Претседателот на Регулаторната комисија за енергетика Марко Бислимовски денеска објави дека сепак, барем до крајот на годината, нема да има дополнителен попладневен час на евтина тарифа за електрична енергија за домаќинствата.

Од 1 ноември требаше да се воведе уште еден час поевтина струја, од 13.00 до 16.00 часот, наместо како што е досега од 13.00 до 15.00 часот.

Сега Бислимовски вели дека ова би ја загрозило евтината тарифа во ноќните часови од 22:00 до 7:00 часот наутро, односно двата ноќни часа од 22.00 до полноќ.

- Анализите покажаа дека цените на берзата се евтини во периодот од 12.00 до 16.00 часот и може да се воведат дури четири часа евтина попладневна тарифа, наместо два како досега, но проблемот е во тоа што ноќните цени на берзата сега се многу високи и ќе треба да ја укинеме евтината струја од 22.00 до 00.00 часот, а луѓето веќе имаат стекнато свои навики и не сакаме да предизвикаме револт, рече Бислимовски.

Овој статус ќе остане до крајот на годината, а понатаму повторно ќе се разговара со ЕСМ и со ЕВН, најави првиот човек на РКЕ.

The post Сепак нема да има дополнителен попладневен час на евтина тарифа до крајот на годината appeared first on Република.

Претседателот на Регулаторната комисија за енергетика Марко Бислимоски, коментирајќи го ставот од претставници од пекарската индустрија дека тие во голем дел зависеле од домашното производство и оти со растот на цената на струјата ќе се зголеми и цената на лебот, порача дека големите пекарски компании се законски обврзани да обезбедуваат електрична енергија на слободниот пазар и оти не смеат да бидат снабдувани од ЕВН Хоум.

Големите пекарски компании во државата, кои обезбедуваат најголем дел, односно над 90 проценти од потребите за леб, мора да одат на слободен пазар на електрична енергија. Тие никогаш не биле снабдувани од универзалниот снабдувач, рече Бислимовски, на новинарско прашање на прес-конференцијата за 32. Генерално собрание на регулаторите за вода од Европската Унија – WAREG, што се одржува во Скопје.

Со таквите лажни вести, као што рече, ќе се бори со факти и кажување на вистината.

Тоа е тоа, мора постојано да се бориме со лажни вести, како и кога почна корона кризата и енергетската криза - дека ќе се зголемувале цените за 200, 300 проценти, дека ќе немаме струја, а ништо не испадна дека е точно. Повторно исти такви експерти почнуваат со лаги, но ние сме тука да се бориме. И тие имаат пристап до медиумите, треба да се покрие одреден прилог, на некој не му е срам да лаже, но тоа е тоа, со лажговци ќе се бориме со факти, рече Бислимовски.

Претседателот на РКЕ потврди дека е огромен трендот на преместување на компании од регулиран на отворен пазар. Ги охрабрува сите мали потрошувачи кои имаат можност да се вратат назад на слободниот пазар.

Ако потрошувачката на малите потрошувачи кои биле снабдувани од ЕВН Хоум во екот на енергетската криза била околу 450 - 500 милиони киловат часови годинава таа ќе падне на околу 220-230 милиони киловат часови.

- Значи околу 250-270 милион киловат часови на мали потрошувачи се префрлена на слободниот пазар и тоа е сосема логично затоа што таму има поевтини цени и трошоци. Ги охрабрувам сите мали потрошувачи кои имаат можност да си се вратат назад на слободниот пазар. Ако се зголемат таму цените тоа што се обезбедува од државата, цена од некаде 180 -190 евра, во зависност од тоа какви се случувањата, повтопрно да се вратат ако има експремни услови, но сега кога е поевтино не гледа логика да седат на регулираниот пазар. Тоа од друга страна ни прави притисок за цената на домаќинствата, но овие мали потрошувачи, кафетерии, дуќанчиња, нека си одат на слободниот пазар. Ако не си го искориат тоа право никој не и е крив, укажа Бислимовски.

Во однос на сугестите за намалување на мрежарината ако се зголеми цената на струјата, посочи дека таа се определува на крајот на годината освен ако нема драматични промени.

Мрежарината ја определуваме кон крајот на годината и така ќе биде и понатаму. Цените на мрежарините ќе ги определиме кон крајот на декември, согласно Методологијата, освен ако нема драматични промени. Ако увидиме овие неколку денови дека можеме тоа да го направиме ќе го направиме, рече Бислимовски.

