Музичарот Мартин Филиповски од дуото „Некст Тајм“ стана татко. Неговата сопруга, ракометарката Андреа Белеска на свет донесе девојче кое го доби името Лиана.

Мартин и Андреа се заедно од 2015-та година, а во 2022-ра година тој ја запроси ракометарката во интимна атмосфера.

Потоа, црковната венчавка се одржа во родниот град на ракометарката Андреа во Кичево.

Инаку, Мартин и Андреа неколку години ја одржуваа врската на далечина.

Андреа прво играше за ракометниот клуб „Металург“, за турскиот клуб „Јенимале“, романската „Валчеа“, шведскиот „Боден“ и грчкиот „ПАОК“.

The post Светот во раце, добредојде Лиана: Мартин од „Некст Тајм“ стана татко appeared first on Република.

Почесниот конзулат на Малта во Македонија, по добиени информации од медиумите за трагичната несреќа на млад Македонец на Малта, стапи во контакт со семејството на загинатиот Мартин Костов.
Семејството беше информирано дека почесниот конзулат ќе обезбеди се што е потребно во постапката за враќање на телото во татковината.
Конзулатот, во соработка со надлежните дипломатски претставници во Валета, ќе пружи итна и целосна поддршка за реализирање на процедурите кои се задолжителни во меѓународни рамки за вакви трагични случаи.
Почесниот конзул, Кочо Анѓушев во телефонски разговор со семејството, во овие моменти на неизмерна тага, изрази длабоко сочувство за ненадоместливата загуба и најави дека покрај асистенцијата на Конзулатот, тој лично ќе пружи финансиска помош за семејството.

The post Почесниот конзулат на Малта ќе ги превземе сите активности за враќање на телото на Мартин appeared first on Република.

И денеска продолжува потрагата во поширокиот дел на Халкидики и во Егејското Море за пронаоѓање на Мартин, кој пред точно две седмици, исчезна кај Посиди на првиот крак, откако со двајца пријатели влегле во морето.

Волонтерскиот спасувачки тим ОФКАТ вели дека продолжуваат со потрагата не само во морскиот дел, туку и од воздух со помош на авион од аеро- клубот во Солун, кој денеска ќе го прелета и делот околу Еврос и островот Тасос.

Членовите на ОФКАТ од првиот момент се на терен, секојдневно веќе 15-ти ден пребаруваат во различни делови, како на копно, така и во вода, а нивната потрага продолжи и по завршувањето на официјалната потрага што ја водеше крајбрежната служба на Грција.

Христос Рамос, претседател на грчкиот волонтерски спасувачки тим изјави дека нема да запрат додека не го најдат Мартин

-Оваа изјава ја дадов уште од самиот почеток и е ветување што му го дадов на семејството на Мартин.

Официјалната потрага на Крајбрежната служба на Грција заврши минатиот четврток на 14 јули, а акцијата продолжи од волонтерски спасувачки тимови.

The post Две недели откако Мартин исчезна на Халкидики, авион денеска ќе го прелета и делот околу Еврос и островот Тасос appeared first on Република.

Потрагата по Мартин, кој на 9 јули исчезна во морето кај Посиди на првиот крак на Халкидики, продолжува и денеска, спасувачите волонтери не запираат со потрагата, а претседателот на грчкиот волонтерски спасувачки тим ОФКАТ, Христос Рамос во разговор со дописничката на МИА од Атина вели дека нема да запрат сè додека не го најдат исчезнатиот.

Членовите на ОФКАТ од прв момент се на терен, секојдневно веќе 13-ти ден пребаруваат во различни делови, како на копно, така и во вода, а нивната потрага продолжи и по завршувањето на официјалната потрага што ја водеше Крајбрежната служба на Грција.

Секако дека и денеска продолжува потрагата и нема да заврши сè додека не го најдеме Мартин. Оваа изјава ја дадов уште од самиот почеток и е ветување што му го дадов на семејството на Мартин - истакна Рамос за МИА.

