Полицијата во Мароко запленила речиси 1,5 тони кокаин, кој бил пронајден во кутии со банани во транспортен контејнер на брод кој патувал од Јужна Америка за Турција.

Запленувањето е извршено во пристаништето Тангер во северниот дел на Мароко.

Акцијата е спроведена во координација со шпанските безбедносни служби, соопшти мароканската полиција, истакнувајќи дека истрагата е во тек.

Мароканските власти се сомневаат дека кокаинот бил шверцуван како дел од меѓународна операција за шверц на дрога.

Заплената дојде само еден ден откако беа запленети речиси 363 килограми кокаин во камион кој се обиде да влезе во Мароко од Мавританија.

Оваа северноафриканска земја се смета за клучна рута за шверц на дрога од Јужна Америка до Европа.

The post Во Мароко запленети тон и пол кокаин appeared first on Република.

Безбедносните камери во југозападниот марокански град Агадир снимија сина светлина на небото три минути пред разорниот земјотрес со јачина од 6,8 степени да ја погоди земјата.
На социјалните мрежи се шират снимки кои го покажуваат самиот момент на земјотресот. Сината светлина е видлива и на тие снимки.

Земјотресот во Мароко досега однесе повеќе од 2.800 животи, а 2.500 се повредени.

Иако е плодна почва за теоретичарите на заговор, тоа е природен феномен, пишуваат медиумите. „National Geographi“ пишуваше за овој феномен пред неколку години, нудејќи научни одговори за него.

أحد الأخوان من المغرب الشقيق أرسل لي هذا المقطع الغريب من كاميرا مراقبة لمنزله في مدينة أغادير لحظة وقوع الزلزال…

ظهرت ومضات ضوء زرقاء غامضة في الأفق ولا أحد يعرف ماهي.

مع العلم أن هذه الأضواء ظهرت نفسها لحظة وقوع زلزال تركيا وسوريا قبل 7 أشهر.

هل يوجد لدى أحد تفسير؟ pic.twitter.com/q845XXSlYu

— إياد الحمود (@Eyaaaad) September 9, 2023

Како топчести молњи, светлата за земјотреси се релативно ретки и на научниците им е тешко да објаснат што точно се тие. Работата ја комплицира тоа што не сите случаи изгледаат исто, што предизвикува објаснувања кои се движат од едноставни молњи до НЛО и феномени од светот.

„Светлините можат да добијат многу различни форми и бои“, изјави Фридеман Фројнд, професор по физика на Државниот универзитет во Сан Хозе и истражувач во истражувачкиот центар Ејмс на НАСА, во интервју за „National Geographic“ во 2014 година.

Фројнд и неговите колеги проучувале 65 извештаи за такви светла кои датираат од 1600 година, објавувајќи ги нивните наоди во 2014 година во списанието „Seismological Research Letters“.

На пример, на 12 ноември 1988 година, луѓето пријавиле пурпурно-розова топка од светлина долж црквата Св. Лоренс во Квебек, 11 дена пред силниот земјотрес. Во Писко, Перу, светлата се појавија во форма на силни блесоци кои го осветлија небото, снимени од безбедносните камери пред земјотресот со јачина од 8 степени во 2007 година. Дури и пред земјотресот во 2009 година во Аквила, Италија, беше забележана мала светлина како трепери над камените улици.

Геолошкиот институт на САД е внимателен околу тоа дали постојат светла за земјотреси или EQL. „Геофизичарите се разликуваат за степенот до кој поединечните извештаи за необични светла во моментот и во близина на епицентарот на земјотресот всушност претставуваат EQL“, вели институтот на својата веб-страница: „Некои се сомневаат дека секој поединечен извештај претставува цврст доказ за EQL, додека други мислат дека барем некои извештаи убедливо се совпаѓаат со EQL“.

أحد الأخوان من المغرب الشقيق أرسل لي هذا المقطع الغريب من كاميرا مراقبة لمنزله في مدينة أغادير لحظة وقوع الزلزال…

ظهرت ومضات ضوء زرقاء غامضة في الأفق ولا أحد يعرف ماهي.

مع العلم أن هذه الأضواء ظهرت نفسها لحظة وقوع زلزال تركيا وسوريا قبل 7 أشهر.

