Ракометниот клуб Алкалоид ги почна подготовките за новата сезона, а на стартот промовираше и четири нови засилувања.

Марко Кизиќ (23 г. голман), долгогодишен репрезентативец на Македонија во сите категории кој ни доаѓа од редовите на РК Е. Пелистер, а зад себе има настапи и во РК Вардар 1961.

Никола Костески (31 г., десно крило), искусен ракометар и репрезентативец на Македонија кој последната сезона ја мина во чешки Плзен каде редовно беше меѓу најдобрите стрелци. Низ својата кариера, Костески играше за Холабрун и Линц (Австрија), Татран Прешов (Словачка), Ешкишехир (Турција), како и македонските Металург и Борец.

Михаил Иваноски (21 г., десен бек), млад македонски ракометар кој во редовите на РК Алкалоид доаѓа од нашата база РК Мулти Есенс, во чии редови имаше забележителни настапи и оствари играчки напредок во кариерата.

Франциско Оливеира Да Силва (25 г., лев/среден бек), португалски интернационалец кој ни доаѓа од редовите на унгарски Егер, а претходно настапуваше за Гвадалахара во шпанската АСОБАЛ-лига, како и за Виторија и Брага во Португалија.

Алкалоид денеска со првиот тренинг означи старт на подготовките за новата сезона во која клубот покрај на домашната сцена ќе игра и во европскиот ЕХФ Куп.

Според планот, клубот ќе биде во Скопје до 3 август, а потоа заминува на десетдневни подготовки во Маврово.

The post Kизиќ нов голман на Алкалоид appeared first on Република.

Раководството на македонскиот првак Еурофарм Пелистер одлучи да не ја продолжи соработката со седум ракометари на кои со завршувањето на сезоната им истекоа договорите со битолскиот клуб.

Редовите на Еурофарм Пелистер, како што соопшти денеска клубот, ги напуштаат Урбан Лесјак, Калифа Гедбан, Марко Кизиќ, Марио Танкоски, Денис Васиљев, Руди Сери и Матеуж Пиеховски.

„Клубот им посакува успеси во новите средини и вратите на Еурофарм Пелистер и град Битола секогаш ќе бидат отворени за нив“, се наведува во клупското соопштение.

Еурофарм Пелистер во завршното коло сезонава во македонската Суперлига го совлада во саботата Алкалоид на домашен терен со 32-28 и со тоа ја одбрани шампионската титула.

The post Лесјак, Гедбан, Кизиќ: Тројца голмани го напуштаат Еурофарм Пелистер appeared first on Република.