Марјан Ѓорчев, поранешен македонски амбасадор во Бугарија денеска изјави дека францускиот предлог не е добар за Македонија и дека Договорот со Бугарија може да се репреговара.

Францускиот предлог не е добар за Македонија. Договорот со Бугарија може да се репреговара. Има член каде што стои дека може да се репреговара, рече Ѓорчев во емисијата „Дејли клик“ на ТВ 21.

На прашањето дека еврокомесарот Оливер Вархеји неодамна изјави дека Договор не може да се репреговара, Ѓорчев рече дека дека тој сега ќе биде сменет, а исто така ќе има избори и во Бугарија.

Вархеји сега ќе биде сменет. Нема да биде тој, ќе биде некој друг. Тоа е шансата. Прво има шанса затоа што има избори во Бугарија, и вие ќе видите кои се тие сили. Во Бугарија има многу рационални полчитичари кои ја ценат Македонија. Лично сметам дека со овие лица од ГЕРБ можеме да преговараме. Петков беше во ВМРО-ДПМНЕ, разговаравме многу конструктивно, паметно како да ги надминеме проблемите. Вие имате право да дадете предлог анекс на тој договор. А, СДСМ кога видоа дека тоа е ќорскокак, требаше да предложат промени на истиот, изјави Ѓорчев

The post Ѓорчев: Францускиот предлог не е добар, Договорот со Бугарија може да се репреговара appeared first on Република.

Има еден хендикеп кај господинот Пендаровски, тој беше препокриен од политиката на владејачката коалиција и многу негови одлуки беа копија на тоа што го правеа премиерите Заев и Ковачевски, истакна Марјан Ѓорчев во „24 Отворено“ на 24ТВ.

Граѓаните во Македонија независно од нивната етничка припадност добро паметат за одредени одлуки, посебно да речеме во делот на македонското национално ткиво, тоа дали Гоце Делчев е Бугарин или не е Бугарин, а тој изјави дека Гоце Делчев е Бугарин. И дури граѓаните ќе ги паметат и други работи, како на пример не може да правда грешки ако владејачката гарнитура направила грешка како што е договорот со Бугарија, појасни тој.

https://republika.mk/vesti/balkan/izjavata-na-pendarovski-deka-goce-delchev-e-bugarin-glaven-arguement-na-bugarija-vo-eu/

Ѓорчев рече дека Пендаровски го правдаше договорот со Бугарија, кој што е штетен за македонските национални интереси и „не може Пендаровски да ги убедува граѓаните дека не може истиот договор да биде корегиран“. Ѓорчев потсети дека во тој договор во членот 13 стои дека може истиот да биде корегиран со Анекс или дополнителни договори.

Тоа што го направи Пендаровски, пак ќе кажам со должна почит, овојпат ќе има помалку шанси отколку што имаше првиот пат, заклучи тој.

Тој посочи дека Пендаровски ги поддржа штетните одлуки на владејачката гарнитура.

The post Ѓoрчев: Граѓаните ќе го паметат Пендаровски по тоа што изјави дека Гоце Делчев е Бугарин appeared first on Република.

„Според мене ова не е политичко прашање, ова е Уставно прашање, тука се напаѓа Уставот на Република Македонија, бидејќи во уставот точно стои што е спротивно на уставот и кои се правата на државата. Тука се удира директно и намерно од страна на македонски граѓани со бугарска самосвест кои формираат здруженија“, рече поранешниот амбасадор во Република Бугарија, Марјан Ѓорчев во вечерашното гостување во емисијата „24 Анализа“ на Телевизија 24.

Ѓорчев посочи дека тоа е една провокација од бугарска страна и македонската држава треба да одговори соодветно, да стави еднаш крај на тие работи. Тој додаде дека добро е што носиме закон за здруженија и битно е Република Македонија да и покаже на Република Бугарија дека до тука беше со црвената линија и дека од тука натаму не може повеќе.

„Македонската држава е на страната на антифашистичката борба и не може да не знае Централниот регистар да знае дека Цар Борис Трети бил цар во нивната бугарска историја на монархо-фашистичка Бугарија“, изјави Ѓорчев.

Тој потенцираше дека премногу е и граѓаните кажаа дека е премногу. Тоа е навреда за државата, нацијата и за она што претставува наша заедничка европска иднина.

The post Ѓорчев: Добро е што носиме закон за здруженија, бидејќи отворањето на бугарските здруженија се навреда за државата и нацијата appeared first on Република.

