„Ќутолози“ не му се потребни на СДСМ, фер е на почетокот на мандатот да се каже можем или не можам, коментира на Фејсбук членот на СДСМ од Куманово Мартин Костовски, по вчерашната седница во новиот состав на Собранието на која Африм Гаши беше избран за претседател на Парламентот.

Главна улога на пратеникот е да зборува на говорница да брани став и да презентира политики, „ќутолози” не му се потребни на СДСМ, фер е на почетокот на мандатот да се каже можам или не можам. Срамота е Левица да го контаминира опозицискиот простор на политичката сцена. Нема страв, мора жестока акција, молкот не е конструктивност. Сакам моќен СДСМ кој ќе го дроби дпмне на говорница, напиша Костовски.

Градоначалникот на Струмица и поранешен пратеник на СДСМ Костадин Костадинов исто така реагираше на Фејсбук по срамниот настап на неговите сопартијци во Парламентот.

На почетокот беше зборот, пишува на еден преубав мозаик, дело на големиот Газанфер Бајрам, во салата за пленарни седници во Македонскиот Парламент! Да не помине, не слушнато и не видено, напиша Костадинов.

https://republika.mk/vesti/makedonija/dremevte-ko-misiri-shto-ne-go-kazha-ova-na-govornitsa-porachaa-graganite-na-statusot-na-kostadinovska-stojchevska/

The post Мартин Костовски: „Ќутолози“ не му се потребни на СДСМ appeared first on Република.

Пратеникот на СДСМ, Мартин Костовски, го искоментира како „научена лекција“  поразот на претседателскиот кандидат Стево Пендаровски во однос на опозициската кандидатка со поддршка од ВМРО-ДПМНЕ, Гордана Силјановска Давкова, по завршувањето на првиот круг од претседателските избори.

„Секогаш лекција, никогаш пораз мои социјалдемократи. Ништо не е изгубено, со дигната глава утре ќе продолжиме со секој од вас, благодарност до сите кои дадоа поддршка за Стево, број 1 останува во трка за победа“, прогласи пратеникот од Куманово.

Извесно е дека во вториот круг на 8 мај, за кога се закажани и парламентарните избори, претседателот на државата ќе се одбира помеѓу Давкова и Пендаровски.

The post Пратеникот на СДСМ, Мартин Костовски, го искоментира како „научена лекција“ поразот на претседателскиот кандидат Стево Пендаровски appeared first on Република.

Мартин Костовски, пратеник од СДСМ на Фејсбук објави фотографија од таткото на Вања Ѓорчевска. Костовски прашува со кое „срце, душа и мозок“ ја ставил алчноста пред животот на своето дете.

Како сега ќе објасниш дека си татко. Ти не си татко -ти си рѓа монсттруозна-напиша Костовски.

https://republika.mk/vesti/crna-hronika/spasovski-vana-so-vrzani-ratse-i-noze-vo-vreka-za-spiene-bila-grabnata-od-vlezot-vo-zgradata/

The post Пратеник на СДСМ објави фотографија од таткото на Вања appeared first on Република.

Додека нема функционален правен систем кој што ќе се справи со тоа што се случува, ние ќе се соочуваме со вакви работи. Гневна сум, бесна сум, многу пропусти се направени во текот на целата, не знам како да ја наречам постапка, истрага или сл. што јас ги воочувам, што јас сметам дека можеби можело и требало подобро да се направат. Многу прашања се отворени во јавноста, одговори за истите немаме. Постојано ги слушаме истите оправдувања дека станува збор за предистрага, дека не можеме итн. Мислам дека единствено што очекувам не е лидерска средба туку очекувам од цела Влада веднаш да си поднесе оставка и датум за избори да дојде што поскоро затоа што на овие случувања и состојби мора да ставиме крај - истакна Марија Митева, портпарол и член на ИК на ВМРО-ДПМНЕ во гостување во емисијата „Студио 10“ на ТВ24.

Митева додаде дека по овие случувања потребно е целата Влада да си даде оставка.

Ова не го говорам политички, не го говорам како портпарол на ВМРО-ДПМНЕ, ниту како член на ИК, туку го говорам најчовечки затоа што искрено така и се чувствувам, нагласи таа.

