Јавниот обвинител синоќа побара лидерката на француската десница Марин Ле Пен да биде прогласена за виновна за проневера, осудена на затвор и забрана да се кандидира за јавна функција, вклучително и за претседател на Франција, во следните пет години.

Ле Пен, нејзината партија Национален митинг и уште 24 луѓе, меѓу кои и сегашни и поранешни пратеници и европратеници, се обвинети за незаконско користење на средствата на Европскиот парламент за плаќање на парламентарните асистенти, што тие го негираа, пишува Политико.

Обвинителите сакаат Ле Пен да добие најстрога казна, истакнувајќи дека таа била и член на Европскиот парламент и лидер на партијата кога биле извршени кривичните дела. Тие побараа од судијата да ја осуди на пет години затвор, од кои три години се условни, заедно со парична казна од 300.000 евра.

Забраната за кандидирање за јавни функции би траела и по 2027 година, кога треба да се одржат следните претседателски избори.

Што е најважно, обвинителите сакаа казната да стапи во сила веднаш, без разлика дали Ле Пен ќе поднесе жалба до понискиот суд

The post На две години пред избори Ле Пен може да оди во затвор appeared first on Република.

Марин Ле Пен и другите десничарски француски националисти денеска се појавуваат пред судот на воведниот процес против нив под обвинение дека примале средства од Европскиот парламент за непостоечки функционери, јави ДПА.

Покрај долгогодишната лидерка на партијата Национален митинг, Ле Пен, обвинет е и нејзиниот татко и основач на партијата Жан-Мари Ле Пен. Обвиненија за малверзации со јавни средства се поднесени против вкупно 28 лица, појаснуваат од ДПА.

Марин Ле Пен постојано ги отфрла обвинувањата, кои се однесуваат на периодот од 2004 до 2016 година. Обвинувањата се насочени и кон партијата „Народно собрание“ и кон одделни нејзини вработени и соработници.

Станува збор за фиктивно ангажирање на соработници на неколку француски европратеници, објаснува ДПА. Главното обвинување е дека партијата на Ле Пен добила пари од Европскиот парламент за персонал за луѓе кои всушност веќе работат за партијата.

Целната сума изнесува речиси седум милиони евра, забележува ДПА, додавајќи дека Марин Ле Пен пред една година вратила 330.000 евра на законодавниот дом на ЕУ. Сепак, од нејзината партија соопштија дека исплатата на овие пари не е доказ за прекршок.

Доколку бидат прогласени за виновни, обвинетите може да добијат затвор до десет години, соопшти ДПА. Тие, исто така, би можеле да добијат забрана за учество во политиката на пет години, што ќе ја спречи Ле Пен да се кандидира на претседателските избори во Франција во 2027 година.

The post Почнува судењето на Ле Пен поради проневера на средства од ЕУ appeared first on Република.

Обвинителството во Париз отвори истрага за финансирањето на кампањата на Марин Ле Пен за претседателските избори во 2022 година. Истрагата, која следи по прелиминарните истраги, беше отворена минатата недела поради сомневање за проневера, фалсификување, измама и сомнително прифаќање заем, потврдија за Политико од канцеларијата на париското обвинителство.

Во 2022 година, во нејзиниот трет обид да стане претседател, Ле Пен освои 41 отсто од гласовите во вториот круг, губејќи од актуелниот претседател Емануел Макрон. Истрагата сега ќе биде предадена на судија. Отворањето на истрагата дојде откако Националниот комитет за истрага на трошоците за кампањата (CNCCFP) го предупреди париското обвинителство за неправилности.

CNCCFP веќе забележа неправилности во претседателската кампања на Ле Пен во 2022 година, одбивајќи да ги врати парите за постери што беа поставени на автобусите, што беше протолкувано како кршење на правилата за рекламирање на кампањата.

Според АФП, Ле Пен инвестирала близу 11,5 милиони евра во нејзината неуспешна претседателска кампања во 2022 година. Ова не е прв пат Ле Пен да се соочува со вакви проблеми, бидејќи беа утврдени голем број неправилности и за време на нејзината претседателска кампања во 2017 година.

The post Отворена истрага против Марин Ле Пен appeared first on Република.