За можноста за намалување на цената на мрежарината од 1 јануари вели треба да се види колку ќе бидат загубите, а посочи и дека ќе има нова влада и ново раководство во ЕСМ.

За од 1 јануари ќе видиме, треба да видиме колку ќе бидат загубите, ако го има овој тренд на намалување на загуби, ќе биде во ред за електридистрибуција, ЕСМ ги обезбедува загубите, ќе имаме нова влада, ново раководство во ЕСМ, ќе имаат нови визии како да го раководат ЕСМ, може и да ја намалат цената по која што ја нудат на тендерот за загуби, така што до тогаш се е можно, рече Бислимовски.

Укинувањето на овој надомест, потецираше, ќе значи зголемување на евтината тарифа за 15 проценти, на првиот блок за девет проценти. - Е сега, очигледно е дека имаме погодени експерти кои имаат по четири-пет стана, кои имаат фотововолтаици на своите куќи и не можам да им помогнам, но да се кажуваат невистини дека таков надомест немало никаде во свет е срамота, рече Бисломовски и посочи дека таков надомест користат држави како Германија, Австрија, Естонија, Малта, Хрватска, од соседството, Црна Гора, Србија, Косово.

The post Бислимоски: Најголемите пекарски компании се законски обврзани да обезбедуваат струја на слободниот пазар appeared first on Република.

Македонија во регионот е една од земјите со највисоки загуби на вода и тоа на ниво на цела држава е околу 63 отсто, вели претседателот на Регулаторната комисија за енергетика (РКЕ), Марко Бислимоски.

Тој вели дека големите загуби на вода се должат пред се на голем број импровизации во овој сектор, но и на неинвестирање во инфраструктура и нејзино подобрување.

Ние како РКЕ во повеќе наврати кажавме дека не бегаме од таа одговорност и сме подготвени да ја определуваме крајната цена за сите водни услуги. Имајќи го во предвид нашето искуство гарантираме дека ќе ја подобриме ефикасноста на компаниите, ќе овозможиме поголем број на инвестиции и за сметка на тоа ќе ги намалиме загубите на вода на државно ниво и нема да предизвикаме никакви ценовни шокови“, рече Бислимоски денеска одговарајќи на новинарски прашања.

Со намалување на загубите, додава тој, ќе се зголемат количините кои што ќе се фактурираат и на тој начин нема да има никакви потреби за зголемување на цената за водните услуги.

Бислимоски вели дека клучно е да се обезбеди цена што ќе овозможи развој на претпријатијата, таа да биде достапна и прифатлива за крајните корисници, а регулаторот да ја преземе целосната надлежност во формирање на крајната цена.

Со години инсистираме да ја преземеме во целост надлежноста за формирање на тарифи што се реални и инвестициски поттикнувачки. Со природните ресурси, како водата, не смееме да дозволиме алиби игри. Во овој момент РКЕ определува само опсег на тарифи – од минимална до максимална, а советите на локалните самоуправи најчесто се определуваат за најниската цена, односно тарифа што обезбедува минимален праг на рентабилност со мали инвестиции, при што мрежата не се обновува, а вработувањата се зголемуваат“, додаде Бислимоски.

Според него, неопходен е континуиран инвестициски циклус во инфраструктурата, како и оптимизирање на бројот на вработени во јавните комунални претпријатијата, при што во исто време, додава тој, клучно е да се обезбеди цена што ќе овозможи развој на претпријатијата и воедно да биде достапна и прифатлива за крајните корисници.

Решение, како регулатори, гледаме преку преземање целосна надлежност во формирање на крајната цена“, смета Бислимоски.

The post Македонија со најголема загуба на вода во регионот, на ниво на држава е 63 отсто appeared first on Република.

Поконкретни информации за новата цена на електричната енергија што треба да важи од 1 јули годинава ќе имаме во текот на наредната недела по завршувањето на тендерот на ЕВН хоум за набавка на електрична енергија. Досега сме имале многу потешки периоди и никогаш не сме дозволиле да има сериозна промена на цената на струјата и секогаш сме воделе сметка да го сочуваме стандардот на граѓаните и сега ќе се водиме исклучиво од нивните потреби, порача денеска претседателот на Регулаторната комисија за енергетика (РКЕ) Марко Бислимоски.

