Основното јавно обвинителство Скопје информира дека во текот на вчерашниот ден е лишено од слобода едно лице за кое постои сомнение дека било инволвирано во убиството кај Трговскиот центар „Мавровка“. Станува збор за затвореник кој бил во бегство од КПУ Затвор - Скопје.

Како што информираат од Обвинителството во тек се вештачења на материјалните докази со кои се утврдува основаноста на сомненијата за вклученост на ова лице во настанот, а осомничениот е вратен во затворот со максимални мерки за обезбедување.

Со оглед на тоа што приведениот е осудено лице за друго кривично дело и бил во бегство од КПУ Затвор – Скопје врз основа на издадената потерница и по консултација со јавен обвинител, тој денеска е вратен во затворот со максимални мерки за обезбедување, стои во соопштението.

За овој настан, Основното јавно обвинителство Скопје претходно поведе истрага против едно лице, кое се гони за кривични дела – убиство, обид за убиство и недозволено поседување оружје и на кое по предлог на јавниот обвинител му е определена мерка притвор во траење од 30 дена.

The post Затвореник кој бил во бегство се сомничи дека бил вмешан во убиството кај ТЦ „Мавровка“ appeared first on Република.

„Најпрвин дозволете ми да изразам жалење за тој грозоморен чин и загубениот човечки живот“, кажа претседателот на Владата на Република Македонија, Христијан Мицкоски одговарајќи на новинарско прашање за убиството пред Мавровка и обвинувањата на опозицијата дека институциите не ги презеле сите мерки навреме и додаде:

Но, она што е важно е дека веќе во серија, криминалци и корумпирани судии и обвинители се одговорни пред законите и институциите откако најпрвин врховниот судија и оној обвинител кој што е дел од Советот на јавни обвинители призна вина дека учествувале во коруптивен скандал и дека на тој начин само ги докажаа тезите кои што ние ги имаме дека имаме партизирано оптруирано обвинителство и судство во најголема мерка.

Тој истакна дека институциите брзо реагирале на расчистување на овој грозоморен чин и ги привеле сторителите, нешто што не било случај во минатото.

Сега следеше втор чин кога институциите брзо молскавично сторителите на овој грозоморен чин ги приведоа и ги извадија пред органите на правдата. Сите буквално учесници се приведени, нешто што во минатото не беше случај. Нешто што морам да признам во минатото не беше случај и затоа довербата во правната држава беше еднаква на нула, подвлече премиерот Мицкоски.

„Добро е што последните мерења конкретно од август кои што како партија ги правиме во довербата во институциите во борбата против криминалот и корупцијата постепено се враќа и можам со задоволство да кажам дека за прв пат имаме повеќе наши сограѓани кои што веруваат во борбата против криминалот и корупцијата на оваа влада отколку што не веруваат. И тоа е само уште една причина повеќе да продолжиме да се бориме со овие криминални битанги, без разлика дали се вакви безочни криминалци или криминалци во политиката“, изјави тој.

Премиерот Мицкоски е дециден дека сите кои што се огрешиле пред законот ќе бидат изведени пред лицето на правдата.

Набргу од денеска сите кои што се огрешиле пред законот ќе бидат изведени пред лицето на правдата, вклучително и оние групи кои што во последно време се обидуваат да бидат активни во скопското подземје, ги следиме и нив, рече Мицкоски.

The post Мицкоски: Секој кој се огрешил пред законот ќе одговара, убиството во Мавровка е расчистено, институциите експресно реагираа appeared first on Република.

СВР Скопје целосно ги расчисти кривичните дела „убиство" и „убиство во обид“, кои беа извршени на 20.08.2024 на паркинг просторот позади трговскиот центар Мавровка, каде што со употреба на огнено оружје беше убиен В.Е.(58) од Скопје и на ул.„Стојна Стефкова“, каде со пиштол беше пукано кон полициски службеници од Единицата за интервентна полиција при СВР Скопје, објави на фејсбук министерот за внатрешни работи Панче Тошковски.

