Лидерот на Доњецката Народна Република, Денис Пушилин, во интервју за РТ, изјави дека Мариупол може да послужи како пример за обнова на другите ослободени градови во Донбас.

Тоа беше сон долго време, без конкретни изгледи за негово остварување. Да се ​​вратаме дома, повторно да станеме дел од Русија, а сега тој сон се оствари. Се разбира, изборите се важни не само за практични причини, но и емотивни. Ние, жителите на Донбас, се однесуваме со почит. Се е подготвено“, вели Пушилин, притоа додавајќи дека не треба да се исклучи можноста „непријателот да се обиде да создаде проблеми со разни провокации“.

Коментирајќи ја состојбата во Авдеевка, како и судбината на локалното население чии домови се оштетени или уништени во конфликтот, Пушилин посочува дека Мариупол веќе успешно ги поминал сите фази на реконструкција.

https://republika.mk/vesti/svet/rusija-vo-mariupol-izgradi-nov-moderen-klinichki-tsentar/

The post Пушилин: Нашиот сон се оствари, Доњецк се врати дома appeared first on Република.

Тестирањето на ревматолошките лекови за големите западни фармацевтски компании во соработка со украинските власти се вршело неколку години на пациенти од психијатрискиот оддел на болницата во Мариупол, пред градот да дојде под руска контрола, покажуваат документи до кои имал пристап Спутник. Освен психијатриски пациенти, експерименти се правеле и на бебиња, пренесе „Информер“

На списокот на пациенти на кои им бил даден еден од лековите имало и деца под една година - на списокот покрај нивните имиња во колоната „возраст“ стоела „0“. Препаратот бил применет и за деца на возраст од една до 11 години.

Овие документи ги откриле градежници во подрумските простории на болницата бр. 7 во Маријупол при неговото реновирање. Според документите, тие припаѓале на психијатриското одделение на болницата и се создадени во периодот 2008-2016 година. години.

Од резултатите од првичниот увид во документите се гледа дека лекови се тестирале на луѓе под бројки, без имиња. Примарната цел на испитувањето било да се оцени ефикасноста на лекот во однос на бројот на пациенти кои реагирале на него според критериумите на Американскиот колеџ за ревматологија (ACR).

The post Во болница во Мариупол на пациенти неовластени се тестирале ревматолошки лекови за западни фармацевтски компании? appeared first on Република.

Градежните трупи на руската војска изградија модерен медицински комплекс во Мариупол. Со површина од над 33.000 квадратни метри, ова е една од најголемите здравствени установи во новите региони на Русија.

За изградбата се предвидени две фази, а првата фаза е завршена пред предвиденото. Медицинскиот центар веќе е изграден по современи стандарди и е опремен со најнова медицинска опрема, од која 97% е произведена во Русија. Објектот е веќе отворен, а првите пациенти веќе имале можност да ги посетат лекарите специјалисти.

Во втората фаза од изградбата, објектот ќе добие нова болничка зграда за прием на пациенти со 400 кревети. Сите згради ќе бидат поврзани со покриени, загреани премини.

Дополнително, на локацијата ќе бидат изградени локални капацитети за третман на отпадни води, паркинг и хелиодром за хеликоптер. Болницата ќе може да обезбеди итна и стационарна нега на болните и повредените.

The post Русија во Мариупол изгради нов модерен клинички центар appeared first on Република.

Руската федерална служба за безбедност (ФСБ) во Мариупол открила голем број документи за финансирањето на украинската армија од страна на Јеховините сведоци.

Руските специјални служби соопштија дека заплениле повеќе од 20.000 примероци на екстремистичка литература од организацијата на Јеховините сведоци во Мариупол. Таму се пронајдени и официјални документи кои потврдуваат дека припадниците од оваа секта се вклучени во финансирањето на припадниците на украинската армија.

Местото каде што се чувале овие документи е пронајдено благодарение на заедничката работа на ФСБ, воените контраразузнавачки агенции и Руската гарда.

The post Јеховините сведоци во Мариупол ги финансирале украинските сили appeared first on Република.

Украинската заедница во јужен Бразил одлучи да ја преименува локалната екипа во ФК Мариупол во знак на солидарност со украинскиот прволигашки клуб кој беше распуштен по руската инвазија врз Украина.