Нагласи дека поконкретни информации за цената ќе има во текот на наредната недела откако РКЕ ќе ги има на располагање сите потребни параметри. На цената, посочи, ќе влијае и профитната маржа, која од 1 јули ќе биде 9,9 наместо досегашните 11,5 проценти. Нова цена на струјата, како што кажа, се носи сега, а не во декември заради тоа што на стариот универзален снабдувач му истекува лиценцата на 30 јуни. Во текот на следната година, додаде, не би требало да носиме одлука за цена во јуни, туку само во декември која ќе важи за цела 2026 година.

РКЕ никогаш до сега не дозволи да има ценовни шокови, така и сега ќе ги искористиме сите механизми кои ни стојат на располагање за да нема ценовен шок. Треба да почекаме да заврши тендерот за набавка на електрична енергија на 21 јуни и ЕВН хоум да ги достави пресметките за цената на електричната енергија на контрола во РКЕ за да видиме колкава ќе биде цената. Правиме напори и анализи да бидеме прва земја во Европа која ќе има три часа евтина тарифа во текот на денот. Нема да ја воведеме од 1 јули, туку некаде во ноември, декември или јануари идната година. Тоа ќе зависи од анализите, изјави Бислимоски.

Владата, како што кажа, веќе донесе одлука со која цената на електричната енергија што ЕСМ ќе му ја понуди на универзалниот снабдувач по 1 јули е 60 евра за мегават час. Исто така, ЕСМ нема да понуди 100 проценти од потребите на малите потрошувачи и домаќинствата кои се на регулираниот пазар, туку само 85 проценти.

Оваа цена од 60 евра за мегават час на некој начин е изненадување и за мене, бидејќи во услови на криза нудеа пониска, но на некој начин може да ја изменаџираме. Мене ме загрижуваат 15-те проценти кои треба да ги набавува ЕВН хоум на слободниот пазар. На фјучерсите што ги гледаме во текот на денот цената се движи од 90 до 100 евра и е повисоко од тоа што го дава ЕСМ. Како и досега, и сега ќе ги искористиме сите механизми за да не предизвикаме ценовни шокови за граѓаните, истакна Бислимоски.

До 2019 година кога РКЕ ја одредуваше цената по која ЕСМ ја нудеше на регулираниот пазар, додаде, никогаш не беше повисока од 45 евра за мегават час и со таа цена им се обезбедуваа приходи од 15 милиони евра.

Порача дека цената на лебот не е поврзана со цената на електричната енергија на регулираниот пазар и додаде дека најголемите производители на леб во државата своите потреби за електрична енергија ги обезбедуваат на слободниот пазар. Тоа, како што кажа, се околу 95 отсто од компаниите кои произведуваат леб.

Во изминатиот период цените на електрична енергија на слободниот пазар се далеку пониски отколку што беа во 2023, 2022, и 2021 година. Затоа не држи било каква шпекулација дека промената на цената по која ќе ги снабдува универзалниот снабдувач малите потрошувачи ќе влијае на дополнително поскапување на лебот. Тоа е тотално неточно и претставува највулгарна шпекулација, рече Бислимоски.

Истакна дека во изминатиот период имаше денови кога цената на слободниот пазар на електрична енергија имаше негативна вредност или блиску до 0 и дека просечните цени се од 50 до 80 проценти пониски отколку во изминатите неколку години.

The post Цената на струјата по први јули ќе се знае идната недела appeared first on Република.

Јасно е дека има зголемен број на домаќинства од вообичаеното каде што претпоставката за потрошена електрична енергија очигледно е превисока, кај најголем дел од жалбите кои што се водат кај нас, ние ќе ги прифатиме, вели претседателот на Регулаторната комисија за енергетика Марко Бислимовски.

Во интервју за РСЕ, Бислимовски појаснува дека таму каде што не е отчитано во изминатиот период редовно ќе направат ЕВН Хоум конечна пресметка.

И тоа ќе ги прифатиме на следниот начин. Доколку периодот на отчитувањето е 90 дена, ќе се направи една конечна пресметка, каде што, првиот блок го сведуваме на дневно ниво, иако е за еден месец тоа е 210 киловат часови, а ако е за 90 дена е 90 по 7, 630 киловат часови. На тој начин ќе му обезбедиме, непотребни количини на електрична енергија да не му одат во четвртиот блок и заради тоа велам дека блоковите, наместо периодот, ако е 90 дена на отчитување, првиот блок нема да биде 210 кило часови, туку ќе биде 630 кило часови, вториот блок ќе биде исто така како што е сега од 630 помножен до 3, така да за да имаат граѓаните реална пресмета, појаснува Бислимовски.