Имено, по преземени мерки и брза реакција на СВР Скопје, специјалните полициски сили, хеликоптери и дронови беше фатен и лишен од слобода сторителот на кривичните дела Е.К.(39) од Скопје.

Веднаш потоа, од Единицата за насилен криминал – Одделение за крвни и сексуални деликти при СВР Скопје беа извршени увиди на местата, беа извршени разговори со сведоци како и претреси во домови на неколку локации, беа прегледани видео записи и беше извршена претрага на терен за обезбедување на материјални докази како што се возила, пиштол, чаури и други одземени предмети. Од страна на Одделот за форензички испитувања при МВР извршено е вештачење на чаури и пиштол со кое вештачење се поврзуваат двете кривични дела со сторителот Е.К.

По обезбедување на целокупниот доказен материјал, Единицата за насилен криминал – Одделение за крвни и сексуални деликти при СВР Скопје во координација со Основното јавно обвинителство Скопје, против Е.К. поднесе кривична пријава по брза постапка поради постоење основи на сомнение за сторено кривично дело „убиство” казниво по член 123 став 2 точка 4, кривично дело „убиство” во обид, казниво по член 123 во врска со член 19 и кривично дело „неовластено изработување, држење, посредување и тргување со оружје или распрскувачки материјали” казниво по член 396 од Кривичниот законик.

За второто лице кое беше лишено од слобода вчера до овој момент не е утврдена поврзаност со настанот и е ослободен, а се преземаат интензивни мерки за пронаоѓање и на уште едно инволвирано лице за кое постои сомневање дека помагало во извршувањето на кривичното дело “Убиство“.

The post Тошковски: СВР Скопје целосно го расчисти убиството пред „Мавровка“ appeared first on Република.

Министерството за внатрешни работи соопшти дека во текот на целиот ден се преземаат мерки и активности за расчистување на кривичното дело убиство, кое денеска беше извршено на паркинг простор пред ТЦ „Мавровка“ и оти мерките и активностите продолжуваат и во текот на вечерта.

Веднаш по добиената пријава за пукање во близина на ТЦ „Мавровка”, при што бил застрелан В.Е.(59), кој починал на местото на настанот, веднаш се преземени низа оперативно - тактички мерки и активности од страна на полициски службеници од СВР Скопје за пронаоѓање и лишување од слобода на сторителите. Извршени се претреси и прегледи на повеќе локации и возила, а беа ангажирани и полициски службеници од Одделот за специјални полициски операции, хеликоптери и дронови. Приведени се две лица за кои постојат основи на сомнение дека се сторители на кривично дело „убиство“ казниво по член 123 од КЗ, кои ќе бидат изнесени пред судија на претходна постапка по целосно расчистување и документирање на случајот, се наведува во соопштението.

Од МВР посочуваат дека се преземаат мерки за пронаоѓање и на третото осомничено лице односно целосно расчистување на случајот во координација со ОЈО Скопје.

Во текот на денот од страна на СВР Скопје по издадени наредби од страна на судија на претходна постапка извршени се претреси на четири локации за кои постојат индиции дека престојувале лицата инволвирани во кривичното дело. При преземањето на мерките и активностите пронајдени се доволен број на материјални докази. СВР Скопје и вечерва спроведува низа на оперативно - тактички мерки со цел лишување од слобода на третото осомничено лице, стои во соопштението.

По целосното расчистување на случајот, од МВР најавуваат дека ќе ја информираат јавноста.

https://www.youtube.com/shorts/25hEIHzzAFE?embeds_referring_euri=https%3A%2F%2Fmia.mk%2F&source_ve_path=MjM4NTE

The post Претреси во Скопје, МВР трага по третиот осомничен за целосно расчистување на убиството кај „Мавровка“ appeared first on Република.