Ништо нема да се промени во политиката на бугарските институции - како што се Собранието и Владата, ниту пак ќе се смени граѓанската перцепција кон Македонија, вели поранешниот амбасадор во Бугарија Марјан Ѓорчев, коментирајќи ги за „Фокус” вчерашните четврти по ред парламентарни избори во Бугарија во само 18 месеци.

Според него вековната бугарска стратегија чии што фундаменти се науката, образовниот систем, социјалниот инженеринг, не дозволива маневарски простор кај било кој политички субјект во Бугарија кон т.н. „македонското прашање”.

Сè додека ние во Македонија не разбереме дека попуштањето од наша страна води само кон се поголем притисок од бугарска страна, нема да има подобрување во двонасочниот бугарско-македонски дијалог. Без рамниправност и симетрија, нема да има взаемна почит и меѓусебна доверба помеѓу бугарската и македонската држава, заклучува тој.

The post Ѓорчев: Сè додека Македонија не разбере дека попуштањето води кон поголем притисок од бугарска страна, нема да има промени appeared first on Република.

Поранешниот македонскиот амбасадор во Бугарија, Марјан Ѓорчев, во гостување во емисијата „Што не е јасно?“ на телевизија Алфа, изјави дека францускиот предлог е дефакто усогласен помеѓу Македонија, Франција и Бугарија.

Бугарите многу огранизациски и функционално подготвени го дочекаа предлогот, го дискутираа дебатираа и изглсаа. Тој предлог 100% ги задоволува бугарските барања и со тој потпишан протокол дефакто договорот за пријателство станува интегрален дел од преговарачката рамка - изјави Ѓорчев.

Тој посочи дека Македонија влегува во преговорите со Бугарија со врзани раце.

Врзаноста на нашите раце произлегува од асиметричниот Договор за пријателство потпишан на 1 август 2017 година.

 

Ние треба да бидеме свесни зошто нас ни се врзани рацете и ако веќе имаме таков договор којшто е асиметричен и кој ги фаворизира бугарските интереси, тогаш Македонија за овие пет години мораше да извлече поука - изјави Ѓорчев.

Според Ѓорчев, македонскиот пристап треба да биде храбар, добро концепиран и одобрен од Македонската академија на науките, како што БАН му дава зелено светло на Петков.

Наместо да бараме ние измена на договорот во сензибилните точки коишто се против нашите интереси, ние тврдоглаво удиравме со глава во ѕид. Ние удирајќи со главата во ѕид не стигнавме никаде - истакна Ѓорчев.

The post Ѓорчев: Францускиот предлог 100% ги задоволува бугарските барања и е дефакто усогласен помеѓу Македонија, Франција и Бугарија appeared first on Република.

Сосема е очигледно е дека Бугарија е задоволна од тоа што е предлогот на француското претседателство на ЕУ, оценува поранешниот македонски амбасадор во Софија, Марјан Ѓорчев.

Во изјава за Канал 5 вели дека треба да почекаме ЕУ да ги промени правилата на блокадни механизми преку консензус и да можеме достоинствено и со чест да почнеме да преговараме.

„Она што беше усвоено вчера од бугарскиот парламент беше и очекувано, бидејќи како што спомна и еврокомесарот за проширување, Вархеи, дека францускиот предлог ги содржи сите бугарски барања, сосема е очигледно дека Бугарија е задоволна со тоа што е предложено. Оттука нас ни преостанува, бидејќи преговарачката рамка де факто не го содржи преговарачкиот пакет 4 плус 1, ама де јуре сме упатени да го потпишеме двостраниот протокол, кој исцело ги содржи сите бугарски барања, дури и некои нови кои беа навестени вчера во бугарскиот парлмент. Така што јас не очекувам дека ние наскоро ќе можеме да се усогласиме до крајот на француското претседателство и ќе треба да продолжиме по нашиот пат, да го користиме инструментот на Спогодбата за стабилизација и асоцијација, она што ни преостанува како наша европска траекторија и да почекаме ЕУ да ги промени правилата на блокадни механизми преку консензус и да можеме достоинствено и со чест да почнеме да преговараме со ЕУ на начин како што сите други држави преговараат со ЕУ“, рече Ѓорчев.

The post Ѓорчев: Бугарија нема да отстапи од барањата, останува да чекаме ЕУ да го промени одлучувањето со консензус appeared first on Република.

Република Македонија направи стратешка грешка со потпишувањето на договорот за добрососедство и соработка со Република Бугарија каде се ставивме во несиметрична позиција со Република Бугарија, изјави Марјан Ѓорчев, поранешен амбасадор во Република Бугарија, во вечерашното гостување во „Тема на денот“ на Сител Телевизија.