The post Бислимовски: Најголем дел од жалбите за сметките за струја ќе ги прифатиме appeared first on Република.

Најодговорно тврдам дека тие што ќе одат во трет блок ќе имаат помали сметки од претходно, ќе дојдат сметките, граѓаните ќе видат. Многу потрошувачи, потрошувачката со која што влегувале во трет блок, некои дури и што се греат во поголеми простории се и во четврти блок, дел од таа потрошувачка ќе влезе во евтината тарифа од 13 до 15 часот, истакна претседателот на Регулаторна комисија за енергетика, Марко Бислимоски, во гостување во „Тема на денот“ на ТВ Сител.

Тој рече дека над 80 проценти од потрошувачите се во прв и втор блок, а таму појасни дека има намалување на цената за пет проценти во еден од блоковите, додека во втор блок цената е иста, а кај третиот блок има корекција од два проценти.

-Па ако споредите минус пет и плус два, добивате повторно намалување што значи дека и тие што се во трет ќе имаат намалување на сметките, нагласи Бислимоски.

The post Бислимоски: Тие што ќе одат во трет блок ќе имаат помали сметки од претходно, зашто ќе ја пренасочат потрошувачката во евтина тарифа appeared first on Република.

Претседателот на Регулаторната комисија за енергетика и водни услуги Марко Бислимоски во разговор за МИА вели дека нема да се дозволи ценовен шок и посочува дека посочува дека следната седмица се очекува да ја информираат јавноста околу цената на струјата од 1 јануари 2024 година.

-Цените на струјата секогаш сe актуелни, во изминатиот период повторно бевме соочени со разноразни црни сценарија, колку ќе значи поскапувањето, што ќе значи. Ние ги привршуваме цените во однос на делот за мрежарините, за пренос и за дистрибуција на електрична енергија. Понатака откако ќе ги усвоиме, универзалниот снабдувач треба да ги достави. Очекуваме во текот на следната недела да ја информираме јавноста. Секогаш имаме креативни решенија, нема да има никаков ценовен шок, сè ќе биде во рамките на тоа што може да се очекува, вели Бислимоски.

Тој во своето кажување вели иако компаниите имаат свои трошоци сепак на крај ќе ги разочараат сите експерти со објавување на цената на струјата. Го даде како пример зголемувањето од 27% што го побарале компаниите и кажа дека тие “апсолутно тоа нема да го добијат“.

Ги привршуваме анализите, имаме начин како да го спречиме тоа, ќе воведуваме и надоместок за пристап кон мрежа, којшто најодговорно тврдам дека ќе им помогне на сите потрошувачи во државата, имајќи предвид дека поради поставување на фотоволтаици на кровови и на индустриски капацитети и на домаќинства, потрошувачката ни падна за десетина проценти што прави дополнителен притисок врз цената. Значи, тоа има влијание и не може тие што не поставиле фотоволтаици да плаќаат за тие што поставиле фотоволтаици, вели Бислимоски.

Објаснува дека има 130 илјади домаќинства кои минимално трошат електрична енергија, но трошоците за одржување на мрежите се фиксни секој месец и „не може да плаќаат само тие што трошат, туку има и фиксен трошок“.

Во однос на воведените блок тарифи потенцира дека се покажа дека функционираат и ќе продолжат да функционираат.

Имавме сосема разбирлив притисок од Меѓународниот монетарен фонд, но на крајот се разбравме дека колку и да ги намалиме ние тарифите, толку повеќе ќе се зголемува приходот и со тоа ќе има други непотребни работи коишто треба да се случуваат. Блок тарифите ќе продолжат да функционираат и сега за сега даваат одлични резултати. Најбитно ни беше со блок тарифите да се намали потрошувачката на електрична енергија. Веќе испраќаме и сигнал, тие што се во четврти блок, многу влегуваат во четвртиот блок, можат да си одат на слободен пазар да си набават електрична енергија, објаснува Бислимоски за МИА.

The post Бислимовски: Нема да дозволиме ценовен шок appeared first on Република.

Додека проблемот со броилата сѐ уште е актуелен, Марко Бислимоски потврдува дека официјално евтината тарифа се врати кај домаќинствата игнорирајќи го овој проблем.

Бислимоски вели дека никој нема да биде оштетен.

