Големите ланци на маркети треба да бидат почесто затворани, доколку не ги почитуваат одлуките на Владата, предлага директорот на Државниот пазарен инспекторат Горан Трајковски во „Дејли Клик“ на ТВ21.

Јас поднесов Закон за ДПИ. Еве на пример за голем ланец на маркет казната за непочитување на одлуки е 7000 евра, ако ја плати во рок од 7 дена е 3500 евра. Тоа не е ништо за големите ланци на маркети, ќе ја плати и ќе продолжи да работи без никаква штета, вели Трајковски.

Тој предлага да има затворање и забрана за вршење на дејност за да се свестат големите ланците на маркети.

Не им е важна казната на големите ланци на маркети, ги боли затворањето, рече Трајковски.

The post Не казни, големите ланци маркети ќе ги боли само ако бидат затворени, вели првиот човек на ДПИ appeared first on Република.

Макарони, паста за заби, шампони, зејтин, оцет, пелени се дел од продуктите на листата со вкупно 123 производи од конкретни произведувачи, чии цени во супермаркетите во Грција ќе бидат намалени од шест до 15 отсто во рамките на иницијативите на Министерството за развој за справување со инфлацијата на основните продукти, јави дописничката на МИА од Атина.

Од Министерството за развој на Грција ја објавија конкретната листа со производи, која според портпаролот на грчката Влада Павлос Маринакис е само почеток на иницијативата и постепено ќе бидат вклучени над 600 производи од различни добавувачи.

Маринакис на вчерашниот брифинг со новинарите објасни дека намалувањето на цените на основните производи за широка потрошувачка е по иницијативата и повикот од министерот за развој Такис Теодорикакос до сите добавувачи на храна и брендирани производи за широка потрошувачка, како и организирана малопродажба.

- Намалувањата на цените на овие први 120 кодови на производи за широка потрошувачка ќе се движат од шест до 15 проценти, а синџирите на супермаркети веќе го известија Генералниот секретаријат за трговија за соодветните листи со производи, рече вчера Маринакис.

„Катимерини“ пишува дека компаниите се обврзале намалувањето на цените да трае најмалку два месеци, но генералниот директор на Сојузот на супермаркети Апостолос Петалас за весникот рекол дека процените се дека времетраење сепак ќе биде подолго околу три-четири месеци.

Годишната инфлација во Грција во септември беше 2,9 проценти, според официјалните податоци од Службата за статистика, додека пак инфлацијата на прехранбените продукти беше 3,2 отсто.

The post Над 100 производи во грчките маркети со намалени цени од шест до 15 отсто appeared first on Република.

Премиерот Христијан Мицкоски денеска изјави дека предлогот од Министерството за економија дали ќе се замрзнат цените или ќе се ограничат маржите на дел од прехранбените производи можеби нема да се најде на утрешната владина седница доколку е потребно време за усогласување на засегнатите страни.

Производителите, трговците и Владата ќе разговараат за да се најде најдобриот начин да им се помогне на граѓаните, но и да биде задоволна и другата страна во однос на намалувањето на цените на прехранбените продукти - рече Мицкоски.

Во изјава за медиумите дадена пред почетокот на состанокот со АХК Македонија, дел од мрежата на германските комори во странство и Македонско-Германското стопанско здружение, Мицкоски рече дека утрово разговарал со министерот за економија кој треба да го организира состанокот.

Не мора да значи дека во текот на утрешниот ден на владина седница ќе биде предлогот, можеби една недела потоа, ако е потребно додека се усогласат ставовите. Не сакаме на сила ништо да правиме, стојам позади тоа што сум го кажал, но некогаш имате моменти кога гледате како поединци реагираат како монопол, дуопол и вие тогаш ќе мора да интервенирате офанзивно, ова како што ние го правиме. Онаму каде што навистина пазарната економија и пазарните практики ги диктираат цените, таму ние не интервенираме, но има услови кога ќе ги видите увозните цени и кога ќе видите како хируршки прецизно е поделен пазарот, тогаш не ви останува ништо друго освен да им помогнете на граѓаните, бидејќи не може некој непристојно да се богати на грбот на граѓаните. Во секој случај јас сум за тоа пазарната економија да ги диктира цените и да тоа го поддржувам и тука немам никаква дилема, но има за жал поединци кои ја злоупотребуваат оваа позиција и тука мораме ние како влада да интервенираме - рече Мицкоски.

Не мисли дека ваквата мерка е задоцнета.

