошоци во време на криза за избори што можат повторно да бидат неуспешни.

Имајќи го предвид фактот дека од другата страна нема против кандидат, како и фактот дека голем број наши сограѓани се дел од дијаспората, особено во овој период од годината, постои реален ризик локалните избори повторно да не успеат. Да нема дополнителни трошоци во време на криза, односно пари од буџетот на Општината да не се трошат на избори кои може повторно да бидат неуспешни - вели Куртовски.

Согласно дневниот ред, на денешната седница беше изгласан предлог-заклучокот за внатрешна организација и координација на работата на ДИК во стручна служба од 13 март 2022 година. Комисијата едногласно ја донесе и одлуката за измена и дополнување на годишниот план за јавни набавки за 2022 година на Комисијата и Кодексот за набљудување на изборите во Центар Жупа.

The post Запрена постапката за избор на градоначалник во Маврово Ростуше appeared first on Република.

Државната изборна комисија одржа седница на која беа усвоени упатства во пресрет на локалните избори во општините Маврово и Ростуше и Центар Жупа. Исто така беше усвоен и годишниот извештај за завршна сметка за 2021 година.

Претседателот на ДИК, Александар Даштевски и членовите на Комисијата едногласно ги усвоија Предлог-упатство за утврдување на идентитетот на гласачот за изборите на градоначалник во општините Маврово и Ростуше и Центар Жупа за 2022 година и посебно упатство за процедура за остварување на избирачко право на избирачот кој на денот на гласање ги исполнува законските услови да биде запишан во избирачкиот список.

Како ДИК, треба да ги известиме сите заинтересирани дека подготовките и изборните дејствија се одвиваат согласно роковникот на Комисијата. Дел од изборните дејствија се извршени, а наредно дејствие е доставување на членови на избирачките одбори од страна на политичките партии, за што ќе бидат денеска известени - изјави Борис Кондарко член на ДИК.

Локалните избори во општините Маврово и Ростуше и Центар Жупа се презакажани за 17 април 2021 година, поради немање цензус на регуларните избори што се одржаа на 17 октомври минатата година.

The post Маврово и Ростуше и Центар Жупа се уште немаат градоначалници: ДИК им организира гласање на 17 април appeared first on Република.