Од ОФКАТ, на нивниот официјален Фејсбук профил вчера објавија фотографија од црни шорцеви, најдени во близина на Катерини, слични на оние на Мартин. Фотографијата им ја испратил граѓанин, кој, за жал, не ги задржал шорцевите.

Не успеавме да го најдеме костимот за капење. За жал човекот кој го фотографирал не го земал. Ние бевме на местото каде што ни кажа човекот, заедно со хотелот го пребаравме целиот дел, во трските, ѓубрето, но не го најдовме - рече Рамос.

Претседателот на ОФКАТ, за МИА објасни дека со оглед на тоа што шорцевите биле во близина на Катерини, потрагата се префрли во конкретниот дел, односно вчера биле во делот на Макријалос, Метони, Аликес од страната на Катерини, а денеска ќе пребаруваат од спротивната страна, односно во Солунскиот Залив во делот на Епамони, Каликратија, Созополи, Ираклија…

Во потрагата по Мартин помагаат и лица од  Македонија, со дрон и спасувачи кои пребаруваат на

Во попладневните часови на 9 јули започна спасувачка акција кога тројцата државјани на Македонија влегле во морето на плажата Мити во Посиди на првиот крак на Халкидики, а поради лошото време се нашле во беспомошна ситуација и се оддалечиле од брегот.

Еден од тројцата пријатели, 25-годишниот Васил беше спасен истиот ден по поминати околу два часа во вода, додека пак ден подоцна, по околу 20 часа во морето, беше пронајден и 30-годишниот Иван, додека пак потрагата по третиот пријател, Мартин, продолжува веќе 13 дена.

Иако вообичаена пракса на грчката Крајбрежна служба е потрагата да трае 72 часа, односно три дена по исчезнувањето, овој рок беше продолжен по официјалното барање од македонска страна и телефонскиот разговор меѓу шефовите на дипломатиите на двете земји Бујар Османи и Никос Дедниас.

Официјалната потрага на Крајбрежната служба на Грција заврши минатиот четврток, а акцијата продолжи и продолжува од волонтерски спасувачки тимови.

The post Спасувачката мисија нема да запре сè додека не биде најден Мартин appeared first on Република.

Граѓанин на плажата Катерини вчера пронајде шорц заплеткан во алги, го фотографила но не го задржал, поради што спасувачите вчера го бараа подолго време но не го пронајдоа.

Потрагата по 31-годишниот Мартин Јовановски, на Халкидики се уште трае. Тој исчезна пред 13 дена од плажата Мити во Посеиди, додека неговите двајца пријатели Васил и Иван се спасени. Надежите за пронаоѓање на нови траги од момчето од Скопје ги подгреа вчерашното откривање на црн шорц, сличен на оној кој Мартин го носи на последната негова фотографија, направен на денот на исчезнувањето, 9 јули, во водите на Егејското море.

Граѓанин кога ги видел шорцевите, заплеткани меѓу алги на плажата Катерини направил само фотографија од нив, но не ги задржал за да се проверат, па спасувачите од ОФКАТХ вчерашниот ден го поминаа во потрага по изгубените шорцеви за капење, но не ги пронајдоа, зошто веројатно брановите ги одвлекле понатаму.

Човекот ми ја испрати фотографијата со костим за капење меѓу алги, но за жал не ги задржал. Пристигнавме на самото место и со помош на спасувачкиот тим Пиерија – ДОП, кој ни го даде чамецот, ја пребаравме областа до делтата Аксиос, но залудно - изјави Христор Рамос, шеф на спасувачката служба ОФКАТХ.

Конкретно, потрагата на спасувачите со чамецот била ориентирана кон Коринос, Пидна, Аликес Китроу до устието на Аксиос покрај морето, но никаков знак од Мартин не бил пронајден.

Но, оваа фотографија беше доволна семејството да верува дека е на Мартин. „Кога го видела мајката на 31-годишниот, рече дека личи на костимот за капење што го носел Мартин“, истакна шефот на ОФКАТХ.