Доволно време е пред есента, воопшто не е доцна. Не би рекол дека ќе паднат цените за 20 проценти. Производителите и трговците друго кажуваат и кога ќе ги видите соопштенијата што доаѓаат од коморите и од различните структури, тогаш ќе се доведеме до една збунувачка ситуација. Утрово разговарав со претседателот на Стопанската комора и конечно побарав од нив став. Нека ни кажат, бидејќи добиваме различни писма, што да направиме дали како Влада да останеме на ставот за примена на Законот за нефер трговски пракси или да го одложиме - изјави Мицкоски.

The post За да нема избрзана и несоодветна одлука, намалувањето на цените на стенд бај appeared first on Република.

Вработените сведочат за зголемен број инциденти, особено откако цените на основните животни потреби драстично пораснаа, пишува Денар.мк

Според нив, најмногу се крадат производи со висока вредност, но не се поштедени ни оние кои се дел од секојдневната потрошувачка како кашкавалот, путерот, сирењето, паштетите... Чоколадите исто така често завршуваат во џебовите на крадците.

Целиот текст овде.

The post Кражбите на храна во маркетите стануваат сè почести откако цените на основните животни потреби драстично пораснаа appeared first on Република.

Пазарниот инспекторат издал две решенија за затворање на маркети, информира директорот на Државниот пазарен инспекторат (ДПИ) Горан Трајковски на својот Фејсбук профил.

Трајковски најавува дека ќе следат засилени контроли кај трговците на мало и трговците на големо.

Изразувам благодарност до големиот број на општествено одговорни компании кои прифатија да ги задржат гарантираните цени на основните прехранбени производи. Апелирам истото да го направат и трговците на големо (снабдувачите), вели Трајковски.

Директорот на ДПИ во својата објава на Фејсбук порачува дека никој не смее да ги прекршува законите и да манипулира со потрошувачите.

The post Затворени два маркета appeared first on Република.

Во пресрет на велигденските пости, Министерството за развој на Грција од следната седмица во супермаркетите воведува „Посна кошничка“ со производи по прифатливи цени за потрошувачите, јави дописничката на МИА од Атина.

„Посната кошничка“ претставува проширување и дополнување на „Кошничката за домаќинствата“, со основните продукти, чии цени треба да останат исти или да има минимални покачувања, мерка што веќе речиси 18 месеци се спроведува во маркетите.

Од среда, се додаваат три нови категории на производи неопходни за посната трпеза, односно алва, посни салати и најмалку два вида замрзнати морски продукти.

Министерската одлука за „Посната кошничка“ што ќе важи до 4 мај, денеска ја потпиша министерот за развој на Грција Костас Скрекас, кој рече дека сакаат „секој дом да има пристап до квалитетни производи по најниски можни цени“.

Пракса на грчката Влада е „Кошничката за домаќинствата“ во одредени периоди од годината да се дополнува со сезонски продукти, како што беше случај за Божиќ, кога беа воведени производи поврзани со божиќната трпеза.

„Кошничката за домаќинствата“ во грчките супермаркети беше воведена во ноември 2022 година, а содржи над 50 производи, меѓу кои ориз, леб, двопек, брашно, макарони, свинско и пилешко месо, риба, млеко и млечни производи, јогурт, јајца, различни видови сирење и кашкавал, зејтин, шеќер, кафе, какао, сокови, бебешка храна, средства за чистење, детергенти, тоалетна хартија, паста за заби, производи за лична хигиена, влошки, сапун, антисептик, пелени, храна за кучиња и мачки итн.

The post Грција воведува „Посна кошничка“ со евтини производи за време на велигденските пости appeared first on Република.

Првичните информации од Државниот пазарен инспекторат покажуваат дека дел од маркетите ги немаат зголемено цените, а дел ги имаат, откако од денеска повеќе не важи одлуката на Владата за „гарантирани цени“ на дел од прехранбените производи.

Од Пазарниот инспекторат велат дека е можно извесно зголемување на цените, но апелираат на општествена одговорност на трговците на големо и трговците на мало.

Она што исто така го имам како информација е дека снабдувачите на големо веќе ги преправаат цените до трговците на мало со тоа што се очекува да се покачат цените, но повикувам на општествена одговорност од страна на трговците на мало и на трговците на големо со цел доколку има простор и можност цените да ги остават на истото ниво, изјави денеска директорот на Државниот пазарен инспекторат Горан Трајковски.

Вели дека не можат да влијаат на цените, но верува дека дел од големите ланци на маркети ќе прават акции со кои ќе има намалувања на одредени прехранбени производи.

