Македонскиот политички фактор мора да дефнира национални македонски интереси и црвени линии, тоа што никогаш во минатото не е постигнато, смета претседателот на Движењето ЗНАМ – за Наша Македонија, Максим Димитриевски.

Толку е поларизирана политичката сцена во Македонија што истата е обоена во црно и во сиво. Ние бело немаме видено во државата. Значи сега дефинитивно јас тврдам дека на следните избори најмалку ќе влезе уште една, дополнително две бои коишто ќе го раздвојат тоа сивило. Но она што е најбитно, македонскиот политички фактор мора да дефинира национални, македонски интереси и црвени линии. Тоа што никогаш во минатото не е постигнато во нашата држава. Ние ќе бидеме тие којшто ќе го понудиме тој документ на сите. Доколку сакаат да разговараме за идни соработки, ќе мора да ги усогласиме тие ставови, да удриме потпис, печат сите и да се држиме до тоа, бидејќи тоа треба да го научиме од моноетничките политички партии на Албанците. Кога се работи за нацијата, кога се работи за државата, нема простор за никакви отстапки, бидјеќи Европа нема да ви побегне, таа е тука, таа функционира и работи. Но вие од ден на ден можете и ја губите Македонија. Македонија е суверена држава на сопствена територија со сопствен Устав, каков е таков е, сите мораат да го почитуваат и законите да ни бидат усогласени, рече Димитриевски.

The post Димитриевски: Македонските партии треба да научиме од албанските како се дефинираат црвени линии за македонските национални интереси appeared first on Република.

Градоначалникот на Општина Куманово и идејниот творец на новата политичка опција Движење ЗНАМ - За наша Македонија, Максим Димитриевски ги осудува обвинувањата и нападите на Претседателот на Евроaтланскиот sовет на Македонија, Исмет Рамадани кон „Канал 5“ телевизија во емисијата „Само вистина", за што бара извинување кон медиумот и итна оставка од челната позиција на ЕАСМ.

Обвинување на новинар во емисија за национализам и импутирање на шовинистички наратив е недозволиво особено НЕ кога тоа доаѓа од Претседател на Евроатланскиот совет на Македонија, г. Рамадани. ЕАСМ е организација која ги негува и поддржува Европските и Атлантските демократски вредности а со тоа и слободата на изразување, независно новинарство и медиуми, кои што заложби, во овој случај се косат со искажаните ставови на претседателот на организацијата г. Исмет Рамадани во емисијата „Само вистина“ на ТВ Канал 5. Покрај неопходно извинување потребна е и оставка од челната позиција на ЕАСМ г. Рамадани. Како и секогаш представниците на Владата при недостаток на аргументи за одбрана на оваа власта и сите афери кои ги следат си играат со националните чувства и оваа реторика ја репризираат како во минатото, порача Димитриевски.

The post Димитриевски бара оставка од Рамадани: Недозволиво однесување кое не му доликува на претседател на Евроатлантскиот совет appeared first on Република.