Аргентинецот Маурисио Покетино го започна својот мандат како селектор на фудбалската репрезентација на САД со победа синоќа од 2:0 над Панама во Остин.

Поранешниот тренер на Тотенхем, Пари Сен Жермен и Челзи минатиот месец беше ангажиран да ја преземе американската репрезентација која победи само на една од последните седум натпревари.

Покетино ќе ги предводи САД на Светското првенство во 2026 кое Американците заедно ќе го организираат со Канада и Мексико.

Против Панамците, избраниците на Покетино победија со головите на играчот од средниот ред на Милан, Јунус Мусах (49) и напаѓачот на ПСВ Ајндховен, Рикардо Пепи (90+4).

„Чувството е многу добро. Беше многу, многу тежок натпревар за нас“, изјави Покетино.

„Градиме нешто малку по малку. Целта е 2026 година, но мислам дека сме среќни бидејќи бевме солидни и конкурентни. Но, тоа е само првиот чекор за подобрување“, додаде 52-годишниот аргентински стратег на клупата на САД

The post Покетино тргна со победа на клупата на САД appeared first on Република.

Неодамна отпуштен од Челси, Маурисио Покетино призна дека е подготвен повторно да започне со работа што е можно поскоро. Тој е склон да слуша предлози и чека нов предизвик.

-Полн сум со енергија и мислам дека добро ја завршивме сезоната. Сега чекам да видам што ќе се случи. Во фудбалот никогаш не се знае што ќе се случи - денес нема ништо, а утре може да има друга можност. Подготвен сум да  слушам понуди, призна Покетино.

Во последните денови низ англиските медиуми кружат информации за средба на аргентинскиот стручњак и шефот на Манчестер Јунајтед, Сер Џим Ретклиф.

Сепак, во моментов тоа не е потврдено и нема ништо конкретно околу негова преселба на „Олд Трафорд

The post Покетино спремен да се врати на работа appeared first on Република.

Тренерот на Челзи, Маурисио Покетино може да го смени клубот на лето.

Според „La Repubblica“, Милан е заинтересиран за 52-годишниот Аргентинец. Забележано е дека „росонерите“ го вклучиле фудбалскиот стручњак во листата на кандидати, бидејќи актуелниот тренер Стефано Пиоли најверојатно ќе поднесе оставка.

Покетино е на чело на Челзи од летото 2023 година. Неговиот договор е до крајот на сезоната 2024/25.

„Сините“ од Лондон по 36 кола имаат освоено 57 бодови и се на 7. место на табелата во Премиер лигата

The post Можно ли е? Покетино во Милан appeared first on Република.

Тренерот на Челси, Маурисио Покетино, ќе мора да одработи еден меч суспензија, а тоа ќе се случи на денешната средба против Њукасл, каде тој нема да ги води „синитеи“.

Аргентинскиот стратег бурно реагираше во самиот финиш од мечот против Манчестер Сити пред неколку недели, со што заработи трет жолт картон, а тоа според пропозициите, значи еден натпревар суспензија.

Покетино тогаш влета на теренот да се пресмета или да се дообјасни со тренерот Ентони Тејлор за одредени одлуки со кои Аргентинецот не се согласуваше, па заработи суспензија.

Знаеме дека е тешка работата на судиите, но мора и ние тренерите да бидеме повеќе инволвирани на некој начин во нивните одлуки, а не веднаш да добиваме жолти картон, но што е тука, суспензијата ќе мора да се одработи, порача Покетино.

Мечот се игра попладнево од 16 часот на „Сент Џејмс парк“.

The post Покетино попладнево нема да го води Челси на гостувањето во Њукасл appeared first on Република.

– Премиерлигашот Челзи официјално почна преговори со аргентинскиот стратег Маурисио Покетино, кој во случај да биде постигнат договор ќе седне ова лето на клупата на клубот од Лондон.

Поранешниот тренер на Тотенхем и ПСЖ, и претходно беше желба на раководството на Челзи, а клубот во оваа фаза води преговори со вкупно пет кандидати за тренерското место, објави британската телевизија Скај.

Челзи до крајот на оваа сезона го предводи Френк Лампард како привремено решение, а под негово водство лондонскиот клуб во првите четири натпревари забележа исто толку порази.

Сезонава Челзи смени двајца тренери. Прво во септември лани од клупата замина Германецот Томас Тухел, а на 2 април отказ му беше врачен на англискиот тренер Грахам Потер.

The post Челзи го сака Покетино appeared first on Република.