- Од тоа што го видов во изминатиот период дека неколку големи трговци на маркети како општествено одговорни дадоа дополнителни намалувања на дополнителни прехранбени производи коишто не беа опфатени со одлуката на Владата, верувам дека тоа ќе се случи и сега, а граѓаните ќе одлучат во кој од нив ќе пазарат, бидејќи не можеме да спречиме доколку цената на лебот од 29 денари порасне на 35 денари, рече Трајковски.

Она што во следниот период ќе го контролила Пазарниот инспекторат, како што појасни Трајковски, е дали се почитуваат Законот за трговија, Законот за заштита на потрошувачи, односно дали соодветно се води трговска евиденција, дали потрошувачите евентуално се доведени во заблуда, една цена на рафт, една цена на каса, реалност на попустите и слично.

Во текот на вчерашниот ден, инспекторите на Пазарниот инспекторат направиле контрола во сите големи ланци на маркети низ државата по однос на одлуките на Владата, но за резултатите, како што рече Трајковски, мора да се причека додека надзорите не завршат во целост.

- Надзорите се пообемни и ќе траат три до четири дена, а од првичните информации утврдено е дека има одредени прекршоци но ќе почекаме да завршат надзорите во целост и да ги соопштиме конечните податоци, рече Трајковски.

The post Дел од маркетите ги зголемиле цените appeared first on Република.

Министерството за труд и социјална политика соопштува дека Владата на Република Македонија на денешната 216-та седница ја промени препораката за работа во недела и за време на божиќните празници во трговијата на мало, донесена на 214-та владина седница.

Имено, Владата го разгледа и прифати посочувањето на Министерството за труд и социјална политика, дека 7 јануари (недела) и 8 јануари (понеделник) се неработни денови, согласно Законот за празниците на Република Македонија.

Владата на денешната седница одлучи да престане да важи препораката за работа на 7 и 8 јануари 2024 година на продавниците, штандовите и киосците кои вршат трговија на мало за време на божиќните празници.

The post Владата се премисли: Маркетите нема да работат за Божиќ appeared first on Република.

Нема да има компромис во делот на одлуките на Владата за цените на прехранбените производи. Очекуваме сите производители, дистрибутери и увозници да ги намалат цените согласно одлуката на Владата, а синџирите на супермаркети да бидат општествено одговорни и да ја спроведат одлуката, порача денеска министерот за економија Крешник Бектеши.

Ние сме тука за да им излеземе во пресрет за да го зголемат производството и да станат што поконкурентни во делот на покривање на домашниот пазар, како и во иднина да станеме извозници во дел од секторите- рече Бектеши во одговор на новинарско прашање при денешната посета на најголемата млекарница во земјава „Би-милк“ во Битола.

Во однос на затворањето на објектите кои не ја почитуваат одлуката рече дека се случува генерално во големите синџири на супермаркети.

Ги немам денешните надзори, но до вчера десетина маркети во Скопје, Куманово, Тетово, Гостивар, Струга, и Кавадарци беа затворени. Најмалку до 30 ноември Државниот пазарен инспекторат (ДПИ) ќе постапува согласно одлуката на Владата и согласно Законот за заштита на потрошувачите во делот на крајната заштита на потрошувачите. Целта на институциите на државата не е да ги затвораат бизнисите, но кога државата треба да биде регулатор меѓу бизнисите и потрошувачите сите во синџирот треба да ги почитуваме тие мерки. Ако граѓаните, производителите, дистрибутерите се општествено одговорни, секако дека треба да бидат и синџирите на супермаркетите. Ако не се во правна држава има други механизми - посочи Бектеши.

Нагласи дека Министерството за економија веќе прати допис за целосно почитување на Законот за заштита на потрошувачите од страна на инспекторите на ДПИ и додаде дека се подготвени на дневна основа да направат надзор на начинот на кој се прават контролите.

The post Бектеши: Очекуваме супермаркетите да ја спроведат одлуката за цените на прехранбените производи appeared first on Република.

Министерот за економија, Крешник Бектеши денеска обелодени дел од објектите на ланците супермаркети кои се затворени затоа што не ја почитувале новата одлука на Владата за поевтинување на производите и гарантираната цена. Според него, станува збор за маркети од ланците „Веро“ и „Вива фреш“.

Не ми е проблем да ги наведам маркетите кои се затворени, но цела држава ги знае. Во скопскиот регион станува збор за „Веро“ и „Вива фреш“. Нема зошто да се има страв да се кажат. Сите што нема да ги почитуваат мерките, ќе бидат затворени и наведени. И вие медиумите треба да ги наведите маркетите кои се затворени затоа што најверојатно ви сугерираат заради рекламите и не ги наведувате, туку само кажувате дека има затворени, кажа Бектеши при посетата на компанијата „Алма М“ во скопско Визбегово.

