Најдобриот тенисер на светот, Новак Ѓоковиќ, ќе го пропушти Мастерсот во Мадрид (Шпанија), соопшти прес-службата на турнирот.

Причините за откажувањето на тенисерот не се прецизирани. Во главната ждрепка Ѓоковиќ ќе биде заменет со Американецот Мајкл Мо.

Ѓоковиќ претходно неочекувано загуби од сонародникот Душан Лајовиќ во четвртфиналето на АТП турнирот „Српска Опен“ во Бања Лука (Босна и Херцеговина) со резултат 4:6, 6:7 (6:8).

Турнирот во Мадрид ќе се одржи од 26 април до 7 мај.

The post Ѓоковиќ нема да настапи на Мастерсот во Мадрид appeared first on Република.

Со жрепка во Торино денеска е одреден составот на „црвената“ и „зелената‘ група за завршното АТП финале, кое ќе се игра во овој италијански град од 13 до 21 ноември со награден фонд од 14.750.000 долари.

На завршниот АТП Мастерс во Торино ќе настапат осумте најдобро рангирани тенисери поделени во две групи.

Во „црвената“ група се Србинот Новак Ѓоковиќ, руските тенисери Данил Медведев и Андреј Рубљов, како и Стефанос Циципас од Грција.

„Зелената‘ група ја сочинуваат Шпанецот Рафаел Надал, Канаѓанецот Феликс Оже – Алијасим, Норвежанецот Каспер Руд и Американецот Тејлор Фриц, која на турнирот влезе како замена за повредениот светски рекет број 1. Карлос Алкараз од Шпанија

The post Најголемите тениски звезди ќе играат на завршниот Мастерс appeared first on Република.

Во финалето на АТП турнирот во Париз од серијата „Мастерс 1000“ денеска ќе играат 35-годишниот српски тенисер Новак Ѓоковиќ и 19-годишниот Холгер Руне од Данска.

Руне во првото саботно полуфинале го надигра Феликс Оже-Алијасим со 6-4, 6-2, додека Ѓоковиќ беше поуспешен од Стефанос Циципас со 6-2, 3-6, 7-6.

Финалето во Париз ќе биде втор меѓусебен дуел на Ѓоковиќ и Руне, а српскиот тенисер победи во првиот.

Пред финалниот дуел, Ѓоковиќ изнесе комплименти на адреса на Руне, предвидувајќи му на данскиот тенисер успешна професионална кариера.

Малку ме потсетува на мене, има солиден бекхенд, многу добра одбрана и компетитивен е. Во секој поен ги остава срцето и нозете на теренот. Добар е за нашиот спорт, изјави Ѓоковиќ.

The post Ѓоковиќ со комплименти за противникот во финалето во Париз: Малку потсетува на мене appeared first on Република.

Грчкиот тенисер Стефанос Циципас се пласираше во полуфиналето на Мастерсот во Париз. Во два сета тој го победи Американецот Томи Пол со резултат 6:2, 6:4.

Следен ривал на Циципас ќе биде српскиот тенисер, Новак Ѓоковиќ.

Другата полуфинална двојка ја сочинуваат Холгер Руне (Данска) и Феликс Оже-Алијасим (Канада).

АТП Ролекс Мастерс турнирот во Париз се игра за награден фонд од 5,4 милиони евра.

The post Циципас оди на Ѓоковиќ во полуфиналето на Мастерсот во Париз appeared first on Република.

Првите тројца фаворити на Мастерсот во Монтреал загубија во својот прв натпревар на турнирот. Даниил Медведев (1) загуби од Ник Кирјос, Карлос Алкарас (2) од Томи Пол, а Стефанос Циципас (3) од Џек Дрејпер.

Последен пат првите три носители на Мастерс беа елиминирани по првото коло во 1999 година во Индијан Велс. Тогаш тоа беа Пит Сампрас, Евгениј Кафелников и Алекс Корета.

Генерално, до третото коло во Монтреал, останаа тројца најдобри од Топ 10: Каспер Руд (7), Феликс Оже-Алиасиме (9) и Хуберт Хуркач (10).

По ваквиот епилог, Надал на 22 август може да го престигне Медведев и да стане прв светски рекет по Мастерсот во Синсинати.  Русинот не одбрани 1.000 поени на Мастерсот во Монтреал Во понеделник, на најновата ранг-листа, тој ќе има само 125 поени предност пред Александар Зверев, но Германецот нема да може да го помине бидејќи ќе го пропушти Мастерсот во Синсинати, каде треба да ја одбрани титулата и 1.000 поени. Но, Рафаел Надал може да стане лидер на рејтингот. За да го направи ова мора да ја освои титулата, а Медведев да загуби пред четвртфиналето

The post Потоп за фаворитите на Мастерсот во Монтреал appeared first on Република.