Тотенхем има намера да го назначи Маурисио Покетино на местото главен тренер на тимот и веќе започна преговори со аргентинскиот стручњак за негов камбек.

Според „Tuttomercatoweb“, актуелниот тренер на Тотенхем, Антонио Конте, по истекот на договорот ќе ја напушти функцијата на крајот од сезоната.

Педесетгодишниот Аргентинец беше капитен на Тотенхем од 2014 до 2019 година, а со него стигна до финалето во Лигата на шампионите во неговата последна сезона.

Од јануари 2021 до јули 2022 година, Покетино работеше во ПСЖ, а сега е без тим.

Забележано е дека друг кандидат е поранешниот тренер на Челзи, Томас Тухел

The post Toтенхeм го сака Покетино назад appeared first on Република.

Бразил избра тројца можни кандидати за местото селектор на националниот тим.

Според „Tuttosport“, Бразилската фудбалска конфедерација ќе избира меѓу Маурицио Покетино, Марсело Биелса и Марсело Гаљардо како можни тренери на националниот тим.

Претходно медиумите објавија дека Биелса би можел да стане селектор на репрезентацијата на Уругвај.

Тите најави оставка како селектор на бразилската репрезентација по поразот од Хрватска (1:1, 2:4 на пенали) во четвртфиналето на Светското првенство 2022 година во Катар. Шеесет и едногодишен Тите го водеше тимот од 2016 година

The post Покетино кандидат за селектор на Бразил по дебаклот на СП appeared first on Република.

Аргентинскиот стратег Маурисио Покетино нема и следната сезона да седи на клупата на францускиот фудбалски првак ПСЖ, објави денеска весникот “Ле Паризиен”.

Според истиот извор, раководството на ПСЖ веќе донело одлука да му врачи отказ на 50-годишниот тренер и истата се очекува многу скоро да биде официјално објавена.

Покетино во неделата ја освои шампионската титула во Франција, но пресудни за неговата иднина во ПСЖ се покажаа елиминациите во Лигата на шампиони и Купот на Франција.

Раководството на ПСЖ за наследник на Покетино го посакува легендарниот француски фудбалер Зинедин Зидан, а како можно решение се споменува и името на тренерот на Тотенхем, Антонио Конте

The post Oткако не им донесе титула во ЛШ: Покетино ќе добие отказ во ПСЖ appeared first on Република.

Тренерот на Пари Сен-Жермен, Маурисио Покетино смета дека навивачите неправедно ги навредуваат Нејмар и Лионел Меси за испаѓање од Лигата на шампионите.

– Не е фер. Сите го заслужуваме гневот на навивачите, не само Меси и Нејмар. Ние сме тим и тие се двајцата најдобри играчи на планетата. Затоа, тие мора да се почитуваат. Тие му служат на тимот. Целиот тим секогаш губи и победува, а не поединци. Никој не го сака овој тон и тоа ме растажува, изјави Покетино за „Le10sport“.

Да потсетиме, ПСЖ загуби со вкупни 2:3 од Реал Мадрид во двата меча од 1/8 финалето на Лигата на шампионите и го заврши настапот на турнирот.

Во текот на вчерашниот меч со Бордо, навивачите на ПСЖ ги исвиркаа Меси и Нејмар, сметајќи ги за најголеми виновници за неуспехот на тимот во пресметката со Реал.

The post Покетино застана во одбрана на Нејмар и Меси appeared first on Република.

Тренерот на ПСЖ, Маурисио Покетино, зборуваше за ситуацијата со договорот на Килијан Мбапе, што истекува на крајот од сезонава.

Поради таквата ситуација, Мбапе веќе може да преговара со која било друга екипа за ангажман за идната сезона како слободен фудбалер.

Во фудбалот, ситуацијата со неговиот договор може да влијае на играчот ако тој не е доволно зрел. Мбапе нема таков проблем, тој веќе е прилично зрел фудбалер. Се надеваме дека Килијан уште долго ќе остане во клубот. Во оваа ситуација, одлуката мора да ја донесат двете страни. Се надевам дека Мбапе ќе игра оваа година како и минатата и дека решението на проблемот ќе биде позитивно и за него и за нас - изјави Покетино за „Франс 24“.

Во сезоната 2021/22, Мбапе одигра 24 натпревари за ПСЖ, постигна 15 гола, а имаше и 15 асистенции.

The post Покетино: Се надевам дека Мбапе ќе остане во ПСЖ уште долго време appeared first on Република.