Лицето кое утрово беше застрелано пред трговскиот центар „Мавровка“ е приватник. Истрагата за убиството се уште трае, велат од МВР за МИА.

Оттаму велат дека напаѓачите најверојатно сакале да го ограбат убиениот скопјанец.

Претходно денеска МВР информираше дека две лица се уапсени во врска со убиството кое утрово се случи на паркинг просторот пред трговски центар „Мавровка“ во Скопје, каде што со огнено оружје е застрелано едно лице кое почина на лице место. Од МВР велат дека им е познат идентитетот и на третото осомничено лице кое е во бегство.

Како што информираат од МВР, од страна на полицијата веднаш се преземени оперативно - тактички мерки, затворање на дел од градското подрачје, преглед на повеќе домови и преглед на повеќе возила, во кои се вклучени специјални полициски сили, хеликоптери и дронови.

На подрачјето на општина Чаир, појаснуваат, е забележено патничко возило кое се обидело да побегне, при што лицата од возилото пружиле отпор со употреба на огнено оружје.

Полициските службеници возвратиле, по што едно лице е лишено од слобода. При преземањето понатамошни мерки, од слобода било лишено уште едно лице, а на полицијата е познат и идентитетот на третото осомничено лице кое е во бегство и за кое се преземаат мерки за негово пронаоѓање, стои во соопштението од МВР.

Во периодот што следува, како што дополнуваат од МВР, во некои делови од град Скопје ќе има зголемено полициско присуство со цел целосно расчистување на случајот.

Ова е втора престрелка во последното деноноќие, откако вчера во пукање во скопската населба Ченто, едно лице е повредено.

The post МВР: Напаѓачите најверојатно сакале да го ограбат убиениот скопјанец кај Мавровка appeared first on Република.

Васил Ефтимов е жртвата која денеска претпалдне на паркингот кај ТЦ „Мавровка“ во Скопје беше убиен со истрел во главата.

Како што објавуваат медиумите, тој е бизнисмен, кој се занимавал со продажба на материјали за водовод и канализација, но имал и дуќан за бижутерија во трговскиот центар „Бисер“ во скопската населба Аеродром.

Плусинфо пишува дека убиството е сплет на несреќни околности, бидејќи напаѓачите помислиле дека Ефтимов во својот автомобил носи чанта полна со злато и вреден накит.

Тие се обиделе да го ограбат, но убиениот им се спротивставил. И тоа бил моментот во кој тие одлучиле со еден истрел во главата да го лишат од живот.

Неофицијално, кога се случил инцидентот, Ефтимов бил придружуван од женско лице, најверојатно сопругата.

Полицијата веќе соопшти дека во врска со случајот се приведени две лица, а посочија дека се трага и по уште едно лице.

https://republika.mk/vesti/crna-hronika/pukale-i-kon-politsijata-dve-litsa-uapseni-za-ubistvoto-kaj-mavrovka-se-traga-po-tretiot-osomnichen/

The post Познат идентитетот на жртвата кај „Мавровка“: Имал дуќан за бижутерија во ТЦ „Бисер“, убијците мислеле дека е златар appeared first on Република.

Едно лице е убиено утрово кај трговскиот центар „Мавровка“.

На терен во моментов се голем број на полициски екипи и амбулантно возило, а местото е оградено со полициска лента.

Според очевидци, лицето најверојатно било адвокат. Во близина до телото има електричен тротинет.

Се очекуваат официјални информации од МВР.

Ова е втора престрелка во последното деноноќие, откако вчера во пукање во скопската населба Ченто, едно лице е повредено.

На 19.08.2024 околу 20.50 часот во СВР Скопје било пријавено дека на бул. Александар Македонски од патничко возило во движење било пукано во патничко возило „пасат“ со австриски регистарски ознаки, при што со повреди се здобило едно лице кое е пренесено во Клинички центар, информираат од МВР. Оттаму додаваат дека се преземаат мерки за расчистување на случајот.