Како што рече министерот, во секој град има речиси по 10 маркети од големите ланци на фирми.

The post Бектеши откри дел од маркетите кои се затворени поради непочитување на гарантираната цена appeared first on Република.

Од влегувањето во сила до овој момент, задоволни сме како се почитува владината Одлука од страна на трговците, рече денеска министерот за економија Крешник Бектеши во врска со поевтинувањето на основните прехранбени производи за најмалку 10 отсто.

Тој повтори дека од идната недела ќе се намалат за минимум десет проценти и цените на пијалаците.

Инспекциските контроли, истакна министерот, ќе продолжат до крајот на ноември, а секоја недоследност, како евентуално недоволно снабдување со одредени производи во маркетите, граѓаните треба да ја пријават во Државниот пазарен инспекторат (ДПИ).

Повеќе од задоволен сум од тоа што вчера се случуваше во секторот трговија, посебно од компаниите и сите ланци маркети, но и од производителите и дистрибутерите. До денешниот ден, пред оваа посета, добивме неколку писма од наши производители, генерално на минерална вода, сокови и на светло пиво, кои од наредната недела ќе почнат со намалување на цените од минимум десет отсто, намалување директно од страна на производителите, имајќи предвид дека немаме намера да донесеме некое ограничување во делот на ланците супермаркети, зашто генерално годинава главниот товар беше врз нив, а гледаме дека одредени супермаркети ги зголемуваат платите, а тоа се пресликува и со денешната објава на Заводот за статстика, дека е зголемена просечната плата за 14,1 отсто во споредба со јули лани - изјави Бектеши по посетата на логистичкиот центар на „КАМ“ маркет во општина Илинден.

Според министерот, Владата носи одлуки кои се задолжителни за секторот трговија.

Тука е вклучено и месото. Имајќи предвид дека освен задолженија за ланците супермаркети или во делот на малопродажбата, во владината Одлука има задолженија и за добавувачите и производителите. Утрово имавме дополнителна координација со ДПИ кој вчера попладне веќе вршеше контроли. Во моментот се во тек различни контроли и тоа ќе продолжи до крајот на ноември. Ако граѓаните забележуваат дека вакви работи може да се случуваат, да пријават во Инспекторатот и согласно законските одредби и задолженијата што ги добиле, тие ќе постапат и за нив ќе следи тоа што е предвидено во законските прописи - истакна Бектеши.

Според менаџментот на „КАМ“, пресметките се уште не се направени, но добивката, по поевтинувањето на дел од производите, секако ќе се намали.

Ситуацијата е таква, мораме да се соочиме со тешкиот момент во државата. Ние живееме и постоиме за да ги намалиме цените, нам секоја цена која ќе ја ставиме на рафт од 99 на 100 денари ни е голем пораз. Ние и без мерките, правиме максимални напори. Има моменти кога мора да се надминеме себе си. Потребни се подолгорочни мерки во целото стопанство за да бидеме сите поефикасни - истакнаа од менаџментот.

Министерот Бектеши го посети и новоотворениот маркет на „КАМ“ во општина Петровец.

The post Поевтинувањето на прехранбените производи се почитува во маркетите, од идната недела пониски цени и на пијалаците appeared first on Република.

Министерот за економија Крешник Бектеши вечерва изјави дека најавеното намалувањето на цените на одредени производи нема да биде од септемвриските и августовските цени туку од други месеци кога, како што вели имало пристојни цени. Бектеши најави дека следната недела во Собранието ќе биде доставено ново законско решение за нефер трговски практики.

Ниеден од трговците не знае кој ќе биде референтен датум, и со кои цени ќе се донесе одлуката во вторник во делот на намалување на цените на основните прехрамбени производи. Екслузивно можам да кажам дека нема да биде датум и цена која била во текот на септември оваа година, но и од месец август - рече Бектеши во емисијата Вин Вин на ТВ Телма.

Министерот вели дека намалувањето на 10 отсто на цените ќе биде од месеци кога имало пристојни цени и оти на тие цени ќе треба да се направи намалување од 10 отсто. Тоа денеска им било објаснето на сите ланци на супермаркети.

Според него, ќе бидат земени предвид цени од месеци од оваа година кога важеле одредени мерки кога Владата се откажала од одредени давачки како царински, од ДДВ и слично.

