Албанската коалиција „За семејство и живот” во Тирана,  организираше “Марш за живот” во знак на несогласување со предлог-законот “Сексуален живот и репродукција” кој предвидува сурогат мајчинство, абортус за 16-годишни девојчиња без знаење на родителите, стерилизација на млади 18-годишни девојки и 23-годишни момчиња, како мерка за планирање на семејството.

Со транспаренти за живот и за традиционално семејство, држејќи во раце балони и цвеќиња, тие порачаа дека семејството е светост.

Тоа е закон против Бог, античовечки, против плодноста. Има сурогат мајки кои живеат во станови во Албанија, а тоа што се прави на црно, бараат да се легализира. Овој закон е за чист бизнис и ја претвора Албанија во земја на трговија со луѓе, обвинуваат учесниците.

Луѓето што протестираа денеска потпишааа петицијата „Манифест на животот“, која ќе  биде доставена до албанскиот Парламент за отфрлање и не ставање на дневен ред на предлог- законот.

Министерството за здравство го подготви предлог-законот „За сексуално и репродуктивно здравје“ образложувајќи дека има за цел да ги гарантира сексуалните и репродуктивните права на поединците.

Против ваков закон веќе се изјаснија првите луѓе на верските заедници во земјата.

The post Марш против Законот за сурогат мајчинство во Албанија appeared first on Република.

Многу од работите не се променети, иако ние тоа грчевито го бараме, кажаа денеска на маршот  во Скопје кој го организираа Националниот сојуз на лица со телесен инвалидитет на Македонија „Мобилност Македонија“, по повод 30 мај - Светскиот ден на лицата заболени од мултипла склероза.

Маршот денеска по деветти пат се организираше за подигнување на јавната свест за проблемите со кои се соочуваат лицата со мултипла склероза за нивните специфични потреби за поквалитетен живот и социјална инклузија. На маршот се приклучија и лицата со параплегија и дистрофија. Маршот почна од Порта „Македонија“, продолжи по улицата „11Октомври“ во правец на Собранието и заврши во Домот „Даре Џамбаз“.

Претседателката на огранокот за мултиплекс склероза при Мобилност Скопје, Христина Просковска истакна дека целта на овој марш е со малку зборови да кажат многу.

Сакаме да бидеме видливи, да покажеме дека имаме еднакви можности со околината и да ги изразиме на еден поагресивен начин нашите потреби и барања во оваа општество. 

Едни од поголемите барања се до Министерството за труд и социјална политика во однос на добивањето и користењето на додатоците за помош од друго лице – мобилност, да се поедностави аплицирањето на документите, критериумите да се запазуваат при поднесување и лицата кои ги заслужуваат тие додатоци навистина да ги добиваат и да бидат услужени сите пациенти. До Министерството за здравство побараа лековите да бидат во поголем број достапни за пациентите со оваа болест и да се донесат нови иновативни лекови кои веќе се користат во развиените држави, ги истакна Просковска дел од нивните барања на маршот.

Просковска инфомира дека годинава слоганот на светската Асоцијација за одбележување на мултипла склреоза е „МС дијагноза“ и се однесува на рано дијагностицирање, детектирање и третирање на мултиплекс склероза, бидејќи, како што рече, тоа е еден од главните атрибути со кои луѓето се соочуваат.

Затоа што доколку рано се детектира, во тој случај многу побрзо и поефективно лицето со мултипла склероза ќе се справи во понатамошниот животи може да се дејствува во голем процент да не дојде до настанување на инвалидитет и прогресирање на болеста во голема мера, рече Просковска.

Гоце Миновски, претседател на Мобилност Скопје истакна дека овој настан за одбележување ќе стане традиција и изрази надеж дека свеста за оваа болест ќе се подигне во целата јавност. Упати апел до следната влада да поведат повеќе внимание кон овие ранливи категории.

Техничкиот министер за труд и социјална политика, Ѓоко Велковски истакна дека ќе има многу предизвици за новата влада и потенцира дека треба да се насочат кон поддршка и помош ма лицата за оваа болест.