Лидерката на екстремно десничарската партија Национален собир Марин Ле Пен денеска изјави дека нејзината партија нема да формира влада доколку не добие апсолутно мнозинство.

Партијата на Ле Пен е големиот победник во првиот круг од парламентарните избори што се одржа во неделата во Франција.

„Не можеме да прифатиме влез во владата ако не можеме да дејствуваме“, потврди Марин Ле Пен за француското радио Ентер.

Таа најави и дека нема да биде дел од владата и шеф на Националниот собир, туку дека ќе го води пратеничкиот клуб.

И претседателот на нејзината партија Жордан Бардела пред првиот круг изјави дека нема да влезе во владата без апсолутно мнозинство во Националното собрание.

Ле Пен смета дека ако не можат да ги променат политиките што се спроведуваат, ако не можат да дејствуваат, тоа би било најлошото предавство што нејзината партија може да им го направи на своите гласачи. „Моите гласачи се интелигентни и слободни“, рече таа, додавајќи дека овие избори се за еманципација на францускиот народ.

Зборувајќи за можноста Бардела да стане премиер, Ле Пен рече дека е „подготвена“.

„Оваа влада ќе биде комплетна, ќе биде компетентна, ќе ја сочинуваат луѓе од Националниот собир, луѓе кои учествуваа со нас во изборната борба и луѓе од граѓанското општество“, истакна Ле Пен.

Таа, исто така, рече дека претседателот Емануел Макрон прави сè за да се обиде да се спротивстави на демократскиот процес. Според Ле Пен, Макрон со сите средства се обидува да го спречи Националното собрание да дојде на власт

The post Марин Ле Пен: Нема да формираме влада без апсолутно мнозинство appeared first on Република.

Лидерката на француската десничарска партија Национален митинг, Марин Ле Пен, смета дека преговорите со Русија се единствениот начин за решавање на конфликтот во Украина, со оглед на тоа што Киев не може да победи на бојното поле.

Ле Пен нагласи дека не може да се преговара за мир кога на маса ќе дојде само една од двете страни во конфликтот.

Ле Пен нагласи дека не може да се преговара за мир кога на маса ќе дојде само една од двете страни во конфликтот.

Очигледно е дека ќе треба да преговараме со Русија за да се обидеме да обезбедиме позитивно решение за Украина во овој конфликт во кој таа очигледно не може да победи – изјави Ле Пен за шпанскиот весник „Ел Периодико“.

The post Украина не може да победи на бојното поле – Марин Ле Пен шокираше со својата изјава appeared first on Република.

Францускиот претседател Емануел Макрон одлучи да го распушти Националното собрание, најавувајќи предвремени избори за неколку недели, поради лошите резултати на неговата партија на гласањето за Европскиот парламент.

Првиот круг на изборите за Националното собрание ќе се одржи на 30 јуни, а вториот 7 јули, објави Макрон во обраќањето до нацијата.

По тешкиот изборен пораз од екстремно десничарскиот Национален фронт на Марин ле Пен, Макрон изјави дека исходот „не е добар резултат за партиите кои ја бранат Европа“.

Националниот фронт на Ле Пен на денешните избори за Европскиот парламент освои околу 32 отсто од гласовите, десет повеќе отколку на претходните европски избори во 2019 година и 17 отсто повеќе од партијата на Макрон. Социјалистите освоија 14 проценти од гласовите.

Претворено во мандати, Националниот фронт на Марин Ле Пен добива 31, Ренесанса на Макрон 14, а социјалистите 13.

Ле Пен го опиша изборниот резултат како „историски“

The post Макрон го распушти Парламентот и закажа предвремени избори на 30 јуни appeared first on Република.

Францускиот претседател Емануел Макрон претрпе тежок пораз на денешните европски избори од лидерката на екстремната десница Марин Ле Пен, чија победа ги зголемува нејзините шанси на претседателските избори во 2027 година.

Националниот фронт на Ле Пен освои околу 32 отсто од гласовите, десет повеќе отколку на претходните европски избори во 2019 година и 17 отсто повеќе од партијата на Макрон, покажуваат излезните анкети. Социјалистите освоија 14 проценти од гласовите, објавија телевизиите Франс 2 и ТФ1 по затворањето на гласачките места.

Претворено во мандати, Националниот фронт на Марин Ле Пен добива 31, Ренесанса на Макрон 14, а социјалистите 13.