Досегашната потрага по Мартин во која се вклучени освен грчките крајбрежни служби со спасувачи, бродови и дронови, на Халкидики се мобилизирани и македонски граѓани кои доброволно се вклучија во потрагата.

Досега сите потраги се неуспешни, но активни.

The post Црни шорцеви на плажата Катерини ги подгреаа надежите за пронаоѓање на Мартин appeared first on Република.

Не можам да се вратам дома без брат ми, вели Горан Јовановски, брат на Мартин (31) кој пред 11 дена исчезна во морето на Халкидики.

Мартин со двајца пријатели исчезна во водата на плажата Посеиди, кога ги однеле силните струи. Едниот беше извлечен по неколку часа, а другиот пронајден по 20 часа потрага. Од Мартин, пак, сè уште нема ни трага ни глас.

Неговото семејство минатата недела пристигна во Грција и оттогаш учествуваат во континуираната потрага по Мартин.

Горан дошол во Грција со пријатели и доброволци од родниот крај, за што побрзо да го најде својот брат. Со него се неговата мајка, сопругата и нивното десетмесечно бебе, објави „Прес24“.

Десет дена активно трагаме по брат ми и засега нема резултати, ништо - очаен е Горан.

Тој истакнува дека потрагата по Мартин е многу скапа и побара помош од Грците и локалната власт, истовремено заблагодарувајќи им се на волонтерите кои несебично помагаат сите овие денови.

Пребарувањето станува многу скапо. Изнајмуваме авиони, подводни дронови со термални камери, чамци. Сето тоа станува финансиски неодржливо за моето семејство. Сакам да им се заблагодарам на волонтерите кои дојдоа од Македонија, на грчките спасувачи волонтери кои беа со нас цело ова време и на сите луѓе кои уплатија донации од целиот свет. Не можевме ништо без нив. Благодарни сме и на грчката влада која ја прошири истрагата - вели Горан.

Тој вели дека тој и неговото семејство се „заробени“ во туѓа земја, чиј јазик не го знаат.

Не можам да одам дома без брат ми. Не можам ништо да ѝ кажам на мајка ми. Како да си одам дома без брат ми? Затоа барам грчката влада да ни помогне на кој било начин, со авиони, дронови, хеликоптери… Во потрагата можат да помогнат и цивили со нивните чамци. Може да помогнат и граѓаните со дронови. Имаме ограничен број луѓе, а треба да се пребара голема површина - вели братот на исчезнатиот млад човек.

Спасувачките доброволци велат дека нивниот подводен дрон е вклучен во потрагата и тие ќе дадат сè од себе да го пронајдат Мартин.

The post Братот на исчезнатиот Мартин очаен на Халкидики: Не можам да си одам без него, што ќе ѝ кажам на мајка ми appeared first on Република.

Продолжува потрагата по младиот Мартин...

Како што објави невладината организација ОФКАТХ вече осми ден се трага по скопјанецот Мартин Јовановски (31) исчезна пред седум дена кога заедно со двајца негови пријатели беа однесени од морските струи на плажата во Посеиди, на Халкидики.

The post Осми ден потрага по Мартин: Се вклучија и доброволци од Скопје appeared first on Република.

Скопјанецот Мартин Јовановски (31) исчезна пред седум дена кога заедно со двајца негови пријатели беа однесени од морските струи на плажата во Посеиди, на Халкидики.

Едното момче беше пронајдено истиот ден, додека другиот, Иван успеал да преживее на отворено море благодарение на волјата и малата топка со чија помош се држел на површината додека не го пронајдат.

Мартин го нема веќе седум дена, а иако е долг период, се уште постои надеж дека ќе биде пронајден жив и здрав.

Ова се зборовите во објавата на Ана Николиќ – администраторката на страницата „Во живо од Грција“ во кој се наведува дека луѓето од Македонија ќе ја продолжат потрагата по младиот човек на доброволна основа, со помош на дронови и двогледи.

