– Најбараниот шеф на италијанската мафија, Матео Месина Денаро, кој беше уапсен во јануари откако беше во бегство 30 години, од вчера е во неповратна кома, јави новинската агенција АНСА.

Тој боледува од рак на дебелото црево и неговите лекари велат дека Месина Денаро нема да закрепне. На негово барање, мерките за одржување на животот се прекинати, соопштија лекарите од болницата во централниот италијански град Л’Аквила.

На почетокот на август, 61-годишниот мафијаш беше подложен на операција на цревата во болницата Сан Салваторе во централниот италијански град Л’Аквила. Иако операцијата беше успешна, ракот на дебелото црево во поодмината фаза предизвика неповратно влошување на неговата здравствена состојба.

Месина Денаро вчера паднал во неповратна кома по големо крварење, пренесе ДПА.

Месина Денаро, осудениот шеф на сицилијанската мафија Коза Ностра, беше фатен од полицијата во јануари по три децении во бегство. Шефот на мафијата, кој долго време важеше за најбараниот бегалец во Италија, беше фатен од специјализирана полициска единица во клиниката за рак во Палермо, каде што се лекуваше под лажно име.

Тој беше осуден во отсуство на доживотен затвор за неговата улога во серија сурови убиства и бомбашки напади со автомобили во Италија.

Помеѓу другите злосторства, тој е обвинет и за бомбашките напади со автомобили во 1992 година, во кои меѓу другите беа убиени водечките обвинители против мафијата Џовани Фалконе и Паоло Борселино.

Месина Денаро важеше за блиска доверлива личност на поранешните мафијашки криминални босови Бернардо Провенцано и Салваторе „Тото“ Риина.

Извор: МИА

The post Месина Денаро падна во неповратна кома appeared first on Република.

Матео Месина Денаро  шефот на најозлогласената мафија во светот – Коза Ностра ќе остане запаметен во историјата по овие 10 најсурови убиства.

Првото убиство на 18 години

Неговиот развојен пат не е изненадувачки со оглед на неговото воспитување и однесување во неговите тинејџерски години. Имено, Денаро кој имал надимак „Диаболик“ израснал под покровителство на строгите, но сурови правила на Коза Ностра.

Првиот пиштол го земал пред да ја извади личната карта, а чкрапалото го повлекол кога имал само 14 години.

Три години подоцна, тој пукаше по улиците секој ден, учествувајќи во крвавата војна за превласт во италијанското подземје, која однесе најмалку 32 животи, кога за прв пат ги извалка рацете. Не е познато колку членови на ривалските банди убил.

Според тврдењата на оние од неговото поблиско опкружување, за прв пат бил убиен од човек кој штотуку наполнил 18 години.

Бремена жена на крвавата листа

Крвавата кампања потоа продолжи. Колку станал бездушен говори и тоа што една од неговите жртви била трудница, која ја задавил со голи раце.

Како што пишуваат италијанските медиуми, за да стекне репутација на ладнокрвен убиец, Денаро задавил бремена жена, девојка на неговиот тогашен ривал шеф Винченцо Милацо од Алкамо.

Бомбашки напади и најбруталното убиство

Денаро беше еден од иницијаторите за бомбашки напади на знаменитости во големите италијански градови Рим, Фиренца и Милано. Тогаш загинаа најмалку 10 луѓе.

Еден човек бил сведок на овој немил настан и сакал да го сподели своето знаење. За да го спречи „Диаболик“ го направи она што тогаш беше незамисливо.

Станува збор за убиството на момчето Џузепе ди Матео (12), кое се случило во 1993 година. Во знак на одмазда кон својот татко (кој наводно имал докази против него), Денаро го киднапирал момчето додека се враќало од јавање, што била негова голема љубов. Потоа го мачел, го држел две години во заробеништво и на крајот го задавил и му го фрлил телото во киселина.

Џузепе бил киднапиран на 14 ноември 1993 година откако ја напуштил шталата, а му пришле група мафијаши кои биле облечени како полицајци. Му рекле дека ќе го однесат кај татко му, исто така поранешен мафијаш, кој бил на безбедна локација откако се согласил да соработува со властите, па момчето им поверувало.

Киднаперите го мачеле момчето речиси 800 дена, помеѓу 1993 и 1996 година. Целта на киднаперите била да ја искористат таа уцена за да го фатат Сантино ди Матео, таткото на момчето.

Убиства на судии

Во крвавиот празник на Коза Ностра под палката на Денарo загинаа двајца судии кои се бореа против мафијата.

Едно од мафијашките убиства за кое е одговорна Коза Ностра, а кое привлече најголемо внимание на светската јавност, секако е убиството на судијата Џовани Фалконе, како и на неговиот пријател Паоло Борселино.

Како истакнат борец против мафијата, Фалконе формираше антимафијашка комисија во раните 1980-ти.

Токму тој е одговорен за тоа што тогашниот мафијашки бос Томазо Бушета се согласил да стане еден вид соработнички сведок и да ги открие најголемите тајни на сицилијанското подземје. Поради бројните закани, судијата Фалконе и тогаш беше под полициска заштита, но продолжи да се бори против членовите на мафијата.

Така се нашол на мета на една од најозлогласените мафијашки организации Коза Ностра.
Тој 23 мај 1992 година, членовите на Коза Ностра сокриле 500 килограми експлозив во канал за канализација ископан паралелно со еден од патиштата во областа Капаци.