Цените од септември нема да бидат референтни во делот на намалувањето од минимум 10 отсто. Значи ако во март, да го земеме како пример, цената била сто денари и во септември била 150 денари, реферетна цена во намалувањето ќе биде 100 денари, нема да биде 150 денари. И врз тие сто денари треба да има минимум намалување од 10 отсто - појасни Бектеши.

Министерот рече дека со одлуката ќе се овозможи намалување на 50-тина производи, но не само од 10 отсто туку доколку се процени дека цените биле енормно зголемени, намалувањето може да биде и 15 отсто. Бектеши најави дека на неделна база ќе се следат сите движења на цените, посебно во прехранбената индустрија.

Ова, како што кажа Бектеши е само прв чекор. Со ова не се предвидени безалкохолните, алкохолните и хигинеските производи и слично. Но потенцира дека ако се забележи дека во други сектори се забележи дека има големо отстапување на цените, втор чекор ќе биде и барање.

Министерот кажа дека денеска е подготвена одлуката и дека во неа нема да бидат подготвени сами цените туку ќе има обврска за сите вклучени во ланецот на трговијата, вклучувајќи ги и производителите за обврска да произведуваат и да снабдуваат минимум 70 отсто од количините кои ги снабдувале или ги произведувале претходниот месец.

Што значи ова? Дека одредени компании можат да одлучат да го намалат производството или, пак, да не ги снабдуваат согласно барањата и тоа што е потребно за малопродажбата - рече Бектеши.

Министерот најави дека следната недела Владата во Собранието ќе испрати законско решение за нефер трговски практики, што било предлог на премиерот Димитар Ковачевски и на што заедно работеле со Бектеши. Ова ќе биде прво вакво законско решение кај нас и во регионот.

Според Бектеши, со овој закон ќе се укинат многу давачки кои го оптоваруваат ланецот од производство па се до крајниот производ.

Министерот изрази разочарување од работата на Државната комисија за конкуренција за која кажа дека при енормно зголемување на цените не реагирале и не направиле никакво истражување на пазарот или истрага. Најави дека во вторник на Државниот пазарен инспекторат ќе им се прошират ингеренциите.

Во дебатната емисија соговорник на Бектеши беше потпретседателката на ВМРО-ДПМНЕ Гордана Димитриеска Кочоска која рече дека за законот за нефер трговски практики зборувале на почетокот на годината токму таа и Бектеши и оти уште тогаш таа кажала дека тоа е една од причините поради кои имаме повисока инфлација од таа која можеби би требало да ја имаме. Сега, според неа, многу се доцни со се, а во Хрватска веќе е воведено, во Србија исто и тоа не е нешто ново во Европа туку го има од пред неколку години.

Еве еден пример како ние доцниме со се, кај нас инфлацијата се случува токму како резултат на тоа што ние во континуитет влечеме проблеми од некои или погрешни одлуки од некој минат период - истакна, меѓу другото, Димитриеска Кочоска.

The post Да го видиме и тоа чудо: Цените на храната немалo да паднат за 10 отсто во однос на септември, туку во однос на месеците кога цените биле пристојни appeared first on Република.

СВР Охрид поднесе кривична пријава против 42-годишниот М. С. од Охрид поради постоење основи на сомнение за сторени кривични дела телесна повреда и неизвршување судска одлука, извести СВР Охрид.

„Тој, на 30.8.2023, околу 18.30 часот, во семејната куќа физички ја нападнал сопругата, со што постапил спротивно на решението од Основниот суд во Охрид за изречени привремени мерки на заштита од семејно насилство“, додаваат од СВР Охрид.

The post Кривична против охриѓанец, ја истепал својата сопруга appeared first on Република.

Владата нема да биде нем сведок на нефер или неетички практики во трговијата кои одат директно на штета на семејниот буџет на граѓаните, истакна вицепремиерот за економски прашања Фатмир Битиќи по денешниот состанок со претседателот на Комисијата за заштита на конкуренцијата Владимир Наумовски.

На состанокот се зборуваше за ценовните движења во малопродажната мрежа на прехранбени продукти и постоењето на можности за присуство на трговски практики кои освен што ја нарушуваат слободната пазарна економија и конкуренцијата, носат и директна штета на граѓаните.

Постојат реални околности кои укажуваат на вештачко фиксирање на цените на високо ниво како резултат на координирано договарање помеѓу трговците на цените на одредени производи, со што го контролираат и ограничуваат нивното слободно пазарно формирање, а со цел зголемување на нивната добивка. Оваа пракса оди директно на штета на граѓаните и производителите, и ова нема да го дозволиме, изјави вицепремиерот Битиќи.