АА Бател, клуб од регионот Прудентополис, во бразилската сојузна држава Парана, ги презеде боите на дресот, грбот и логото на Мариупол, една година откако клупските простории и градскиот стадион беа уништени во инвазијата која официјална Москва ја нарекува специјална воена операција.

„Клубот Мариупол го претставува идентитетот на нашата заедница која над 70 отсто ја сочинуваат Украинци и украински потомци“, изјави претседателот на АА Бател, Алекс Лопес.

„Украина отсекогаш на неверојатен начин го поддржуваше големиот бразилски фудбалски талент и стана важна порта за влез на бразилските играчи на европскиот пазар. Ова е најмалку што можеме да сториме за да помогнеме нивниот клуб да се одржи во живот и да им дадеме надеж на Украинците ширум светот“, додаде тој.

Украинскиот клуб Мариупол, формиран во 1992 година под името Иљичевец, настапуваше во квалификациите за Купот на УЕФА и Лига Европа, последен пат во сезоната 2019/20

The post Бразилски клуб сега се вика ФК Мариупол appeared first on Република.

Ова е прво патување на рускиот претседател во украинскиот град, кој со месеци беше под опсада и заземен од руските сили во мај 2022 година.

Како што беше најавено претходно утринава од Кремљ, Путин со хеликоптер отпатува за Мариупол и го обиколи градот со автомобил, кој сам го возел.

Путин разговарал со жителите на Мариупол и му беше презентиран извештај за работите на обновата на овој уништен пристанишен град на Азовското Море.

Тој вчера беше во ненадејна посета на Крим по повод 9-годишнината од анексијата на полуостровот, кој Русија го анектираше во 2014 година

The post Украина тврди дека го контролира Мариупол, а Путин им доjде во ненајавена посета appeared first on Република.

Рускиот претседател Владимир Путин во текот на ноќта го посети Мариупол, кој руската армија го стави под контрола минатата година.

Руската телевизија објави неколку видеа на кои се гледа како Путин вози автомобил низ улиците на Мариупол.

Руските медиуми објавија дека Путин во неколку наврати го запрел автомобилот и излегол од него за да разговара со жителите.

Потоа влезе во еден дом каде го пречекаа со радост и храна.

The post Путин влезе во домот на семејство во Мариупол, топло го пречекаа со храна appeared first on Република.

Лидерот на Чеченија, Рамзан Кадиров, на својот Телеграм канал објави дека неговите тројца малолетни синови Ахмат, Ели и Адам го посетиле Мариупол. како доказ за нивното присутво во Мариупол, момчињата вооружени до заби позираат пред камерите во градот.

Според Кадиров, во Доњецк пристигнала и неговата ќерка, Ајшат Кадирова, која ја предводела работната посета на чеченската делегација на Донбас.

https://twitter.com/nexta_tv/status/1582589800464666624?ref_src=twsrc%5Etfw%7Ctwcamp%5Etweetembed%7Ctwterm%5E1582589800464666624%7Ctwgr%5E2306044f82ddfc0fe8b5588cb96e85228899938f%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F683770%2Fkadirov-poslao-maloletne-sinove-u-ukrajinu-naoruzane-do-zuba%2Fvest

Малолетноста не треба да биде пречка за обуката на бранителите на нашата татковина. Внуците на првиот претседател на Чеченската Република, херојот на Русија, Ахмат-Хаџи Кадиров, Ахмат, Ели и Адам имаат 16, 15 и 14 години. Но, нивната воената обука почна многу одамна, скоро од мали нозе. Не е доволно само да знаеш да пукаш. Тие учат како да ракуваат со разни оружја, како да ги користат на секоја далечина, а учат и теоретска основа. Отсекогаш верував дека главна цел на секој татко е да всади побожност кај своите синови и да ги научи да го штитат семејството, народот, татковината. Ако сакате мир, подгответе се за војна! - вели Кадиров на Телеграм.

The post Синовите на Кадиров на 16, 15 и 14-годишна возраст, вооружени до заби пристигнаа во Мариупол appeared first on Република.

Нема да има преговори меѓу Украина и Русија доколку Москва спроведе фарса од судење на украинските воени затвореници, изјави претседателот Володимир Зеленски.

