Вчера во 18.20 часот, полициски службеници од СВР Битола во маркет лоциран на ул.„Филип Втори Македонски", врз основа на централна потерница од Казнено поправната установа Затвор Идризово, го лишиле од слобода К.К.(46) од Прилеп.

Како што соопшти МВР, тој бил баран за казна затвор во траење од една година и два месеци.

The post Во маркет фатен криминалец баран со потерница appeared first on Република.

Инфлацијата мерена преку индексот на трошоците на животот во април во однос на март изнесува 0,7 проценти, а цените на мало се зголемени за 1,1 процент, објави денеска Државниот завод за статистика.

Зголемувањето на инфлацијата е резултат на зголемувањето на трошоците на животот во транспортот за 2,8 проценти, комуникации за 1,6 проценти, храна и безалкохолни пијалаци, облека и обувки за 0,9 проценти, рекреација и култура, ресторани и хотели за 0,6 проценти, разновидни стоки и услуги за 0,4 проценти и здравје за 0,2 проценти.

Намалување на трошоците на животот е забележано во групите мебел, покуќнина и одржување на домаќинствата за 0,5 проценти и домување, вода, електрика, гас и други горива за 0,2 проценти.

На исто ниво останале трошоците на животот во групите алкохолни пијалаци, тутун и наркотици и образование.

Цените на мало во април во однос на март се зголемени за 1,1 процент.

Во однос на април лани, трошоците на живот се зголемени за четири проценти, а цените на мало за 3,5 проценти.

The post Цените на мало во април во однос на март се зголемени за 1,1 процент appeared first on Република.

Расчистена е кражбата во која крадците среде ноќ украдоа сеф од маркет во Црниче, по што тој им испадна од возилото за бегство.

https://republika.mk/vesti/crna-hronika/filmskiot-grabezh-vo-tsrniche-bil-monti-pajton-sefot-im-ispadnal-dodeka-begale/

Во врска со тешка кражба во маркет „Рептил“ извршена на 1 април 2024 година во населба Црниче, соопшти денеска министерот за внатрешни работи Панче Тошковски, Секторот за внатрешни работи Скопје презема оперативно-тактички мерки и истражни дејствија и ги лиши од слобода лицата В.З и В.Т од Скопје.

На ден 18.04.2024 од страна на инспектори од ОКР Кисела Вода заедно со полициски службеници од ЕИП и ПС Ѓорче Петров врз основа на издадена судска наредба од Основен Кривичен Суд Скопје изврши претреси на дом и други простории кај двете лица.
Истиот ден од страна на ЕВР Кисела Вода поднесена е кривична пријава за кривично дело „Тешка кражба” предвидено и казниво по член 236 од КЗ, а од страна на судија на претходна постапка за едното лице определена е мерка притвор, соопшти Тошковски.

Претходно денеска од Основното јавно обвинителство Скопје соопштија дека повеле постапка против 23-годишник осомничен за тешка кражба на сеф во Скопје.

Ноќта меѓу 31 март и 1 април, осомничениот заедно со уште три лица, провалиле во затворен маркет на улицата „Востаничка“ во Скопје, одзеле метален сеф во вредност од 12.000 денари, дневен промет во износ од 228.000 денари и цигари вредни 45.000 денари, или се во вкупна вредност од 285.000 денари, соопшти денеска Јавното обвинителство.

Како што е наведено во соопштението, со возило пристигнале пред маркетот, со употреба на погоден алат – хебла, клешти и друго делувале врз влезната врата од маркетот, но не успеале да ја отворат. Еден од сторителите го стартувал возилото и удрил со задниот дел, кршејќи ги двете лизгачки врати. Потоа заедно со останатите осомничени ги демонтирале и ги поставиле покрај влезот од маркетот. Преку така направениот отвор сега осомничениот заедно со другите лица влегол во просторијата наменета за вработени, од каде го одзеле металниот сеф со дневен промет и цигарите, па заминале во непознат правец.

Бидејќи постојат околности што очигледно укажуваат на опасност од бегство, јавниот обвинител до судијата на претходна постапка од Основниот кривичен суд Скопје достави предлог за определување мерка притвор на осомничениот. Полицијата работи на откривање на неговите соучесници, велат од Обвинителството.

The post Фатени „Монти Пајтон“ крадците од грабежот во Црниче appeared first on Република.