Кај нас во Македонија сите броила се дигитални, но не значи дека секое дигитално броило има далечинско отчитување. Како што ќе доаѓа отчитувачката група за да се промени, така ќе биде променета енергијата од скапа во евтина. Потрошувачката за декември ќе биде со целосна применета евтина тарифа. Не можат екипите на ЕВН одеднаш да заменат повеќе од 400.000 броила, но до крајот на месецот ќе биде 90% завршена. Никој нема да биде оштетен, рече претседателот на РКЕ Марко Бислимоски.

На социјалните мрежи се споделуваат две фотографии направени после 13 часот кога треба да има евтина струја, а на кои се гледа дека броилото работи во скапата, а не евтината тарифа. Броилото е од новите, што значи не спаѓа во групата броила чии домаќинства ќе останат без евтина струја затоа што се од стар тип кај кои треба рачно подесување.

Тоа покажува дека и кај новите броила процесот не се одвивал автоматски, односно дека не сите домаќинства кои имаат од таквите броила користат ефтина струја во периодот меѓѕ 13 и 15 часот. Инаку, како што забележувате на втората фотографија, стрелката покажува на Т1, што значи скапа тарифа, наместо на Т2 што значи евтина тарифа.

Бислимовски додаде во однос на снабдувањето со електрична енергија според податоците со коишто располага ЕСМ производните капацитети се во добра кондиција.

Не е исклучена можноста за да постои зголемување на цената на струјата поради што потрошувачката на електричната енергија е намалена за 10% заради поставувањето на фотоволтаци– но секако ќе се најдат соодветни креативни решенија што е во наши рамки. Доколку се држиме до плановите за домашно производство на домашна енергија ќе немаме проблеми“ – истакна Бислимоски.

The post Бислимовски вели дека евтината струја се врати кај граѓаните, но проблемот со броилата сѐ уште е актуелен appeared first on Република.

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Тарифен систем за продажба на електрична енергија на потрошувачите кои ги снабдува универзалниот снабдувач и снабдувачот во краен случај со кој се утврдува дека евтината дневна тарифа стартува од 1 декември 2023 година во периодот од 13 часот до 15 часот и од 22 часот до 7 часот секој ден, како и цел ден недела.

„Со воведување на дневната евтина тарифа домаќинствата ќе имаат на располагање вкупно 11 часа евтина електрична енергија во текот на едно деноноќие од понеделник до сабота и 24 часа во ден недела. РКЕ по направените анализи оцени дека се создадени услови домаќинствата да користат дополнителни часови во коишто надоместокот за потрошената електрична енергија ќе се пресметува по евтина тарифа. Податоците укажуваат дека инвестицискиот циклусот во обновливи извори на енергија го зголеми производството на електрична енергија со што директно се влијаеше врз намалување на цената преку ден“, изјави Марко Бислимоски, претседател на РКЕ.

The post Домаќинствата ќе имаат на располагање 11 часа евтина струја appeared first on Република.

Од 1-ви ноември, парното нема да поскапи повеќе од пет отсто, што значи дека зголемувањето на цената на парното греење би се движело до максимум од 50 до 60 денари на месечно ниво од стан. Ова вчера во изјави првиот човек на Регулаторната комисија за енергетика (РКЕ), Марко Бислимовски.

Тој не верува дека ќе има зголемување поголемо од 5 отсто коешто, како што вели, нема да претставува проблем за граѓаните во градот Скопје.

Сега во овој момент тоа е најевтин начин на греење така што за еден просечен стан ако би имало зголемување тоа би се движело до максимум на месечно ниво за 50-60 денари што сметам дека не претставува проблем, дообјасни Бислимоски во гостувањето на вестите на Тв Сител.

Според Бислимовски, во текот на енергетската криза успеале да одржат ценовна стабилност на топлинската енергија.

Граѓаните добија парно греење, но по стара цена. Засега Регулаторната комисија за енергетика не носи одлука за нова цена се додека не биде поставен новиот топловод по мостот Беласица, за кој градот Скопје и ЕСМ се натегаат со месеци.

Нова одлука ќе биде донесена откако цевководот на мостот Беласица ќе биде поставен, со што ќе се овозможат услови за детален пресек на трошоците.

The post Бислимовски: Парното нема да поскапи повеќе од 50-60 денари appeared first on Република.

За над 50 отсто би поскапело парното греење, ако има основ РКЕ да ги прифати барањата на компаниите за топлинска енергија. Тие веќе ги доставиле пресметките до комисијата. Две од трите фирми за парно на ЕСМ бараат зголемување. Пресметки доставиле и ЕСМ Енергетика и Скопје Север. Првиот човек на РКЕ, Бислимовски за Телма вели дека добро ќе се разгледаат нивните трошоци и за околу 10 тина дена, би се знаела новата цена на парното, која ќе важи од први август. ДДВ-то за топлинска енергија останува 5 отсто, и за сега нема најава дека ќе се менува.