И одредени работи што ги бараат денеска низ годините не се решени. Да тргнеме кон решавање на истите и тоа да се прави со брзи чекори, бидејќи нивната состојба како појава треба да биде предизвик за сите нас да им олесниме и да им најдеме еден полесен попристапен начин на живеење во Македонија, рече Велковски.

Градоначалникот на Општина Гази Баба, Бобан Стефковски нагласи дека локалната и централната власт мораат да се насочат кон подобрување на условите на лицата со телесен инвалидитет. Тој информира дека во Општина Гази Баба има регистрирано и клуб на лица со телесен инвалидитет кои се натпреваруваат во одредени спортови.

Здружението на лицата со телесен инвалидитет „Мобилност“ брои 2.700 членови и постои веќе 36 години.

The post Многу од работите не се променети, иако ние тоа грчевито го бараме, кажаа на маршот лицата заболени од мултипла склероза appeared first on Република.

Хрватската пејачка Северина заедно со други жени во Загреб учествуваше на Ноќниот марш по повод Денот на жената.

Пејачката претходно ги покани сите да се приклучат на серијата ноќни маршеви кои се одржуваа во хрватските градови, а потоа и самата се појави на тој во Загреб.

Кога мажот прави нешто, тоа е стратегија. Кога жената го прави истото, тогаш калкулира… Па, еве ја сликата. Драги мои, „мали и немоќни жени“, да им покажеме денес колку сме големи и моќни. Денес е наш ден и затоа… Сите на Женски марш!“, напиша Северина, повикувајќи ги сите на собирот.

Северина се фотографираше со учесниците, делеше прегратки, а на подарок доби дуксер со натпис „Северина – мама“, кој особено ја трогна.

Имајќи предвид дека нејзината битка за старателството над синот е во фокусот на јавноста, пејачката истовремено стана симбол на борбата на многу жени во регионот и го користи својот профил на социјалните мрежи за да укаже на проблемите и неволјите се соочуваат.

 

View this post on Instagram

 

A post shared by Gloria (@gloria.hr)

The post Северина во Загреб на Ноќниот марш по повод Денот на жената appeared first on Република.

Здравствени работници на неколку локации низ Скопје денеска изразија незадоволство поради состојбите во здравството. Се бара зголемување на платите од 30 проценти на докторите и медицинскиот персонал, јавната администрација во медицинските установи и техничкиот персонал. Се бара и покачување на инфективниот додаток од еден на четири проценти, регулирање на статусот на времено вработените лица и нивно вработување на неопределено, ревидирање или нов колективен договор и средба со министерот за здравство.

Ние како Независен синдикат, имаме неколку барања, за кревање на достоинството на вработените во здравствениот сектор. Доколку не се изнајде решение, ќе продолжиме со мирен протест на 24 ноември пред Министерството за здравство и на втори декември ќе имаме протестен марш од пред нашето седиште до Владата, изјави доктор специјалист Јосиф Ѓорески од Гинеколошко - акушерската клиника.

Тој појасни дека повеќе работи им пречат во сегашниот колективен договор. Ѓорески кажа дека имало луѓе кои работеле во здравство и по девет години со нерешен статус. Поради сево ова, како што нагласи, голем дел од медицинскиот персонал си заминува и недостасува кадар, на штета на пациентите.

The post Здравствените работници ќе му протестираат на министерот под прозорец за да ги чуе, најавија и протестен марш до Владата appeared first on Република.

Министерството за внатрешни работи потсетува дека денеска во Скопје ќе има и протест и марш.

Поради најавено одржување на мирен протест, со почеток во 10 часот полициски службеници од СВР Скопје ќе преземат мерки за посебен режим, при што сообраќајот по потреба ќе се пренасочува од крстосница на бул.„Гоце Делечев“ со бул.„ВМРО“ кон крстосница на бул„Илинден“ со бул.„Климент Охридски“.