The post Убиениот најверојатно е адвокат, покрај телото има електричен тротинет: Детали за пукањето кај „Мавровка“ appeared first on Република.

Пред неколку моменти се случи пукање на паркингот кај трговскиот центар Мавровка во Скопје, пренесува Алсат.

Според се уште не потврдени информации во инцидентот е застрелано едно лице.

Неколку портали известуваат дека ранетото лице им подлегнало на повредите.

The post Пукано врз лице на паркинг кај „Мавровка“ appeared first on Република.

Конфедерацијата на синдикални организации (КСОМ) денеска на прес-конференција пред Управната зграда на ЈСП, обвини дека автобусот кој вчера удри во жардињера во близина на ТЦ Мавровка бил технички неисправен. Возачот на автобусот исто така рече дека забележал оти автобусот не е исправен. За новиот директор на ЈСП Драги Кушовски, овие изјави се „паушални“ и смета дека треба да се почека официјалниот извештај на МВР.

Според тврдењата на претседателот на КСОМ, Марјан Ристески, Синдикатот имал сознанија добиени од страна на вработени кои го управувале автобусот, дека во неколку наврати било алармирано дека автобусот е технички неисправен, но сепак, со потпис и печат бил пуштан да сообраќа како технички исправен. Ристески рече дека истиот автобус изминатиот период сообраќал на линија до Водно.

Мораме јавно да проговориме за она што се случи вчера, бидејќи е загрозена безбедноста на граѓаните кои го користат превозот на Јавното сообраќајно претпријатие. Имаме сознанија дека истиот овој автобус којшто вчера удри во жардињера на булеварот во близина на Мавровка, пред извесен период го користеле на линија до Водно. Замислете доколку такво нешто се случело тогаш, затоа што се работи за технички проблем на автобусот, додека шоферот максимално направил што можел, рече Ристески.

Според Ристески, виновник за вчерашната несреќа е градоначалничката на Град Скопје, Данела Арсовска.

Директен виновник е градоначалничката на Град Скопје, Данела Арсовска. Не може со нејзиното однесување и ароганција према вработените и синдикатите, не може постојано да се менуваат директори на Јавните претпријатија и само таа да е исправна, рече претседателот на Синдикатот.

На прес-конференцијата упадна новиот директор на ЈСП Драги Кушовски, кој тврдеше дека информациите изнесени од страна на КСОМ се „паушални и треба да се почека официјалниот извештај на МВР“.

Вие немате официјален извештај од МВР кои се причините за сообраќајката, дека воланот откажал. Да оставиме на службите да утврдат зошто е настаната ситуацијата. Возилото има технички преглед и е редовно сервисирано, рече Кушовски.

Ситуацијата ескалираше по упадот на Кушовски, по што изјава даде и возачот на автобусот кој кажа дека забележал дека автобусот не е исправен.

Јас го приметив автобусот дека не е исправен. Јас ќе пријавам дефект и утредента истиот автобус го земаме со потпис и печат дека е сервисирано и исправно е за линија. Со години сообраќам на линијата 2-ка, од Сарај до Автокоманда и обратно, ги знам најситните дупки. Таа линија ја возам и мене не може онакво нешто да ми се случи. Мене ми побеле коса од волан и сега јас целиот се ежам додека зборувам. Жал ми е за патниците, пред се, кои добија стрес и за мене исто така, рече возачот.

Во вчерашната сообраќајна несреќа беа повредени три жени, од кои едната се пожалила на болки во колкот, а другите две се здобиле со полесни повреди. Сите три со возило на Брза помош беа пренесени во Клиниката „Свети Наум Охридски“.

The post Истиот автобус возеше за Водно, замислете таму да закочеше воланот appeared first on Република.

Автобус на Јавното сообраќајно претпријатие (ЈСП) „Скопје“ излетал од патот на булевар „Гоце Делчев“ во Скопје, повредени се патник и возачот.