Маркет на улица „Востаничка“ во населбата Црниче ноќеска е ограбен откако биле демолирани влезните врати и излозите, пренесува „Телма“. Според информациите на телевиизијата, маркетот е ограбен откако рабојниците со автомобил влетале во влезната врата, го украле сефот на маркетот и избегале.

Од МВР велат дека ноќва во 4 часот во СВР Скопје било пријавено дека во маркет на подрачје на општина Кисела Вода во Скопје три лица извршиле „тешка кражба“, при што одзеле сеф.

Од полиција додаваат дека извршен бил увид и се преземаат мерки за расчистување на случајот.

The post Филмски грабеж во Црниче: Со возило влетале во маркет и го украле сефот appeared first on Република.

Владата на седница одлучила да престане да важи препораката за работа на продавниците, штандовите и киосците кои вршат трговија на мало за време на божиќните празници на 7 и 8 јануари 2024 година.

Министерството за труд и социјална политика соопштува дека Владата на 216-та седница ја промени препораката за работа во недела и за време на божиќните празници во трговијата на мало, донесена на 214-та владина седница. Имено, Владата го разгледа и прифати посочувањето на Министерството за труд и социјална политика, дека 7 јануари (недела) и 8 јануари (понеделник) се неработни денови, согласно Законот за празниците, се вели во денешното соопштение од Министерството за труд и социјална политика.

Препораката што беше донесена на 214-та седница на Владата предидуваше за време на новогодишните и божиќните празници, односно на 31 декември 2023 година и 1 јануари 2024 година и 7 јануари и 8 јануари 2024 година да работат продавниците, штандовите и киосците кои вршат трговија на мало. Предлагач беше Министерството за економија. Како што информира тогаш владината прес-служба, целта на оваа препорака била да се излезе во пресрет на потребите на граѓаните за време на празниците, посебно во помалите градови и места каде нема трговски центри (молови).

The post Владата се премисли, се повлекува препорака за работа на Бадник и на Божик appeared first on Република.

При денешната посета на општина Радовиш во рамките на активноста „Важно е! Од тебе зависат промените“, претседателот на ВМРО-ДПМНЕ, Христијан Мицкоски одговарајќи на новинарско прашање во однос на тоа што министерот за економија вели дека храната поевтинува истакна дека министерот за економија или долго време не влегол во маркетите или не знае што се случува и со каква мака се соочуваат граѓаните, по маркетите имаме европски цени а стандардот е полош и од некои афрички земји.

https://republika.mk/vesti/makedonija/mitskoski-od-ovaa-vlada-ne-ochekuvam-razreshnitsa-na-skandalot-so-onkologija/

„Министерот за економија или долго време не влегол во маркетите или не знае што се случува. Најлошо е кога политичарите го зборуваат она што не го чувствуваат граѓаните. За жал, тоа го прави и министерот за економија, можеби тој го изгубил тлото под нозете, како и впрочем цела влада на ДУИ и СДСМ, одамна заборавиле со какви маки се соочуваат граѓаните секојдневно, денес за жал во маркетите имаме храна која што има европски цени но за жал стандардот ни е, да ми простат, полош од aфричките држави. Така што добрата вест е ќе повторам што за неколку месеци од денес овие луѓе ќе бидат минато ќе дојдат луѓе кои што ќе се грижат за иднината на Македонија“, нагласи Мицкоски.

The post Mицкоски посочува: Во маркетите имаме европски цени, а стандардот ни е полош и од некои афрички земји appeared first on Република.

Директорот на пазарна инспекција, Горан Трајковски, информира дека се казнети и затворени повеќе ланци на големи маркети во Скопје во населбите Чаир, Тафталиџе, Кисела Вода и Бутел, но и маркети во Струга.

Апелирам до сите трговци, дека нема да има компромис ниту селекција во постапувањето на пазарниот инспекторат кога е во прашање интересот на граѓаните. Во повеќе наврати напоменав дека секој мора да ги почитува законите и одлуките на владата. Исто така нема да дозволам некој да ги манипулира и доведува во заблуда граѓаните, потрошувачите, напиша Трајковски на својот Фејсбук профил.

Трајковски не дава конкретна информација за какви прекршоци се казните и затворени ланците маркети.

The post Казнети и затворени повеќе ланци на маркети во Скопје и Струга appeared first on Република.

Скопјанец е осомничен за крадење пари од маркет, при што со нож ѝ се заканувал на продавачката.