Од самиот почеток на случајот значи од, моментот кога разбравме за исчезнувањето на Вања ниту како политичка партија, ниту како човек посегнав по било какви изјави или говори, или дезинформации, напротив апелирав да еднашка како општество застанеме на страна на состојбите, еве колку можеме да помогнеме на ваков или таков безбедносен систем кој што го имаме во државата да проба да ги најде сторителите и да ја врати младата Вања жива. Тогаш во тие моменти не ни стануваше збор дека уште едно лице е исчезнато. Тоа јас по медиумите ниту го забележав, ниту јавноста беше информирана. Што значи дека такви состојби во Македонија се случуваат можеби многу повеќе од што ние знаеме - заклучи Митева.

Таа посочи дека во време кога се случува ваква ситуација, кога во овој случај е вклучено лице кое што добро е познато на јавноста дека било вклучено во рекетарски здруженија, криминални банди, а на истото тоа лице му е овозможено преку портали и преку медиуми да има и да дава било какво мислење, не е политиканство. Таа додаде дека е потребно да се бара одговорност и од надлежните.

Но, кога е случај од огромна интерес на јавноста не можете со бледо соопштение во 21 часот во недела навечер да вознемирувате два милиони народ. И да ве нема 10 саати со никаква дополнителна информација - укажа Митева.

Таа рече дека морална одговорност не очекува од оваа Влада, ниту пак од Спасовски или било кој друг.

Лицемерието се гледа во првиот момент кога викате дека не сакам да зборувам за никакви случаи, а споменувате случај како Смилковско езеро  и ги злоупотребувате жртвите и семејствата на истите. Те молам Мартин денес да ги тргнеме маските и да не продолжите да создавате токсична атмосфера и да се однесуваме како ништо да не се случило. За случајов треба да има одговорност и требаше да има одговорност - нагласи Митева.

The post Митева до Костовски: Тргнете ги маските, доста злоупотребувате човечки жртви appeared first on Република.

Шега на страна, Мартин Костовски под итно да биде изземен од работата на Собранието, да се изземе од гласање, заради документиран невропсихијатриски медицински наод, апелира портпаролот на ВМРО-ДПМНЕ, цитирајќи го наодот на пратеникот од СДСМ: „Психичко растројство дефинирано како пролонгирано анксиозно-депресивно растројство за кое е препишана терапија“.

Тој потенцира дека пратеник гласа согласно свои лични разумни проценки, а кај Мартин Костовски констатирано е пролонгирано растројство за што тој е под препишана терапија.

Според невропсихијатрискиот извештај за Костовски, тој се уште е под терапија којашто редовно ја зема, значи има препишана секојдневна терапија, се уште има пролонгирано реактивно анксиозно депресивно растројство, и има нарушено однесување и функционирање, и тоа се уште перзистира. 
Во прилог на демократијата, Собранието заради својот дигнитет, но и заради грижата за пратениците, мора да ги земе предвид наводите во вештачење за невропсихијатриската состојба на пратеникот Мартин Костовски, па да побара невропсихијатриско лекарско конзилијарно мислење дали Пратеникот е во состојба рационално да расудува и носи одлуки, вели Стоилковски.

Додава дека пред Собранието се важни седници, како Закон за огромно задолжување со злоупотреба на европско знаме; тука е и Буџетот, тука е и период за гласање за распуштање на парламентот и распишување избори.

Собранието мора да биде уверено дека пратениците имаат полна и непречена можност за расудување врз што не влијаат состојби, растројства или медикаменти со дејства коишто може да влијаат врз расудувањето.
Ако е возможно, согласно невропсихијатрискиот наод, Мартин Костовски веднаш треба да е испратен на продолжено боледување, а доколку дома нема кој да се грижи за него, МНР и Бујар Османи да покажат човечност и овозможат неговата сопруга да води грижа за него.
Доколку е потребно, да и се исплаќа и грижа за лице, заради констатирана нестабилност во нозете на пациентот Костовски Мартин. 
Оттука би побарал доколку е можно да се провери дали Костовски не бил во слична невропсихијатриска положба на растројство или под медикаменти кои одземаат можност за разумно расудување, кога со злоупотреба на положба и овластување во Службен Весник објави Закон без потпис?
Сето ова не очекувам да биде сфатено како зајадливост, сарказам или хумор туку како реална грижа за Мартин Костовски, неговата благосостојба, но и благосостојбата на Македонија преку носење на вистинско одлуки во Парламентот.
Не би сакал утре во некој нов извештај да стои можеби злоупотреба на лице со акутно растројство и под медикаменти од страна на СДС за носење на закони во Собранието.
Но од друга страна, не би сакал Мартин Костовски при акутно продолжено растројство, депресија и анксиозност, намерно да нанесува штета во можеби обид за автодеструкција?
Се на се, да бидеме луѓе, здравјето и здраворазумието пред се!, вели Стоилковски, споделувајќи фотографии од наодите на пратеникот.