Коментарите на Зеленски доаѓаат по информацијата дека се планира судење на заробените украински борци во градот Мариупол, што сега е под контрола на руските трупи и на проруските сепаратисти.

Доколку се случи таква лакрдија од судење, ако нашите луѓе бидат вовлечени во такво сценарио спротивно на сите договори и меѓународни правила, ќе се премине линијата по која ќе бидат невозможни какви било преговори. Русија ќе се оддалечи од преговори. Повеќе нема да има разговори, рече Зеленски во обраќањето пред јавноста.

Британските разузнавачки служби сметаат дека на Русија тешко и оди мотивирањето на војниците од сепаратистичките региони лојални на Москва. На денешниот брифинг британското Министерство за одбрана соопшти дека кога станува збор за командните офицери на сепаратистите, тука руската страна ќе се потпира врз директна финансиска поддршка, додека кога станува збор за борбените единици проценките се дека руската страна не може многу да смета на нив кога се работи за офанзивни воени операции.

Извештајот се повикува на видео-снимка што се шири преку укаинските социјални мрежи, на која борци од самопрогласената Луганска Народна Република во источна Украина одбиваат учество во офанзивни операции во регионот на Доњецк.

Борците велат дека ја исполниле својата должност – обезбедување контрола на Луганската Народна Република врз целиот Лугански регион што беше постигнато минатиот месец – и одбиваат да се борат во регионот Доњецк и покрај заканите и заплашувањата од нивните команданти, се наведува и во извештајот.

The post Зеленски: Нема преговори со Русија ако им се суди на нашите заробеници во Мариупол appeared first on Република.

По заминувањето на украинските сили од Маријупол, во западните медиуми практично нема ниту збор за тоа што се случува во градот.

Мариупол е под контрола на руските сили од 21 април 2022 година, а оттогаш во градот се уште има разурнати згради, кои сè уште сведочат за тоа дека таму се воделе жестоки битки.

Некаде до крајот на март, на улиците на Маријупол можеа да се видат и тела на мртви луѓе, но, животот полека се враќа во најголемиот приморски град во Донбас. Ги нема повеќе ужасните слики со гробови во паркови, тревници, дворови на згради...

Додека војната се уште трае во еден дел од Донбас, во Маријупол градежници од различни делови на Русија интензивно работат за граѓаните на тој, некогаш убав, град на брегот на Азовското Море, да ја дочекаат зимата во топли станови. Специјалната комисија досега извршила увид во 2.400 инфраструктурни објекти и станбени објекти со цел да се утврди што може да се санира, односно кои објекти се предвидени за уривање.

Штетата е огромна и проверените објекти се проценуваат на 45,9 милијарди рубљи. Тоа не се само станбени згради, туку и училишта, градинки, храмови, локалниот Драмски театар - велат од Комисијата.

https://twitter.com/Ozrenka8/status/1558417031678099456?ref_src=twsrc%5Etfw%7Ctwcamp%5Etweetembed%7Ctwterm%5E1558417031678099456%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F661185%2Fmarijupolj-zivi-novi-zivot-u-ukrajinskom-staljingradu-se-gradi-na-sve-strane-ljudi-idu-na-plaze-rade-pekare-i-gradski-prevoz%2Fvest

Вкупно пред војната во Мариупол имало 2.778 објекти, а 2.165 од нив биле оштетени или уништени. Зградите погодени од артилериски гранати или тенковски гранати мора да се урнат бидејќи нивната статика е нарушена - се додава во извештајот.

Градежниците прво морале да го исчистат градот од мините поставени од украинската армија. Пронајдени и уништени се речиси 35.000 мини.

Огромно количество оружје и експлозив е пронајдено од територијата на челичарницата „Азовстал“, каде што до предавањето беа засолнети националистичките баталјони „Азов“ и единиците на украинските маринци.

Покрај зградите, се санираат и оштетените мостови. Руските компании почнаа подготвителни работи за реставрација на мостот во предградието на Маријупол, а речиси секоја недела се отвора ново градилиште во градот.