هل يوجد لدى أحد تفسير؟ pic.twitter.com/q845XXSlYu

— إياد الحمود (@Eyaaaad) September 9, 2023

The post Снимена сина светлина на небото три минути пред разорниот земјотрес во Мароко appeared first on Република.

Во Мароко продолжува потрагата по преживеани, по разорниот земјотрес со јачина од 6,8 степени според Рихтеровата скала, a во кој, според последните податоци, досега се потврдени над 2.000 жртви.

Бројот на повредени надмина 2.060, од ​​кои повеќе од 1.400 се во критична состојба.

Повеќето од смртните случаи се регистрирани во оддалечените планински области на југот на Мароко.

Билансот на жртви не е конечен, а спасувачите се уште пристигнуваат во најзагрозените подрачја. Тие бараат преживеани под урнатините на куќите, историските и верските објекти.

Земјотресот беше почувствуван и во Алжир, на југот на Шпанија и во Португалија.

Професорот на Катедрата за сеизмологија на Хашемитскиот универзитет во Јордан, Ид ел Тарази, изјави дека Мароко го погоди земјотрес еднаков на силата на 25 нуклеарни бомби.

Во продолжени хронолошки се подредени најсмртоносните земјотреси во последните 25 години.

6 февруари 2023 година: Турција и Сирија. Во земјотресот со јачина од 7,8 степени според Рихтер загинаа повеќе од 21.600 луѓе.

25 април 2015: Непал: Повеќе од 8.800 луѓе загинаа во земјотресот со јачина од 7,8 степени.

11 март 2011 година: Јапонија. Земјотрес со јачина од 9 степени во близина на североисточниот брег предизвика цунами, при што загинаа повеќе од 18.400 луѓе.

12 јануари 2010 година: Хаити. Повеќе од 100.000 луѓе загинаа во земјотресот со јачина од 7 степени. Владата процени неверојатни 316.000 мртви, но обемот на уништувањето оневозможи да се утврди точниот број.

12 мај 2008 година: Кина. Земјотрес со јачина од 7,9 степени според Рихтеровата скала го погоди источниот дел на Сечуан, што резултираше со повеќе од 87.500 смртни случаи.

27 мај 2006 година: Индонезија. Повеќе од 5.700 луѓе загинаа во земјотресот со јачина од 6,3 степени според Рихтеровата скала што го погоди островот Јава

8 октомври 2005: Кашмир. Во земјотресот со јачина од 7,6 степени според Рихтер загинаа повеќе од 80.000 луѓе во регионот.

26 декември 2004 година: Индонезија: Земјотрес со јачина од 9,1 степени по Рихтер предизвика цунами во Индискиот Океан, при што загинаа околу 230.000 луѓе во десетина земји.

26 декември 2003 година: Иран. Земјотрес со јачина од 6,6 степени според Рихтеровата скала го погоди југоисточниот дел на земјата, предизвикувајќи повеќе од 20.000 жртви.

26 јануари 2001 година: Индија. Земјотрес со јачина од 7,6 степени според Рихтеровата скала го погоди Гуџарат, при што загинаа 20.000 луѓе.

7 август 1999 година: Турција. Земјотрес со јачина од 7,6 степени го погоди Измит, при што загинаа околу 18.000 луѓе.

The post Ова се најсмртоносните земјотреси во светот во последните 25 години appeared first on Република.

Познатиот фудбалер Кристијано Роналдо го понуди својот хотел во Маракеш на сите оние кои ги загубија своите домови во земјотресот во Мароко, пренесува Марка. Роналдо рекол дека секој на кој му треба привремено засолниште може да престојува во неговиот хотел. Хотелот се наоѓа на периферијата на Маракеш и има четири ѕвезди.

Страшен земјотрес во Мароко се случи ноќта од петокот кон саботата. Бројот на жртви надмина 2.000 лица, додека 1.200 луѓе се во критична состојба. Сè уште се пребројуваат жртвите, а нивниот биланс расте од час во час. Материјалната штета е огромна и голем број луѓе останаа без своите куќи и станови.

The post Роналдо го понуди својот хотел во Мароко за луѓето кои го загубија домот во земјотресот appeared first on Република.