The post Пратеникот Костовски од СДСМ со наод за психичко растројство, се бара негово изземање од Собрание appeared first on Република.

Работата на оваа анкетна комисија посакувам да биде своевиден притисок врз ЈО, ден поскоро да излезат со конкретни обиненеија и лоцирање на вината и одговорноста на сите оние кои на монструозен начин допринеле за едно скандалозно, монструозно однесување на клиниката на онкологија, што е многу сензитивно, осетливо и таквата работа е страшна, истакна пратеникот на СДСМ Мартин Костовски, во рамките расправата на собраниската анкетна комисија за скандалот на онкологија.

Костовски потсети дека за нерегуларностите на онкологија тивко се зборувало 20 години, а случајот се отвора сега.

Знаеме дека 20 години се шепотело, за некои нерегуларности на онкологија, а токму во времето на владеење на СДСМ се отвора оваа тема, обвинителството работи, полицијата прибира докази и дефинитивно не е битно ниту име, ниту презиме, ниту блискост ни припадност на секој оној што на монструозен начин бил вклуен, нагласи Костовски, додавајќи дека некои пратеници од опозицијата продолжуваат со донесување предвремени заклучоци.

The post Костовски: СДСМ го отвори случајот за Онкологија, што поскоро да се лоцира вината и одговорноста appeared first on Република.

Професорката и декан на Факултетот за музичка уметност од Скопје, Дарија Андовска, реплицира на повикот од пратеникот на СДСМ, Мартин Костовски, до сопартијците од владејачката партија за помирување и обединување.

„Повик во се-де-се-ме да се обединат, за да не потонеле еден до друг. Овој трик од 1976 година заработува многу пари!

https://republika.mk/vesti/makedonija/sotsijaldemokrati-drugarki-i-drugari-vreme-e-za-pomiruvane-i-obedinuvane-porachuva-pratenikot-na-sdsm-martin-kostovski/

Во што да се обедините? За што да се обедините? За што се борите? И што ве разедини? Да не е случајно земјава што ја запустивте? Да не се случајно болните што молат за лек? Да не се случајно пензионерите?

Да не се случајно земјоделците? Да не е случајно културата и уметноста? Да не се случајно условите за студентите, студентските домови? Да не се случајно учебниците? Да не се случајно европските цени и африканските плати?

Да не е случајно масакрот во правосудството, хоророт во болниците, ракот што го дишеме? Долга е низата да пишувам ‘смешки’. За што да се обединувате бе, муциња? Уште што можете да украдете и уништите?

Во што да се обедините, во која борба? Против сопствениот народ?“, прашува Андовска на Фејсбук. Костовски преку истата социјална мрежа пред некој ден буквално крикна.

„Социјалдемократи, другари и другарки, или ќе се држиме сите заедно еден до друг, или ќе потонеме сите еден покрај друг. Време е за помирување и обединување“, апелира пратениикот од Куманово.

The post Проф. Андовска му одговори на Мартин Костовски од СДСМ: Во која борба да се обединат, против сопствениот народ? appeared first on Република.

Пратеникот од СДСМ, Мартин Костовски разочаран од конфликтите во партијата бара единство. Тој е и долгогодишен приврзаник на министерот Оливер Спасовски, со кого заедно се од општина Куманово

The post Социјалдемократи, другарки и другари, време е за помирување и обединување – порачува пратеникот на СДСМ, Мартин Костовски appeared first on Република.

Мартин Костовски од СДСМ во емисијата „24 анализа“, на ТВ24 рече дека изградбата на коридорите е стратешки чекор на државата и историски чекор.