Обновен е железничкиот сообраќај меѓу двата големи града Доњецк и Маријупол. За време на војната, 90 проценти од таа пруга беше уништена, па шините мораше да се постават од почеток, а првиот воз на обновената пруга почна да сообраќа во средината на јули. Градоначалникот на Мариупол, Константин Ивашченко, вели дека е многу важно да се воспостави сообраќај меѓу двата најголеми града, како и да се направи тоа со локалното пристаниште, кое веќе е во функција.

https://republika.mk/vesti/svet/vo-mariupol-se-izveduva-rekonstrukcija-na-pristanishteto-razurnato-od-borbite/

Во градот веќе ги нема ниту мрачни слики на луѓе кои чекаат леб. Отворени се пекари, во повеќето згради погодни за живеење се донесени вода и струја. Јавниот превоз е вратен во функција, иако украинските војници уништиле голем број автобуси за време на нивното повлекување.

The post Мариупол претворен во огромно градилиште: Се реновираат згради, се градат мостови, работат пекарите и градскиот превоз appeared first on Република.

На социјалните мрежи е објавена снимка од дрон на која се гледа како тече процесот за реконструкцијата на стратешкото пристаниште на брегот на Азовското Море.

https://twitter.com/KBoz3/status/1539136471117987840?ref_src=twsrc%5Etfw%7Ctwcamp%5Etweetembed%7Ctwterm%5E1539136471117987840%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F642748%2Frat-u-ukrajini-118-dan%2Fvest

The post Во Мариупол се изведува реконструкција на пристаништето разурнато од борбите appeared first on Република.

Импровизирани кревети, спомен обележја на загинатите борци и „легла“ направени од дрвени палети откриваат речиси незамисливи услови во кои живееја украинските сили во подземните бункери на фабриката за челик „Азовстал“ во Мариупол, во источна Украина.

„Дејли мејл“ објави нови слики, фотографирани од руските сили, на кои се гледаат просториите во кои живееја неколку илјади украински војници.

Огромниот индустриски комплекс источно од пристаништето на Азовското Море беше место на едни од најинтензивните борби во Украина.

Опсадата на Мариупол, во која, според проценките, загинаа околу 6.000 Украинци и 4.000 Руси, заврши на 20 мај.

Откако руските трупи презедоа целосна контрола во фабриката за челик, начинот на кој живееја илјадници цивили и украински борци беше мистерија.

Според поранешниот командант на украинската национална гарда на Азов, десетици тела се уште се во индустрискиот комплекс.

The post Ѕирнете во пеколот на „Азовстал“: Руските сили овозможија увид во подземните бункери и ходници на фабриката во Мариупол appeared first on Република.

Во Мариупол избувна епидемија на колера и дизентерија, изјави градоначалникот Вадим Бојченко и предупреди дека илјадници луѓе би можеле да заболат од колера и други смртоносни болести додека има тела на улица, а летото носи потопло време.

Бојченко тврди дека бунарите се загадени со телата на загинатите за време на неколкунеделното руско бомбардирање и опсада и оти руските сили бавно ги собираат телата.

Има епидемија на дизентерија и колера, рече Бојченко, додавајќи дека проценката на украинските лекари е дека со избивањето на инфекцијата ќе умрат уште илјадници граѓани на Мариупол.

Тој ги повика Обединетите нации и Меѓународниот комитет на Црвениот крст да формираат хуманитарен коридор кој ќе им помогне на граѓаните да го напуштат градот.

The post Во Мариупол избувна епидемија на колера и дизентерија appeared first on Република.

Вториот човек на украинската воена разузнавачка служба, Вадим Скибицки, откри дека Украина моментално губи на првите линии и е целосно зависна од пристигнувањето на оружје од Запад.

Тој вели дека ја потрошиле речиси целата своја артилериска муниција и сега користат ракети на НАТО. Но, ситуацијата се влошува, додава тој, бидејќи на Европа и снемува оружје.

Иднината сега ќе се решава на фронтот, а ние губиме во контекст на артилерија. Сега се зависи од тоа што ќе добиеме од Запад. Украина има едно парче артилерија за 10 до 15 руски, рече тој.

Британското разузнавање, пак, утринава објави дека Русија се бори да обезбеди основни јавни услуги за населението на териториите што ги зазема. Проблеми има и со водоснабдувањето како и со телефонските и интернет услугите.

