Задолжително носење на заштитни маски во здравствените установи и во домовите за стари лица и забрана на посетите во болниците и во домовите кои згрижуваат стари лица, препорачува Комисијата за заразни болести.

Претседателот на Комисијата Александар Петличковски во изјава за медиумите дадена по седницата на Комисијата рече дека моментално има зголемување на бројот на случаи од грип, но дека во моментот не постои загрозување на општата јавна здравствена состојба.

По однос на состојбата со грип моментално имаме зголемување на бројот на случаи и споредено со минатата недела и споредено со просечниот број на случаи во минатите 13 години. Влезени сме во сезоната на инфлуенца и повторно треба да размислуваме за заштита на највулнерабилните, на најлесно повредливите луѓе, тоа се постарите луѓе над 65-годишна возраст, луѓето со хронични болести и нив ги повикуваме, доколку во минатиот период не завршиле со вакцинација, да се заштитат со примање на вакцина против грип, рече Петличковски.

Грипот, како што посочи, го надминал бројот на случаи на Ковид кој е во опаѓање. Во однос на големата кашлица рече дека во земјава остануваат двата регистрирани случаи.

Директорката на Инфективната клиника, Милена Стевановиќ информираше дека од почетокот на сезоната починати се шест лица со грип.

Последниот случај, станува збор за женско лице на околу 45/46 години со коморбидитети. Во моментот, седум лица се хоспитализирани на Инфективната клиника, петмина со потврда, а за две се чека. Шест лица се хоспитализирани со Ковид-19, појасни Стевановиќ.

https://republika.mk/zivot/zdravje/za-25-protsenti-e-zgolemen-brojot-na-zaboleni-od-grip-vo-odnos-na-minatata-sezona/

The post Расте бројот на заболени од грип, Комисијата препорача носење маски во здравствени установи и домови и забрана на посети во болници appeared first on Република.

Поради трагичниот настан, вчера на вевчанскиот карневал изостана музичкиот дел на дефилето и забавната програма во вечерните часови.

Посебен интерес меѓу маските кои продефилираа привлече маска со која се исмејува маката на Господ Исус Христос, прикажано како носи празни гајби од пиво наредени во форма на крст. На социјалните мрежи имаше бројни критики, а беше прозвана и МПЦ да реагира.

Новинарот Марјан Николовски упати остра критика и осуда. Потсети дека пред неколку години бил сквернавен Исламот и дека имало пракса тоа да не се повторува.

Пред неколку години кога на сличен начин беше сквернавен Исламот, беше воспоставена пракса да се избегнуваат маски со навредлива содржина кон верските чувства. Ова е класично сквернавење на Христијанството и неговиот столб, Распетието и Воскресението. МПЦ, Синодот, владиците, наместо да се занимава со предмети за екскомуникација на новинари, и со седенки со странски амбасадори, уште вечерва да ја осуди оваа маска и да побара одговорност, напиша Николовски кој со години ја следи тематиката поврзана со веронауката.

Бигорскиот манастир упати жестока критика кон организаторите на Вевчанскиот карневал, за, како што велат, исмевањето на Господ.

Длабоко повредени од непристојноста и од богохулното исмевање на Божествената Личност на Господ и Бог и Спасителот наш Исус Христос, воедно и на Сечесниот Крст, на т.н. Вевчански карневал, гласно повикуваме на јавно извинување од организаторите и од учесниците во тоа несреќно светогрдие, како и на превенирање на слични случувања во иднина,стои во реакцијата на Бигорскиот манастир.

Оттаму потсетуваат на случајот кога реакции имаше од припадниците на исламската вероисповед, кој предизвика бурна реакција на муслиманите во Македонија.

Оттука, се прашуваме зошто, имајќи го предвид негативното искуство од минатото, сега некој решил да ги злоупотреби и христијанските симболи и тоа на еден најпонижувачки и најнедостоинствен начин? Секако, според нас, поигрувањето и исмевањето со верските чувства на која било верска деноминација е злодело за кое се одговара не само пред Божјиот, туку и пред државниот суд, се вели во реакцијата на Бигорскиот манастир.