Автобус на ЈСП, движејќи се по булеварот „Гоце Делчев“ во Скопје, излетал од коловозот во близина на клучката со улицата „Филип Втори Македонски“.

Инцидентот се случил во 14:50 часот и бил пријавен во СВР Скопје. Според информациите, еден патник и возачот, кој управувал со двокатниот автобус на ЈСП, се пренесени во болница за укажување на помош.

Полициски службеници на СВР Скопје веднаш излегле на местото на настанот.

The post МВР со детали за автобусот на ЈСП кој излета од булеварот и се качи на жардиниера кај „Мавровка“ appeared first on Република.

Три жени се повредени денеска во сообраќајната несреќа, која се случи кај ТЦ „Мавровка“, откако автобус излета од коловозот.

Од Итната медицинска помош за МИА потврдија дека се повредени три жени, од кои едната се пожалила на болки во колкот, а другите две се здобиле со полесни повреди. Сите три со возило на Брза помош се пренесени во Клиниката „Свети Наум Охридски“.

На местото на сообраќајката е излезена полицијата, која врши увид, а повеќе детали најавуваат за подоцна.

The post Три жени повредени во сообраќајка кај „Мавровка” appeared first on Република.

Денеска околу 13.30 часот во СВР Скопје било пријавено дека на бул.„Гоце Делчев“, во близина на трговски центар „Мавровка“, малолетник од с.Буковиќ, скопско, бил повреден со остар предмет од друг малолетник од с.Бојане, скопско, информираат од СВР Скопје за „Република“.

https://republika.mk/vesti/crna-hronika/probodeno-dete-kaj-mavrovka/

Повредениот малолетник бил пренесен во Градската општа болница „Св.Наум Охридски“ за укажување на лекарска помош.

Во Полициската станица Бит Пазар се врши разговор со осомничениот малолетник во присуство на родител. Се преземаат мерки за расчистување на случајот, велат од СВР Скопје.

Според неофицијалните информации на „Република“ станува збор за меѓусебна расправија која завршила со прободен малолетник, роден 2007 година. Инцидентот бил пријавен од случаен минувач.

Полицијата веднаш реагирала и сторителот бил фатен.

The post СВР Скопје: Во ПС Бит Пазар се врши разговор со осомничениот малолетник за прободувањето кај „Мавровка“ appeared first on Република.

Првична информација е дека во 13.30 часот во СВР Скопје е пријавено дека е пронајдено повредено машко лице, велат од таму за „Република“ во врска со меѓусебната расправија меѓу тинејџери која завршила со ножеви.

https://republika.mk/vesti/crna-hronika/probodeno-dete-kaj-mavrovka/

Лицето со повреди е пренесено во ГОБ „Наум Охридски“. Во тек е увидот, велат од СВР Скопје најавувајќи повеќе информации за подоцна.

Според неофицијалните информации на „Република“ станува збор за меѓусебна расправија која завршила со прободен малолетник, роден 2007 година. Инцидентот бил пријавен од случаен минувач.

Полицијата веднаш реагирала и сторителот бил фатен.

Следуваат повеќе детали.

The post СВР Скопје со првични детали за инцидентот со прободеното дете кај „Мавровка“ appeared first on Република.

Малолетник е прободен кај трговскиот центар „Мавровка“ во Скопје, а сторителот е веднаш приведен. Инцидентот се случил денеска околу 13.30 часот.

Како што дознава „Република“, неофицијално, станува збор за меѓусебна кавга која ескалирала во оружена пресметка.

Инцидентот бил пријавен од случаен минувач во СВР Скопје, по што полицијата веднаш реагирала и сторителот бил фатен. Неофицијало се работи за лица родени 2006 и 2007 година. Сторителот бил една година повозрасен од нападнатото момче.

Следуваат повеќе детали.