Во Керсон има критичен недостиг на лекови, додека на Мариупол му се заканува голема епидемија на колера. Првите случаи беа изолирани минатиот месец.

Медицинските служби во Мариупол веројатно веќе се блиску до колапс. Епидемијата на колера дополнително ќе влоши ситуација, велат од британското Министерство за одбрана, пренесува Би-Би-Си.

Ризикот од колера во Мариупол го потврди и пребегнатиот заменик-градоначалник Серхи Орлов. Стотици илјади луѓе останаа во градот.

Апсолутно е можно епидемијата да се прошири во овие услови. Санитарниот систем е нефункционален, се е полно со трупови под урнатините, а медицинската нега практично не постои. Русија продолжува да ги блокира сите обиди за добивање хуманитарна помош. Тука нема хуманитарна организација, Црвен крст, ОН или СЗО. Значи, нашите граѓани добиваат мала хуманитарна помош од руските окупатори, но според нашите проценки таа е премалку, тоа е една десетина од потребната количина храна и вода, рече тој.

The post На Мариупол му се заканува голема епидемија на колера, предупредуваат британските служби appeared first on Република.

Денис Шелер, хрватски војник кој шест години се борел во Украина како припадник на баталјон „Азов“, за Глобус зборува за неонацистичкиот баталјон, за падот на Мариупол, Херсон и други места и одговорноста на украинскиот претседател Володимир Зеленски, пренесува Т портал.

Запрашан што мисли за судбината на командантот на Азов, Денис Прокопенко, и неговите соборци кои се во руско заробеништво, Шелер вели:

Редис. Тоа е неговиот прекар. Се надевам на најдоброто. Искрено не знам каква е неговата судбина. Беше прилично збунувачки сè околу предавањето. Русија сега не може да ги прогласи за терористи и да ги гони бидејќи се заробени на територијата на регионот Доњецк, кој не е дел од Русија, така што руските судови нема што да бараат таму, освен ако Русија не ја анектира таа област.

Хрватскиот војник е сигурен дека членовите на Азов се изневерени од украинските власти на чело со претседателот Володимир Зеленски.

Кога бев во Киев, во вториот баталјон, разговарав со Билецки, првиот командант на Азов, и со други момчиња. Уште тогаш имаше многу прашалници бидејќи Мариупол падна во рок од три дена од почетокот на инвазијата. Некој од украинската страна ги расчистил минските полиња низ кои минувале Русите. Херсон практично падна без борба. Мелитопол, Бердјанск без испукан истрел. Сето ова е чудно, особено затоа што не е тајна дека единствениот кој му помага на Азов од почетокот на опсадата на Мариупол беше генералот Кирил Буданов, шеф на разузнавачката служба на Министерството за одбрана. Останатото се, не знам... Билецки зборува само за Буданов, вели Шелер и додава дека Билецки не бил во источна Украина, туку отишол на линијата на фронтот кај Киев, Буча и Ирпин.

Тој додава дека Билецки не бил во источна Украина, туку отишол на линијата на фронтот кај Киев, Буча и Ирпин. Шелер, исто така, отворено го изразува своето мислење за украинскиот претседател Зеленски.

Од првиот ден, откако беше избран, не бев за него. Но, уште помалку бев за поранешниот претседател Порошенко, кој е корумпиран и кој украде половина Украина од својот народ. Да имав право на глас во Украина, сигурно не би гласал за Зеленски. Зад него стои група олигарси кои се обидуваат да остварат некои од нивните интереси. Зеленски е виновен што Украина го прими сето ова неподготвена, а не само затоа што игнорираше разузнавачки информации по Нова година, рече Шелер и продолжи:

Се започна во 2019 година, кога рече дека треба да престанеме да пукаме и да ја прекинеме војната, а на украинските војници на фронтот во Донбас им забрани да возвратат со оган, па ги одведе украинските војници на километар, километар и половина од позицијата на дел од фронтот во знак на добра волја во договор со сепаратистите да го сторат истото. Сепак, сепаратистите скокнаа во напуштените украински позиции. Неговата политика од почетокот беше антиукраинска. Се сеќавам на неговиот рејтинг од 20 проценти минатата година. На почетокот на војната бев изненаден што тој воопшто остана во Украина. Но, тој немаше избор. Неговата популарност нагло опадна, многу негови заменици беа фатени во корупција и исфрлени од парламентот.