Сметаат дека манифестацијата е потполно туѓа на нашиот менталитет, кога се одбележува споменот на Св. Василиј Велики и почетокот на Новата година според Јулијанскиот календар.

The post Остри критики за маската со Исус и крстот од гајби appeared first on Република.

Во болниците и здравствените домови во Шпанија од утре ќе биде задолжително носењето маски поради зголемувањето на бројот на заболени од респираторни инфекции, соопшти шпанското Министерство за здравство.

Новата левичарска малцинска коалициска влада ја воведува мерката, и покрај противењето на повеќето од 17-те автономни шпански региони.

Шпанската министерка за здравство Моника Гарсија изјави дека тоа е основна и едноставна мерка.

Шпанското Министерство за здравство одлучи да ја воведе мерката откако не постигна договор со регионалните здравствени власти, од кои многумина тврдеа дека употребата на маски треба да се препорачува, но не и да биде задолжителна.

Шест шпански региони веќе ја воведоа мерката, а во последните месеци вообичаено се користат маски на улиците и во јавниот превоз, како и во здравствените домови.

Шпанските болници беа под огромен притисок во последните недели, по наглото зголемување на бројот на случаи на грип, коронавирус и други респираторни заболувања.

The post Во Шпанија се враќаат маските во болниците поради пораст на заразени со грип и коронавирус appeared first on Република.

Портпаролот на Комисијата за заразни болести, д-р Злате Мехмедовиќ денеска информираше дека на состанокот, на која се дискутирало за состојбата со коронавирус, била донесена една препорака – задолжително носење на маските во здравствените установи.

Според него, тоа е со цел да се минимизира можноста за пренесување на заразата, особено онаму каде што имаме загрозени групи кои можат да бидат подложни на тешка компликација, како резултат на инфекција со Ковид-19.

Препораката ќе се достави до Министерството за здравство и министерот Меџити.

Во однос на целокупната ситуација во земјата и бројот на лекови, како и вакцинацијата, било заклучено дека во моментов имаме доволно вакцини и лекови кои што можат да бидат на располагање.

Засега нема препораки за маски во јавниот превоз и домовите за стари лица и лицата со посебни потреби. Околу носењето на маски во аптеките, Мехмедовиќ информира дека во тие објекти, препораките се неформални.

Ова следува после појавата на подваријантата на коронавирусот, Ерис во околните земји, но и зголемениот број на ковид-случаи во Србија.

Според портпаролот на КЗБ, во земјава има мал број на случаи на заразени со Ковид-19. Сепак истакна дека не може лесно да се собере инфективниот материјал кој треба да се обработи.

Во моментов на Инфективната клиника има седум пациенти. Претежно се постари пациенти со коморбидитети и повеќето се на кислородна поддршка, информира д-р Мехмедовиќ.

The post Комисијата за заразни болести препорачува да се врати задолжителното носење на маски во здравствените установи appeared first on Република.

Работната група на српското Министерство за здравство за справување со состојбите од пандемијата на Ковид донесе препораки за постапување на ниво на примарната здравствена заштита и болничките установи, а една од нив е задолжителното носење заштитни маски во сите здравствени установи, јави дописникот на МИА од Белград.

Се одредува задолжително тестирање на Ковид на сите вработени во здравствените установи доколку имаат симптоми на акутна респираторна инфекција и нивна задолжителна контрола и тестирање по утврдена инфекција, се наведува во соопштението на институтот „Батут“.

Во него се додава дека на ниво на болнички установи, задолжително е тестирањето на пациентите како услов за хоспитализација, потребно е тестирање за прием на хематолошки и онколошки одделенија, како и геријатриски одделенија и одделенија каде се лекуваат пациенти со примарна и тешка имунодефициенција.