Европската Унија и нејзините земји членки ви искажуваат целосна солидарност во овој тежок момент, се наведува во писмото што лидерите на ЕУ го упатија до мароканскиот крал Мохамед Шести, изразувајќи сочувство до него и до Владата и народот на Мароко за жртвите од катастрофалниот земјотрес што ноќта меѓу петокот и саботата го погоди централниот дел на земјата.

Ваше височество, ние, членовите на Европскиот совет, сакаме да го споделиме со вас нашето најискрено сочувство за страшната загуба на животи по страшниот земјотрес. Длабоко сме натажени од разорните последици од овој трагичен настан. Нашите мисли се со сите Мароканци кои загубија членови на своите семејства и пријатели, се наведува во писмото потпишано од шефовите на држави или влади на сите членки на ЕУ и од претседателите на Европскиот совет и на Европската комисија, Шарл Мишел и Урсула фон дер Лајен.

Членовите на Советот на ЕУ додаваат и дека на сите повредени во земјотресот им посакуваат целосно и брзо закрепнување.

Како блиски пријатели и партнери на Мароко, ние сме подготвени да помогнеме на кој било начин што ќе го сметате за корисен. Нашите мисли на сочувство продолжуваат да бидат со вас и со вашиот народ, се додава во писмото.

Според последните податоци, во земјотресот загинале најмалку 2.012 лица, а 2.059 се повредни, од кои 1.404 се во критична состојба. Земјотресот се случи на планинскиот венец Висок Атлас во петокот во 23:11 часот по локално време (сабота 11 минути по полноќ по средноевропско време), на длабочина од 18,5 километри и со епицентар во провинцијата Ал Хоуз на 72 километри југозападно од Маракеш.

The post Лидерите на ЕУ упатија сочувство за жртвите од земјотресот во Мароко appeared first on Република.

Бројот на загинати во земјотресот во Мароко се искачи на 2.012 лица, јави рано утринава мароканската државна телевизија, повикувајќи се на соопштение на Министерството за внатрешни работи. Бројот на повредени се искачи на 2.059, вклучувајќи 1.404 лица кои се во критична состојба, се додава во соопштението.

Билансот се очекува да се зголеми со оглед на тоа дека спасувачките тимови вчера имаа тешкотии да се пробијат по патиштата врз кои имал одрони и паднати дрвја, а со цел да стигнат во тешко достапните планински региони, кои беа најмногу погодени од земјотресот.

Портпаролот на Детскиот фонд при ОН (УНИЦЕФ) Џо Инглиш изјави за Си-Ен-Ен дека се уште постои надеж дека ќе се најдат преживеани.

„Првите 72 часа во однос на потрагата и спасувањето се апсолутно критични... Тие го нарекуваат „златен период“ затоа што ако сакате да одите под урнатините, ова е моментот кога тоа треба да се направи и понекогаш гледаме чуда, рече тој.

Освен во Маракеш, земјотресот бил почувствуван и во главниот град Рабат, Казабланка, Агаир и Есауира, предизвикувајќи паника кај населението. Голем дел од луѓето од погодените области ноќта ја минаа на отворено, стравувајќи од нов земјотрес.

Кралот на Мароко, Мохамед Шести, по земјотресот што ја погоди земјата, прогласи тридневна национална жалост за време на која знамињата на јавните згради ќе бидат спуштени на половина копје.

Покрај тоа, кралот ја задолжи владата да формира министерски комитет за програма за обнова на домовите уништени од земјотресот.

Во меѓувреме, владите во светот изразија солидарност и понудија помош. Турција, каде во февруари во силните земјотреси загинаа повеќе од 50.000 луѓе, соопшти дека е подготвена да даде поддршка. Алжир, кој ги прекина врските со соседен Мароко во 2021 година, бидејќи тензиите меѓу нив ескалираа поради конфликтот во Западна Сахара, информираше дека ќе го отвори својот воздушен простор за хуманитарни и медицински летови.

Маракеш треба да биде домаќин на годишните состаноци на Меѓународниот монетарен фонд и Светската банка на почетокот на октомври. Портпаролот на ММФ го коментираше закажаниот настан со зборовите „Сега нашиот единствен фокус е на народот на Мароко и властите кои се справуваат со оваа трагедија“.

Земјотресот се случи на планинскиот венец Висок Атлас во Мароко во петокот, нешто по 23 часот по локално време, на релативно мала длабочина од 18,5 километри, со епицентар на 72 километри југозападно од Маракеш.

