Директорот на Универзитетскиот клинички центар на Србија, Милика Ашанин, изјави дека од деветте пациенти ранети во престрелките во Младеновац и во основното училиште „Владислав Рибникар“, тројца пациенти се во тешка состојба, пренесува Н1.

Тој за Српската радио-телевизија изјави дека имаат шест пациенти од престрелката во Младеновац, дека сите лица на кои им бил опериран абдоменот се добро, а две лица се во тешка состојба.

Според него, во тешка состојба е пациентката со тешка повреда на внатрешните органи, како и пациентката со повреда на главата, но и двајцата се свесни.

Ашанин рече дека лекуваат тројца пациенти од училиштето „Владислав Рибникар“, дека еден пациент со повреди на вратот и ‘рбетот е во тешка состојба, а ученичката и наставничката се многу подобри.

Како што јави РТС, девојчето кое беше повредено во пукањето во училиштето, а кое се лекува во детската болница во Тиршова, е во животна опасност.

The post Од деветмина ранети во двата масакри во Србија, тројца се во тешка состојба appeared first on Република.

Доста е масовните масакри и пукања во САД, смета американскиот претседател Џо Бајден, кој во синоќешното обраќање до нацијата побара од Конгресот низа мерки, меѓу кои и да се зголеми возраста за купување оружје.

Видете, знам дека некои луѓе ќе речат „18-годишниците можат да служат во војска и да пукаат од такво оружје“, но тоа е со обука и надзор од најдобро обучените експерти во светот. Не ми кажувајте дека зголемувањето на возраста нема да направи разлика. Доста е – рече Бајден за време на телевизиското обраќање по повод справувањето со оруженото насилство.

Институциите во САД си ја префрлаат топката околу воведување мерки за купувањето оружје. Белата куќа го назначи Конгресот за одговорен за носење на законите, но факт е дека републиканците и некои умерени демократи ги блокираат таквите закони со години, без разлика што мнозинството Американци сакаат оружјето да се стави под контрола.

Законот ќе мора да помине и во Сенатот, каде има 50 демократи и 50 републиканци, а законот мора да има 60 гласа.

The post Бајден: Доста се масакри и пукања, Конгресот да презеде мерки! appeared first on Република.