На некои грчки вести беше објавено дека, за жал, потрагата на Халкидики по 28-годишниот исчезнат во Посиди денеска е прекината, но еве едно појаснување. Потрагата е завршена од пристанишните власти и е сега е преземен од полицијата. Сите бродови кои пловат на поширокото подрачје се известени дека треба да пријават доколку забележат нешто и тоа е таканаречената втора фаза од потрагата. Од друга страна, волонтери од Македонија се организираат и доаѓаат на Халкидики да помогнат во потрагата. Тие вчера се собраа на плоштадот во Скопје и одлучија денеска на Халкидики да дојдат шест лица, се вели во објавата на Фејсбук.

Како што истакнуваат за „Voria.gr“ луѓе од семејството на Мартин, има многу кои пројавиле интерес да и помогнат на истрагата со своето физичко присуство.

Конкретно, како што наведуваат, на Халкидики се очекува пристигнување на луѓе со дронови, двогледи и друга опрема за лоцирање на исчезнатите, додека организаторите бараат луѓе кои го познаваат грчкиот јазик за да имаат најдобра можна комуникација со локалните волонтери.

Како што веќе беше познато, братот на Мартин, кој од САД пристигна на Халкидики, како и неговиот пријател Иван, отворија банкарска сметка чии пари ќе помогнат во потрагата.

На местото на настанот е мајката на Мартин, чија психичка состојба е разбирливо, многу тешка.

Христос Рамос, кој ја води потрагата по 31-годишникот, цитирајќи ги зборовите на неговиот брат побара од нив да се подготват за голема операција, нагласувајќи дека ќе направи се што е потребно за да го лоцира Мартин.

Како што посочува, денеска е во тек голема потрага со три пловечки пловила, авиони и дронови од брегот.

The post Волонтери од Скопје на Халкидики ќе го бараат исчезнатиот Мартин со дронови и двогледи appeared first on Република.

На социјалните мрежи македонските граѓани се мобилизираат за потрагата по 31-годишниот Мартин кој во неделата исчезна во водите на Егејското Море од плажата Мити на Халкидики.

Потребно е едно доброволно лице, односно една кола, кој ќе се нафати да отиде до Халкидики утре. Покриено е патен трошок, смештај и јадење, целта е да се однесе опрема и лица, стручни спасувачи, кои ќе помогнат во барањето. Најверојатно ќе се остане цел викенд. Битно е да е поголема кола, караван или џип со цел да собере повеќе опрема, стои во објава на Фејсбук групата „Сите за Мартин“ и веќе се пријавуваат и возачи со сопствени возила.

Почитувани Хуманитарци потребни се повеќе двогледи за утрешната екипа која ќе тргне за Халкидики во потрага по Мартин. Ќе бидат вратени соодветно со крајот на потрагата. Поради брзото организирање ве замолуваме да ни ги предадете во Центар или Аеродром – Скопје, објавија од страната Хуманитарни акции.мк

Вчера бил одржан и собир за помош и поддршка за потрагата по Мартин, при што идентификувана е потреба од луѓе кои знаат грчки, екипа со дронови (клубови, поединци и слично), луѓе со параглајдери/ Воздухопловни екипи, бродски клубови, едрилици, чамци, глисери и слично како и финансиски донации за гориво за воздухопловните и водените пребарувачи и за волонтерите, бидејќи официјалната потрага од државата е значително намалена после четвртиот ден.

Контактирајте ваши познаници, фирми и кој било што мислете дека може да придонесе и помогне на кој било начин. Да ги тагираме надлежниве институции на сите објави, да бидеме што побројни и погласни. Да се чуе нашиот глас насекаде! Секоја помош е добродојдена. Да направиме се што е во наши раце за потрагата да продолжи и нашиот Мартин да се врати! Однапред благодариме за секоја ваша помош, стои во овој апел.

The post Возила со доброволци и опрема од Македонија тргнаа кон Халкидики, да помогнат да се најде Мартин appeared first on Република.

