Ние нема да прифатиме ниту една ординација ниту за приоден период, ниту за 24 месеци, ниту за две минути да функционира без медицинска сестра, истакна денеска сестра Гордана Бешлиоска, претседател на Унијата на ЗМАСТАС предводена од Здружението „За нас“ на одлуката во следните 24 месеци на доктори во мали места ќе им биде дозволено да продолжат да работат без медицински сестри.

Медицинските сестри не смеат како професија на ваков лесен начин да бидат нерешени. Имате можност да го распишете конкурсот и да ги вработите како дел од јавниот здравствен систем. Се работи за осум ординации. Ако се работи за пациенти кои се помалку од две илјади, тоа се можеби над 8 илјади корисници на здравствени услуги во тој дел. Има начини и решенија со кои може на медицинските сестри достоинството да им биде задржано како што треба. Сметаме дека ова е непристоен предлог од Здружението на приватните лекари кој е атак на целокупното сестринска професија и на целокупниот здравствен систем, рече Бешлиоска пред одржувањето на вториот симпозиум на Друштвото на медицински сестри – инструментарки при ЗМСТАС „ЗА НАС“ на тема: „Тимската работа на инструментарките во кадаверичната трансплатација“.

Таа потенцира дека разочарувачки е ставот на Здружението на приватните лекари од кој добиле впечаток дека, како што рече, медицинските сестри ги доживуваат како трошок.

Она што е многу разочарувачки е ставот на приватните лекари, односно на Здружението на приватните лекари каде добивме впечаток дека медицинските сестри ги доживуваат како трошок. Медицинските сестри не се трошок. Медицинските сестри се инвестиции и во нив треба да се инвестира , бидејќи инвестицијата во нив е инвестиција во здрава нација. Медицинските сестри не се пиши-бриши и не се само бројки. Пристапот не смее да биде таков – дека сме имале конкурси на кои не се пријавиле и да не бараме дополнителни други решенија, рече таа.

Бешлиоска информира дека разговарале со директорот на Фондот за здравствено осигурување и очекува да бидат повикани на средба наредната недела и потоа да го кажат својот став што ќе се одлучи на таа средба.

Ние разговаравме со директорот на Фондот за здравствено осигурување. Тој апсолутно ја прифати нашата реакција и рече дека врз основа на неговите можности, на неговата агенда во текот на наредната недела по нашето побарување кое ние го испративме ќе обезбеди можност и термин за Унијата и здруженијата да се видиме и да ги понудиме нашите решенија за овие состојби за кои што тој пренесе дека се исклучително осетливи, затоа што во овие рурални средини наводно на повеќе распишаните конкурси немало појавување на медицински сестри. Меѓутоа, ние имаме решенија да ги понудиме од типот дека постојат разни услови и начини на кои тие конкурси можат да се обноват, потоа овие пациенти да не ги оставиме во овие средини без медицинските сестри кои фундаменталното ниво во професијата за испорака им е нормално напредување на здравјето, спречување на болестите, превенцијата и тоа е она кое што не смееме ние во превенирање на болестите да ги оставиме медицинските сестри. Впрочем, ние имаме искуство и од регионот и од Европа. Во овој момент сме во еден проект во кој што сакаме да го пресликаме од словенечкиот проект и од образовен и други аспекти кој одговара на нашиот здравствен систем каде што толку многу се инвестира во медицинските сестри, во образованието и субвенционира во нивните напреднати методи за да бидат независни во овие рурални средини и да работат како такви., а не да ги избришеме и да не постојат во превентивниот систем.

На 26 ноември беше донесена одлука следните 24 месеци, на доктори во мали места ќе им биде дозволено да продолжат да работат без медицински сестри. Одлуката беше поздравена по состанок на директорите на Фондот за здравствено осигурување (ФЗО), Сашо Клековски и Бранко Аџигогов, со раководството на Здружението на приватни лекари (ЗПЛ) и координатори од градови.

The post Бешлиоска: Имаме решенија за конкурсите во руралните средини, не смее пациентите да останат без медицински сестри appeared first on Република.

Доктор бил нападнат, избоден и усмртен вчеравечер.

Од полицијата велат дека вчера во 23.09 часот добиле пријава дека во сопственото возило „Киа“ со скопски регистарски ознаки, во парк во близина на поранешна фабрика Железара, со убодни рани по телото бил пронајден А.Т.(67) од Скопје.

Според пријавеното, тој бил пронајден од неговите синови, кои почнале да го бараат откако не се вратил дома од работа. Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција, велат од МВР.

Од МВР истакнуваат дека се преземаат мерки за расчистување на случајот.

The post Со нож избоден до смрт доктор во скопска Железара appeared first on Република.

Пациентка во Белгија поднесе тужба против матичен лекар откако била вакцинирана против Ковид-19 и имала невролошки последици, јавува дописничката на МИА од Брисел.