The post Тридневна жалост во Мароко, над две илјади луѓе загинаа во катастрофалниот земјотрес appeared first on Република.

Бројот на загинати во големиот земјотрес што го погоди Мароко се искачи на 1.037 луѓе, соопшти мароканското Министерството за внатрешни работи.

Околу 1.204 други се повредени, од кои 721 луѓе се во тешка здравствена состојба.

Во провинцијата Ал Хауз, епицентарот на земјотресот, според Министерството, регистрирани се 542 жртви.

Синоќа во Мароко е регистриран земјотрес со интензитет од 6.8 степени според Рихтеровата скала, со епицентар во провинцијата Ал Хоуз, југозападно од Маракеш, популарна дестинација за странските туристи.

The post Над 1000 загинати во земјотресот во Мароко, повеќе од 700 лица во тешка состојба appeared first on Република.

Во катастрофалниот земјотрес што синоќа го погоди Мароко, според последните податоци, загинаа најмалку 820 лица, а 672 се повредени.

Поголемиот дел од загинатите се во планински, тешко достапен терен.

Како што наведува Министерството за внатрешни работи на Мароко смртните случаи од земјотресот со јачина од седум степени според Рихтеровата скала се во неколку региони, вклучувајќи ги провинциите Ал Хауз и Маракеш, како и градовите Уарзазате, Азилал, Чичауа и Тарудант.

Земјотресот бил почувствуван и во соседните Алжир и Мавританија.

The post Бројот на загинати во земјотресот во Мароко достигна 820 лица appeared first on Република.

Mароканската државна телевизија, повикувајќи се на Министерството за внатрешни работи, објави дека најмалку 632 лица загинале во силниот земјотрес што го потресе Мароко.

Во соопштението од Министерството се наведува и дека во земјотресот има најмалку 329 повредени лица.

Жителите на Маракеш, кој е најблискиот поголем град до епицентарот на земјотресот, велат дека има урнати згради во историскиот дел на градот. Локалната телевизија објави снимка од паднато минаре од џамија како се урива врз автомобили.

Мароканското Министерство за внатрешни работи повика на смиреност.

Националниот центар за научни и технички истражувања со седиште во Рабат соопшти дека земјотресот бил со јачина од 7 степени според Рихтеровата скала и дека неговиот епицентар бил во провинцијата Ал Хоуз, југозападно од Маракеш, популарна дестинација за странските туристи.

Освен во Маракеш, тресењето на земјата се почувствувало и во Рабат, Казабланка, Агадир и Есауира, предизвикувајќи паника кај населението. Многу луѓе излегоа на улиците на тие градови во страв од уривање на нивните домови, според сликите објавени на социјалните мрежи.

Регионалниот центар за трансфузија на крв во Маракеш денеска ги повика жителите да даруваат крв за повредените.

Мароканскиот геофизички центар соопшти дека земјотресот се случил во областа Игил во планината Висок Атлас со јачина од 7,2 степени. Американскиот геолошки институт ја процени јачината на земјотресот на 6,8 степени и соопшти дека е на релативно мала длабочина од 18,5 километри.

Игил, планинска област со мали земјоделски села, се наоѓа на околу 70 километри југозападно од Маракеш. Земјотресот се случил нешто по 23 часот по локално време. Локален функционер изјави дека најголем дел од смртните случаи се случиле токму во планинските области, кои се тешко достапни.

Во февруари 2004 година, земјотрес со јачина од 6,3 степени според Рихтеровата скала ја потресе провинцијата Ал Хосеима, 400 километри североисточно од Рабат, при што загинаа 628 луѓе и предизвика огромна материјална штета.

Претходно, на 29 февруари 1960 година, земјотрес го уништи Агадир, на западниот брег на земјата, и остави повеќе од 12.000 мртви, или една третина од населението на градот.

The post Смртниот биланс од земјотресот расте, потврдени се 632 жртви appeared first on Република.

Најмалку 296 лица загинале во големиот земјотрес што го погоди Мароко и предизвика материјална штета и паника во Маракеш и уште неколку градови, соопштија локалните власти, информирајќи за  првиот биланс од катастрофата.