Јавен обвинител од Основното јавно обвинителство Скопје донесе наредба за спроведување истражна постапка против 47-годишник, за кого постои основано сомневање дека сторил кривично дело - „разбојништво“, според член 237 став 4 во врска со став 1 од Кривичниот законик. На 4 септември, осомничениот влегол во маркет на булеварот „АСНОМ“ и веднаш се упатил во просторот кај касата и ја отворил. Сопственичката на продавницата, која работела и како продавач, му се спротивставила, но тој извадил нож со кој ѝ се заканил, ја оттурнал и од касата одзел 16.300 денари, колку што имало во тој момент, информираат од Обвинителството.

Во меѓувреме, оштетената излегла од продавницата и ја затворила вратата, обидувајќи се да го задржи во продавницата, но, тој со сила ја турнал вратата, успеал да ја отвори и избегал од местото.

Бидејќи се исполнети законските услови, односно постојат околности што укажуваат на опасност од бегство и кои го оправдуваат стравот, дека осомничениот ќе го повтори кривичното дело, јавниот обвинител до судијата на претходна постапка од Основниот кривичен суд Скопје, достави предлог за определување мерка притвор, се појаснува во соопштението.

The post Влегол да ограбува маркет во Ново Лисиче, продавачката го заклучила внатре appeared first on Република.

Полициски службеници од СВР Струмица го успасиле струмичанецот Г.П. (40) поради основано сомнение за сторено кривично дело тешка кражба од маркет во Струмица.

Од МВР информираат дека при претрес во домот на Г.П. пронајдени се 663 кутии цигари, украдени од маркетот.

Г.П. е задржан во полициска станица и по документирање на случајот ќе биде поднесен соодветен поднесок.

The post Од маркет украл 663 кутии цигари: Струмичанец уапсен за тешка кражба appeared first on Република.

Премиерот Димитар Ковачевски, министерот за економија Крешник Бектеши и директорот на Државниот пазарен инспекторат Горан Трајковски ќе го посетат маркетот „Кит-Го“ во Тафталиџе, најавија од Влада.

Посетата овојпат почнува од 10:15 часот.

The post Премиерот и министерот утре повторно ќе шетаат низ маркет appeared first on Република.

Вчеравечер во 23 часот И.С.(49) од Скопје пријавила дека околу 20:40 часот на подрачјето на Центар, во маркет каде што работела, била физички нападната од две лица.

Се преземаат мерки за расчистување на случајот.

The post Двајца нападнале вработена во маркет appeared first on Република.

Премиерот Димитар Ковачевски и министерот за економија, Крешник Бектеши повторно пазареа со камери. Овојпат заедно со директорот на Државниот пазарен инспекторат, Горан Трајковски посетија супермаркет во населбата Капиштец.

Како што соопштија од Влада, посетата на маркетот е по повод новите, замрзнати цени на тестенините и млечните производи кои од денеска, според владината одлука, треба да бидат пониски за 15, односно 10 проценти.

The post Премиерот и министерот повторно со камери на пазарење, овојпат макарони appeared first on Република.

Германскиот голем трговски синџир „Лидл“ ја купил локацијата на Бриколаж од компанијата Скопски пазар, ексклузивно дознава „Фактор“.

Таму се очекува да биде отворен првиот маркет на „Лидл“ во Македонија. Набргу се очекува да се случи и официјалната трансакција, а засега нема информации за која сума е комплетирана зделката.

https://republika.mk/vesti/ekonomija/lidl-pochna-vo-makedonija-da-objavuva-oglasi-za-rabota-so-kompetitivni-plati/

„Лидл“ ја регистрираше својата компанија во Македонија на почетокот од 2021 година, а ќе биде управувана од бугарската филијала. Оваа компанија која е една од најголемите компании во малопродажбата во светот, тогаш ја регистрираше подружницата Лидл Македонија Дооел со седиште во скопски Центар и со паричен влог од 500.000 евра, според податоците од Централен регистар.

Повеќе на „Фактор“.

The post На местото на друг светски бренд: Позната локацијата на првиот „Лидл“ маркет во Македонија appeared first on Република.

Претседателот на Владата Димитар Ковачевски денеска купуваше бел леб во маркет. На својата официјална страница на фејсбук објави дека бил лично да се увери во фактичката состојба со производството и испораката на белиот и полубелиот леб во маркетите.