Шести ден ни трага ниту глас од Мартин Јовановски кој од саботата изчезна во водите на Егејското море. Потрагата продолжува со полн интензитет, но и натаму без епилог. Неговото семејство е во болка и исчекување, мајка му веќе неколку дена е на Халкидики во надеж дека нејзиното дете ќе се појави живо и во добра состојба. Се очекува да пристигне и неговиот брат кој кажа дека е спремен да направи се, само за да се најде Мартин.

Спасувачките служби се со надеж дека со доаѓањето на нејзиниот втор син таа ке си ја врати силата и вербата дека Мартин сепак ќе биде пронајден.

Роднините на Мартин апелираат до граѓаните да бидат хумани и да помогнат финансиски бидејки истрагата носи многу трошоци сама по себе

Иван кој втор беше пронајден после невремето отвори и донаторска сметка за да се соберат повеќе средства што ќе се употребат во потрагата по Мартин и да се олесни товарот на неговата фамилија, да не биде сама во оваа трагедија.

The post Шести ден ни трага ни глас од Мартин кој од саботата изчезна во водите на Егејското море appeared first on Република.

Крајбрежната служба на Грција и спасувачките екипи и денеска, шести ден по ред, ја продолжуваат потрагата по исчезнатиот македонски државјанин на Халкидики, јави дописничката на МИА од Атина.

Од Министерството за надворешни работи на Македонија синоќа соопштија дека „како и досега во потрагата ќе бидат вклучени неколку брода на грчката крајбрежна стража, хеликоптер, како и возило на копно и волонтери од локалното население“.

Паралелно, додадоа, дека нашите претставништва остануваат во интензивен контакт со надлежните институции на Грција и семејството на исчезнатиот.

Вообичаена пракса на грчката крајбрежна служба е потрагата да трае 72 часа, односно три дена по исчезнувањето, меѓутоа овој рок беше продолжен по телефонскиот разговор меѓу шефовите на двете дипломатии Бујар Османи и Никос Дедниас.

Спасувачката акција и потрагата започнаа во саботата во попладневните часови, кога тројцата државјани на Македонија влегле во морето на плажата Мити во Посиди на првиот крак на Халкидики, а поради лошото време се нашле во беспомошна ситуација и се оддалечиле од брегот.

Дел од присутните на плажата забележале дека капачите ги снемало и веднаш ја информирале крајбрежната служба, по што започна и акцијата.

Еден од тројцата пријатели, 25-годишниот Васил беше спасен во саботата по поминати околу два часа во вода, додека пак во неделата, по околу 20 часа во морето беше пронајден и 30-годишниот Иван. Се трага по Мартин…

The post Шести ден: Продолжува потрагата по исчезнатиот Мартин на Халкидики appeared first on Република.

Според информациите на грчките надлежни служби, потрагата по нашиот исчезнат државјанин во Грција продолжува и утре, шести ден.

https://republika.mk/vesti/makedonija/donirajte-ivan-apelira-da-mu-pomogneme-na-semejstvoto-na-martin/

Како и досега во потрагата ќе бидат вклучени неколку брода на грчката крајбрежна стража, хеликоптер, како и возило на копно и волонтери од локалното население.

– Нашите претставништва остануваат во постојан контакт со надлежните институции на Грција и семејството на исчезнатото момче, и секоја нова информација навремено ќе биде пренесена, информираа од Министерството за надворешни работи.

The post Продолжува потрагата по Мартин во Грција, семејството и другарите молат за помош appeared first on Република.

Министерството за надворешни работи информира дека според информациите на грчките надлежни служби, потрагата по нашиот исчезнат државјанин во Грција продолжува и утре, шести ден.

„Како и досега во потрагата ќе бидат вклучени неколку брода на грчката крајбрежна стража, хеликоптер, како и возило на копно и волонтери од локалното население.

Нашите претставништва остануваат во постојан контакт со надлежните институции на Грција и семејството на исчезнатото момче, и секоја нова информација навремено ќе биде пренесена“, велат од МНР.

https://republika.mk/vesti/makedonija/donirajte-ivan-apelira-da-mu-pomogneme-na-semejstvoto-na-martin/

The post Бродови на грчката крајбрежна стража, хеликоптер и возило на копно активни во потрагата на Македонецот во Грција appeared first on Република.