Воведена е и забрана за посета на болници кои се во надлежност на Комисијата за превенција на болнички инфекции.

Комисиите за превенција од болнички инфекции во здравствените установи се должни во наредните седум дена да направат проценка на епидемиолошката состојба и да предложат мерки, како и редовно да ја следат епидемиолошката состојба.

Во однос на болничките капацитети за сместување на хоспитализирани пациенти болни од Ковид, Работната група зазеде став дека засега не е потребно нивно дополнително проширување.

Во Србија за само три недели, бројот на заразени со корона вирусот е тројно зголемен, а според епидемиолози, реалната бројка е 10-20 пати поголема, бидејќи заболените малку одат на лекар, а уште поретко се тестираат за Ковид - 19.

Според последните официјални податоци, за една недела во Србија имаше 1.529 нови случаи, што е на ниво на статистичка грешка ако се знае дека на почетокот на 2022 година имало речиси 20.000 нови случаи на дневна основа.

The post Се враќаат маските во здравствените установи во Србија appeared first on Република.

Работната група на српското Министерство за здравство за справување со состојбите од пандемијата на Ковид донесе препораки за постапување на ниво на примарната здравствена заштита и болничките установи, а една од нив е задолжителното носење заштитни маски во сите здравствени установи, јави дописникот на МИА од Белград.

Се одредува задолжително тестирање на Ковид на сите вработени во здравствените установи доколку имаат симптоми на акутна респираторна инфекција и нивна задолжителна контрола и тестирање по утврдена инфекција, се наведува во соопштението на институтот „Батут“.

Во него се додава дека на ниво на болнички установи, задолжително е тестирањето на пациентите како услов за хоспитализација, потребно е тестирање за прием на хематолошки и онколошки одделенија, како и геријатриски одделенија и одделенија каде се лекуваат пациенти со примарна и тешка имунодефициенција.

Воведена е и забрана за посета на болници кои се во надлежност на Комисијата за превенција на болнички инфекции.

Комисиите за превенција од болнички инфекции во здравствените установи се должни во наредните седум дена да направат проценка на епидемиолошката состојба и да предложат мерки, како и редовно да ја следат епидемиолошката состојба.

Во однос на болничките капацитети за сместување на хоспитализирани пациенти болни од Ковид, Работната група зазеде став дека засега не е потребно нивно дополнително проширување.

Во Србија за само три недели, бројот на заразени со корона вирусот е тројно зголемен, а според епидемиолози, реалната бројка е 10-20 пати поголема, бидејќи заболените малку одат на лекар, а уште поретко се тестираат за Ковид – 19.

Според последните официјални податоци, за една недела во Србија имаше 1.529 нови случаи, што е на ниво на статистичка грешка ако се знае дека на почетокот на 2022 година имало речиси 20.000 нови случаи на дневна основа.

The post Во Србија поради Ковид воведено задолжително носење маски во сите здравствени установи appeared first on Република.

Работната група на српското министерство за здравство за постапување во услови на пандемијата на ковид донесе на денешната седница препораки за постапување на ниво на примарна здравствена заштита и болничките установи. Една од одлуките е задолжително носење заштитни маски во сите здравствени установи, соопшти Институтот за јавно здравје на Србија.

Исто така е наложено задолжително тестирање на ковид на сите вработени во здравствените установи кои имаат симптоми на акутна респираторна инфекција, како и нивна задолжителна контрола и тестирање по прележаната инфекција. На ниво на здравствени установи, тестирањето на пациентите е услов за хоспитализација, но и за прием на хематолошките и онколошките оддели.

Дополнително, тестирање е нужно за прием на одделот геријатрија и други оддели на кои се лекуваат пациенти со примарни или тешки имунодефициенции. Воведена е забрана за посета на болниците кои се во надлежност на Комисијата за превенција на болнички инфекции.