- Секоја политичка партија го имаше во предизборните програми, но не успеа да го реализира. Овој проект многу ќе значи за државата, за стопанството и бизнис секторот и Македонија од кружен тек ќе стане раскрсница на Балканот. Она што значеше промена на законските решенија во собраниска процедура значи доуредување на постоечките закони за побрзо и поквалитетно изедување на стратешките проекти. Оваа држава мора да оди напред, изјави Костовски.

The post Костовски: Со изведбата на коридорите, Македонија од кружен тек ќе стане раскрсница на Балканот appeared first on Република.

Пратеникот на СДСМ Мартин Костовски во емисијата „Само вистина” на Канал 5 телевизија истакна дека достижноста и престижот да бидеме дел од најбогатите, најразвиените членки на ЕУ е исполнување на идеалот на Киро Глигоров, Никола Кљусев и на сите други државници, 32 години наназад од осамостојувањето на Македонија до денеска.

-Сега сме 2023 година на чекор до оставрување на нашиот сон, на чекор до оставрување на идеалите на сите оние генерации од осамостојувањето на оваа наша убава Македонија. Овој пат зависи само од нас, овој пат нема да бидеме соочени од некој друг да ни стави вето. Не смееме да дозволиме самите ние да си ставиме вето, нагласи Костовски.

Пратеникот рече дека одлуката за уставните измени е една натпартиска, национална одлука, којшто треба во интерес на иднината, во интерес на нашите деца, на граѓаните, на економијата образованието, на здравството, на државата да се донесе едногласно.

-Многу често го споменуваме тоа проевропско расположение во редовите на ВМРО-ДПМНЕ. Се надевам дека и де факто и дејуре со започнување на оваа постапка, интервенција во уставот ќе имаме и јавно поддршка од определени структури во ВМРО-ДПМНЕ, рече Костовски, додавајќи дека има многу аргументи, врз чија основа се очекува дека во периодот што следи осознаеното проевропско крило во ВМРО-ДПМНЕ да даде поддршка.

-Се гордееме со сите храбри одлуки донесени пред се од СДСМ, сега сме сите горди и го цениме значењето на членството во НАТО, меѓутоа таа одлука некој требаше храбро да ја донесе. СДСМ на свои плеќи издржа многу, бидејќи не сме како Христијан Мицкоски, од дрвото да не може да ја видиме шумата, нагласи Костовски.

Секој храбар политичар мора да гледа во иднината барем 10 години нанапред, потенцираше Костовски.

https://republika.mk/vesti/makedonija/stojanoska-do-kostovski-vie-li-ke-zboruvate-za-evropski-vrednosti-a-go-plachkate-narodot/

The post Костовски: Секој храбар политичар мора да гледа во иднината барем 10 години нанапред appeared first on Република.

Ве молам за Европа немојте да зборувате и да кажувате. Вие ли сте пример за европски вредности? Вие ќе зборувате за европски вредности? За кое квалитетно здравство или образование зборувате? Па учебници немаат децата, три години има јаз во образованието, му порача Дафина Стојаноска, пратеничка од ВМРО-ДПМНЕ на Мартин Костовски од СДСМ во вечерашното гостување во емисијата Само вистина на Канал 5 телевизија.

Стојаноска потенцираше дека владата на СДС го пљачка народот, а со покачување на минималната плата со која се фалат од власта вели дека треба да погледнат каква е куповната моќ, како и дека скоро 30 проценти има инфлација на цените на прехранбените производи.

За кој европски вредности вие ќе ми зборувате, за тоа што го пљачкате народот. За кои покачени минимални плати, па погледнете која е куповната моќ, имаме близу 30 проценти инфлација на прехранбените производи.

Во однос на замрзнатите цени, Стојаноска смета дека доколку власта сакаше да има некаков ефект, тогаш ќе го прифатеше предлогот на ВМРО-ДПМНЕ уште многу порано.

Некоја мерка да се преземе на време многу значи. Ова замрзнување на цените ВМРО-ДПМНЕ го бараше многу порано.

The post Стојаноска до Костовски: Вие ли ќе зборувате за европски вредности, а го пљачкате народот? appeared first on Република.

Заре Милошевски има признаена биографија, има дипломи, школуван е во САД. Станува збор за квалитетен кадар кој АНБ ќе ја води добро и во вистинска насока, изјави пратеникот на СДСМ, Мартин Костовски во „Топ тема“ на Телма.