Дистрибуција бара зголемување за 50 отсто, снабдување за 54,2 проценти, а за производство, намалување за 29,42 проценти. Во постапка сме за разгледување, за 10 дена ќе знаеме што е, како е, се анализираат нивните трошоци. Ако се прифатат барањата за 54 отсто би било зголемувањето на цената на парното- вели Марко Бислимовски, претседател на Регулаторната комисија за енергетика.

Каква ќе биде цената на гасот во следниот период, Бислимовски смета дека тoa ќе зависи од европските земји.

Да видиме како и што ќе се случува. Најважниот дел е сега, дали европските земји ќе треба да ги полнат своите складови со природен гас. Ако има потреба од такво нешто, се очекува зголемување на цената, но не очекувам бројките да бидат луди, како лани - вели Бислимовски.

Извор: Телма

The post Ако се прифатат барањата на компаниите, парното ќе поскапи за 54 отсто appeared first on Република.

Следната недела ќе се знае за колку ќе поскапи струјата. Се споменува минимално поскапување, но извесно е дека ќе се воведе и евтина тарифа. Но, проблем е прилагодувањето на броилата, поради што ЕВН бара повеќе време од вообичаените три месеци, поради комплицираноста од воведените тарифи - изјваи првиот човек на Регулаторната комисија (РКЕ) Марко Бислимовски.

Евтината тарифа сигурно ќе биде воведена. Ги правиме сите анализи, имаме сериозно разидување со операторот во однос на времето кога тие може да стартуваат со имплементација на евтината тарифа. Наша цел е што повеќе граѓани во ист момент да ја користат евтината тарифа да нема поплаки. Тоа се работи што ги разговараме и ќе мора да ги завршиме кон почетокот на следната недела - рече Бислимовски.

Како што објасни, прилагодувањето на броилата го врши странска компанија и ЕВН бара време да се заврши. Проблематични се броилата кои не можат од компјутерскиот систем да се сетираат. Компјутерски требаат по две минути за едно дигитално броило, додека останатите се сетирааат рачно.

The post Евтина тарифа на струјата ќе има, но не се знае од кога appeared first on Република.

Се враќа дневната евтина тарифа на струјата, објави директорот на Регулаторната комисија за енергетика Марко Бислимоски. Како што додаде тој, ќе бидат два часа, во периодот од 11 до 16 часот.

Ги правиме последните анализи, јасно е дека ќе бидат два часа, некаде во периодот од 11 до 16 часот, рече Бислимоски.

Во тек се и консултации со ЕВН во однос на броилата поставени во домовите и нивно прилагодување.

Евтината струја нема да стапи на сила во еден ист момент за сите, поради тоа што голем дел од броилата немаат далечинско управување, па тимови ќе треба кај секој да пристапат физички.

Конечната одлука регулаторна ќе ја донесе во следните 15 дена.

The post Бислимоски: Се враќа дневната евтина тарифа на струјата appeared first on Република.

Регулаторната комисија за енергетика ја разгледува опцијата цената на струјата во одреден период во денот да биде значително пониска од цената која се плаќа во првиот тарифен блок, односно од 7,41 денар за киловат час.

-Постојат сериозни шанси да се  воведе пониска одредена цена во текот на денот. Таа цена ќе видиме  на кој начин ќе биде определена. Ќе има период сигурно кога ќе има пониска цена на струја да речеме од онаа во првиот блок, значително пониска. Се прават анализи и во наредните две до три недели ќе имаме и конечен став, изјави за Телма, Марко Бислимовски, претседател на РКЕ.

Берзанските податоци за струјата се многу пооптимистички во однос  на она што се случувало овој период минатата година.

Од РКЕ велат дека за прв пат по подолго време на берзите е забележана негативна дневна цена на електричната енергија.

-Има податоци од Хупекс имаме прв пат пад во дневните часови негативна цена веќе на најгоемата референта берза и за нас. Имаше негативна цена и одиме во насока да ипсратиме сигнал до ЕСМ како компанија која обезбедува струја за Универзалниот снабдувач, во период во ниска цена за да ги заштитиме домашните ресурси јаглен вода, многу е поисплатливо да обезбедиме струја од пазарот, не мора да е од увоз може да е од домашните фотоволтаици, изјави Бислимовски.