Комисиите за превенција на болничките инфекции во здравствените установи се должни во следните седум дена да направат проценка на епидемиолошката ситуација и да дадат предлог мерки, како и редовно да ја следат епидемиолошката ситуација. Што се однесува до сместувањето на хоспитализираните пациенти заболени од ковид, работната група зазеде став дека засега не е неопходно нивно дополнително проширување.

The post Србија воведе задолжително носење маски во здравствените установи appeared first on Република.

The post Повторно масовно се носат маски во Њујорк, новиот сој на ковид е се поприсутен во САД appeared first on Република.

Стабилна е состојбата со ковид-19 и со РСВ-вирусот, останува препораката за носење заштитни маски во аптека, болница, јавен превоз и домови за стари лица, соопшти денеска Комисијата за заразни болести.

Комисијата ја разгледала актуелната епидемиолошка состојба во државата и констатирала дека состојбата со Ковид-19 е стабилна, нема зголемување на бројот на позитивни случаи, хоспитализирани и починати.

Ставот на Комисијата е дека четирите мерки, кои се актуелни и се уште се на сила, како што се: носење маска во здравствени установи, аптеки, јавен превоз и домови за стари лица и лица со посебни потреби, одговараат на актуелната епидемиолошка состојба и тие ќе продолжат и во иднина.

Во однос на инфекцијата со РСВ-респираторен синцициски вирус, констатирано е дека состојбата е стабилна, нема зголемување на бројот на новозаболени и хоспитализации, а болничките капацитети ги задоволуваат потребите за укажување здравствена грижа за децата со симптоми.

The post Стабилна е состојбата со ковид-19 и со РСВ-вирусот, маски да се носат во аптека, болница, јавен превоз и домови за стари лица appeared first on Република.

Телевизиските снимки од Светското првенство во Катар на кои можат да се видат навивачи без заштитни маски на лицата предизвикаа гнев кај дел од кинескиот народ, кој сè уште е подложен на нулта толеранција на Ковид-19, додека остатокот од светот живее со коронавирусот.

– Некои посетуваат натпревари на Светското првенство без маски, а други се затворени во своите домови еден месец и не можат да излезат надвор, реагира жител на Гвангдонг на социјалната мрежа Weibo, која е кинески еквивалент на Твитер.

– Кој ми го украде животот? Нема да коментирам, додава авторот на реакцијата поради немилосрдниот пристап на кинеските власти во ограничување на ширењето на ковид заразата.

Кина, во која беше откриен првиот случај на Ковид-19, кон крајот на 2019 година, е последната голема економија во светот која сè уште се обидува да го спречи ширењето на коронавирусот преку затворање цели населени места и наметнување задолжителни тестови за милиони луѓе.

И покрај рестриктивните мерки, бројот на дневни случаи денеска во Кина достигна 29.157, што е близу до националниот рекорд од април оваа година.

The post Кинезите гневни што никој не носи маска во Катар appeared first on Република.

Доколку планиравте да патувате во Црна Гора во следните две недели, треба да знаете дека од вчера во оваа земја важат нови мерки.

Мерките за борба против корона вирусот во Црна Гора се променети од вчера, па носењето маски повеќе не е задолжително никаде освен во здравствените установи, соопшти Министерството за здравство.

Овие мерки ќе бидат во сила во следните две недели.

Како што рекоа од секторот на чело со Драгослав Шќекиќ, поради поповолната епидемиска состојба, обврската за носење заштитни маски во органите на државната управа, локалната самоуправа, јавните установи и другите јавни установи каде директно се даваат услуги на граѓаните се укинува.

Она што е важно за туристите е дека носењето маски повеќе не е задолжително во продавниците и аеродромите, како и на железничките и автобуските станици.

The post Во Црна Гора повеќе не се потребни маски appeared first on Република.

Во Бугарија од денеска заштитните маски се задолжителни во медицински установи, аптеки, оптики, специјализирани установи за давање социјални услуги и во социјални услуги од резиденцијален тип за деца и возрасни.