Почитувани,
Јас, Иван второпронајдениот од тројцата изчезнати во Грција, во име на семејството на Мартин кои се во активна потрага, отворив наменска донаторска сметка за собирање на средства. Доколку сте во можност, би ве замолил за ваша донација за што побргу да ја завршиме оваа потрага и да им го олесниме товарот на неговата фамилијата.

Ве молам споделувајте
За донации од Македонија :
200003989311717
Стопанска Банка АД Скопје
Цел на дознака: Донација за Мартин
Шифра на плаќање : 562
За донации од странство :
IBAN : MK07200003989312202
SWIFT CODE : STOBMK2X
Stopanska Banka AD Skopje
---------------------------------------------------
Dear everyone,
I am the second person found among the 3 people that were lost at sea in Halkidiki. On behalf of Martin's family who is actively searching, we have opened a dedicated donor account to raise funds. If you are able, I would like to sincerely ask for your donation so that we can finish this search as soon as possible and ease the burden on his family. Thank you for your understanding.
For donations from Macedonia:
200003989311717
Stopanska Banka AD Skopje
Purpose of remittance: Donation for Martin
Payment code: 562
For donations from abroad:
IBAN: MK07200003989312202
SWIFT CODE : STOBMK2X
Stopanska Banka AD Skopje

The post Донирајте: Иван апелира да му помогнеме на семејството на Мартин appeared first on Република.

Горан Јовановски, брат на исчезнатиот Мартин, ја сподели фотографијата направена на денот на неговото исечзнување во Егејско Море на плажата Посиди, на првиот крак од Халкидики.

Тој апелира фотографијата да се споделува, за да помогне околу потрагата по неговиот брат.

Ова е сликата направена од денот на исчезнувањето на мојот брат. Потрагата сè уште е во тек меѓутоа со многу намален капацитет. Потребна ни е поголема покриеност од воздух, копно и вода. Доколку некој има било каква информација и е во можност на било кој начин да помогне во потрагата по мојот брат, слободно исконтактирајте ме. Ве молам споделете ја фотографијата за волонтерите што помагаат да имаат појасна слика, пишува Јовановски.

Повеќе тука 

The post Братот ја сподели последната фотографија од Мартин пред исчезнувањето appeared first on Република.

Денеска на Халкидики во напорите за лоцирање на 31-годишниот Мартин влегуваат воздушен дрон и куче трагач, објавија грчките медиуми. На петтиот ден од потрагата по Јовановски остануваат вклучени властите и волонтери.

Според информациите на Voria.gr, два воздушни дрона на ОФКАТХ како и куче спасител со дресерката Марија Арманиду денеска ќе се обидат да го лоцираат 31-годишниот Мартин кој отишол на Халкидики со група од десетина луѓе на одмор и за да го прослави роденденот на 30-годишниот Иван, кој пак бил првиот кој нурнал за да го спаси кога тој очајно барал помош заедно со нивниот друг пријател, 25-годишниот Васил, кога морските струи ги однеле.

Денеска ќе продолжат да дејствуваат и пешадиските единици на спасувачите.

Дрон ќе ја пребарува областа кон Аја Параскеви бидејќи е непристапна и не може да се стигне со подводниот дрон.

Капетанијата на пристаништата ги продолжува увидите за лоцирање на 31-годишникот со брод, иако помина третиот 24-часовен рок што го предвидува грчкиот закон. Но по комуникацијата на македонскиот министер за надворешни работи Бујар Османи со грчкиот колега Никос Дендиас, потрагата ќе продолжи и по законскиот рок од 72 часа.

Во исто време, неговиот брат Мартин со објава на социјалните мрежи ја пренесува страшната мака што ја доживува тој, нивната мајка и другите членови од семејството на 31-годишниот.

Меѓу другото, тој се заблагодари на македонскиот конзулат во Солун за координирање на истрагите како и на спасувачите на ОФКАТХ за континуираната помош во потрагата на отворено море за лоцирање на неговиот 31-годишен брат.