На состанокот е констатирано дека е потребно почнување постапки од страна на надлежните институции, вклучително и на Комисијата, а согласно законските надлежности, за истражување дали постојат одредени законски повреди и злоупотреби кои доведуваат до нефер зголемување на крајните цени за потрошувачите.

The post Битиќи: Владата нема да биде нем сведок на нефер вештачко фиксирање на цените на високо ниво appeared first on Република.

Претставниците на домашните синџири на маркети трговци со прехранбени производи на мало ја поздравија владината одлука за определување највисоки цени за одделни производи во трговијата на мало, како и обврската на трговците да прибавуваат и да им продаваат на потрошувачите определени видови и количества од одделни стоки (Сл. весник бр. 42-3066/3 од 21.3.2023 година), истакнувајќи дека, со заеднички напори на Владата на РМ и на Министерството за економија, учествуваат во примената на мерките за намалување на енергетската криза и за ублажување на порастот на цените.

-Но, поврзано со објавите во повеќето електронски медиуми за изречените парични и кривични казни за непочитување на владината одлука за замрзнување на цените на одредени видови овошје и зеленчук, компаниите информираат дека од Пазарниот инспекторат биле извршени контроли во повеќето маркети во изминатите неколку денови. Информацијата дека се изречени прекршочни казни е точна, а казните се изречени од причина што во маркетите немало количини или, пак, воопшто немало одредени видови овошје и зеленчук опфатени со мерките на Владата, велат тие.

Откако министерот за економија Крешник Бектеши соопшти дека повеќе трговци ќе бидат санкционирани поради непочитување на одлуката за замрзнати цени, повеќето домашни синџири на маркети се јавија со појаснување дека до маркетите немало доставено количини или немало воопшто од овошјето и од зеленчукот кои се опфатени со мерките на Владата.

-И покрај сите направени напори од нив, нарачки и контакти со добавувачи, маркетите не успеаја да ги обезбедат потребните количини на овошје и на зеленчук пропишани со одлуката на Владата, па тие не се достапни на пазарот по оние цени по кои е наложено да се набавуваат и да се продаваат. Претставниците на синџирите на маркети, со најдобра намера за да им излезат во пресрет на своите потрошувачи, а истовремено и за да ги исполнат одлуките на Владата, НЕ СЕ ВО МОЖНОСТ ДА ПРОДАВААТ ПРОИЗВОДИ ДОКОЛКУ ДОСТАВУВАЧОТ НЕ ИМ ГИ ДОСТАВИ. Оттука, трговците на мало со прехранбени производи упатуваат апел до сите надлежни институции да не ги оптоваруваат компаниите со казнени мерки кои ќе имаат финансиски последици врз нив во овие тешки моменти за стопанството, посочуваат тие.

The post Доставувачите не им доставуваат овошје и зеленчук, а Владата ги казнува зашто им се празми полиците, реагираат маркетите appeared first on Република.

Во вчерашната акција на Кванташки пазар инспекторите на Државниот пазарен инспекторат во координација со Управата за финансиска полиција и Министерството за внатрешни работи одземале над 15 тони овошје и зеленчук, соопшти на денешната прес-конференција министерот за економија Крешник Бектеши.

Тој потенцира дека прекршочни пријави ќе има за управителите на „Кванташки"- компанијата Анмарк Мк ДООЕЛ. Како што посочи, ќе има казни за увозници на овошје и зеленчук како што се компаниите „Савари“, „Астра фреш“, „Атлантик“, „Нектар фреш“, „Ема стил“, „Фрута-Фрукта“, „Стрима“, но и за компании кои се занимаваат со малопродажба како што се „Веро", „Стокомак", „Кипер", „КАМ", „Тинекс", „Зендолино комерц“ и „Миса Мкб“. Тој рече дека во текот на оваа недела ќе бидат доставени и кривични пријави за непочитување на одлуките на Владата.

Бектеши најави дека Одлуката за замрзнати цени на основни прехранбени производи ќе се продолжи и во наредниот период.

Акциите и контролите нема да престанат тука, туку ќе продолжат да се направат секојдневно до завршување на одлуката, а одлуката имајќи во предвид дека не се почитуваше до крај ќе продолжи да важи и во наредниот период, рече Бектеши.

Министерот потенцираше дека избегнување на давачки од над 10.000 евра е кривично дело и веќе се утврдени прекршоци во овој дел за што ќе следат кривични пријави.