Дневната евтина тарифа за домаќинствата поради енергетската криза и растот на цената на берзите беше укината и од јануари 2022 година граѓаните не можеа да ја користат, но исто така се зголеми и цената на електричната енергија. 

The post Бислимовски: Се разгледува опцијата за повторно воведување на евтина тарифа за струја преку ден appeared first on Република.

Барањето за поскапување на водата е поднесено од ЈП „Водовод и канализација“ – Скопје во текот на ноември минатата година и ние не сакаме да се натегаме дали поднеле или не поднеле барање. Фактите се јасни – ние донесовме одлука согласно нивното барање. Тие бараа минималната цена да биде околу 30, а максималната 57 денари, потврди денеска претседателот на Регулаторната комисија за енергетика и водни услуги (РКЕ) Марко Бислимоски.

-Имајќи во предвид дека цената на електричната енергија за јавните комунални претпријатија е субвенционирана од државата и дека таа субвенција ќе продолжи и во наредните три месеци таа одлука што ја донесовме ќе претрпи корекција и минималната цена која ќе ја донесеме во четврток ќе значи намалување на цената за вода во Град Скопје, додека максималната ќе биде таква каква што е. Оставаме на Водовод Скопје и нивниот Управен одбор да донесе одлука врз основа на нашата одлука, а потоа таа треба да се испрати до Советот на Град Скопје, рече Бислимоски во одговор на новинарско прашање пред почетокот на презентацијата на студијата „Ефектите од кризата со храна и енергија врз децата и семејствата во Македонија.

Верувам, додаде, дека ова ќе биде поука за сите останати јавни комунални претпријатија дека кога ќе поднесат барање треба да останат на тоа барање, а не да политизираат.

-Ние не се криеме зад нашата одлука која ја донесовме, бидејќи е во рамки на нормала и зголемување од седум денари не е никаков месечен трошок. Затоа нема потреба од популизам. Ние како институција не гледаме кој од каде е и поддржавме јавните комунални претпријатија да имаат субвенционирана цена на електричната енергија и таа цена ја имаат, потенцира Бислимоски.

Прашан што ќе се случи со барањата од другите општини за зголемување на цената на водата рече дека во моментов се разгледуваат.

-Охрид има поднесено барање за зголемување на цената на водата за околу 70 проценти. Тоа го разгледуваме, но кога некој ќе поднесе барање за зголемување на цена од 70 проценти нема реалност. Пред да се поднесе вакво барање треба да се мисли. Ние нема да дозволиме да се зголеми цената за 70 проценти за да може јавните комунални претпријатија, не само во Охрид, туку насекаде низ државата, да бидат фабрика за вработување, бидејќи на крај ќе немаме вода, рече Бислимоски и додаде дека зголемување на цената побарале и Кочани и Ресен.

The post Бислимовски: В четврток корекција и намалување на цената на водата за скопјани appeared first on Република.

Директорот на Регулаторната комисија за енергетика Марко Бислимовски изјави дека инвестирањето во фотоволтаици во државата ќе ни ја зголеми енергетската независност.

Фирмите и приватните инвеститори не штедат во инвестиции за фотоволатиаци. Рекордни 260 лиценци за градба на фотоволатиаци издал регулаторот, 150 се разгледуваат, а во јануари се кренале 30 фотоволтаични централи.

Над 150 мегават часови се произведуваат зелена енергија во моментот, но претседателот на регуалторната комисија за енергетика предупредува. Потребни се паралелни инвестиции, затоа што постоечката мрежа нема да го издржи домашното производство.

The post Бислимовски: Инвестирањето во фотоволтаици ќе ни ја зголеми енергетската независност appeared first on Република.

Проблемот со „Макпетрол“ е надминат и компанијата ќе си доставува понуди во текот на следните денови до сите потрошувачи, изјави претседателот на Регулаторната комисија за енергетика (РКЕ) Марко Бислимовски.

Според него, гас ќе има, а конкурентоста ќе биде обезбедена од 1 јануари идната година  од кога ќе важат новите правила на пазарот.

Потрошувачите, како што рече Бислимовски во гостување на ТВ 24, треба да знат дека „Макпетрол“ како што функционирало досега нема да биде. „Макпетрол“ ќе им доставува номинации и доколку потрошувачите отстапуваат,  земат повеќе, за тоа ќе си платат дополнително, но не на „Макпетрол“, туку на преносниот систем оператор ГА-МА.