Упатувам голема благодарност до ОФКАТ екипата на спасувачи од Грција и до Генералниот конзулат во Солун, кои изминатите три дена се заедно со нашето семејство во потратата по нашиот Мартин. Мојата мајка и нашето семејство и пријатели сè уште веруваме и се надеваме дека Мартин е жив и ја чека нашата помош и затоа апелираме нашата влада и нашето Министерство за надворешни работи да се најде начин да продолжи потрагата, бидејќи според грчките закони потрагата од нив ќе заврши денеска, на четвртиот ден. Затоа апелираме Владата да помогне и воедно ги молиме македонските граѓани да помогнат доколку се во можност, а за чија помош би можела Владата да организира некаква акција. Не смееме да дозволиме да се откажеме додека не се пронајде Мартин, вели тој и апелира овој негов апел да се споделува.

Кога мајката на Мартин дознала за исчезнувањето на нејзиниот син била во САД за да го посети другиот син, каде тој работи како готвач, но пресиноќа пристигнала во Солун, а вчера се упати во Неа Скиони за да биде поблиску до службите кои трагаат по нејзиниот сакан Мартин.

Потрагата на доброволците за лоцирање на 31-годишниот Мартин во поширокото море во Посиди продолжуви и вчера, но без резултат. Крајбрежната стража засега ја прекина потрагата поради временските неприлики.

The post Потрагата по Мартин на Халкидики продолжува со дронови и куче трагач appeared first on Република.

Потрагата на Халкидики за пронаоѓање на последниот исчезнат македонски турист продолжува утринава со учество на патролен брод на крајбрежната стража, како и на волонтери – спасувачи, откако во текот на вчерашниот ден беше вклучен и подводен дрон.

Мајката на Мартин апелираше до спасувачите на волонтерската служба ОФКАТ да не престанат да бараат ниту една минута, а со солзи во очите постојано им вели „сѐ што сакам е да го најдете моето дете, пренесуваат грчките медиуми.

Подводниот дрон е голема помош во потрагата по Мартин, но струите се многу силни

Воедно, братот на Мартин во објава на Фејсбук вчера порача „иако поминаа четири дена, не губиме надеж и продолжуваме да бараме“.

Претседателот на ОФКАТ, Христос Рамос, нагласи дека спасувачите вложуваат натчовечки напори да го најдат момчето и да го вратат кај неговото семејство.

Информациите од Иван и поволните услови се надеж за пронаоѓање на Мартин – најблиските и спасувачите имаат верба.

Вчера од болница беше отпуштен 30-годишниот Иван, кој помина околу 19 часа во морето пред да биде спасен.

Мартин и неговите двајца пријатели биле на одмор на Халкидики кога во саботата попладне, славејќи го роденденот на нивниот 30-годишен пријател Иван, завршија во водата борејќи се за да преживеат. Иван беше пронајден во неделата напладне, а првиот исчезнат, 25-годишниот Васил, веднаш го лоцирала крајбрежната стража.

The post Мајката на Мартин низ солзи: Сѐ што сакам е да го најдете моето дете, потрагата продолжува и денес appeared first on Република.

Министерот за надворешни работи Бујар Османи, денеска оствари телефонски разговор со својот грчки колега, Никос Дендијас посветен на состојбата со потрагата по исчезнатото момче од земјава.

Османи, за време на разговорот, замоли да продолжи потрагата и покрај изминување на редовниот рок, при што беше информиран од својот колега дека е донесена одлука со која се продолжува потрагата по исчезнатиот.

За време на разговорот, шефот на македонската дипломатија упати благодарност за трудот и пожртвуваноста на грчката крајбрежна служба, военото воздухопловство и локалното население, вклучени во потрагата.

Разговорот следуваше по формалното упатување на нота до Министерството за надворешни работи на Грција со молба за продолжување на потрагата, иако денес изминува рокот до кога се организираат ваквиот тип на потраги.

