Џенова и официјално го објави потпишувањето договор со Марио Балотели како слободен играч. Договорот на напаѓачот е само до крајот на сезоната.

На овој начин, 34-годишниот играч се враќа во Серија А каде што претходно играше со Интер, Милан и Бреша.

Во италијанската елита Балотели има вкупно 141 натпревар со 52 гола и 18 асистенции. Играше и за Лумеџане, Манчестер Сити, Ливерпул, Ница, Адана Демирспор и Сион.

Скандалозниот фудбалер е и поранешен репрезентативец на Италија за која одигра 36 натпревари со 14 голови и 5 асистенции.

Балотели ѝ се придружува на Џенова со мисија да му помогне на тимот да ги надмине проблемите во нападот и да се спаси од испаѓање. По првите девет првенствени кола, „грифоните“ го имаат вториот најслаб напад со своите седум гола, и се на 18. позиција во поредокот со 6 бода, откако забележаа една победа, три нерешени и пет порази.

Од почетокот на сезоната, голем број играчи на тимот се повредија, што на крајот доведе до трансфер на искусниот напаѓач.

The post Балотели се врати во Серија А appeared first on Република.

Директорот на Коринтијанс, Клаудинеј Алвеш, денеска потврди дека се водат преговори со поранешниот италијански репрезентативец фудбалерот Марио Балотели за негов трансфер во бразилскиот гигант.

„Тој бара шест милиони евра за две години, значи три милиони годишно. Коринтијанс може да му понуди двегодишен договор“, изјави Алвеш.

Првиот човек на Коринтијанс додаде дека 33-годишниот Балотели се надева дека повторно ќе биде повикан во националниот тим.
„

Тој сака да се врати во репрезентацијата и со таа надеж би сакал да дојде во Бразил“, рече Алвеш.

Балотели е слободен играч, откако му истече договорот со турскиот тим Адана Демирспор

The post Се сеќавате на „лудиот“ Балотели? Уште има клубови што сакаат да го ангажраат appeared first on Република.