Со почеток во 16 часот, пак, поради реализација на мирен марш, Одделението за безбедност на патниот сообраќај ќе преземе мерки за посебен режим на сообраќај, при што сообраќајот по потреба ќе се пренасочува по рутата по која ќе се одвива маршот, и тоа од
крстосницата на бул.„Гоце Делечев“ со бул.„ВМРО“, право по ул.„Васил Главинов“, лево по ул.„Димитрие Чуповски“ и во продолжение до бул.„11 Октомври“, пред Собранието на РСМ, информира МВР.

The post И протест и марш: Денеска цело Скопје ќе биде блокирано appeared first on Република.

„Ќе преживеат ли жените овде?“ е слоганот под кој денеска ќе се маршира во центарот на Скопје, а по повод Меѓународниот ден за политичка и општествена борба за рамноправност на жените – 8 март.

Протестниот марш го организира Платформата за родова еднаквост и тој, велат, е одраз на случувањата во нашата земја и колективната негрижа кон жените и девојките во секој поглед.

„Во 2023 година, жените и девојките сѐ уште се дискриминирани во секој поглед и не остваруваат ниту еднакви права, ниту еднакви можности, ниту дома, ниту на работа, ниту во политиката, ниту во социјалниот живот“, велат од Платформата.

Жените кај нас, сметаат од Платформата, се соочени со политиките кои не ги препознаваат нивните потреби, со институции кои не ги заштитуваат, со механизми кои се слепи кон потребите за унапредување на родовата еднаквост и со култура на насилство и мизогинија, па затоа гласно ќе прашаат „Ќе преживеат ли жените овде“.

Протестниот марш треба да започне во 18 часот од плоштадот „Филип Втори“, а ќе заврши во паркот „Жена Борец“.

The post Под слоганот „Ќе преживеат ли жените овде?“ попладнево во Скопје ќе се маршира за женските права appeared first on Република.

Унијата на жени на ОК ВМРО-ДПМНЕ од Прилеп денеска се огласи и побара одговор од претседателот на СДСМ и премиер Димитар Ковачевски на прашања порзани за почитувањето и грижата на жените.

Според Билјана Кузманоска, претседателка на Унијата на жени при ОК на ВМРО-ДПМНЕ од Прилеп, Ковачевски не води грижа за правата на жените ниту бара одговор на некои суштински прашања.

Почитувани,
Денес во Прилеп доаѓа Димитар Ковачевски, на традиционален осмомартовски марш, по повод меѓународниот ден на жената 8-ми март. Каква иронија!
Човекот, кој пред само некој ден, со крајно дрско и безобразно однесување кон пратеничка од редот на опозициската ВМРО-ДПМНЕ, денес ќе маршира за правата на жените? За каква солидарност, за какво изедначување на жените и мажите ќе зборува Ковачевски, кога лично тој самиот, преку пример, покажа едно крајно непочитување на жената?!
Во време кога државата се распаѓа на сите страни, во сите области без исклучок, Димитар Ковачевски си организира некакви партиски настани, со автобуси од други градови. Кој ли ќе ги плати ваквите политичките екскурзии, или сето тоа ќе оди на грбот на и онака осиромашениот народ? Осиромашениот народ кој благодарение на неспособноста на владата беше оставен без леб! Осиромашениот народ кој благодарение на СДСМ, е оставен веќе подолг период со највисока инфлација во регионот, со најскапи основни продукти за живот, со прескапо платена електрична енергија, додека цветаат бизнисите со струја, на лица блиски од власта?!
Дали Ковачевски можеби ќе побара одговорност од директорката на прилепската болница за хаосот и безредието кои владеат во болницата, ќе се заинтересира за прерано згаснатите животи на пациенти, за интрахоспиталните инфекции за кои експертите излегоа со став дека се недозволиви во 21 век?! Или овие прашање не се во неговата агенда, затоа што ќе го рушат неговиот и онака низок рејтинг?
Како за крај, дали Ковачевски пред присутните ќе собере храброст да каже збор два за историјата и за Участакот пред кој ќе говори, за бугарската полиција и фашистичката окупација во Македонија? Или ќе премолчи за сите битни работи, како и досега, за да не го искараат од соседството?
Почитувани, крајот на владата предводена од СДСМ и Ковачески е неминовен. Само така Републка Македонија ќе може да продолжи по патот на успехот, со вистински реформи и еднаква грижа за сите граѓани.