Трите клучни проблематични точки се тоа што власта го прифати терминот на заедничка историја, несиметрија со тоа што Бугарија може да се меша за малцинството Бугари во Македонија а ние немаме право да се мешаме и власта ја прифати фуснотата согласно Уставот на Република Македонија и Република Бугарија, рече Ѓорчев.

Ѓорчев додаде дека ова што го прави Република Бугарија кон нас е нивен внатрешен политички дискурс и нивна геополитика.

Потребно е нашите европски прашања да си ги решаваме внатре во Македонија бидејќи тоа е наша домашна работа и потребно е ние да ја донесеме Европа кај нас. Со подобар животен стандард, подобра економија, афирмација на македонската култура и вредности, македонски вредносен систем и заложба за младите да имаат подобар стандард само вака ние ќе може да се бориме“, посочи Ѓорчев.

The post Ѓорчев: Власта направи стратешка грешка со потпишувањето на договорот за добрососедство и соработка со Бугарија appeared first on Република.

Република Бугарија добро знае дека Македонската држава е настаната во антифашистичката борба, изјави поранешниот амбасадор во Република Бугарија, Марјан Ѓорчев во вечерашното гостување во „Тема на денот“ на Сител Телевизија.

Именувањето на клубот во Битола со име „Ванчо Михајлов“ односно човек кој е осведочен соработник на фашистичкиот режим во Хрватска и Италија, човек што негов мотив е политичко насилије и терор ширум Европа претставува поткопување на максимата за заедничка историја. За каква заедничка историја ние зборуваме кога македонската антифашистичка борба и третиот Рајх на Бугарија се две спротивставени страни во историјата, рече Ѓорчев.

Ѓорчев посочи дека Република Бугарија ја претставува нашата антифашистичка борба како еднократен чин, ја негира нашата вековна револуционерна борба за создавање македонска држава, ја негира нашето еволуционо сознавање за македонската самосвест. Таа се обидува и да прикаже дека Македонија односно во тој момент Народно Федеративна Македонија настанала еднократно на 2 август 1944 година.

Македонските власти потребно беше да реагираа многу поубедително и на некој начин да им стават до знаење на бугарското малцинство во Македонија дека тие мора да ја почитуваат македонската држава. Нашата вистинска македонска вредност е тоа дека ние сме дел од таа Европска антифашистичка борба, истакна Ѓорчев.

The post Ѓорчев: За каква заедничка историја ние зборуваме кога македонската антифашистичка борба и третиот Рајх на Бугарија се две спротивставени страни во историјата appeared first on Република.

Односот на власта кон чествувањето на Гоце Делчев не е изненадувачки и тоа е погрешна стратегија. Ако мислат дека со тоа ќе ги задоволат Бугарите се лажат, нема да се постигне чувство на симпатија и попусливост. Со виткање на грб не се постигнува успех, изјави за „Што не е јасно“ на Алфа, поранешниот амбасадор Марјан Ѓорчев.

Тој вели дека погрешни се ставите на власта дека немало потреба тоа сега да се прави, туку наместо тоа да се покаже единство.

Треба да покажеме дека Гоце Делчев е клучната фигура, симоболот на македонската револуционерна борба. Ако тука покажеме единство, Бугарите ќе се запрашаат дека Македонија има цврсти ставови околу нашиот идентитет. Клуот за нашиот однос кон Бугарија е единството и Бугарија на тоа ќе гледа како монолитност која не може да се разбие, рече Ѓорчев.

Тој додаде дека Македонија во преговорите треба да покаже доследност и храброст и мора да има реципроцитет како за малцинството, така и за гаранциите, ако Бугарија бара гаранции, ние треба да бараме гаранции за нашиот идентитет, јазик и за нашата култура и историја.

Барањето на Бугарија да Бугарите влезат во Уставот е внатрешно прашање на Македонија, меѓу македонските граѓани со бугарска самосвест, нивните здруженија, политичка партија и тие не треба да бараат средба со Радев и Петков туку со македонските институции. Но, проблемот е во Бугарија. Целиот пристап на наметнување е навредлив. Од друга страна Македонија треба да се залага за соработка со Македонците во Бугарија. Наша цивилизациска одгворност е да се грижиме за Македонците во Бугарија, мора да се покаже достоинство кон тие луѓе дека се дел од нас. Зошто да не се бара пресудите на Стразбур да бидат реализирани, потенцира Ѓорчев.

The post Марјан Ѓорчев: Односот на власта кон чествувањето на Гоце Делчев не е изненадувачки appeared first on Република.