Тој додаде дека Милошевски е познат и докажан професионалец, за разлика од Сашо Мијалков, кој ја водеше поранешната УБК и кој, како што кажа Костовски, имаше криминално досие и беше посветен во партиските структури на ВМРО-ДПМНЕ.

Од тука е мојата перцепција дека АНБ во наредниот период ќе работи квалитетно, професионално, независно и во интерес на граѓаните, рече Костовски.

Пратеникот кажа дека не може да се стави равенство меѓу сите вработени во безбедносните структури, дека сите биле како Сашо Мијалков и кажа дека голем број луѓе преминале од УБК во АНБ и соодветно си ја вршат работата, но проблемот бил во лидерството.

The post Костовски: Милошевски е професионалец и добро ќе ја води АНБ appeared first on Република.

Пратеникот од СДСМ од Куманово, Мартин Костовски, има информација кои големи газди од неговиот град не ги намалуваат цените на основните артикли, и покрај намалената струја и сите други мерки од Владата, и повика уште денеска итно да им се направи инспекција.
„Денеска пазарев основни намирници во еден маркет во Куманово и со сограѓаните пред рафтовите констатиравме дека има сериозна злоупотреба од “големите газди” и непочитување за намалување на цените.
Премиерот и Владата направија се, за да се намалат цените и да им се олесни на граѓаните со конкретни мерки.
За “големите газди” - дрски профитери кои прават профит на нашиот грб, ИТНО уште утре да им се направи инспекција, нема веќе ТОЛЕРАНЦИЈА и МОЛК.
Не е нормално некој едвај да се прехрани, некој на мака на народот да прави милиони.
Или да ги почитуваат мерките и помош од Владата или да ги означиме јавно и да ги бојкотираме (да не пазариме кај нив) ТРЕТО НЕМА“, напиша пратеникот на неговиот фејсбук профил.

The post Во родниот град на премиерот големите газди не ги намалиле цените и покрај владините мерки, пратеник на СДСМ бесен на кумановските маркети appeared first on Република.

По неуспешниот обид новинарката Бесмира Ејупи да стане генерална конзулка во Њујорк, министерот Бујар Османи ја вработил во МНР надвор од процедурата, реагираа од Левица, откако денес Османи истакна дека е завршена процедурата за испраќање на 4 нови амбасадори.

Дополнително, без претходно искуство и соодветно звање, Ивана Костовска е најновиот вработен во МНР по согласност од деспотот Османи. Се работи за сопругата на пратеникот Мартин Костовски, кој гласаше ЗА „францускиот предлог“ и беше спремен да предизвика насилство во Собранието за бугаризација на Македонија. Потсетуваме дека претходно за генерален конзул во Чикаго беше испратен синот на провладиниот политички аналитичар, Алберт Муслиу, велат од Левица.

Од таму посочуваат дека пред неколку дена претседателот Стево Пендаровски ги потпишал указите за амбасадорите во Софија и Брисел без да бидат сослушани пред собраниската комисија, со што направи уште еден дипломатски преседан.

Преку низа скандалозни одлуки за кадровски решенија, карактеристични за тоталитарно општество, владејачката клика неминовно потврдуваат дека измеќари на туѓите интереси. Ангажирање на партиски послушници, кои имаат лични и семејни релации со функционери на СДСМ и ДУИ, е режимска алатка на Владата со тенденција за зголемување на тимот кој се стреми да продолжи со деструктивните дипломатски одлуките за докусурување на Македонија, велат од Левица.

The post Сопругата на пратеникот Костовски се вработила во МНР, обвинуваат од Левица appeared first on Република.

Со навремени и ефикасни политики Владата предводена од СДСМ ја одржува стабилноста на домашната економија, енергетскиот сектор, производството на струја и силно ја субвенционира цената на струјата за граѓаните. Обврска на државата е да се заштитат граѓаните и домашниот буџет. Затоа домаќинствата за сметките на струја плаќаат 20 отсто, а 80 отсто се субвенционира цената од страна на државата“, рече пратеникот од СДСМ, Мартин Костовски.

Тој посочи дека „се подготвуваат и нови антикризни мерки. Со ребалансот на буџетот веќе се обезбедени 76 милиони евра за антикризни мерки коишто како пакет се подготвуваат за четвртиот квартал оваа година. За непречено снабдување со струја и топлинска енергија Владата прогласи кризна состојба во снабдувањето со топлинска енергија на подрачјето на Град Скопје и во снабдувањето со електрична енергија на целата територија на Република Македонија“.