Ле Пен и нејзиниот водечки кандидат, сè попопуларниот 28-годишен Жордан Бардела, ги гледаат европските избори како референдум за владеењето на Макрон, кое е нарушено со проблеми со имиграцијата и криминалот и двегодишна инфлациска криза.

Победата на Ле Пен ќе го ослаби владеењето на Макрон три години пред крајот на неговиот втор и последен мандат и може да предизвика предвремени национални избори.

The post Ле Пен го порази Макрон, екстремната десница победи на изборите во Франција appeared first on Република.

Во Франција се одржува вториот круг од претседателските избори, а гласачите ќе одлучат кој ќе ја предводи земјата во следните пет години -  актуелниот претседател и лидер на „Република во движење“ Емануел Макрон или кандидатката на десницата Марин Ле Пен.

Гласачките места се отворени од 08 до 20 часот. Право на глас имаат речиси 49 милиони избирачи, а се проценува дека излезноста ќе биде околу 72 отсто.

Според последните одбјавени анкети, се очекува Макрон да победи со 57 отсто гласови во однос на Ле Пен, која би можела да добие околу десетина процентни поени помалку.

Ова е трет обид на Ле Пен за влез во Елисејската палата, а нејзин пораз ќе значи и смена на раководството на нејзината партија „Национален собир“.

Макрон оцени дека изборите претставуваат референдум за Европа, имајќи предвид дека двајцата кандидати предлагаат две многу различни иднини за Франција - и во внатрешната и во надворешната политика.

Во француските прекуокеански територии гласањето почна вчера, за да може гласовите да се пребројат навреме, а Французите кои живеат во странство можат да гласаат и на одредени избирачки места ширум светот.

Врз основа на примероците од специјално избраните избирачки места, прелиминарниот резултат ќе биде познат вечерва во 20 часот, како и по првиот круг.

Ако резултатот е исклучително близок, постои опција да не се објавуваат раните резултати и да се чекаат комплетните.

Пребројувањето продолжува во текот на ноќта, а Министерството за внатрешни работи утре наутро ќе ги објави конечните резултати, кои вообичаено се разликуваат за само еден до два отсто од прелиминарните резултати.

Ако победи Макрон, тој ќе биде првиот француски претседател кој освоил втор последователен мандат на избори во последните 20 години, откако Жак Ширак го победи таткото на Марин, Жан-Мари Ле Пен, и го освои вториот претседателски мандат во 2002 година.

Доколку победи Ле Пен, таа ќе влезе во историјата како првата жена избрана за шеф на државата.

Инаугурацијата на новиот претседател мора да се одржи до 14 мај, кога завршува сегашниот мандат на Макрон

The post Франција гласа за претседател меѓу Емануел Макрон и Марин Ле Пен appeared first on Република.

Кандидатката за француски претседател со поддршка на партијата „Национално обединување“, Марин Ле Пен изјави дека ембаргото за увоз на нафта и гас од Русија ќе биде харакири за Европа, како и дека нема да влијае на самата Руска Федерација.

„Не треба да правиме харакири со надеж дека тоа ќе и наштети на Русија, додека таа ќе најде место за извоз на нафта и гас“, рече Ле Пен за време на телевизиската дебата со актуелниот претседател Емануел Макрон, кој се кандидира за втор мандат.

Од своја страна, Макрон го обвини својот ривал дека зависи од руската влада и претседателот Владимир Путин.

– Вие бевте првиот европски политичар кој ги призна резултатите од анексијата на Крим во 2014 година. Тоа е лоша вест за нашата земја. Зависите од руската влада, зависите од господинот Путин, рече тој.

Тој ја обвини и Ле Пен дека нејзината партија земала заем од руска банка во 2017 година, на што таа одговорила дека го направила тоа, бидејќи „ниту една француска банка не сакала да го одобри заемот“.

Во исто време, претседателската кандидатка напомена дека не се обидува да ја напушти Европската унија, туку дека сака да ја спроведе нејзината длабока реформа и повеќе да ги заштити националните интереси.

– Сакам да останеме во Европската унија, но во исто време да спроведам длабоки реформи, додаде таа.