Националниот центар за научни и технички истражувања со седиште во Рабат соопшти дека земјотресот бил со јачина од седум степени според Рихтеровата скала и дека неговиот епицентар бил во провинцијата Ал Хоуз, југозападно од Маракеш, популарна дестинација за странските туристи.

Според привремениот извештај, 296 лица загинаа во земјотресот во провинциите и општините Ал-Хауз, Маракеш, Уарзазате, Азилал, Чичау и Тарудан“, се вели во соопштението на властите.

Во соопштението се додава дека повеќе од 150 лица се повредени и префрлени во болници.

Локалните медиуми објавија дека тоа е најсилниот земјотрес што го погодил Мароко во историјата.

Освен во Маракеш, тресењето на земјата се почувствувало и во Рабат, Казабланка, Агадир и Есауира, предизвикувајќи паника кај населението. Многу луѓе излегоа на улиците на тие градови во страв од уривање на нивните домови, според сликите објавени на социјалните мрежи.

Регионалниот центар за трансфузија на крв во Маракеш денеска ги повика жителите да даруваат крв за повредените.

Во февруари 2004 година, земјотрес со јачина од 6,3 степени според Рихтеровата скала ја потресе провинцијата Ал Хосеима, 400 километри североисточно од Рабат, при што загинаа 628 луѓе и предизвика огромна материјална штета.

Претходно, на 29 февруари 1960 година, земјотрес го уништи Агадир, на западниот брег на земјата, и остави повеќе од 12.000 мртви, или една третина од населението на градот.

The post Досега невидена катастрофа во Мароко: Првичното пребројување на жртвите на земјотресот дојде до 296 appeared first on Република.

Патнички автобус се урна денеска во центарот на Мароко, при што загинаа 24 лица, објави државната новинска агенција МАП на северноафриканската земја.

Автобусот се превртел на кривина во централната провинција Азилал, соопштија локалните власти.

Автобусот превезувал неодреден број луѓе кои се упатувале кон неделниот пазар кога се случила несреќата, додаваат властите.

Причината за несреќата се уште не е јасна.

Властите соопштија дека истрагата за околностите на несреќата е во тек.

Сообраќајните несреќи се чести во Мароко. Во ноември минатата година, 11 лица загинаа, а 43 беа повредени кога автобус се преврте во близина на источниот марокански град Таза.

Сообраќајните несреќи годишно одземаат најмалку 3.200 животи во Мароко, според Националната агенција за безбедност на патиштата на земјата

The post Во автобуска несреќа во Мароко загинаа 24 лица appeared first on Република.

Новинарот на данската телевизија „ТВ2“, Кристијан Хог Андерсен, имаше скандалозен расистички испад во програма во живо.

Мароканските фудбалери и нивните мајки ги спореди со мајмуни!

Имено, по снимката на која се гледа како Мароканците слават со мајките на теренот, Хог покажа фотографија од мајмуни како се гушкаат.

The post Дански новинар ги спореди мароканските фудбалери со мајмуни бидејќи ги гушкаа своите мајки appeared first on Република.

Манекенката Иман Хамам, која многумина ја нарекуваат најубава навивачка во Мароко, ги бодри мароканските репрезентативците во Катар.

Иман е холандски модел со мароканско и египетско потекло и има 26 години. Дебитираше на 17 години кога се појави на ревијата на Живанши, а секогаш велеше дека нејзината мајка ја инспирирала да биде модел.

Не потекнувам од богато семејство, имавме предизвици, но таа ме инспирираше. Мајка ми е мојата голема инспирација - вели Иман.

The post Манекенката Иман е најпознатата мароканска навивачка appeared first on Република.

По поразот во полуфиналето од Франција, Хаким Зијеш, играчот кој на оваа средба ја носеше капитенската лента на Мароко, ќе донира се што заработил со настапот на Светското првенство

Како што објави новинарот, Калед Бејдун, Премиите на Зијеш изнесуваат околу 304.000 евра, а тие средства ќе бидат донирани на луѓе во Мароко на кои им е потребна помош.

The post Зијеш ќе ги донира сите премии заработени на Мундијалот appeared first on Република.

Момче загина кога автомобил влета во група марокански фудбалски навивачи во Монпеље, Франција, по вториот полуфинален фудбалски натпревар на Светското првенство меѓу Франција и Мароко во Катар, соопшти владата на департманот Еро.