Го разбирам револтот на граѓаните за потегот од страна на трговците и производителите на лебот, како реакција на одлуката за замрзнување на цената на белиот и полубелот леб на 33 денари, што се одрази негативно на секојдневните потреби на граѓаните. Со новата владина за одлука за снабдување на лебот со замрзната цена, го штитиме стандардот на граѓаните.
Ги обврзуваме трговците на мало кои продаваат леб во дневната набавка на сите видови леб да имаат најмалку 80% од лебот по цена од 33 денари. Пекарите имаат обврска да го произведуваат и да го ставаат во промет белиот и полубелиот леб, во количина од најмалку 80% од производството. Граѓаните мора да ги имаат основните производи!, објави Ковачевски на Фејсбук.

фото: Влада на Република Македонија

The post Премиерот Димитар Ковачевски, со цела свита, купуваше бел леб во маркет appeared first on Република.

Домаќинствата во 2021 година најмногу од домашниот буџет – 47 проценти трошеле на храна и пијалаци, од кои најмногу за месо, млечни и житни производи. Сепак, најмногу во домаќинствата се јадело леб – 255 килограми, компир – 92,2 кг и месо 58,9 кг.

Домаќинствата во просек испиле 226 литри безалкохолни пијалаци и 50,9 литри алкохолни. Изеле и 29,5 килограми чоколади и кекс и испиле 10,2 килограми кафе и какао. За превоз оделе 5,5 проценти од домашниот буџет, што е повеќе од тоа што домаќинствата трошеле за здравје, рекреација, култура и образование заедно, покажува Статистичкиот годишник на Македонија за 2022 на Државниот завод за статистика.

Домаќинствата во 2021 година најголем дел од домашниот буџет во просек трошеле на лична потрошувачка – 331 544 денари или 94,6 проценти, потоа за штедење – 11 569 денари или 3,3 отсто, па за отплата на кредити и заеми – 3 228 денари или 0,9 проценти, потоа за издатоци за стан, куќа и имот – 2 804 денари или 0,8 отсто, за загуби, подароци и слично – 900 денари или 0,3 проценти, и за членарина, даноци, царини и слично – 507 денари или 0,1 отсто од домашниот буџет.

Во делот на личната потрошувачка, најмногу средства во просек домаќинствата трошеле на храна и безалкохолни пијалаци – 164 974 денари или 47,1 процент, потоа за станарина и режиски трошоци – 38 176 денари или 10,9 отсто, останати стоки и услуги – 20 435 денари или 5,8 проценти, за сообраќај – 19 132 денари или 5,5 отсто, за алкохолни пијалаци и тутун – 18 221 денар или 5,2 проценти, за покуќнина и одржување на домот – 17 952 денари или 5,1 отсто, за облека и обувки – 14 368 денари или 4,1 проценти, за комуникации – 12 955 денари или 3,7 отсто, за здравје – 10 573 денари или 3 проценти, за ресторани и хотели – 9 772 денари или 2,8 отсто, за рекреација и култура – 4 914 денари или 1,4 проценти и за образование – 72 денари или 0 отсто од средствата за лична потрошувачка.

Само за храна, домаќинствата во 2021 година во просек трошеле 146 713 денари, од кои најмногу за месо – 34 908 денари, потоа за млеко, млечни производи и јајца – 29 236 денари, за производи од жито – 24 466 денари, за зеленчук – 22 122 денари, за овошје – 10 111 денар, за шеќер и чоколади – 7 572 денари, за масло – 6 719 денари, други прехранбени производи – 6 535 денари, и за риба – 5 045 денари.

Најмногу во домаќинствата се јадело леб – 255,6 кг, потоа компир – 97,2 кг и јужно овошје – 86,7 кг, додека од месо најмногу се јадело живина – 53,4 кг, потоа преработки од месо – 50,2 кг, па свинско – 35,1 кг и говедско, телешко и јунешко – 23,8 кг. Свежа и замрзната риба – 24 килограми, а преработки од риба – 3,1 кг.

Од овошје, освен јужно овошје, најмногу се јаделе јаболка – 45,5 кг и бостан – 41,5 кг, а најмалку се јаделе цреши и вишни – 2,5 кг и круши – 3 кг.

Од зеленчук, освен компир, најмногу се јаделе пипер – 67,6 кг и домати – 44,8 кг, а најмалку грашок и боранија – 2 кг.

Кај млечните производи, домаќинствата најмногу пиеле млеко – 110,9 литри, потоа кисело млеко и јогурт – 88,6, а сирења 47,6 кг и други млечни производи – 12,1 килограм.