The post Човекот кој пред само некој ден беше крајно дрзок и безобразен кон пратеничка денеска маршира за права на жените? appeared first on Република.

Петнаесет планинари од Струмица, Валандово, Радовиш и Гевгелија 18 пат маршираат во чест на трагично загинатиот македонски претседател, Борис Трајковски.

Маршрутата и годинава ја почнаа пред споменикот „Македонија“ во Струмица, подигнат во чест на Трајковски, каде положија свежо цвеќе и со едноминутно молчење му оддадоа почит.

Патот е долг околу 200 километри кој ќе го поминеме во неколку етапи и в недела на 26 февруари, на денот на загинувањето на претседателот Трајковски, на негобиот гроб во Скопје ќе положиме цвеќе, рече Душко Ќосев од ПАОК „Ентузијаст“ од Струмица.

Освен до Скопје, 60 планинари од земјава и Бугарија во сабота и недела ќе пешачат и по падините на планината Беласица. Тие ќе се искачат на врвот „Ботра“ кој го носи името на Трајковски, на надморска височина од 1.880 метри.

The post Почна традиционалниот планинарски марш во чест на Борис Трајковски appeared first on Република.

Со транспаренти со пораки и примероци од храна оставени пред влезот на Министерството за образование и наука (МОН), студентите вечерва изразија незадоволство од студентскиот стандард и владините антикризни мерки.

„Дали е ова 1939?. Без образование нема држава!“, „Тука сме за домот навистина да ти биде како дома“, „Тука сме за да не ти биде џабе учењето“, „Ајде да ги земениме нашите оброци со вашите“, беа само дел од пораките кои ги упатија на студентскиот марш што започна пред Владата, а заврши пред МОН.

Маршот се одржа по повод Меѓународниот ден на студентите, во организација на универзитетските студентски собранија при УКИМ, Штуловиот универзитет, ФОН, Американ колеџ, ФОП, универзитетите од Битола и Штип и движењето „Студентски отпор“.

Студентите побараа подобри услови во студентските домови, изземање на студентите од антикризните мерки, целосно спроведување на Законот за студентски оброк, изедначување на стипендиите, дигитализација и подигнување на квалитетот на образование.

Учесниците на маршот ги потсетија надлежните на дадените ветувања, потенцирајќи дека се потребни конкретни мерки за нивните барања.

-Да испратиме силна порака до надлежите дека е доста од поигрување со студентите и нивните права, пред мене гледам многу мои другари и пријатели со кои во текот на нашето студирање се соочивме со студот, со гладот, со катастрофалните услови во студентските домови кои се под секое човечко достоинство. Сакам да ги потсетам надлежните институции додека кажуваат бајки за европската иднина ние во студентските домови водиме своја војна, таму во 2022 година се уште се водат тешки преговори за обезбедување на подобри услови. Сите нас не обединува само една работа, а тоа е заштита на нашите права, сите нас не обеднуваат неисполнетите ветувањата, ни ветуваа „брда и долини“, а не добивме ништо. Напротив  живееме се полошо од претходно, потребни се конкретни мерки кои ќе ги задоволат нашите барања, порача студентот Илија Ристески.

Претседателот на Универзитетското студентско собрание на американскиот универзитет на Америка ФОН Мила Петрушевска рече дека приватните факултети се подеднакво засегнати од проблемите со студентскиот стандард.

-Ние сме подеднакво засегнати затоа сме тука и не само денеска туку и изминатите средби и допрва ќе продолжиме да се бориме, барањата се подеднакво исти и од наша страна, само што ние како приватен универзитет имаме дополнително барање што немаме опција за бесплатен јавен превоз за студенти на приватните факултети, бидејќи сите знаеме дека на државните факултети студентите не плаќаат додека ние плаќаме, изјави Петрушевска.

Во насока на одржаните средби во изминатите денови помеѓу студентските претставници и претставници од институциите претседателот на УСС при УКИМ Славчо Темелковски, изрази надеж дека ќе дадат резултат и оти нивната вклученост во креирањето на политиките ќе биде пракса во иднина.