Маски ќе бидат потребни и при користење на јавен превоз и престој на соодветните постојки/станици кои се во затворени простории. Исклучок од условот за носење заштитна маска е за деца до 6 години.

Со ова се унифицираат антиепидемиските мерки во целата државата, поради фазата на ширење на ковид-19 во моментов. Мерките ќе важат до 18 август.

Во однос на големите комерцијални објекти, од типот на трговски центар, граѓаните треба да носат заштитни маски за лице при посета на индивидуални трговски објекти во рамките на трговскиот центар, но не и во заедничките простории.

The post Од денеска во Бугарија маските се задолжителни во јавниот превоз, медицински установи, градинки appeared first on Република.

Во Германија како дел од мерките за справување со пандемијата на Ковид-19 можно е од октомври на сојузните покраини да им се овозможи да воведат обврска на населението за задолжително носење заштитни маски. Министерството за правда на Германија се огласи по повод нацрт-законот за заштита од инфекции договорен со Министерството за здравство, а што е на сила до 23 септември. Со напомена дека во есенските и зимските месеци се очекува пораст на бројот заболени од Ковид-19, во соопштението се наведува дека се неопходни измени на Законот.

Нацрт-законот што вклучува нови правила, а што би требало да важи за периодот од 1 октомври годинава до 7 април 2023, во текот на овој месец ќе биде доставен до Владата.

Според измените, обврската за носење маски во воздушниот сообраќај и во јавниот превоз низ Германија ќе продолжи да важи и после 1 октомври.

Меѓу другото, на сојузните покраини ќе им биде оставена можноста да воведат мерки за задолжително носење маски на јавни места како би се обезбедило нормално функционирање на здравствениот систем.

The post Во Германија повторно ќе биде задолжително носењето заштитни маски? appeared first on Република.

Во Црна Гора, поради влошување на епидемиската состојба предизвикана од коронавирусот, во следните 15 дена ќе биде задолжително носење заштитни маски, а здравствените власти уште еднаш апелираа до граѓаните да се вакцинираат против Ковид-19.

Директорот на Институтот за јавно здравје Игор Галиќ изјави дека е воведено задолжително носење заштитни маски во сите институции на јавната администрација, продавници за храна, аптеки и бензински пумпи, поради зголемувањето на бројот на заболени и хоспитализирани лица.

Галиќ додаде дека заштитните маски се задолжителни и во затворените места на аеродромот, железничките и автобуските станици и најави дека ќе следи задолжително носење маски во сите затворени места доколку тие мерки не доведат до подобрување на состојбата.

Тој апелираше да се вакцинираат сите кои досега не биле вакцинирани.

The post Во Црна Гора повторно задолжително носење заштитни маски appeared first on Република.

Од денеска во Софија е задолжително носење маски против ковид-19 во болници, социјални домови, аптеки и оптики. Мерките стануваат препорачани мерки за носење маски и во јавниот превоз, јавува дописникот на МИА од Софија.

Засега мерките се воведени само во Софија, се очекува во рок од неколку дена слични правила да објават и други регионални здравствени инспекции на Бугарија. Локалните електронски медиуми јавуваат дека се зголемува процентот на заразени со коронавирус во Бугарија. Регистрирани се речиси 2.300 нови случаи во последните 24 часа од над 9.200 тестови, при што близу 25% од нив имаат позитивни примероци. Починаа 7 лица. Над 63 отсто од новозаразените не се вакцинирани против Ковид-19, покажуваат официјалните податоци на здравствените власти во Бугарија.

Директорката на Националниот центар за инфективни и паразитски болести, Ива Христова, коментира дека сега е време да се воведат антиепидемиски мерки, бидејќи тоа ќе го забави растот на новозаболените и ширењето на Ковид-19. Таа рече дека уште еден скок на коронавирусот се очекува во рок од неколку недели околу крајот на август. Фактот дека во лето има бран по бран, според неа, докажа колку е стабилен вирусот и неговиот сој БА 5.