Од тутун и пијалаци, домаќинствата најмногу од домашниот буџет трошеле на тутун – 13 712 денари, потоа на други безалкохолни пијалаци – 6 236 денари, за кафе, чај и какао по 4 686 денари и најмалку на алкохолни пијалаци – по 4 509 денари.

Домаќинствата во просек испиле 226 литри безалкохолни пијалаци, додека од алкохол најмногу пиво – 42,5 литри, потоа вино – 5,7 литри и жестоки пијалаци – 2,7 литри.

Од домашниот буџет повеќе пари се трошеле на облека – 8 533 денари, додека на обувки – 5 835 денари.

Домаќинствата трошеле 30 645 денари на огрев и осветлување на домот, потоа за комунално-станбени услуги – 4 995 денари, за одржување и поправки на домот – 1 582 денари и за станарини – 21 денар.

Околу домот и негово одржување, домаќинствата најмногу трошеле на производи и услуги за одржување – 9 410 денари, потоа за апарати за домаќинство и поправки – 4 298 денари, за текстил за домаќинство – 1 421 денар, за мебел – 1 240 денари, за садови и прибор – 1 144 денари, и за алати за куќа и градина – 439 денари.

Најмногу од домашниот буџет за здравје бил потрошен на лекови и помагала – 9 763 денари, додека на здравствени – 753 денари и на болнички услуги – 50 денари.

Во делот на сообраќај, најмногу од домашниот буџет бил за делови и гориво за сообраќајни средства – 17 142 денари, додека 1 418 денари за сообраќајни услуги и 572 денари за сообраќајни средства.

Од комуникациите, најмногу домаќинствата трошеле на телефонски услуги – 11 350 денари, потоа за телефони и факс-апарати – 1 602 денари, а најмалку за поштенски услуги – три денари.

Од делот за култура и рекреација, најмногу од домашниот буџет се трошел на аудиовизуелна и информатичка опрема – 1 660 денари, потоа 1 458 денари за опрема за градина, миленици и други средства за рекреација, додека за весници и книги – 684 денари, а за услуги за култура и рекреација – 652 денари.

Од Државниот завод за статистика, посочуваат дека податоците се добиени врз основа на статистичкото истражување „Анкета за потрошувачката на домаќинствата”, спроведено во текот на 2021 година. Изборот на 5 040 домаќинства е извршен преку двоетапен стратифициран примерок, при што во првата етапа е извршен избор на пописни кругови од Пописот на населението во 2002 година, а во втората етапа е извршен избор на домаќинствата за анкетирање.

Просечен број членови на анкетираните домаќинства е 3,64, додека во просек вработени биле 1,33 член. Во просек вкупно расположливите средства по анкетирано домаќинство во 2021 година изнесувале – 503 442 денари или 8 120 евра. Најмногу имале мешовитите домаќинства – 667 939 или 10 773 евра, потоа земјоделските – 498 887 или 8 046 евра, а најмалку неземјоделските 483 067 денари или 7 791 евро годишно.

The post Најголем дел од домашниот буџет годинава се трошеше на храна и пијалаци, а најмалку на здравје, култура и образование appeared first on Република.

Цените не се намалени согласно нашите очекувања со одлуката за замрзнување на маржите и најверојатно во текот на наредната недела ќе се прошири одлуката и ќе се менува согласно начинот на кој се прави трговијата, порача денеска министерот за економија Крешник Бектеши.

На дневна основа ја следиме состојбата и добиваме извештаи од страна на Државен пазарен инспекторат. Кај одредени производи наведени во листата има намалување на цените. Дали се намалени согласно нашето очекување да бидам искрен не, но дополнително ќе се прошири одлуката. Најверојатно тоа ќе биде наредната недела, бидејќи немаше доволно време за да можат да ги усогласат цените. Оваа недела ќе направиме целосна анализа од денот кога се применува одлуката и најверојатно наредната недела ќе се прошири одлуката и ќе се менува согласно начинот како се прави трговијата во нашата држава од денот кога е донесена таа одлука - рече Бектеши во одговор на новинарско прашање на денешната прес-конференција во Владата.

Како што нагласи одлуката за замрзнување на маржите важи до 30 септември, а во делот на целосно укинување на дополнителни трошоци, рабат и рекламирање до крајот на годинава.

До крајот на неделава ќе видиме дали ќе има дополнително намалување од ова намалување сега што е. Ако нема секако дека ќе се смени и одлуката во вторник кога ќе имаме седница на Влада. Ако не се почитува одлуката во делот на маржите стои опцијата дека може да се донесат и мерки за замрзнување на цените. Ако донесеме таква одлука тоа ќе значи дека ќе имаме фиксна цена за секој производ - рече Бектеши.