Ле Пен заедно со Макрон ќе учествува во вториот круг од претседателските избори во Франција, кои ќе се одржат на 24 април. Првиот круг се одржа на 10 април. Во предизборната трка учествуваа 12 кандидати. Според резултатите, Макрон освоил 27,84 отсто, Ле Пен 23,15 отсто.

The post Ле Пен до Макрон: Ембаргото за увоз на руски енергенси би било харакири за Европа, Макрон: Зависни сте од руската влада appeared first on Република.

Кандидатката за претседател на Франција Марин Ле Пен и нејзините блиски се обвинети од Европската канцеларија за борба против измами дека проневериле околу 600.000 евра европски пари за време на нивниот мандат како европратеници, јави дописникот на МИА од Париз.

Обвинетието е според новиот извештај објавен во саботата од Медијапар, кој веќе е предаден на Обвинителството.  Тоа потврди дека го добило овој извештај на 11 март, кој во моментов се анализира.

– Изненаден сум од силниот тајминг за откритието и неговата инструментализација, реагираше Родолф Боселу, адвокатот на Ле Пен, во кампањата за вториот круг од претседателските избори.

Боселу, исто така, вели дека е „запрепастен од начинот на кој дејствува Олаф“ (Европска канцеларија за борба против измами) и за некои „стари факти од повеќе од десет години“.

– Марин Ле Пен не е повикана од ниту еден француски судски орган, рече тој, изразувајќи жалење што ниту тој ниту неговиот клиент не биле приматели на конечниот извештај. Според него, истрагата на Олаф е отворена од 2016 година, а Марин Ле Пен била испрашувана по пошта во март 2021 година.

Новиот извештај на Олаф, од кој Медијапар објавува извадоци, се однесува на финансиските средства што политичките групи можат да ги користат во контекст на нивниот мандат како европратеници и кои Марин Ле Пен и оние блиски до неа би ги користеле за национални политички цели, за лични трошоци или за услуги во корист на комерцијалните компании блиски до Националниот собир и екстремно десничарската парламентарна група Европа на нациите и слободните (ЕНЛ).

Олаф ја осомничи Ле Пен, како и уште тројца поранешни европратеници – нејзиниот татко Жан-Мари Ле Пен, нејзиниот поранешен придружник Луис Алиот и Бруно Голниш, член на националното биро на РН и ЕНЛ.

Канцеларијата ги обвинува дека проневериле околу 600.000 евра, за кои им препорачува враќање. Според извештајот, кандидатката на Националниот собир лично проневерила околу 137.000 евра народни пари од Парламентот во Стразбур кога била европратеничка во периодот од 2004 до 2017 година.

Од јуни 2017 година, Марин Ле Пен е обвинета и во истрагата спроведена во Париз поради сомнение за фиктивни работни места во Европскиот парламент на партиски асистенти. Таа е обвинета за „проневера на јавни средства“ и „соизвршителство“ во ова дело како дел од оваа судска истрага. 

The post На една недела пред изборите ЕУ на Ле Пен и вади афера за проневера на пари appeared first on Република.

Француската претседателска кандидатка и лидерка на националистичката десница, Марин Ле Пен, изјави дека се уште го смета Крим за руски и не жали поради забраната за влез во Украина.

Крим е украински 26 години, но порано беше дел од Русија, па луѓето таму решија да се обединат со Русија - изјави претседателската кандидатка во интервју за телевизијата БФМ.

Таа истакна дека сега нема да оди во Киев, дури и да има можност. Ле Пен изрази надеж дека по победата на претседателските избори, украинските власти ќе ја укинат нејзината забрана за влез.

Но, не жалам што сум прогласена за персона нон грата. Приказната не може да се препише - додаде Ле Пен.

Во неделата се одржа првиот круг од претседателските избори, според кој во трката води претседателот на земјата Емануел Макрон, но гласовите за него – 27,84 отсто, малку се разликуваат од оние на Ле Пен, 23,15 отсто. Вториот круг на гласање ќе се одржи на 24 април.

https://republika.mk/vesti/svet/koja-e-zenata-koja-kje-se-bori-so-makron-za-pretsedatel-eve-za-shto-se-zalaga-desnicharkata-marin-le-pen/

Ле Пен призна дека ако стане претседател на Франција, ќе ја повлече земјата од Северноатлантската алијанса и ќе се залага за стратешко зближување меѓу НАТО и Русија.