-„Макпетрол“ се согласи со овој пристап бидејќи на некој начин одредени ризици што беа кај снабдувачите се тргнати со вклучувањето на ГА-МА. Значи, ризиците кои што беа на снабдувачите, да не се соочат со проблеми со ликвидност доколку не плаќаат одредени потрошувачи ќе го преземе државата преку ГА-МА, но верувам дека тоа ќе бидат мали отстапуавња и оти на тој начин ќе го решиме проблемот, рече претседателот на РКЕ, која денеска организираше јавна  расправа за новите правила за снабдување со природен гас, што треба да профункционираат од 1 јануари.

На состанокот со државните компании НЕР и ГА-МА, како и трговците, снабдувачите и потрошувачите се усогласиле дека процесот како што е предвиден ќе почне. Но, посочи, за да се тргнат одредени ризици кои би се јавиле кај новите снабдувачи со природен гас, овозможивме поактивна улога да земе и ГА-МА, или новата компанија што ќе се формира наредната недела, да преземат обврска да им помогнат на потрошувачите да доставуваат номинации, при изработката и одредени технички работи, со што овозможивме трговците и снабдувачите заедно да работат со потрошувачите во јануари со цел да се релаксира ситуацијата.

The post Бислимовски: Проблемот со „Макпетрол“ е надминат appeared first on Република.

Првиот човек на Регулаторната комисија за енергетика (РКЕ) Марко Бислимовски денеска информираше дека продолжува трендот на пад на цената на горивата.

Во последните две-три недели, пред се заради паѓање на цената на нафтените деривати на светските берзи, како и поради намалување на курсот на доларот, РКЕ ја намали цената на горивата за повеќе од 30 денари. И денеска ќе има намалување на дизелот за 1,5 денар по литар, на бензинот ЕУРОСУПЕР БС-98 исто за 1,5 денар, а на ЕУРОСУПЕР БС-95 за еден денар. Секогаш повикуваме да се верува на институциите. Нашите одлуки се базирани на методологии. Очекувам тие што ме ставија на билборди јавно да се извинат и да престанат со неосновани напади врз РКЕ, рече денеска Бислимовски на прес-конференција.

Тој очекува да продолжи трендот на опаѓање.

Сето тоа што се случува на светските берзи, го рефлектираме на нашите одлуки. Да се надеваме дека трендот ќе продолжи и ќе се одржат овие цени. Ние не измислуваме цени и работиме под стриктно утврдени методологии, истакна Бислимовски.

The post Бислимовски најави ново поевтинување на горивата appeared first on Република.

Анализите на Регулаторната комисија за енергетика и водни услуги (РКЕ) покажуваат дека откако се воведени блок тарифите, домаќинствата ја намалиле потрошувачката на електрична енергија во скапа (висока) тарифа за 16,32%.

Согласно податоците, просечната потрошувачка на електрична енергија од 1 јули заклучно со 31 октомври во висока тарифа изнесувала 244 kWh, што е за 16,32% помалку во споредба со истиот период од минатата година кога просечната потрошувачка изнесувала 281 kWh.

Реформата е успешна, блок тарифите даваат резултати и ја постигнуваат таргетираната цел за рационално користење на електрична енергија. Принципот - кој троши повеќе да плаќа повеќе, а кој троши помалку, да плаќа помалку – има ефект и тоа го покажуваат анализите на просечната потрошувачка на електрична енергија во висока тарифа каде се регистрира за 16,32% заштеда во потрошувачката од како ги воведовме блок тарифите од 1 јули до 31 октомври, вели Марко Бислимоски, претседател на регулаторната комисија за енергетика и водни услуги.

РКЕ од 1 јули воведе четири блок тарифи со цел да испрати сигнал за рационално користење на електричната енергија. Првиот блок е до 210 kWh, вториот е од 211-630 kWh, третиот е во опсег од 631-1050 kWh и четвртиот е над 1050 kWh.

The post Бислимоски: Блок тарифите даваат резултат, домаќинствата имале просечна заштеда на скапа струја од 16,32% appeared first on Република.

И без да се зголеми цената на струјата – со ДДВ-то од 10 осто ќе пораснат сметките на граѓаните. Првиот регулатор, Марко Бислимовски во интервју за Телма апелира сериозно да се анализира зголемувањето на ДДВ-то кое се најавува од 1 јануари, бидејќи, според него, има и други механизми, наместо зголемување на стапката.

The post Бислимовски за „Телма“: ДДВ-то ќе ги покачи сметките и без зголемување на цената на струјата appeared first on Република.