Познатиот математичар Николај Витанов, кој беше консултант на Националниот штаб против Ковид-19 во Бугарија. на почетокот на пандемијата, коментираше дека голем број новозаразени има во Софија, Варна и Бургас. Според него, причина за ова зголемување е увозот на овој вид на вирусот од Грција. Според неговите пресметки базирани Според официјалните податоци за новозаразените, 5 отсто од бугарските граѓани кои заминале на одмор во Грција се враќаат заразени.

Во Варна и Бургас има голем собир на луѓе и затоа, според Витанов, случаите се зголемуваат. Во моментов 100 лица заразуваат 126, што според него значело дека епидемијата расте.

The post Од денеска во Софија задолжително се носат маски против ковид-19 во болници, аптеки, социјални домови и оптики appeared first on Република.

Министерството за здравство и Комисијата за заштита на населението од заразни болести активно ја следи состојбата со Ковид-19 во земјата, но и активно ги следи состојбите и на европско и светско ниво.

Неспорно е дека во нашата држава се забележува зголемување на трансмисија на коронавирус, но и дека ова е општ тренд што не може да се очекува да не одбегне.

Затоа, иако во моментот состојбата е релативно мирна, со цел да остане таква Министерството за здравство препорачува внимание и преземање мерки за лична заштита. Ова особено се однесува, но не исклучиво, на постарите лица, лицата кои имаат една или повеќе хронични болести, и сите кои имаат намален имунитет поради која било причина.

Во овој период препорачливо е при престојување во затворена просторија подолго време да се носат маски, а лицата од ризичните категории (наведни погоре) маска минимум ФПП2 или Н95 или ФФП3.

Просториите во кои се престојува подолго(канцеларии, занимални во градинки, сали за состаноци и слично), како и спортски објекти, редовно да се провертуваат и да се дезинфицираат.

Да се избегнува непотребно собирање во големи групи и секогаш кога може да се одржува растојание од два метра.

Редовна хигиена и дезинфекција на раце, особено ако кивате и кашлате, а устата ја покривате со дланката наместо со внатрешноста од лактот, како што е препорачано.

Доколку почувствувате некои од стандардните симптоми (сува кашлица, температура, болки во грло, болки во мускулите и слично) веднаш побарајте помош од вашиот матичен лекар и задолжително носете маска.

Во Здравствените домови ширум државата веќе е зголемен бројот на термини за тестирање на пациенти, а само во ЗД Скопје тестирање се врши во пет пункта.

Исто така, се уште најефикасна заштита од развој на потешки форми на ковид и хоспитализација останува вакцинацијата против ковид. Така што, за целосно заштитени се сметаат тиeкои имаат примени две дози вакцини и дополнителна, т.е. бустер доза. Сите оние кои не се вакцинирале или не го завршиле целиот вакцинален циклус, се препорачува истото веднаш да го направат, а кај оние кои поминале четири месеци од бустер дозата им се препорачува и второ бустирање.

Потсетуваме дека на сила е се уште обврската за носење маски во јавен превоз, здравствени установи, аптеки и домови за стари лица.

На крајот, а во услови на регионална и светска експанзија на вирусот, колку поголема лична одговорност покажеме, толку поголеми се шансите овој бран и поединечно и колективно полесно да го поминеме, односно да не дојдеме во состојба да мора повторно да се активираат некои мерки, а што е веќе случај во некои држави.

The post Комисијата за заразни болести со препораки за маски во канцеларии и дезинфекција appeared first on Република.

Од петок на Кипар се враќа задолжителната маска во затворените простори, откако кипарската Влада на денешната седница го прифати предлогот на Министерството за здравство за враќање на конкретната мерка, јави дописничката на МИА од Атина.