Ле Пен е прогласена за персона нон грата во Украина поради нејзините коментари за референдумот на Крим

The post Ле Пен: Сметам дека Крим е руски и не жалам што ми е забрането да влезам во Украина appeared first on Република.

Франција излезе на избори за да го избере својот претседател, при што, актуелниот претседател Емануел Макрон и Марин Ле Пен влегоа во вториот и решавачки круг.

Ле Пен, која важи за екстремно десничарска политичарка, во последниве години го промени својот имиџ, префрлајќи го фокусот на нејзината политичка реторика од имиграцијата на економските прашања.

Која е Марин Ле Пен?

Ле Пен (53) е ќерка на Жан-Мари Ле Пен, 93-годишен политичар, кој беше претседател на Националниот фронт од 1972 до 2011 година. Националниот фронт (преименуван во Национално собрание во 2018 година) е екстремно десничарска партија која води антиимиграциска платформа.

Ле Пен го презеде претседателството со Националниот фронт од нејзиниот татко од 2011-2021 година.

Како претседателка, Ле Пен се обиде да го ублажи имиџот на Националниот фронт со менување на некои членови кои застапуваа расистички и антисемитистички ставови, вклучувајќи го и нејзиниот татко.

Таа, исто така, го поништи партиското противење на истополовите партнерства и безусловниот абортус и ја повлече својата поддршка за смртната казна.

Каква е политиката на Ле Пен?

Иако Ле Пен донекаде го реформира Националното собрание за време на нејзиното време како претседател, таа продолжува да поддржува многу од неговите клучни историски политики, особено нејзиниот став против имиграцијата.

Ле Пен на предизборните митинзи се фокусираше на дискусија за економската криза која ја погодува Европа и светот и за тоа ги обвини претходните политичари.

Таа планира да го укине данокот на доход за помладите од 30 години, да го намали ДДВ-то за енергија од 20% на 5,5% и 0% на краток рок, за одредени основни производи, како што се пелените.

Водеше и кампања за политиката на предвремено пензионирање на 60-годишна возраст за оние кои имаат 40 години работен стаж.

https://www.youtube.com/watch?v=Sg0u1v1TeUg

Ле Пен е евроскептик, иако нејзината реторика против ЕУ е омекната откако таа ги загуби изборите во 2017 година, и оттогаш таа разговара за политики, како што се одредени гранични контроли кои можеби се спротивни на правилата на ЕУ.

Таа, исто така, сака француските закони да имаат предност пред законодавството на ЕУ, што исто така може да доведе до излегување на Франција од Унијата.

Нејзината еколошка политика вклучува спротивставување на фармите со ветерници и поддршка за нуклеарната енергија.

Кога ќе се одлучи победникот?

Вториот круг на претседателските избори ќе се одржи на 24 април, а резултатите ќе почнат да се објавуваат по затворањето на гласачките места.

Ова ќе биде втор пат Макрон и Ле Пен да се сретнат во финалната броба за претседател, по победата на Макрон во 2017 година.

Тогаш, Макрон и Ле Пен поминаа во вториот круг на гласање, при што Макрон доби речиси двојно повеќе гласови од неговата ривалка.

The post Која е жената која ќе се бори со Макрон за претседател: Еве за што се залага десничарката Марин Ле Пен appeared first on Република.

Францускиот претседател Емануел Макрон има за цел да ја почне својата кампања за реизбор оваа недела со прошетки надвор од Париз и голем митинг во главниот град, откако дипломатските притисоци од војната во Украина ја ограничија неговата кампања дома, што доведе до пад на анкетите и загриженост за слаба излезност.

Макрон (44) се надева дека ќе биде првиот француски претседател кој ќе добие втор последователен мандат во последните 20 години нма изборите во април, но неодамна падна од два до три поени во анкетите бидејќи разликата меѓу него и кандидатката на крајната десница Марин Ле Пен се намалува, пренесува британски „Гардијан“.

Иако се уште е фаворит, следните 10 дена од кампањата се сметаат за важни поради гневот на граѓаните поради порастот на трошоците за живот, разочараноста од нивото на дебата во кампањата и политиката воопшто.