Информацијата ја обелоденува деновиве белгискиот весник Ле Соар.

Докторката и пациентката, чии идентитети се заштитени, најверојатно ќе се соочат пред суд поради тоа што пациентката смета дека докторката ја охрабрила да прими вакцина против Ковид-19 по што добила невролошки последици.

За пациентката вакцините против Ковид-19 се експериментални. Докторката од своја страна тврди дека пациентката сама побарала да биде вакцинирана. Меѓутоа брзо по примањето на вакцината, чија марка исто така не се открива, таа имала нус ефекти од невролошка природа, тврди пациентката во тужбата.

Основата за тужбата се наоѓа во фактот што вакцините против Ковид-19 можат да се сметаат за експериментални, а пациентката вели дека требало од неа да се добие писмена согласност за вакцинирање, согласно белгиски закон од 2002 година, кој гласи дека пациентот мора да биде правилно информиран од страна на лекарот. Законот меѓутоа не содржи одредба за “писмена согласност“. Пациентката ја тужи докторката за “труење со експериментален производ“.

Докторката пак се брани велејќи дека станува збор за “офанзива“ на “антиваксери“ и додава дека само ги следела правилата на белгиската здравствена политика во екот на пандемијата минатата година.

The post Бидејќи ја охрабрила да се вакцинира против ковид-19, матична докторка од Белгија ќе оди на суд appeared first on Република.

Здравствените власти не ги предомислија матичните лекари затоа од денеска го почнуваат тридневниот протест. Ќе бидат во нивните ординации, но нема да издаваат упати и рецепти, ќе прегледуваат само итни пациенти. Главните барања на Здружението на приватни лекари поради кои 4-ти пат годинава протестираат се зголемување на капитациониот бод, односно повеќе пари од државата поради високата инфлација и пациентите да се водат на ординацијата, а не кај матичниот лекар.

Замолуваме да ни кажат која е вистинската причина и зошто сме игнорирани, вака на ни еден матичен, специјалист од приватното здравство, за руралните, за лабораториите за целото приватно здравство 5 години никој не спомнува ништо. Последен пат сме спомнати во 2018 година кога со одлука на Влада беше покачен капитациониот бод. Ако има некоја друга позадина и причина колегите бараат да знаат и да си го бараат чарето, изјави вчера д-р Лилија Чолакова Дервишова, претседател на ЗПЛРМ.

Протестот не го подржуваат од здружението на лекари по општа и семејна медицина. Од ЗЛОМ – СМ велат дека дел од барањата кои заеднички ги креирале со ЗПЛРМ исчезнале. Сега поголем фокус бил ставен на повозрасните наместо на младите доктори. Од оваа здружение бараат специјалистите по семејна медицина да имаат повеќе ингеренции, да можат да даваат повеќе услуги на примарно ниво и измени на моделот на капитација.

Наследување на концесиите, како еден од основниот модел кој ќе ги обезбеди младите лекари кои работат кај концесионер, по пензионирањето да можат да работат во тие ординации. Загарантирани плати за младите матични лекари. Со самото зголемување на капитацијата не секој газда обезбедува и повисока плата за своите вработени лекар/сестра за достоен жвот, изјави д-р Драган Ѓорѓиевски, претседател на ЗЛОМ – СМ.

Министерот за здравство пред неколку дена изјави дека не го подржува протестот на матичните бидејќи пациентите не смееле да трпат поради незадоволството на лекарите и повика проблемите да се решаваат на маса

The post Матичните лекари во штрајк, ќе се примаат само итните пациенти appeared first on Република.

Матичните лекари во земјава денеска нема да работат со пациенти за користење на Мој термин, туку само со итни случаи. Ова е протест на докторите од малите средини и амбулантите со мал број пациенти, кои се судруваат со можноста за затворање, оти со постојната капитација не можат да опстанат.

-Овој протест е поради низа причини со кои се судруваме во работата, како малата капитација од 65 денари која е донесена од 2018. Со овие средства треба да се плати медицинска сестра со минимална плата од 18.000 денари, да се плати зголемена сметка за струја. Има колеги во малите места каде бројот на пациенти се намалува и тие се судруваат со можноста од затворање на амбулантите. Здружението е на сите приватни лекари и затоа го правиме овој протест, кажа д-р Лили Чолакова-Дервишова, претседателка на Здружението на матични лекари (ЗПЛМ).

Таа вели дека незадоволството кај матичните доктори се натрупало изминатиот период, имало различни мислења како да се искаже и се решиле со протест. За денес попладне е закажана средба од заменикот-министер за здравство.

Поради лошата состојба во приватното здравство, бројот на доктори од 1.800 се намалил на 1.436.

The post Протест: Денеска нема преглед кај матичен лекар appeared first on Република.