Кога експлозивот бил активиран, два автомобили полетале во воздух. Како што се испостави, во еден од нив седеше судијата Џовани Фалконе, најистакнатиот противник на Денаро и на мафијата воопшто.

Покрај самиот Фалконе, убиена е и неговата сопруга, како и неговите телохранители, а возачот преживеал со чиста среќа.

Борселино беше убиен само два месеци подоцна, на речиси идентичен начин. Атентаторот безмилосно го застрелал во автомобилот пред куќата на неговата мајка. Покрај него, загинаа уште пет негови телохранители.

The post Убиство на трудна жена, судии и деца: Еве за што ќе лежи во затвор водачот на Коза Ностра appeared first on Република.

Во сицилијанското село Кампобело ди Макара, откриено е второто скривалиште на мафијашкиот бос Матео Месина Денаро.

Тоа скривалиште се наоѓа на само еден километар од првото во Виа Сем Вито во Палермо, каде Денаро ги минал последните месеци во бегство, пренесува „Кориере дела Сера”.

Второто засолниште е еден вид блиндирана соба и во него се пронајдени даночни сметки, дневен распоред и здравствени документи на Денаро.

Скривалиштето е откриено 48 часа по апсењето на Денаро, благодарение на доверлива истрага. Во него биле пронајдени празни кутии, па се претпоставува дека некој ги испразнил откако Денаро бил уапсен.

Главниот обвинител на Палермо, Маурицио Де Лусија, рече дека и ова ќе биде предмет на истрага.

The post Пронајдено второто скривалиште на шефот на Коза Ностра – Денаро appeared first on Република.

Озлогласениот Матео Месина Денаро по 30 години е уапсен од италијанските власти.

Биографијата на „капо ди тути капи“ изобилува со грозните нешта кои ги правел, а една од нив можеби е највпечатлива: Денаро во 1992 година одлучил да ја удави до смрт својата бремена вереница. Во една друга ситуација, за да се ослободи од телото пак на едно 13-годишно момче, син на мафијашот Џузепе ди Матеро, Денаро решил телото по 25 месеци да го раствори во киселина.

Денаро сакал слатки, а додека бегал играл видеоигри. Барем така пишува во книгата „Невидливиот“. Никогаш не бил во затвор. Роден е во местото Трапани на југот во 1963 година. Последен пат полицајците го виделе во јуни 1993 година кога го бркале со автомобил , а тој побегнал скокајќи во морето.

Во тоа време тој веќе го имал напуштено Техничкиот трговски институт Ферињо во неговиот роден град и станал шеф на „Коза ностра“. Мафијата заработувала преку казни кои требало му бидат исплатени нему, но и од дрога и од перење пари. Бил посредник меѓу мафијашките фамилии во Италија и нивните караници. Бил крал на градежната мафија која направила дивоградби долж брегот на неговиот град Кастелветрано. Го организирал атентатот врз познатиот новинар Маурици Констанц во Рим кој завршил неуспешно.

Никогаш не се женел. На Соња, една од неговите девојки, тој ѝ напишал: „Не сакам ни да размислувам за твојата вмешаност во овој лавиринт, од кој не знам како ќе излезам. Не мисли повеќе на мене, не вреди!”

Потоа имал ќерка со една рецепционерка во хотел. Во 2013 година, кога ќерката порасна, таа и нејзината мајка побараа да го напуштат Кастелветрано, а со тоа и криминалниот свет на Месина Денаро. Тој дал согласност, а бил во бегство. Од каде се криел, мафијашкиот бос дал согласност. Според инспекторите, девојката никогаш не го видела својот татко.

Месина Денаро стана дедо на 14 јули годинава. Неговата ќерка родила дете кое не го носи презимето на неговиот татко, туку презимето на неговата мајка. Но, има уште една жена, која отсекогаш била блиска со Месина Денаро: неговата сестра Патриша. Долго време беше таа која му носеше пораки на својот брат. Во 2018 година, таа беше осудена на 14 години затвор за нејзините врски со мафијата.

Инспекторите со години беа убедени дека тој долго време живее далеку од Сицилија, па дури и надвор од Италија. Речиси е сигурно дека во раните 2000-ти, под лажно име, се лекувал во Барселона од дегенеративно заболување на рожницата на окото. Според подоцнежните докази, тој бил во Австрија, Швајцарија, Шпанија, Тунис и секако во Грција, каде во 1994 година заминал на одмор под лажното име Матео Краколиќи.

Повеќе од 100 полицајци „желки“ учествуваа во неговото апсење денеска кое премиерката Џорџа мелони го нарече „голема победа за државата“.

The post Растворил дете во киселина, ја задавил бремената свршеница: Уапсениот бос на „Коза Ностра“ најмногу сакал да јаде слатки appeared first on Република.

Во Италија по 30 години бегство е уапсен главниот бос на сицилијанската мафија Матео Месина Денаро, по кого италијанските власти трагаат по убиството на обвинителот Џовани Фалконе, јавуваат италијанските медиуми.

Месина Денаро наводно е шеф на сицилијанската мафија Коза Ностра.

Денаро, наречен „Дијаболик“, беше уапсен во приватната клиника „Мадалена“ во Палермо додека се подготвуваше „да оди на терапија“, рече командантот на карабинерите.

Тој е син на стар мафијашки бос и е во бегство од 1993 година.

The post Moжеби и тој има македонски пасош?: Падна шефот на Коза Ностра appeared first on Република.