Сакам митинзи, но ајде да размислиме со ладни глави - не можам многу! - изјави Макрон неодамна на телевизија, објаснувајќи дека наместо тоа бил на меѓународни самити и се занимавал со дипломатија за Украина.

Макрон, откако дојде на власт во 2017 година, ветувајќи дека ќе ја трансформира Франција со нов политички стил кој не беше ниту лев ниту десен, има околу 27 отстоу, а по него е Ле Пен со околу 17 отсто поддршка од гласачите.

Ле Пен ја доби довербата на граѓаните по жестоката кампања за кризата на трошоците за живот во Франција, пишува „Гардијан“.

Но, ако Макрон се соочи со Ле Пен во вториот круг од изборите на 24 април, се предвидува дека резултатот ќе биде многу „потесен“ отколку кога победи пред пет години со 66 отсто. Една анкета оваа недела покажа дека Макрон има 53 отсто, наспроти 47 проценти за Марин Ле Пен.

Постојано се зголемува и француската поддршка за третиот кандидат, левичарот Жан Лук Меланшон, а воздржаноста може да достигне и 30 проценти.

Од оние кои велат дека ќе гласаат, четворица од 10 сè уште не се сигурни за кого - што придонесува за поголем степен на непредвидливост.

Повеќето француски гласачи веруваат дека Макрон ќе води на прашањата околу војната во Украина, што на почетокот изгледаше како да ја зацврсти неговата позиција. Неговите ривали, пак, и од десницата и од левицата, го обвинуваат дека избегнува политичка дебата.

Кога Макрон ги „засука ракавите“ и отиде на првата прошетка до Бургундија оваа недела, го пречекаа поплаки за цените на горивото, трошоците за живот и извиците „Ние сме оданочени цела година!“.

Макрон изјави дека Франција потрошила 20 милијарди евра на мерки за помош на оние кои се борат и дека „Франција направила повеќе од нејзините соседи“.

Предизвикот на Макрон во наредните денови е да предизвика ентузијазам за неговата изборна кампања.

Поддршката на Макрон од левиот центар - која беше клучна за неговата победа на изборите во 2017 година - е во пад, додека неговата поддршка од десниот центар се зголеми.

Но, по ветувањето новини и свежи идеи на последните претседателски избори, неодамнешната анкета на Елабе покажа дека, овој пат, само помалку од еден од пет луѓе сметаат дека програмата на Макрон е иновативна.

Опозициционерите, вклучително Ле Пен, Меланшон и екстремно десничарскиот ТВ експерт, Ерик Земур, го нападнаа Макрон поради извештајот на Сенатот дека француските министерства повеќе од двојно ги зголемиле трошоците за меѓународни консултантски фирми, вклучително и американската „Меккинси“, помеѓу 2018 и минатата година.

Кандидатот на Партијата на зелените, Јаник Задо, го нарече непристојно плаќањето на приватни консултанти.

Макрон, пак, изјави дека се почитуваат сите правила.

The post Макрон тргна во кампања за резибор, Ле Пен добива се поголема поддршка пред претседателските избори во Франција appeared first on Република.

Француските екстремно десничарски претседателски кандидати Марин Ле Пен и Ерик Земур ги собраа неопходните 500 потписи (спонзорства) потребни за учество на изборите во април.

Според францускиот Уставен совет, Земур добил 620 потписи или спонзорства, а Марин Ле Пен 503, објави „Ле Монд“.

Кандидатите имаат рок до 4 март да ги соберат потребните 500 потписи или спонзорства за поднесување кандидатура. Спонзорствата се потписи за поддршка на избраниот кандидат од пратеници, советници и други функционери избрани на парламентарните и локалните избори.

Според претходните анкети, рејтингот на Ле Пен и Земур е значително помал од оној на актуелниот претседател Емануел Макрон. Тој се смета за фаворит на претседателските избори, иако се уште официјално не ја поднел својата кандидатура.

Според најновото истражување, се очекува Макрон да освои 25 отсто од гласовите во првиот круг од претседателските избори, што е закажан за 10 април. Ле Пен би можела да освои 17 отсто, а Земур 14 отсто.

The post Eкстремно десничарските кандидати за претседател на Франција ги обезбедија неопходните потписи за учество на изборите appeared first on Република.