The post Многу чудно, некој ги расчистил минските полиња кај Мариупол за да минат Русите appeared first on Република.

Роботските системи „Уран-6“ се користат при чистење на подрачјата во Мариупол, јавува РИА Новости.

На оваа делница од патот во Мариупол работи роботскиот комплекс „Уран-6“, што се занимава со деминирање. Овој систем ви овозможува да ја забрзате работата на деминерите и да им ги спасите животите. Тој работи на безбедно растојание од операторот - вели за агенцијата заменик командантот за деминирање на Меѓународниот центар за мини на вооружените сили на Руската Федерација со кодно име „Викинг“.

The post Руски роботи го чистат Мариупол од мини appeared first on Република.

Руските медиуми објавија видео од жители на Мариупол, коишто раскажуваат дека украинските сили во градот им се заканувале и уништувале цивилни цели.

Воениот известувач на RT, Валентин Горшенин, бил во Мариупол, каде што разговарал со жителите на една зграда.

Луѓето зборуваат за тоа што им направила украинската војска за време на окупацијата и како успеале да се спасат.

Тие сведочат дека украински тенкови гаѓале кон станбени згради

Милитантите на вооружените сили на Украина ни рекоа: „Сите вие ​​сте сепаратисти овде, излеговте на референдумот, не ни е жал за вас. Ќе го уништиме градот - велат луѓето.

The post Граѓани на Мариупол сведочат: Украински тенк пукаше во станбена зграда, ни велеа „вие сте сепаратисти, не ве жалиме“ appeared first on Република.

Руското Министерство за одбрана соопшти дека руската армија во подземјите простории на индустрискиот комплекс „Азовстал“ во Мариупол пронашла комбе со тела на украински милитанти, под кое имало поставено четири мини. Забележано е дека во комбето имало 152 тела.

Министерството за одбрана нагласи дека врз основа на резултатите од сослушувањето на заробените милитанти од баталјонот „Азов“, биле добиени информации дека телата на загинатите биле минирани по директна наредба на режимот во Киев и лично украинскиот лидер Володимир Зеленски, со цел да се обвини Русија за намерно уништување на смртните останки и спречување на нивното предавање на роднините.

Руското Министерство за одбрана додава дека во блиска иднина телата на украинските милитанти и војници пронајдени во „Азовстал“ ќе им бидат предадени на претставниците на Украина.

The post Во „Азовстал“ пронајдено минирано комбе полно со тела на милитанти од „Азов“ appeared first on Република.

Првиот брод влезе во пристаништето Мариупол, изјави денеска за руските медиуми претставник на пристаништната администрација.

Бродот МР-3 од типот „Славутич“ влезе во пристаништето и ќе натовари 2,7 илјади тони метал, истакна службеното лице.

Според него, бродот утре ќе заврши со утовар, а в понеделник ќе замине кон Ростов на Дон.

Како што претходно беше соопштено, во пристаништето е извршено деминирање, а бродовите потонати од Украина се отстранети.

The post Првиот брод влезе во пристаништето Мариупол appeared first on Република.

Заменик-началникот на милицијата на Доњецката Народна Република, Едуард Басурин, изјави дека е можно некои припадници на украинските безбедносни сили се уште да се на територијата на фабриката за челик „Азовстал“ во Мариупол.

Басурин не ја исклучува таквата можност поради слабата координација меѓу нивните команданти.

Некоординираноста на генералната команда во „Азовстал“ доведе до тоа секој да живее на свој начин, секој да се крие во своето ќоше, па можно е да најдеме заостанати украински војници - изјави Басурин, а пренесува Тас.

Тој додава дека „целосното чистење“ на „Азовстал“ може да трае две до три недели бидејќи се работи за голема територија.

Има места за криење - објасни Басурин.

На 20 мај руското Министерство за одбрана објави дека челичарницата „Азовстал“, која беше последната линија на одбраната на украинските сили во Мариупол, е целосно ослободена.

The post Басурин: Можно е да има уште украински војници во „Азовстал“ appeared first on Република.