The post Прободено дете кај „Мавровка“ appeared first on Република.

Автобус удри во автомобил од Куманово во близина на трговскиот центар „Мавровка“.

Според првичните информации, нема повредени во несреќата.

Повеќе фото на Скопје 1

The post Автобус удри во автомобил кај „Мавровка“ appeared first on Република.

Приватните превозници од „Слобода превоз“ и „Макекспрес“ утре од шест часот ќе го блокираат сообраќајот во Скопје на десната лента на ул. „Илинден“ на потегот од Владата до МИ-ДА, а околу 200 автобуси ќе бидат паркирани пред Градското Собрание, најави директорот на „Слобода превоз“, Ленин Јовановски.

Тој на денешната прес-конференција рече дека не е постигнат договор со градоначалничката на Град Скопје, Данела Арсовска и директорот на ЈСП Александар Стојковски за исплата на долгот што го побаруваат превозниците.

Утрешниот ден ќе покаже дали ќе има некаков исод или блокадата ќе продолжи и во текот на викендот и почетокот на следната недела, рече Јовановски.

Доколку и во меѓувреме нема резултати ќе бидат блокирани крстосниците кај ТВ Мавровка, Црвен Крст и ул. „Илинденска“.

Од Министерството за внатрешни работи информираат дека поради најавено одржување на протестот со почеток во 06.00 часот, СВР Скопје ќе преземе мерки за посебен режим на сообраќајот на бул „Илинден“, од крстосницата на бул „Илинден“ со бул. „Св. Климент Охридски“ до крстосниците со бул.„8-ми Септември“ и околните улици.

МВР апелира до граѓаните да ги почитуваат наредбите што ги издаваат полициските службеници.

The post Утре сообраќаен хаос низ Скопје: Ќе бидат блокирани „Илинденска“ до „МИ-ДА“, „Мавровка“, „Црвен крст“ appeared first on Република.

Со оглед на информацијата од МВР дека утре доаѓа висока делегација од Германија на чело со претседателот ги замолив превозниците да покажат со гест дека не сакаат да го нарушат угледот на државата и да не ги отежнат безбедносните протоколи, да се повлечат од блокадите во период на присуство на делегацијата односно до четврток, а доколку до тогаш не се постигне некаков договор со Градот Скопје и ЈСП на улица ќе излезат повторно во петок, изјави вечерва за МИА директорот на „Слобода превоз“, Ленин Јовановски.

Тој најави оти тогаш ќе се блокира со сите 200 автобуси и Скопје ќе биде блокирано на повеќе сообраќајници сè до конечно решавање на проблемот.

Иако правото на протест не беше спорно дури и во вакви околности, сепак покажавме свест и одговорен однос кон она што е државен интерес. Борбата продолжува и таа никогаш не може да е лесна, ама ќе победиме, најмногу од сè заради тоа што правдата е на наша страна и заради тоа што сме единствени, вели Јовановски.

Денеска, како што додаде, приватните превозници покажале единство и сериозност во намерите да ја истераат правдата на виделина и да го свртат вниманието на целата јавност за проблемот со кој се соочуваат.

После седницата на Советот на Град Скопје на која присуствуваме видовме дека и на сите советници им е повеќе од јасно дека неспособноста на градоначалничката и менаџментот на ЈСП се оние кои доведуваат до ваквите состојби, додава Јовановски за МИА.

The post Јовановски: Блокадата кај „Мавровка“ ќе биде отстранета до четврток поради посетата на германскиот претседател appeared first on Република.

Приватните превозници утре ќе ја блокираат крстосницата кај ТЦ „Мавровка“ со почеток од 7 часот наутро.

- Министерството за внатрешни работи ја информира јавноста дека на 28.11.2022 (понеделник) поради најавено одржување на протест со почеток во 07.00 часот, СВР Скопје ќе превземе мерки за посебен режим на сообраќајот на бул.„Гоце Делчев“ и бул.„Крсте Петков Мисирков“ и околните улици, е наведено во соопштението од МВР.