-Во понеделникот имавме прва работна група каде се сретнавме со банкарскиот сектор поминавме добро на таа средба, и како што кажав многу пати досега доколку ние учествуваме во процесот верувам дека ќе се донесат квалитетни законски решенија и младински политики. Исто така, денеска на иницијатива на Универзитетското студентско собрание при УКИМ уште пред две недели, беше одржана средба во просториите на Клубот на пратеници каде констатиравме дека до среда МОН ќе излезе со конкретен акциски план за решавање на најкруцијалните прашања поврзани со домовите. Има квалитетни млади и покажавме многу поголема созреаност и зрелост во однос на оние кои моментално ги носат младинските политики, па поради тоа еден од условите што го поставивме беше Универзитетските студентски собранија активно да учествуваат во носењето на политиките и верувам од сега па натаму активно ќе не вклучат во сите процеси и на тој начин заедно ќе креирам подобри решенија, порача Темелковски.

Во организација на младинското движење „Студентски отпор“  пред три дена се одржа протест, а по кој беше постигнат договор да остане постојното решение за субвенциониран студентски оброк до наоѓање системско решение.

Собраниската Комисија за финансирање и буџет вечерва го разгледа Предлог-законот за изменување на Законот за субвенциониран студентски оброк, по скратена постапка, со кој се предвидува до 15 март идната година на секој студент во државата да му се исплаќаат по 120 денари за оброк или 2.400 денари месечно, и предложи да се проследи на натамошна постапка во Собранието.

The post Студентски марш: Владата да креира системски решенија за подобрување на студентскиот стандард appeared first on Република.

Време е да го разбудиме партизанското во нас, порача градоначалникот на Куманово Максим Димитриевски, најавувајќи дека денеска и Куманово ќе маршира.

Да маршираме заедно сите во име на Карпош, Еребица, Шабани, Перо Чичо, Фетак, Менков, Которка, Бузо, Нацева, Шајче и многу други наши предци кои ни создадоа држава а овие денеска ја продаваат на кило...
Ве повикувам сите драги мои КУМАНОВЦИ без разлика на нација, вера и определба да излеземе сите во 19.30ч во четврток во центарот на градот (Улица Лењинова) и да упатиме јасна порака чија крв тече низ нашите вени, порача Димитриевски.

The post Вечер и Куманово на нозе: Да упатиме јасна порака чија крв тече низ нашите вени! appeared first on Република.

Неколку илјади луѓе учествуваа на денешниот собир во Минхен пред одржувањето на Самитот на Групата седум индустриски најразвиени земји во светот (Г-7) и побараа повеќе да се направи во борбата против климатските промени.

Собирот е одржан на повик на околу 15 невладини организации за заштита на животната средина и борба против нееднаквоста.

Организаторите на собирот очекуваа учество на околу 20.000 луѓе, додека според минхенската полиција учествувале од 3.500 до 4.000 лица.

Активистите носеа транспаренти на кои пишуваше „Имаме само една планета“ или „Нема повеќе обновливи извори на енергија“.

Самитот на Г-7 почнува утре во Елмау, Баварија и ќе трае до 28 јуни.

Земји-членки на Г-7 се САД, Канада, Јапонија, Германија, Велика Британија, Франција и Италија.

The post Во Минхен марш против Г-7 appeared first on Република.

Европското движење на Република Македонија во соработка со Делегацијата на ЕУ и оваа година го одржа Традиционалниот планинарски марш до Водно по повод Европскиот ден на знамето, при што порачаа дека манифестацијата има за цел да го афирмира спортот и планинарските рекреативни активности, кои би требало во нашата држава да бидат значително поразвиени, отколку што се во моментов, поради планинскиот карактер на нашата држава.

Евроамбасадорот Дејвид Гир и претседателката на Европското движење Милева Ѓуровска, пред седиштето на ЕУ во Скопје ги разменија македонското и знамето на Европската Унија, со што традиционално и симболично го означија почетокот на „Планинарскиот марш 2022“.

