Поранешниот македонски амбасадор во НАТО Мартин Треневски вечерва од протестот против прифаќањето на францускиот предлог истакна дека сите претседатели на Франција во изминатите 30 години, од Митеран до Макрон, прифаќале да бидат измеќари на македонските соседи и постојано и ставале пречки на Македонија во нејзиниот развој и станувањето рамноправна членка на ЕУ. Посебно се осврна на актуелниот претседател на Франција, за кого рече дека треба да се срами од сопственото однесување.

„Господине Макрон, Вашата учителка а сега сопруга ве учеше балет, поезија и не знам што, меѓутоа не научивте ништо од историјата господине претседателе. А, да Ве потсетамдека 200 години француските кралеви полагаа заклетва пред Бога на библијата од Манс, која што Вие не ја разбиравте, а не ја разбиравте затоа што беше напишана на македонска глаголица. Најверојатно создадена во некој од македонските манастири за време на цар Самуил. Научете ги тие лекиции, господине претседателе. Ние Ви ги чуваме илјадниците гробови на француските војници кои загинаа на Кајмакчалан, на Македонскиот, а не на Солунскиот фронт. Ред е да покажете малку респект кон овој народ кој има почиит кон тие жртви кои загинаа во Првата светска војна“, рече Треневски.

Во своето обраќање пред насобраните, Треневски рече дека „со полна одговорност може да тврди дека во моментот Македонија нема поголем непријател од Бугарија“. Тој побара од Бугарија да плати репарации за Втората светска војна.

„Бугарија ѝ должи на Македонија милиони долари отштета за сите злосторства што ги направи во текот на 4 години фашистичка окупација на две третини од Македонија. Тоа беше решено на Мировната конференција во Париз од 1946 година, но некој без да го праша македонскиот народ за согласност одлучи да им ги прости тие пари во име на добрососедството. Треба да ни ги вратат и реликвиите кои што ни ги украдоа од сите манастири и круната на охридските архиепископи која сега е во Софија“, посочи Треневски.

Треневски како поранешен министер во првата Влада на Македонија по независноста истакна дека во составот на Кабинетот на Кљусев сите членови биле за слободна и независна Македонија, освен еден министер.

„Тој еден, за жал неговиот татко ја напиша македонската химна, а тој даваше изјави до пред некој месец дека се чувствувал Бугарин. Истиот тој сега е советник за надворешна политика на Стево Пендаровски. А Стево Пендаровски прв ја пофали модифицираната француска верзија, која стручната јавност оцени дека ќе направи ненадоместлива штета“, потенцира Треневски.

Тој во свооето обраќање пред зградaта на Собранието побара македонските граѓани да не седат дома и пред телевизорите, туку да се придружат на протестите и да ја урнат Владата на истиот начин како што беше турната онаа на Цветковиќ и Мачек од 1941 година.

The post Треневски до Макрон: Од Митеран до Макрон сите француски претседатели се измеќари на македонските соседи appeared first on Република.

Ви се обраќам како член на првата експертска Влада на Република Македонија, која што ги оствари соништата и желбите на илјадници и илјадници наши предци, кои што мечтае за тој миг и за кој ги дадоа скапоцените животи за таа слобода, вели Мартин Треневски, поранешен амбасадор и министер во експертската Влада на Никола Кљусев, обраќајќи се пред присутните демонстранти на денешниот протестен марш под мотото „Ултиматум – Не благодарам“, кои веќе повеќе од една недела се организираат против францускиот предлог.

Треневски пред присутниот македонски народ се обрати во маица стара 31 година со логото од референдумот од 1991 година, со кои во тоа време се пропагираше идејата за самостојна и независна Република Македонија.

„Почитуван народе, нека се знае еднаш за навек, експертската Влада на академик Никола Кљусев го организираше референдумот за независност и експертската Влада ги постави темелите на модерна, современа Македонија, монетарното осамостојување, македонската дипломатија и така натаму. Да се знае, бидејќи очигледни се обидите на поединци, а и на организации не само да се минимизира, туку и да се избрише учинокот што го направа таа експертска влада. Тоа, драги мои, не смееме да го дозволиме“, рече Треневски.

Тој посочи дека сите членови на македонската експертска Влада беа за независна и самостојна Македонија, освен еден чиј татко ја напиша македонската химна, а тој до пред некој месец се декларираше дека се чувствува како Бугарин и воедно е и советник за надворешна политика на претседателот Стево Пендаровски.

Треневски додаде дека во вакви околности не треба да не чуди зошто Пендаровски беше првиот кој што ја пофали новата обработена верзија на францускиот предлог, кога за советник има човек кој ги брани бугарските барања и услови.

Додаде дека неговата работна кариера, меѓу другото, имаше прилика да биде и дипломат во разни организации, по што информиран е дека реализацијата на овие сценарија е уништување на македонската нација.

„Сите членови на таа експертска Влада беа за слободна и независна Македонија, освен еден кој за жал, неговиот татко ја напиша македонската химна, а тој, до пред некој месец, даваше изјави дека се чувствувал Бугарин. Истиот тој, сега е советник за надворешна политика на Стево Пендаровски. Стево Пендаровски кој што прв ја пофали втората коригирана француска верзија, меѓутоа верзија за која што секој нормален Македонец, особено стручната јавност ја осуди како неповторливо штетна. И сите ние треба да се сплотиме и да се спротивставиме на реализацијата на тоа мрачно сценарио. Имав прилика во мојата работна кариера да бидам дипломат во повеќе организации, го знам целото сценарио, а целото сценарио значи уништување на македонската нација. Тоа и јавно го кажуваат, не го кријат“, рече Треневски.

Затоа, Треневски ги повикува сите македонски граѓани да се придружат на протестите против францускиот предлог во кој се содржани сите бугарски барања, затоа што така се брани Македонија и дека ова не е време за комоција пред телевизор.

„На нас и на сите оние што не се вечерва со нас, упатувам апел да ни се придружат на следните собирања, да дојдат. Луѓе не е време за комодитет пред телевизор или по кафеани, да излеземе затоа што вака се брани Македонија“, рече Треневски.

The post Треневски: Ги повикувам сите што не се излезени да ни се придружат на наредните протести, затоа што така се брани Македонија, не е ова време за комодитет пред телевизор appeared first on Република.