Претходно, братот на Мартин упати апел до македонските власти да помогнат и потрагата да не заврши денеска.

https://republika.mk/vesti/makedonija/bratot-na-martin-so-apel-do-makedonskite-vlasti-pomognete-potragata-da-prodolzi-i-da-ne-zavrshi-denes/

The post Грците и утре продолжуваат со потрагата по Мартин кој исчезна во Егејското море appeared first on Република.

Горан Јовановски, братот на Мартин, третиот од исчезнатите Македонци на Халкидики, по кого денеска четврт декн трага грчката крајбежна служба и надлежните органи, денеска се обрати со апел до македонските власти за поголема помош.

Тој и неговата мајка од САД вчера пристигнаа во Грција и велат не губат надеж дека Мартин ќе биде пронајден.

https://republika.mk/vesti/balkan/imame-verba-veli-majkata-na-ischeznatiot-martin-za-grchki-mediumi/

Упатувам голема благодарност до ОФКАТ екипата на спасувачи од Грција и до Генералниот конзулат во Солун, кои изминатите три дена се заедно со нашето семејство во потратата по нашиот Мартин. Мојата мајка и нашето семејство и пријатели сè уште веруваме и се надеваме дека Мартин е жив и ја чека нашата помош и затоа апелираме нашата влада и нашето Министерство за надворешни работи да се најде начин да продолжи потрагата, бидејќи според грчките закони потрагата од нив ќе заврши денеска, на четвртиот ден. Затоа апелираме Владата да помогне и воедно ги молиме македонските граѓани да помогнат доколку се во можност, а за чија помош би можела Владата да организира некаква акција. Не смееме да дозволиме да се откажеме додека не се пронајде Мартин, вели тој и апелира овој негов апел да се споделува.

Повеќе тука

The post Братот на Мартин со апел до македонските власти – помогнете потрагата да продолжи и да не заврши денес appeared first on Република.

Веќе четврти ден продолжува потрагата на морското подрачје на Халкидики за пронаоѓање на 28-годишниот Мартин кој се води како исчезнат од саботата попладне, од моментот кога заедно со своите пријатели од познатата плажа во Посеиди нурнале во морето и биле понесени од морските струи.

Грчките медиуми пишуваат дека малку по 9 часот, мајката на младиот човек од Македонија, заедно со роднините, пристигнала во базата на волонтерскиот тим за пребарување и спасување OFKATH во Переа, Солун, со цел да се подготват и заедно да заминат за Халкидики.

Според информациите, мајката на момчето пристигнала од Америка на аеродромот во Солун вчера вечерта, со цел да учествува во потрагата по својот син.

Тргнав од Америка да дојдам во Грција за да го пронајдам своето дете. Имам голема вознемиреност и исчекување. Им благодарам на сите што ни помагаат. И на властите и на волонтерите. Тимот на ОФКАТH е покрај нас од првиот момент и им благодарам за тоа што го прават. Имаме вера - изјавила мајката на младиот човек за protothema.gr.

Претседателот на организацијата Христос Рамос кажал дека денеска им помага и времето, а повторно ќе се користи подводен дрон.

Почнуваме денес од штабот за да ја зајакнеме базата за подготвеност на Касандра. Денеска ни помага времето. Ќе го користиме подводниот Дрон. Денеска ќе се потрудиме затоа што утре повторно е лошо, ќе биде лошо. Со нас го имаме семејството и конзулот на Скопје и се надеваме на најдобро. Неговата мајка дојде од Америка со други роднини, од вчера е со нас, вчера отидовме и се видовме со Иван, тој е во добра здравствена состојба и ќе излезе денес. Нашите напори сега се на Мартин. Иван ни даде многу информации, ни ја даде точно ознаката, па ќе одиме конкретно на едно парче. Ако Бог сака да помогне, се ќе биде добро. Мора да завршиме денес - изјавил тој за protothema.gr.

The post Имаме верба – вели мајката на исчезнатиот Мартин за грчки медиуми appeared first on Република.