Нашата политичка елита се затвори за договорот со Бугарија и одеше во еден друг процес, односно дека тие се некои преговори коишто доколку се изнесат во јавноста ќе наштетат на тајноста на процесот и до ден денес е тоа така ние да не знаеме што се преговара со Бугарија, изјави поранешниот амбасадор во Бугарија, Марјан Ѓорчев, во вечерашното гостување во емисијата „Што не е јасно?“ на Алфа телевизија.

Пратениците во Собранието од 2018а година па сѐ до денеска не знаат што се случува во преговарачкиот процес. Досега можеше во парламентот на Република Македонија да се дискутираат позициите и сите политички чинители да дадат свои придонес за да се подобри таа преговарачка рамка меѓу Бугарија и Македонија, кажа Ѓорчев.

Истакна дека за време на средбата иницирана од страна на министерот за надворешни работи, Бујар Османи за состанок со поранешните амбасадори во Бугарија, му укажал дека должност негова е да бара затворена седница во Собранието.

Нашиот пристап е погрешен и не може да биде адекватен на тежината на проблемот. Должност негова на министерот за надворешни работи Бујар Османи, е да бара од комисијата за надворешни прашања да свика затворена седница. Каде целиот преговарачки пакет да биде отворен на таа затворена седница и таму затворен, рече Ѓорчев.

Ѓорчев потенцираше дека овој начин на водење на преговори со Република Бугарија е погрешен. Потребно беше и ние да наметнеме наши барања за тоа што ние очекуваме од Република Бугарија.

Во однос на кажаното од страна на ЕУ дека има волја за преговори, Ѓорчев посочи дека ЕУ има свои механизми за наложување волја доколку сака тоа да го направи.

Една држава како Бугарија која е зависна од европските фондови е многу лесно ЕУ да разговара со нејзе и да ја убедат низ еден конструктивен дијалог дека проблемот коишто го има не е суштествен и не соодествува на европските вредности, заклучи Ѓорчев.

The post Ѓорчев: Македонската политичка елита се затвори во врска со договорот со Бугарија, непознато е што се случува во преговарачкиот процес appeared first on Република.

Марјан Ѓорчев екс-амбасадорот во Бугарија во емисијата 24 анализа рече дека предлогот Бесмира Ејупи за конзул во САД е несоодветен и за тоа говори реакцијата на дипломатксиот синдикат во МНР, ставот на интелектуалците, ставот на Советот на амбададори.

– Ова значи дека овој начин на предлагање на одговорни лица во дипломатијата е несоодветен. Кога се работи за конзул, тука се работи за технички работи кои секој човек не би можел да ги извршува и треба да помине многу години стаж во дипломатијата. – рече Ѓорчев.

The post Ѓорчев: Овој начин на предлагање на одговорни лица во дипломатијата е несоодветен appeared first on Република.

Нашите историчари имаат полно право да ги бранат нашите македонски ставови. Не гледам како ќе постигнеме прогрес со ваква тврда бугарска позиција, која има една максима – Македонија може да влезе во Европа, но македонизмот не, вели поранешниот амбасадор во Бугарија, Марјан Ѓорчев.

Во гостување на ТВ Сител, Ѓорчев потенцира дека ќе постигнеме прогрес во преговорите со Бугарија само ако јасно ставиме до знаење дека не отстапуваме од нашите начела кои се истовремено и дел од европскиот вредносен систем. Ако така се држиме, ќе ги убедиме Бугарите дека сме рамноправни во дијалогот и дека имаме наши барања кои тие треба да ги испочитуваат, конкретно и во однос на Гоце Делчев. Не треба и да дозволуваме, посочи, мешање во внатрешните работи на земјата.

Според Ѓорчев, Бугарите имаат свое гледање и толкување, но ние никако не смееме да прифатиме нивно наметнување зашто нашата историографија е усогласена со европската историска комунистичка и општествена наука. Соседи сме, но факт е дека треба да имаме верба во нашите вредносни фундаменти.

Секогаш сум тврдел дека веќе 30 години преземаме погрешни чекори во однос на тоа како треба да се однесуваме, не само кон соседите, туку и во целиот процес на преговарање со меѓународните асоцијации. Ние имаме многу аргументи и факти, како и многу историски извори за поимот Македонија и во однос на нашата државност, и во тој контекст треба да бидеме многу гласни. И така треба да се однесуваме. Не теба да дозволуваме мешање во внатрешните работи на земјата, како што Бугарија не дозволува да се дискутира за македонското малцинство. Нивниот став е недвојбен – тие не признават постоење македонско малцинство. Во тој контекст ние треба секогаш да одговориме достоинствено – дека за тоа постои Совет на Европа кој ги решава овие прашања кои може да дојдат и до Судот во Стразбур. Секогаш тоа треба да го нагласуваме, зашто тоа се наши вредности, тие луѓе таму се дел од македонското национално ткиво и ние и да сакаме, не можеме да се откажеме од нив зашто, откажувајќи се од нив, ние на некој начин сами си ја загрозуваме македонската нација - подвлече поранешниот амбасадор во Софија.