„Четиринаесетгодишно момче кое беше удрено со автомобил во Монпеље по полуфиналето на Светското првенство беше донесено во болница во тешка состојба, но подоцна почина“, се вели во соопштението на локалната власт.

Како што е соопштено, автомобилот кој учествувал во инцидентот бил пронајден во близина на местото на несреќата, а полицијата во моментов врши увид.

Откако француската фудбалска репрезентација го совлада Мароко со резултат 2:0, избувнаа нереди во неколку француски градови.

The post Момче загина кога автомобил влета во група марокански навивачи во Франција appeared first on Република.

The post Tрагедија во Монпеље: Aвтомобил влета во марокански навивачи, едно момче загина appeared first on Република.

Францускиот селектор Дидие Дешамп рече пред денешниот полуфинален натпревар на Светското првенство дека неговиот тим ќе биде инфериорен на трибините поради бројната поддршка која ја има Мароко, но оти среќна околност е што „головите не ги постигнуваат навивачи“.

„Ќе биде бучно и се подготвуваме за тоа. Цела среќа е што навивачите не се тие кои постигнуваат голови. Дознавме како е да се игра во таква ситуација кога се натпреварувавме против Тунис. Мораме психички да бидеме подготвиме за тоа. Мароко? Грешат сите кои велат дека тоа е само силна дефанзивна екипа која на ова првенство прими само еден гол и тоа автогол. Само со одбранбена игра не би дотуркале толку далеку“, рече Демашп.

Дуелот меѓу актуелниот светски првак, Франција, и најголемото изненадување на Мундијалот, Мароко, која воедно е прва африканска репрезентација која обезбедила полуфинале во историјата, ќе се игра вечерва од 20 часот на стадионот „Ал Бајт“ во Ал Кор.

Натпреварот ќе го суди Цезар Артуро Рамос од Мексико

The post 40.000 Maроканци ќе бидат вечерва на стадионот во Катар appeared first on Република.

Репрезентацијата на Мароко денес ја совлада селекцијата на Португалија со 1:0 во четвртфиналниот натпревар на Светското првенство 2022 година.

Мароко стана првата селекција од Африка во историјата која се пласирала во полуфиналето на фудбалските Мундијали.

Претходно ниту една африканска селекција не помина подалеку од четвртфиналната фаза.

Африканците ги загубија претходните три четвртфиналиња: Камерун во 1990 година, Сенегал во 2002 година и Гана во 2010 година.

Во полуфиналето Мароканците ќе играат со победникот од дуелот Франција – Англија

The post Мароко е прва селекција од Африка што во историјата се пласира во полуфинале на Светското првенство appeared first on Република.

По натпреварот меѓу Шпанија и Мароко, во осминафиналето на Светското првенство во Катар, во кој Шпанците беа елиминирани, имаше прослави на марокански навивачи во голем број шпански градови.

Повеќето од тие прослави беа мирни, но не беше така на еден од најголемите плоштади во Мадрид, Пуерта дел Сол, каде што избија инциденти.

Во моментите додека мароканските навивачи славеа, група млади луѓе реагираа и влегоа во конфликт со нив, сметајќи дека прославата е пренагласена и провокативна.

https://www.youtube.com/watch?v=3NGO29fzfRk

The post Инциденти во Мадрид: Мароканци пренагласено ја славеа победата над Шпанија appeared first on Република.

Мароко ја приреди првата сензација во нокаут фазата на Светското првенство, совладувајќи ја вечерва репрезентацијата на Шпанија на пенали со 3-0, откако осминафиналниот дуел во Ал Рајан заврши без голови по 120  минути игра.

Мароканскиот херој беше голманот Боно кој во серијата пенали ги одбрани сите удари од белата точка на Шпанија. Непрецизни во шпанскиот состав беа Сарабија, Солер и Бускетс, додека на спротивната страна ударите од белата точка ги реализираа Сабири, Зијеш и Хакими.

Противник на Мароко во четвртфиналето ќе биде победникот од дуелот меѓу Португалија и Швајцарија.

Дуелот е на програмата вечерва од 20 часот во Лусаил

The post Падна Шпанија, Мароко е големото изненадување appeared first on Република.