Посочи дека се уште има простор за намалување на цените во делот на макарони и брашно до крајот на неделата.

Имајќи во предвид дека сега во јули ќе има нова жетва посебно во делот на пченицата, на сончогледот и сл. согласно сите анализи очекуваме да бидат намалени цените на суровините. Ако согласно постоечките цени ги замрзнеме директно цените тоа ќе значи дека ќе имаме повисоки цени од тие кои ќе бидат после две-три недели заради тоа што ќе има поголема понуда со иста потрошувачка, што значи дека цените би требало да се намалат со новата жетва која доаѓа - посочи Бектеши.

Ако нема, додаде, ќе се смени одлуката.

Во делот на целосно замрзнување на цените имаме рок уште 2-3 недели да почне жетвата посебно на земјоделските производи тие кои се стратешки, кои може да влијаат во делот на цените на финалните производи. Ако гледаме дека не се почитува одлуката во делот на замрзнување на маржите согласно сите анализи и увозни цени и производствени цени во делот на формирање и одредени трошоци кои се вградуваат во формирање на цената секогаш стои опцијата дека може да се донесе таква одлука - појасни Бектеши.

The post Бектеши: Цените не се намалени согласно нашите очекување, следната недела дополнително ќе се прошири одлуката appeared first on Република.

МВР информира дека дошло до тепачка во супермаркет во скопски Карпош.

Според полицијата, во текот на вчерашниот ден во 15.45 часот К.П.(81) од Скопје, пријавил дека на 21.04.2022 околу 15.15 часот на подрачјето на Карпош откако излегол од маркет двајца од вработените му рекле да ја врати корпата која што ја носел со себе, а кога пријавителот рекол дека сака да ги однесе продуктите до неговиот дом бидејки живеел блиску едниот од нив физички го нападнал.

The post Нејќел корпата да ја врати: Дедо натепан од вработен во маркет appeared first on Република.

Непријатна случка имало вчера во маркет „Стокомак“ во Тафталиџе кога нервозен купувач протестно почнал да фрла со краставици низ продавницата затоа што му требале 5, а не едно шише со зејтин. Очевидците за „Слободен печат“ велат дека глетката била непријатна.

Зарем сте глупави! Што треба, пет пати да влезам во продавница за да купам 5 шишиња, нервозно викал купувачот и ја расплакал продавачката кон која упатил низа навреди.

Друг купувач, пак, дошол со здравствената книшка на својата мајка за да покаже дека е неподвижна и дека и за неа треба да купи масло за јадење.

The post Скопјанец со краставици мавал по продавачка зошто не му давале да купи пет литри масло appeared first on Република.

Синџирите супермаркети „Колорајт“ и „Лидл“ во Белгија ја ограничија продажбата на брашно, масло и конзервиран зеленчук поради големата побарувачка.

Додека двете компании напоменуваат дека станува збор за „превентивна мерка“ и дека „нема недостиг“, потрошувачите во „Колорајт“ засега можат да купат најмногу две пакувања од секаков вид масло и брашно, додека во „Лидл“ е ограничена и продажбата на конзервиран зеленчук на две конзерви.

Истовремено, од белгискиот трговски синџир „Делез“ наведуваат дека е забележлива зголемена продажба, но нема да воведат ограничувања за потрошувачите.

Полиците во белгиските продавници се преполни, а продавачите апелираат до граѓаните да не паничат и да не создаваат непотребни залихи, со што предизвикуваат недостиг каков што имаше на почетокот на пандемијата на Ковид-19.

Цените на храната во белгиските продавници останаа стабилни и покрај астрономскиот раст на енергентите и греењето во земјата.

Еден литар сончогледово масло во Белгија може да се купи за 2,40 евра, бело брашно за 0,55 евра по килограм, а еден литар млеко за 1,30 евра.

Официјално, во изминатите шест месеци цената на храната во Белгија поскапе за околу четирии отсто, наспроти енергентите кои се зголемија и до 50 проценти.

Белгиските власти од вчера ги намалија акцизите на горивото, така што максимално дозволените цени на дизелот сега се 1,9 евра, односно 1,7 евра за бензин од 95 октани

The post Oграничена продажбата на брашно, масло и конзерви во повеќе маркети низ Белгија appeared first on Република.