Тој смета дека Договорот за пријателство на некој начин ја става земјава во нерамноправна положба во однос на македонското малцинство и во однос на заедничката историја која Бугарите, како што рече, ја толкуваат како историја на бугарскиот народ и тука доаѓа до конфликт меѓу двете општества.

Бугарите имаат свое гледање и толкување, но ние никако не смееме да прифатиме нивно наметнување зашто нашата историографија е усогласена со европската историска комунистичка и општествена наука и тука имаме многу аргументи. Да ги изнесеме тие наши научни погледи и да побараме, ако не можеме да воспоставиме решение по тоа прашање, да продолжиме со она што претставува наша, македонска историографска димензија на Гоце Делчев. Тоа е единствениот начин да изградиме рамноправен однос. Треба и повеќе да и веруваме на нашата историска комисија, да и дадеме простор во даден временски период да каже дека поради несогласување, заради создавање амбиент за понатамошна работа, можеби некоја средба може и да се пропушти, да се одложи. Тогаш ќе покажеме достоинство, ќе покажеме почитување на сопствените, но истовремено и на бугарските вредности, со должна почит, внимание и допуштеност во изразот. Така се создава доверба и можеме да изградиме рамноправен дијалог - напомена Ѓорчев.

Очигледна е, оцени, и врската на бугарската историографија, односно бугарската страна од Мешовитата комисија за историските прашања со бугарската политика.

Во врска со денешното заедничко чествување на Гоце Делчев, нормално е, рече Ѓорчев, што имало реакции кај дел од македонското општество зашто ставот на историчарите по ова прашање се уште не е усогласен.

Кога политиката ја презема палката за толкување одредени „историски вистини“ или на „заедничката историја“, без консултацаија со науката и граѓанскиот сектор, нормална е реакцијата на дел од македонското општество за заедничкото чествување на Гоце Делчев. Во конкретниот случај, отсуствува соработката со науката и со граѓанскиот сектор, па нормална е реакцијата на одреден дел од македонското општество, на историската фела, писмото кое го упати во однос на несогласувањето – зошто имаме заедничко чествување кога повиканата Комисија врз основа на Договорот нема усогласени ставови и препораки како треба таа наша голема македонска личност да биде чествувана. Бидејќи Комисијата не усогласи такви ставови, политиката ја презема на себе одговорноста со сиот ризик, дали ќе придонесе за позитивен епилог или ќе има негативни реперкусии по добрососедството и кревањето на бугарската блокада - објасни поранешниот амбасадор.

Според него, интересно би било двете страни да понудат чествување на раѓањето на Гоце Делчев пред неговиот семеен дом во градот Кукуш и тоа Грција да го дозволи или пак во село Баница да се одбележува 4 мај, денот кога загинал.

Тоа се европски вредности и на таков начин можеме да зборуваме за Гоце Делчев - дециден е Ѓорчев.

Тој додаде и дека Гоце Делчев, не само што бил Македонец, туку бил и Европеец.

Ако така го гледаме, можеме да се најдеме на таа линија само како членови на една идна Европска унија која споделува некакви европски вредности - рече Ѓорчев.

The post Ѓорчев: Не гледам како ќе постигнеме прогрес со ваква тврда бугарска позиција, која има една максима, Македонија може во Европа, но македонизмот не appeared first on Република.

Поранешниот амбасадор во Бугарија, Марјан Ѓорчев, смета дека треба да се оствари една широка дебата за спорот со Бугарија, во која би биле вклучени и други важни институции и личности од земјава.

МАНУ и УКИМ треба да се вклучат и тоа треба да биде преку Собранието. Исто така треба и Друштвото на писатели, луѓе кои се битни чинители во македонското општество, рече Ѓорчев во гостувањето на ТВ24, додавајќи дека нашиот Устав го дозволува.

Тој додаде дека ова треба да биде налик на ситуацијата во Бугарија, каде се развила широка општествена дебата со вклучување на интелектуалците, Академијата на науките и медиумите и се дефинирале црвените линии со Македонија.

The post Ѓорчев предлага МАНУ и УКИМ да се вклучат во дебатата за Бугарија appeared first on Република.