Потоа учесниците од седиштето на Делегацијата на ЕУ се упатија кон врвот на Водно, каде ќе бидат поставени двете знамиња.

На планинарскиот марш се приклучија бројни планинари, активисти на Европското движење, студенти и други граѓани.

Гир изрази задоволство што присуствува на традиционалниот марш.

Ѓуровска истакна дека настанот претставува навистина убава традиција што ја одржуваат секоја година во чест на денот на Европа и оти таа секогаш има некој симболичен аспект во сето она што го прават.

Тоа значи дека патот до Европската Унија не е така едноставен и лисен, така што ова е еден симболичен начин дека треба малку повеќе да се потрудиме во нашето остварување на нашата цел. Меѓутоа има и една друга порака овој марш на планинарите и на граѓаните –  Македонија има многу планини, пораката е дека треба многу многу повеќе да ги посетуваме и да уживаме во нивната убавина, рече Ѓуровска.

Таа посочи дека останува оваа заложбата на двете страни дека членството во ЕУ е нашата иднина и дека останува да работиме понатаму на овој пат којшто е веќе наш.

Никола Чамовски, еден од учесниците на настанот, истакна дека манифестацијата има за цел да го афирмира спортот во нашата држава, планинарските рекреативни активности, кои би требало да бидат на повисоко ниво.

The post Одржан Традиционалниот планинарски марш до Водно по повод Европскиот ден на знамето appeared first on Република.

Минатата година, членот на ЦК на Левица, Саше Јанчев, во својот индивидуален подвиг помина 154 километри, за да се поклони пред вечното почивалиште на македонскиот револуционер Гоце Делчев.

Како што информираат од партијата, во проширен состав, денес тргнаа две екипи, кои на 4 Мај треба да пристигнат на гробот на македонскиот великан.

Едната група, составена од членови на Левица од Велес и Гевгелија, тргна од Гевгелија, а другата група тргна од Битола. Целта им е да се спојат во Велес и од таму да се упатат кон вечното почивалиште на Делчев. Можно е по пат да им се придружат и други другари.
Се надеваме дека оваа скромна иницијатива ќе прерасне во традиција, која низ годините ќе станува се помасовна. Им посакуваме лесен пат на нашите другари!, порачаа од Левица.

The post Eдна од Битола, друга група од Гевгелија тргнаа пешки кон гробот на Гоце Делчев во Скопје appeared first on Република.

На овој 8 Март, односно утре, ќе се маршира за женската сиромаштија, која се продлабочи со пандемијата на ковид-19 и сите последици.

Маршот ќе се одржи во вторник, во 12 часот, со почеток во Жена-парк, а ќе продолжи кон Владата, се вели во соопштението на Платформата за родова еднаквост.

„На 8 Март, со почит кон досегашните победи на жената за родовата еднаквост, но свесни за секојдневните системски недостатоци кои го загрозуваат нашето постоење како слободни, еднакви, достоинствени и безбедни, оваа година маршираме под слоганот „Сиромаштијата има женско лице“. Овој 8 Март го одбележува женската сиромаштија, овозможена од системот, а продлабочена како резултат на двегодишната пандемија со ковид-19 и нејзините последици.
Со почеток во 12 часот, на овој марш, заеднички ќе упатиме порака дека и покрај тоа што ние жените сме еднаква половина од населението во државата, сѐ уште не уживаме еднаквост во речиси ниту еден аспект од нашите животи, на работа или дома, во политиката и социјалниот живот.
Маршираме бидејќи држава во која жените не се вклучени како еднакви, е држава во која нема напредок. Општество во кое жените се невработени и преработени, незаштитени, виктимизирани, објективизирани и лишени од своите права, сиромашно општество.
Затоа, и оваа година ве повикуваме да марширате заедно со нас, со почеток во 12 часот пред Влада, од каде што, по нашето обраќање, ќе продолжиме по предвидената рута и маршот ќе го завршиме во Паркот Жена Борец, со обраќање до јавноста и институциите“, се вели во повикот.

The post Сиромаштијата има женско лице: Утре ќе се одржи осмомартовски марш appeared first on Република.