Сопственикот на компанијата „Мета“, Марк Цукерберг оцени дека сопственикот на соперничката компанија „Х“ - Илон Маск, „не е сериозен во врска со нивниот меч во кафез“ и рече дека време е да се продолжи натаму со животот.

Може да се согласиме дека Илон е несериозен и време е да се оттргнеме од оваа приказна. Понудив конкретна средба. Шефот на боречкото Првенство „Ултимејт фајт“ (УФЦ), Ден Вајт понуди и правни начини да го направи мечот за добротворни цели. Илон нема намера да прифати средба... Рече дека му треба операција, а сега бара да тренира во мојот двор наместо „да се тепаме“ - рече Цукерберг.

Маск во јуни објави дека е „подготвен да се бори в кафез“ со Цукерберг, а вториов одговори со порака „кажи место“.

Ако Илон сериозно и официјално се зафати со датумот за „тепачката“, знае како да ме најде, додаде раководителот на „Мета“, т.е. социјалните мрежи „Фејсбук“ и „Тредс“.

Во спротивно, Цукерберг ќе се сосредоточи на борбата со луѓето кои тоа го сфаќаат сериозно.

The post Цукерберг: Маск е несериозен околу нашата „тепачка“ appeared first on Република.

Компанијата „Meta“ во чија сопственост се „Facebook“, „Instagram“ и „WhatsApp“, денеска започна да отпушта работници.

Околу 11.000 вработени, односно околу 13 отсто од вкупниот број на работници, ќе добијат отказ, а ова е најзначајното намалување на работни места во историјата на оваа компанија.

„Сакам да преземам одговорност за оваа одлука и за тоа како дојдовме дотука. Знам дека е ова тешко за сите, а особено ми е жал за оние кои се погодени“, напишал сопственикот и основач на „Meta“, Марк Закерберг, во писмото до вработените.

Еден ден пред да започнат отпуштањата, Закерберг се состанал со раководителите за да разговараат за отказите, пишува „New York Times“, повикувајќи се на две лица кои биле присутни на споменатиот состанок. Едно од тие лица изјавило за американскиот весник дека извршниот директор ја презел одговорноста за намалување на бројот на вработените, велејќи дека неговата компанија пребрзо се зголемила.

„Meta“ кон крајот на септември имала 87.314 вработени, што е најголем број на работници во историјата на оваа компанија. Во еден момент минатата година, „Meta“ била проценета на милијарда долари, но во текот на оваа година започнаа финансиските проблеми за компанијата кои кулминираа со отпуштања. Во јули, Закерберг ги предупреди вработените дека компанијата доживува „еден од најлошите падови во поновата историја“ и во септември најави замрзнување на вработувањата.

Минатиот месец предупреди дека „тимовите ќе останат стабилни или ќе се намалат во текот на следната година“ и додаде дека компанијата ќе ја заврши 2023 година со „приближно иста големина или нешто помала организација отколку што е денес“.

The post Отпушти илјадници вработени: Радикална одлука на Марк Цукерберг appeared first on Република.