МВР апелира до граѓаните да ги почитуваат наредбите што ги издаваат полициските службеници.

The post Посебен сообраќаен режим поради блокадата на приватните превозници appeared first on Република.

Приватните превозници вклучени во Јавниот линиски превоз утре ќе протестираат со целосно блокирање во сите правци на крстосницата кај Мавровка, односно булеварот „Гоце Делчев“ и булеварот „Крсте Петков Мисирков“.

Како што најави приватниот градски автобуски превозник „Слобода превоз“, блокирањето ќе биде со повеќе од 30 автобуси и повеќе од 300 лица, а ќе започне од 7 часот.

https://republika.mk/vesti/skopje/poseben-soobrakjaen-rezim-poradi-blokadata-na-privatnite-prevoznici/

– Не е исклучена можноста и не е потврдена информацијата дека на тој ден во утринските часови според можеби поедини превозници да ги блокиранаат излезите односно влезовите на ЈСП-Скопје. Исто така времетраењето на протестот не е утврдено и се планира да трае до исполнување на барањата кои ако брзо не се решат во наредните денови ќе се прошири и на други делови од сообраќајниците во Скопје, посочуваат од „Слобода превоз“.

Во рамките на своите активности за решавање на актуелниот проблем утре „Слобода превоз“ треба да оствари средба со УО на ЈСП. Исто така претставници на „Слобода Превоз“ ќе присуствуваат на седницата на Советот на Град Скопје.

– На средбата со УО на ЈСП на која се очекува да присуствува и директорот на ЈСП ќе побараме информации поврзани со долгот на ЈСП-Скопје и зошто директорот не ги исполнува обврските од договорот, како и информации за изнесените невистини од страна на градоначалникот за наводен криминал со билетите за превоз и кражба на пари, кои одговори секако дека ги имаат службите на ЈСП, бидејќи тие се најинволвираните, задолжени и компетентни во целиот процес од набавка , дистрибуција до продажба на билети и за функционирање на АВЛ системот и системот за наплата. Тие како такви точно знаат за тоа каква е вистинската состојба и документација во овој процес наспроти „Слобода превоз“ која нема никаква ниту улога во тој процес и нема никаков пристап до тие податоци. Јавноста не смее да биде дезинформирана особено за состојби за кои постојат записи, аргументи и факти, стои во соопштението.

Од „Слобода превоз“ додаваат дека „во врска со клеветите и долгот, во текот на следната недела преку адвокатската канцеларија Апостолски, ќе бидат доставени потребните поднесоци до надлежните институции“.

– Со оглед дека постои голем интерес на јавноста за овие случувања ги повикуваме медиумите да закажуваат дебати со соочување на наши претставници, на ЈСП, на Град Скопје и Секторот за сообраќај на Град Скопје за правилно да се презентираат аргументи и факти и да не се дозволи една личност од позиција градоначалник да ја дезинформира јавноста прикривајќи ги опствените слабости со неосновани напади и клевети врз дуги лица и компании, наведуваат во соопштението од „Слобода превоз“

The post Скопје утре во хаос: Приватните превозници ќе ја блокираат раскрсницата кај „Мавровка“ appeared first on Република.

Нешто пред 14 часот на крстосницата кај Мавровска и судовите автомобил удри во велосипедист и тешко го повреди, пренесува „Алсат“ објавувајќи фотографии од несреќата.

Лицето има здобиено повреди и остана неподвижно да лежи на асфалтот сè до доаѓањето на полицијата и брзата помош, велат од телевизијата, додавајќи дека полицискиот увид сè уште трае, а жената којашто управувала со автомобилот (БМВ) и понатаму е во возилото.

The post Прегазен велосипедист лежи кај Мавровка, возачот на автомобилот уште е во возилото appeared first on Република.