Утврдивме дека некоклку компании тоа го направиле, при крај се анализите на Финасиска полиција и за други компании и до петок ќе бидат покренати кривични постапки. Владата, институциите си ја вршат навремено својата работа, со цел да ги заштитат потрошувачите и да не дозволат во вакви времиња да се прават профити, рече Бектеши.

Директорот на Државниот пазарен инспекторат (ДПИ), Горан Трајковски изјави дека на „Кванташки“ биле констатирани многу прекршоци, каде се затекнати трговци кои не водат евиденција во трговија. Посочи дека одземените стоки се предадени до Агенцијата за управување со одземен имот.

Она што е затекнато е дека и физички лица кои немаат регистрирана дејност вршат продажба на производи. Во рамките на нашите надлежности ќе продолжиме да вршиме контроли низ целата држава и нема да дозволиме непочитување на мерките. Од она што вчера е констатирано е дека има трговци кои не водат евиденција спротивно на член 28, став 1 од Законот за трговија и сторени прекршоци по член 57 став 1 од Законот, член 51 став 1, точка 6 од Законот за трговија одземени се стоки во вредност од 15 тони, кои беа распределени заедно со Агенцијата за одземен имот и се предадени на одредени институции, рече Трајковски.

Тој најави дека од денеска сите инспектори кои констатирале прекршок ќе се појавуваат на судските рочишта, и тоа мора да биде пракса.

Апелирам до сите економски субјекти, практиката, едната опција е да си ги земат платните налози и да си платат, а другата опција е да си го остварат своето право доколку имаат забелешка преку судска постапка. Од денеска сите инспектори кои констатирале прекршок кај економските субјекти ќе се појавуваат на судските риочишта и ќе ги застапуваат и ќе ги бранат законските одредби според кои ги изрекле прекршоците. Законите мора да фонкцинираат и ќе функционираат. Нашата цел е доследно почитување на законите и функционирање на системот, а граѓаните ги охрабруваме да ги пријавуваат неправилностите кои ги нарушуваат нивните потрошувачки права, рече Трајковски.

The post Објавени имињата на маркетите кои продавале по повисоки цени, најавени кривични пријави appeared first on Република.

Британските супермаркети почнаа да ја ограничуваат продажбата на одредени овошја и зеленчуци поради недостиг на продукти.

Лошите временски услови и проблемите со транспортот во Африка и Европа предизвикаа да нема домати на полиците на продавниците, како и некои други овошја и зеленчуци.

Ендрју Опи, директор за храна и одржливост во Британскиот малопродажен конзорциум, вели дека неповолните временски услови во јужна Европа и cеверна Африка ја нарушиле жетвата на некои овошја и зеленчук, вклучително и домати и пиперки.

Како што пишува весникот Индипендент, во Cеверна Африка приносите се лоши и се очекува состојбата да се подобри во наредните денови и недели.

Синџирот супермаркети „Асда“ го ограничи купувањето на три домати, три пиперки, три краставици и по една кесичка зелена салата, брокула, карфиол и малини.

Синџирот супермаркети „Морисонс“ најави дека ќе воведе рестрикции, т.е. дека ќе може да се купат само по два домати, две краставици и две пиперки. Слични мерки размислуваат и други продавници.

The post Недостиг во британските супермаркети, ограничена е продажбата на овошје и зеленчук appeared first on Република.

Вкупно 51 категорија производи содржи т.н. „кошничка за домаќинствата” која од денеска се воведува во супермаркетите во Грција и има за цел цените на конкретните основни производи да останат исти или да има минимални покачувања, јави дописничката на МИА од Атина.

Кошничката за домаќинствата содржи: ориз, леб, макарони, свинско и пилешко месо, риба, млеко и млечни производи, јогурт, јајца, различни видови сирење и кашкавал, зејтин, брашно, шеќер, кафе, чај, какао, сокови, средства за чистење, детергенти, тоалетна хартија, паста за заби, производи за лична хигиена, влошки, сапун, антисептик, пелени, храна за кучиња и мачки итн.

Каталогот со производи, маркетите ќе треба секоја среда да го испраќаат до Министерството за развој и инвестиции на Грција, додека пак граѓаните, преку специјален сајт може да се информираат за производите и цените избрани од супермаркетите.

Минатата седмица грчкиот Парламент го изгласа амандманот што се однесуваше на „кошничка за домаќинствата” и предвидува маркетите со годишен профит од над 90 милиони евра, задолжително, до Министерството за развој и инвестиции на Грција да испраќаат листа со производи за широка потрошувачка (вклучени во кошничката), кои се неопходни за пристоен живот и обврзани се да биде вклучен најмалку еден производ од секоја категорија, чија цена ќе биде прифатлива и пониска во споредба со останатите производи од истата категорија.