Одлуката доаѓа поради зголемениот број случаи на Ковид-19 во изминатите денови, а според податоците од Министерството за здравство на Кипар од 25 јуни до вчера биле регистрирани 19.503 позитивни случаи од вкупно 147.623 тестови со 13 отсто стапка на позитивност.

Од Министерството соопштуваат дека маската ќе биде задолжителна за сите над 12 годишна возраст, а за непочитување на мерката предвидена е казна од 300 евра

The post Кипар ја враќа задолжителната маска на затворено appeared first on Република.

Поради новиот летен бран на инфекции со коронавирусот, повеќето Австријци би сакале да се вратат на носење маски на јавни места.

Веќе со денови во Австрија се регистрирани меѓу 7.000 и 9.000 новозаразени, а се предвидува дека оваа бројка ќе продолжи да расте.

Истражувањето на јавното мислење на Институтот ОГМ покажува дека 55 отсто од Австријците би го поддржале враќањето на обврската за носење маски FFP2 на јавни места, како што се супермаркети, институции и јавниот превоз.

Од друга страна, 40 отсто се против, а пет отсто не сакале да коментираат на оваа тема.

Најмногу поддржувачи за враќање на обврската за носење маски има кај лицата постари од 50 години, бидејќи во таа возрасна група 66 отсто сакаат да ги вратат маските.

Само 47 отсто од оние помлади од 30 години го сакаат тоа.

The post Австријците сакаат враќање на обврската за носење маски на јавни места appeared first on Република.

Задолжителната маска во затворените простори во Грција од утре се укинува, а исклучок се болниците, домовите за стари лица и јавниот градски превоз, додека пак во текот на оваа седмица ќе се донесе одлука за протоколите за бродовите и траектите, јави дописничката на МИА од Атина.

Одлуката ја соопшти министерот за здравство на Грција Танос Плеврис пред две седмици и рече дека е привремена, односно ќе важи до 15 септември 2022 година.

Укинувањето на задолжителната употреба на маска значи дека нема да се изрекува административната казна, но сепак останува охрабрувањето и препораката, дека ќе треба да се користи маската во сите простори, особено за населението кое припаѓа на ранливите категории, рече тогаш Плеврис.

Маската повеќе нема да биде задолжителна за затворените простори, како што се супермаркетите и продавниците, но и за авионите и за превозните средства со нумерирани седишта, односно возовите и меѓуградските автобуси.

Задолжителна останува во болниците, домовите за нега на стари лица и слични институции, како и во јавниот градски превоз, како што се автобусите, метрото, трамваите и тролејбусите.

Маската, воедно е и последната мерка што важеше во Грција, со што летото ќе биде целосно слободно и без никакви ограничувања.

The post Од утре без маски во затворено во Грција appeared first on Република.

Маската во затворен простор во Грција и понатаму е задолжителна до крајот на месецов, а според министерот за здравство, надлежната комисија на епидемиолози, утре ќе донесе препорака за евентуалното укинување по 1 јуни, јави дописничката на МИА од Атина.

Министерот за здравство на Грција Танос Плеврис во интервјуто за грчката телевизија „Скај“ рече дека ги очекуваат одлуките на Комисијата и во однос на тоа во кои внатрешни простори, маската и понатаму би била задолжителна.

Утре Комисијата ќе дискутира за употребата на маска од 1 јуни и очекуваме да ги слушнеме позициите на експертите. Маската сигурно ќе остане во некои внатрешни простори, како на пример болниците, рече Плеврис

Додаде дека Комисијата ќе ја разгледа и препораката од ЕУ, маската да не е задолжителна во авионите и на аеродромите.

Во однос на пандемијата истакна дека се уште не е завршена и „треба да сме подготвени, бидејќи можеби на есен ќе биде потребно повторно да се преземат мерки“

The post Комисијата на епидемиолози во Министерството за здравство на Грција утре ќе одлучува за маската на затворено appeared first on Република.