Костовски вели дека „домашното производство на струја ќе ја обезбедува целата потребна енергија и максимално ќе се зголеми. Тука се и задолженијата за штедење на електрична енергија во институциите, со кои од наредниот месец секоја институција ќе ја намали потрошувачката на струја за најмалку 15 отсто“.

„Од наредниот месец следува големо покачување на пензиите, според новата методологија на усогласување на пензиите со растот на трошоците за живот и на платите. Платите континуирано се зголемуваат. Според последните официјални податоци, просечната плата во јуни се искачи на 31.869 денари. Покачување на платите од септември ќе има во одбраната, полицијата, образованието и детската заштита“, вели тој.

The post СДСМ: Домашното производство на струја ќе ја обезбедува целата потребна енергија и максимално ќе се зголеми appeared first on Република.

Мора да ги почитуваме црвените линии од резолуцијата, тоа е испочитуавно во делот на заклучоците, кои утре ќе бидат разговарани на пленарната седница, францускиот предлог не е совршен, меѓутоа е добра основа да се тргне чекор понатака, многу е битно да бидете на масата, а не да бидете предлог на масата, истакна пратеникот на СДСМ Мартин Костовски, во емисијата „Само вистина“ на Канал 5 телевизија.

Во врска со протестите против францускиот предлог, Костовски рече дека СДСМ поддржува протести, како највисок демократски чин да се изрази незадоволство, поинакво мислење, став на одредни политички групации, но недолично однесување, во кое беа повредени 54 униформирани полицајци, не е методот да се покаже поинакво мислење на друга политичка структура или револт, ниту пак изрежирано сценарио кога Мицкоски велеше дека некој вперил пиштол во него.

Дали е продуцирано или дали е поткрепено од определени центри на моќ, пред се мислиме на Русија, тоа е покажано и со иконографија на митингот на ВМРО-ДПМНЕ, а лидерот на политичката партија Левица, колегата Апасиев од Собрание многу пати ни дава примери дека има и други алтернативи, дека ЕУ не е алтернатива, со неговото однесување и неговите политички ставови многу пати до сега има покажано дека е за анти НАТО и анти ЕУ перспективи на нашата држава, рече Костовски, додавајќи дека кога целиот свет се оградува од руската агресија врз една независна држава како што е Украина, кога цела Европа, целиот свет го осуди, единствено Апасиев го прима рускиот амбасадор во Собранието на државата, дали тоа не е праќање сигнал во јавноста дека зазема страна.

Ние имаме јасен став и визија дека од првичната определеба на нашата држава од осамостојувањето го чекориме патот за интеграција во ЕУ и НАТО, едната цел е остварена, на прагот сме на отпочнување на преговори да ја оствариме и втората наша цел како држава, истакна Костовски, додавајќи дека СДСМ ја испочитува резолуцијата, го зачува македонскиот јазик, идентитет, нема бугаризација.

Тој нагласи дека заклучоците на Собранието ќе имаат обврзувачки карактер за оваа и за секоја влада што ќе биде на чело на државата, да ги води преговорите достоинствено заштитувајќи го македонскиот идентитет, јазик, невлегување на историски настани во преговарачката рамка.

Ние не калкулираме, за нас најбитна е сигурноста и иднината на Република Македонија, граѓаните да имаат извесна идндина, а не киднарпирана, сигурен сум дека  граѓаните ќе го видат бенефитот, и во редовниот термин за избори 2024 година да се оцени дали СДСМ влечеле позитивни чекори и квалитетни политики, впрочем тоа беше и при влезот во НАТО имаше небулози дека ќе имало федерализација, кантонизација, казни за неучење албански јазик, се со цел, да се оспори, закочи, опструира, меѓутоа сето тоа се распука како меур од сапуница, ништо од тоа не се случи, има само конфискација на белиот дворец, заживување на правдата во државата, има светли денови за Република Македонија во периодот што доаѓа пред нас, порача пратеникот на СДСМ Мартин Костовски, во емисијата „Само вистина“ на Канал 5 телевизија.

The post Костовски: СДСМ го зачува македонскиот јазик и идентитет, нема бугаризација appeared first on Република.