Во случај да не се испрати листата со производи, предвидена е парична казна за супермаркетите во висина од 5.000 евра дневно, за секој задоцнет ден.

За помалите маркети, „кошничката за домаќинствата” не е задолжителна, туку е произволна.

Конкретната одлука ќе биде во сила до 31 март 2023 година.

Не станува збор за замрзнување на цените, туку обид на супермаркетите, цените на производите неопходни за домаќинствата, да се задржат на што е можно пониско ниво.

The post Од денеска во грчките маркети „Кошничка за домаќинствата“ за борба против цените appeared first on Република.

Организацијата на потрошувачи на Македонија(ОПМ) останува на барањето да се замрзнат цените на производите, а не на маржите. Од март годинава постојано добиваат претставки од граѓаните кога влегуваат во супермаркетите, кои реагираат на цените, но и на квалитетот на производите, кои се во фрижидерите. Претседателката на ОПМ, Маријана Лончар-Велкова вели дека претставки веќе имаат, а на терен секојдневно се и инспекциите, кои утврдуваат дали трговците за да ги намалат сметките за струја ги исклучуваат фрижидерите.

Луѓето реагираат на тоа. Купиле производ, па го сликаат дека е расипан. Сега дали баш поради тоа е расипан не можеме ние да утврдиме, меѓутоа инспекторите може да бидат на терен, дури и рано сабајле да видат дали ладилниците се уклучени или не. Бидејќи може навечер илил во текот на денот да ги исклучуваат, вели Лончар-Велкова.

Посочи дека во зимскиот период очекуваат да се зголеми бројот на преставки поврзани со сметките за струја. Изминатиот период реакциите се околу цената на трансмисија на струјата, која најмногу ги буни граѓаните. Имаат и реакции од страна на граѓаните и за цената на огревното дрво, кое дефинитивно не се продава за 3.000 до 3.500 денари.

Луѓето не можат да ги најдат тие дрва по 3000денари. И јас лично барав не можев да ги најдам. И кога правевме истражување пак не најдовме. Сега ќе мора да купат помалку од потребното, за дополнително не го оптеретат буџетот. Таква цена од 3000 до 3500 денари нема, вели Лончар-Велкова.

Забележа дека треба да има и субвенции, но и поволни кредити за граѓаните кои купуваат инвертор клими и се залагаат за заштита на животна средина.

The post Плаќаме скапо за расипани производи оти трговците ги исклучуваат фрижидерите appeared first on Република.

Продавниците во Австрија бележат сè поголем недостиг, во супермаркетите има се повеќе празни полици, а причина за тоа е украинската криза и санкциите кон Русија, пишуваат германските медиуми.

На многу супермаркети им недостасуваат многу производи, а особено е тешко да се најде сончогледово масло, пренесува Срна.

Причина за недостигот е фактот што три четвртини од таа храна доаѓа од Русија и Украина. Се заканува и недостиг на путер. Ваква е состојбата во големите трговски синџири, дисконтите, но и во помалите продавници.

Ситуацијата во Украина предизвика криза која сериозно влијаеше на испораките до австриските продавници. Недостигот на многу производи беше предизвикан од проблем во синџирот на снабдување, односно недостигот на испораки. Забележано е дека граѓаните купуваат роба на големо.

Минатата година, Австрија од Украина увезла околу 19.484 тони маслодајни семиња. Исто така, маслото од репка е се побарано, поради што може да се најде се потешко.

Последица на овој недостиг е зголемување на цената на нафтата во Австрија за околу 13 отсто.

Земјоделците и млекарите се соочуваат со драматично поскапување на енергенсите, храната и ѓубривата, што доведува до повисоки цени на земјоделските производи. Тема на голема побарувачка станаа и конзервите од увоз.

Исто така, во многу продавници не може да се најдат одредени видови брашно и тестенини. Исто така, одредени сувомеснати производи во моментов се доставуваат до продавниците само во мали количини.

Претседателот на Здружението на трговци, Рајнер Вил, предупредува дека следната криза во снабдувањето ќе следи за три до четири месеци.

Освен за украинската криза, за недостигот е виновно и пандемичното затворање на Шангај, каде што стотици товарни бродови чекаат да испловат.

The post Супермаркетите во Австрија се полупразни, тешко се наоѓа сончогледово масло, путер и брашно appeared first on Република.